Төлем көзінен салық салынатын біржолғы төлемдерден түскен табыс
Тақырыбы: Жеке табыс салығы, салық жүйесіндегі оның рөлі мен мәні
МАЗМҰНЫ
КІРІСПЕ
Қазақстан Республикасы егемендік алып, тәуелсіз мемлекет болғанына да, міне, он жеті жыл болды. Осы кезең аралығында салық жүйесіне көптеген өзгерістер енгізілді.
Қазақстан Республикасы Конституциясының 35-бабында «Заңды түрде белгіленген салықтарды, алымдарды және өзге де міндетті төлемдерді төлеу әркімнің борышы әрі міндеті болып табыладың деп атап көрсетілген.
Салықтар мемлекеттің саяси және экономикалық қызметтерін қаржыландырудың негізгі көзі болып табылады.
Сонымен, мемлекеттің нарықтық экономикаға ықпал ететін экономикалық рычагтарының арасында салықтың орны ерекше. Нарықтық экономикада, әсіресе өтпелі кезеңде мемлекеттің салық жүйесі экономиканы мемлекеттің қаржы-несие механизмін реттеудің маңызды тетігі. Мемлекет салық саясатын нарықтың теріс көріністерін жоятын әсерін азайтатын реттегіш механизм ретінде қолданады. Салықтар және салық жүйесі экономиканы нарық жағдайында басқарудың бірден-бір тиімді құралы. Бүкіл халық шаруашылығының қалыпты жұмыс істеуі салық жүйесінің дұрыс ұйымдастырылуына байланысты.
Алдыңғы қатарлы дамыған батыс елдерінде салықтарды жоспарлаумен мемлекеттік деңгейде де қатар, компаниялар деңгейінде де айналысады. Әрине, мемлекет салықтық түсімдерді көбірек жинағысы келеді, ал кәсіпкерлер соғұрлым аз төлемдер төлеуге ұмтылатыны түсінікті. Бірақ мемлекет салықтық түсімдірді жоспарлағанда қандай да бір шектеулерге сүйенеді. Егер салық мөлшерлемесі жоғары болса бұл компаниялардың банкроттыққа ұшырауынан бастап, олардың салық төлеуден жалтаруына сөйтіп «жасырын экономикағаң ауысуына ықпал етеді. Екінші жағынан салықтық жеңілдіктерді қолдану кәсіпкерлерді қосыМша инвестициялар жасау арқылы олардың өндірістік күштерін ұлғайтуға мүмкіндік беруі мүмкін, ал бұл болашақта мемлекет үшін салық салу базасының ұлғаюына алып келеді.
Салықтарды қолдану арқылы мемлекет әртүрлі мүдделері бар экономикалық субъектілерді ортақ мақсатта жұмыс істеуге ұмтылдырып, осы мақсатқа жету үшін оларды ынталандырып, қызығушылықтарын арттыру қажет. Салықтар көмегімен ішкі экономикалық көрсеткіштер реттелуімен қатар сыртқы байланыстар салаларында да біраз қызмет түрлерін жүргізіп оларды бақылауға мүмкіндік береді. Салық және салық салуды жетілдіру арқылы, мысалы, сыртқы инвестиция тарту механизмдерін жетілдіруге болады. Салықтардың көмегімен мемлекет өзінің ең басты қоғамдық функцияларын жүзеге асыру үшін қажетті ресурстарды жинақтауға мүмкіндік алады. Салықтар мен алымдар көмегімен мемлекттің әлеуметтік қамсыздандыру шығындары қамтамассыз етіледі, яғни табыстар қайта бөлініске ұшырайды. Салық жүйесі халық арасындағы табыстарды бөлудің соңғы сатысы болады. Басқарудың әкіМшілік-директивалық әдістерінен экономикалық реттеу әдістеріне өту кезеңінде салықтардың маңызы арта түсті. Салықтарды салық механизмі арқылы реттеп отыру көмегімен мемлекет экономикалық дамытылуы қажет салаларға еркін салық саясатын, ал қаржы-шаруашылығы нәтижелері тиімсіз кәсіпорындарды жою саясатын жүргізу арқылы экономиканы реттеуші баланстық механизм қызметін қатар атқарады.
Соның ішінде жеке табыс салығының орны ерекше деп есептеймін. Себебі, жеке табыс салығы - жеке тұлғалардың ең бірінші кезекте төлейтін салығы болып саналады, тапқан табыстарынан немесе табыс көздерінің бір бөлігін салық ретінде аударып отырады және осы дипломдық жұмыстың маңызы болып табылады.
Қазақстан Республикасының Президенті Н. Назарбаев халыққа арнаған Жолдауында жеке табыс садығының ставкаларын төмендетіп, салық төлеу тәртібін оңтайлы етіп, белгілі бір жүйеге келтіруді атап өтті, яғни мұны жеке тұлғаларға халықтың әлеуметтік жағдайының жақсаруына қосқан үлесі ретінде қарауға болады.
Жеке табыс салығы алғашқы салықтардың бірі.
Салық кодексі қабылданғанда дейінгі кезеңде бұл салық түрі «жеке тұлғалардың табыстарына салынатын табыс салығың деп аталатын. Салық кодексі қабылданып, бұл атау қысқарып, халықаралық стандартқа сәйкес, «жеке табыс салығың деп аталды.
Жеке табыс салығын - салық салу объектілері бар жеке тұлғалар төлейді.
Резидент емес жеке тұлғалар жеке табыссалығы бойынша салықты есептеп, төлейді және жеке табыс салығы бойынша салық декларациясын табыс етеді.
Дипломдық жұмыстың мақсаты - Қазақстан Республикасында жеке табыс салығының мәні және салық жүйесіндегі оның рөлі.
Жоғарыдағы мақсатқа жету үшін келесі міндеттерді орындау қажет:
- жеке табыс салық ұғымы және салық жүйесінің теоретикалық аспектілерін маңызын анықтау;
- мемлекеттік бюджетті қаржыландыруда жеке табыс салық түсімдерін жетілдіру жолдарын көрсету.
Дипломдық жұмыс Ақмола облыстық салық комитеті мен облыстық қаржы басқармасының материалдары, сонымен бірге осы Астана облысы бойынша ғылыми жарияланымдар пайдаланылған.
Дипломдық жұмысты жазу барысында Қазақстан Республикасының нормативтік-құқықтық актілері, оқулықтар, отандық және шетел экономист-ғалымардың ғылыми жұмыстары, заң жобалары, газет баспалары және т. б. қолданылды.
1 ЖЕКЕ ТАБЫС САЛЫҚ ҰҒЫМЫ ЖӘНЕ САЛЫҚ ЖҮЙЕСІНІҢ ТЕОРИЯЛЫҚ АСПЕКТІЛЕРІ
1. 1 Салықтардың экономикалық мәні, салық салудың принциптері және түрлері
Салықтар - барлық елдерде олардың қоғамдық экономикалық құрылысы мен саяси іс бағытына қарамастан ұлттық мемлекет кірістерінің негізгі көзі - ұлттық табысты қайта бөлудің басты қаржылық инструменті мемлекеттің кірістерін және бюджеттің кірістерін қалыптастырудың шешуші көзі болып табылады.
Салықтардың экономикалық мәні мемлекеттің заңды және жеке тұлғалармен қалыптасатын ақша қарым-қатынастарымен сипатталады, сондықтан салықтар экономикалық категория ретінде қаралуы мүмкін. Салықтарда мемлекеттің экономикалық мазмұны нақты түрде көрінеді, ал салықтардың әлеуметтік-экономикалық мәні, олардың түрлері мен рөлі қоғамның экономикалық құрылысымен, мемлекеттің табиғатымен және функцияларымен айқындалады. Белгілі философ Фрэнсис Бэкон салықтарды төлеу әрбір азаматтың қасиетті борышы деген еді.
Салықтардың әлеуметтік-экономикалық мәні мен мазмұны олар атқаратын функцияларда толық ашыла түседі. Қазіргі кезде салықтар фискалдық, реттеуші және қайта бөлу сияқты негізгі үш функцияны орындайды. Бұлардың әрқайсысы осы қаржы категориясының ішкі қасиетін, белгілері мен ерекшеліктерін білдіреді.
Фискалдық функция - барлық мемлекеттерге тән негізгі функция. Оның көмегімен бюджеттік қор қалыптасады, мұның өзі салықтардың қоғамдық міндеттерін арттыра түседі. өйткені салықтар мемлекеттік бюджеттің кірістерін толыстыра отырып, экономиканы, әлеуметтік-мәдени шараларды жүзеге асыруды қамтамасыз етеді.
Салықтардың реттеуші функциясы мемлекеттің экономикалық қызметінің ұлғаюымен байланысты пайда болады. Ол халық шаруашылығының дамуына қабылдаған бағдарламаларға сәйкес ықпал етеді. Бұл кезде салықтардың нысандарын таңдау, ставкаларының алу әдістерінің өзгеруі, жеңілдіктермен шегермелер пайдаланылады. Бұл реттегіштер қоғамдық ұдайы өндірістің құрылымына, қордалану мен тұтыну ауқымына ықпал етеді.
Қайта бөлу функциясы арқылы түрлі субъектілер табысының бір бөлігі мемлекет қарамағына өтеді. Бұл функцияның іс-әрекетінің көлемі ішкі жалпы өнімде салықтардың алатын үлесі арқылы анықталады.
2001 жылғы 12 маусымда қабылданған “Салық және бюджетке төленетін басқа да міндетті төлемдер туралы” Қазақстан Республикасының Салық кодексі бойынша салық салу объектілерін есепке алу және оларды бағалау тәсілдеріне қарай салық алудың мынадай төрт әдісі қолданылады: кадастрлық, салық төлеушінің декларациясы бойынша, табысты алу көзінен ұстап қалу, патенттік негізде.
Бірінші жағдайда салықты есептеу мен оны алу, салық салу объектілерінің табыстылық (жер салығы, мүлік салығы) нормасын көрсете отырып, олардың тізімі негізінде жүзеге асырылады.
Декларацияда салық төлеушілер табыстың көлемін қажетті жеңілдіктерді, шегермелерді көрсетеді және салықтың сомасын есептейді.
Жылдық жиынтық табыс пен шегеріс жасау туралы декларацияны мына салық төлеушілер салықты тіркейтін жердегі салық службасы органдарына есепті жылдан кейінгі жылдың 31 наурызына дейін тапсырады:
- заңды тұлғалар, дербес салық төлеушілер болып табылатын олардың филиалдары, өкілдіктері мен өзге оқшауланған құрылымдық бөлімдері;
- Қазақстан Республикасындағы төлем көздеріне салық салынбайтын табыстары бар жеке тұлғалар;
- салық жылы құрылыс салған немесе сомасы 500 айлық есептік көрсеткіштерден астам ірі сатып алу жасаған жеке тұлғалар (тұрғын үй салу және осындай құрылыс үшін ірі құрылыс материалдарын сатып алудан басқа) ;
- Қазақстан Республикасынан тысқары орналасқан шетел банктеріндегі шоттарда ақшасы бар жеке тұлғалар;
- Қазақстан Республикасынан тысқары жерлерден табыс алушы жеке тұлғалар;
- Қазақстан Республикасы Парламенті мен мәслихаттардың депутаттары, сондай-ақ мемлекеттік қызметшілер үшін қаралған заң нормалары таралған тұлғалар;
- Қазақстан Республикасында тұрақты мекеме арқылы қызметін жүзеге асыратын резидент еместер.
Салық төлеушінің Қазақстан Республикасындағы кәсіпкерлік қызметі аяқталған кезде салық службасы салық төлеушіден себебі мен күні, декларацияның қашан және қай кезеңде тапсырылуы тиіс екенін көрсете отырып, жазбаша хабарлама беру жолымен 12 айдан кем кезеңдегі табысы туралы декларацияның табыс етуін талап ете алады.
Табыстар туралы және табыстар мен мүлік туралы мәліметтер Қазақстан Республикасы заңы белгіленген нысан мен тәртіп бойынша беріледі.
Үшінші әдіс бойынша салық төлеуші жұмыс істейтін ұйымның, мекеменің бухгалтериясы одан салықты табыс алынған жерде есептеп, ұстайды (төлейді) .
Төлем көздерінен табыс салынған ұстауды мына тұлғалар жүргізуге міндетті:
- еңбек шарты немесе мердігерлік (жалдау) бойынша жұмысы үшін жеке тұлғаларға жасалған төлемдерден және басқа төлемдерден кәсіпкерлік қызметпен шұғылданатын заңды немесе жеке тұлға (кәсіпкерлік қызметтің субъектілері ретінде тіркелген жеке тұлғаларға жасалған төлемдерді қоспағанда) :
- заңды және жеке тұлғаларға дивидендтер төлейтін резидент заңды тұлға;
- дивидендтер мен сыйақы (мүдде), сақтық төлемдер, телекоммуникациялық немесе көлік қызметтері, роялти, басқару және консультациялық қызметті қоса алғанда қызмет көрсетуден түсетін табыстар, жалдау жөніндегі табыстар жғне басқа табыстар мен төлемдерді жүзеге асыратын заңды немесе жеке тұлға;
- шаруашылық жүргізуші субъектілер қызметкерлеріне тура немесе жанама табыстары болып табылатын кәсіпкерлік қызметпен байланысты емес шығындарды - төлемдерді төлейтін заңды немесе жеке тұлғалар.
- орналастырылған зейнетақы активтері бойынша жинақтаушы зейнетақы қорларына төленетін инвестициялық табыстарға төлем көзінде табыс салығы салынбайды.
Төртінші әдіспен салық кәсіпкерлік қызметтің сан-алуан түрлеріне берілетін патент негізінде төленеді.
Салықтарды салу объектісі бойынша олар тура және жанама салықтар болып бөлінеді.
Тікелей табысқа немесе (пайдаға, мүлікке, жерге салынған салық, табыс салығы) салынатын салықтар тура салықтарға жатады.
Тура салықтар өз кезегінде нақты және жеке салықтарға жіктеледі. нақты салықтар салық төлеушілердің мүлкінің (меншігінің) кейбір түрлеріне (үй, жер, кәсіп, ақшалай капитал және тағы басқалар) салынады. Жеке тура салықтар - бұл жеке адамдар мен заңды ұйымдардың табыстары мен мүлкіне салынатын салықтар. Нақты салықтардан айырмашылығы - жеке салық салу әрбір салық төлеушінің жеке табысы мен мүлкін де, оның қаржы жағдайын да ескереді. өз кезегінде жанама салықтар да бірнеше топқа бөлінеді. Олардың құрамында мыналарды ажыратуға болады: акциздер, қосымша құнға салынатын салық, кеден баждары және басқалары.
Жанама салықтар салудың мәні салықтың тауар бағасына (немесе қызметтің тарифіне) қосылатындығына, кіретіндігінден болады. Бұл жағдайда салықты тауардың (қызметтің) нақты тұтынушысы төлейді, алайда тұтынушы мен мемлекет арасында тікелей байланыс болмайды.
Салықты алатын және оған билік жасайтын органға қарай әдетте мемлекеттік және жергілікті салықтарды ажыратады.
Пайдалану тәртібіне қарай барлық салықтар жалпы және мақсатты (арнайы) болып бөлінеді.
Жалпы салықтар тиісті деңгейлердегі бюджеттерде шоғырландырылады және жалпы мемлекеттік қажеттіліктерді қаржыландыруға пайдаланылады. Мақсатты (арнайы) салықтардың нысаналы арналымы болды және әдеттегідей түрлі арнайы қорлардың қаржы базасын құруға арналады.
Объектінің экономикалық белгілері бойынша табысқа салынатын салықтар және тұтынуға салынатын салықтар болып ажыратылады. Табысқа салынатын салықтар төлеушінің салық салынатын кез келген объектіден алған табыстарынан алынады. Тұтынуға салынатын салықтар - бұл тауарлар мен қызметтерді тұтыну кезінде төленетін шығынға салынатын салықтар.
Қазақстан Республикасының қазіргі салық жүйесі салықтарды құру мен алудың нақтылы әдістерін анықтайды, салықтың тиісті элементтері арқылы салық салудың тәртібін белгілейді, яғни салық механизмін құрайды.
Сурет 1. Салықтық жоспарлау механизмінің элементтері
Салық субъектісі немесе төлеуші - салықты және басқа да төлемдерді бюджетке төлеуші тұлға.
Салық объектісі - мүлік пен іс әрекеттір салық объектілері.
Салық базасы - салық салу объектісі мен салық салуға байланысты объектінің құндық, заттай немесе өзге де сипаттамалары, олардың негізінде бюджетке төленуге тиіс салықтар және басқа да міндетті төлемдердің сомасы анықталады. Салықтық негізгі базасы мыналар болып табылады:
- Табысқа салынатын салық.
- Тауарларға салынатын салықтар.
- Капиталға салынатын салық.
Салық мөлшерлемесі салық базасының өлшем бірлігіне салық есептеулерінің шамасын білдіреді. Салық салу практикасында мөлшерлемелердің мынадай түрлерін ажыратады:
-тұрақты салық мөлшерлемесі. Олар табыс көзіне қарамастан, салық салу бірлігіне абсолюттік сомада белгіленеді (мысалы, мұнайдың 1 тоннасына, газдың 1 текше метріне) ;
-үйлесімді салық мөлшерлемесі. Олар салық объектісіне бірдей пайыздық қатынаста іс-әрекет етеді;
-прогрессивті салық мөлшерлемесі. Бұл жағдайда прогрессивті салық мөлшерлемесі табыстың артуына қарай өсіп отырады;
-регрессивті салық мөлшерлемесі. Олар табыстың өсуіне қарай төмендейді және табысы көп тұлғаларға тиімді болып келеді.
Салықтық бақылау - салық органдарының салық заңнамасының орындалуын, жинақтаушы зейнетақы қорларына міндетті зейнетақы жарналарының толық және уақтылы аударылуын бақылауы. Салықтық бақылау мынандай нысандарда жүзеге асырылады:
1. Салық төлеушілерді тіркеу есебі.
2. Салық салу объектілері мен салық салумен байланысты объектілерді есепке алу.
3. Бюджетке түсетін түсімдерді есепке алу.
4. Қосылған құнға салынатын салықты төлеушілерді есепке алу.
5. Салық тексерістері.
6. Салық төлеушілердің қаржы-шаруашылық қызметінің мониторингі.
7. Фискалдық жады бар бақылау -касса машиналарын қолдану ережелері.
8. Акцизделетін тауарлардың кейбір түрлерін таңбалау және акциздік постыларды белгілеу.
9. Мемлекет менішігіне айналдырылған мүлікті есепке алу, бағалау және сату тәртібін сақтауды тексеру.
Кедендік бақылау комитеті өз құзыры шегінде Қазақстан Республикасының кеден шекарасы арқылы тауарлардың өтуімен байланысты төленуге тиіс салықтарды және бюджетке төленетін басқа да міндетті төлемдерді өндіріп алу жөніндегі салықтық бақылауды Салық кодексіне және кеден заңнамасына сәйкес жүзеге асырылады.
Қазақстан Республикасының салық заңдары салық және бюджетке төленетін басқа да міндетті төлемдерді төлеудің міндеттілігі, салық салудың айқындығы, әділдігі, салық жүйесінің біртұтастығы және салық заңының жариялығы принципіне негізделеді.
Қазақстан Республикасының салық заңдарының ережелері осы Кодексте белгіленген салық салу принципіне қайшы келмеуге тиіс.
Салық салудың принципі мынадай түрлерге бөлінеді:
- Салық салудың міндеттілігі принципі. Салық төлеуші салық заңдарына сәйкес салық міндеттерін толық көлемінде және белгіленген мерзімдерде орындауға міндетті.
- Салық салудың айқындығы принципі. Қазақстан Республикасының салық және бюджетке төленетін басқа да міндетті төлемдері айқын болуға тиіс. Салық салу айқындығы салық төлеушінің салық міндеттері туындауының, орындалуының, тоқтатылуының барлық негіздері мен тәртібін салық заңдарын да белгілеу мүмкіндігін білдіреді.
- Салық салудың әділдігі принципі. Қазақстан Республикасында салық салу жалпыға бірдей және міндетті болып табылады. Жеке сипаттағы салық жеңілдіктерін беруге тыйым салынады.
- Салық жүйесінің біртұтастығы принципі. Қазақстан Республикасының салық жүйесі Қазақстан Республикасының бүкіл аумағында барлық салық төлеушілерге қатысты біртұтас болып табылады.
- Салық заңдарының жариялылығы принципі. Салық салу мәселелерін реттейтін нормативтік құқықтық актілер ресми басылымдарда міндетті түрде жариялануға тиіс.
Салықтар - бұл заңды белгіленген ретпен тұрғындардан, кәсіпорындардан, мекемелерден алынатын міндетті төлемдер жүйесі.
Салықтың негізгі көзі мыналар болып табылады (кесте 1) .
1 Кесте- Салықтың негізгі көздері
Қазақстан Республикасы аумағында қолданылатын салықтар тура және жанама болып табылады. Жанама салықтарға қосылған құнға салынған салық және акциздер жатады. Басқа салықтар тура салықтарға жатады.
Салық түрлері 2 кестеде көрсетілген.
Кесте 2- Салық түрлері
Корпорациялық табыс салығы. Корпорациялық табыс салығын төлеушілерге ҚР-ның Ұлттық Банкі мен мемлекеттік мекемелерді қоспағанда, Қазақстан Республикасының резидент заңды тұлғалары, сондай-ақ Қазақстан Республикасында қызметін тұрақты мекеме арқылы жүзеге асыратын немесе Қазақстан республикасындағы көздерден табыс табатын резидент емес заңды тұлғалар жатады.
Салық салу объектілері:
-салық салынатын табыс;
- төлем көзінен салық салынатын табыс;
- ҚР-да қызметін тұрақты мекеме арқылы жүзеге асыратын резидент емес заңды тұлғаның таза табысы корпорациялық табыс салығы салынатын объектілер болып табылады.
Жеке табыс салығы. Салық кодексінің 143 бабына сәйкес айқыдалатын салық салу объектілері бар жеке тұлғалар жеке табыс салығын төлеушілер болып табылады. Жеке табыс салығы негізінен қызметкерлердің алатын еңбекақыларынан ұсталынады.
Салық салу объектілері. Салық кодексінің 144-бабында көрсетілген табыстарды қоспағанда, жеке табыс салығы салынатын объектілер мыналар:
1. Төлем көзінен салық салынбайтын табыстар.
2. Төлем көзінен салық салынатын табыстар және оған жататындар:
- қызметкердің табысы;
- біржолғы төлемдерден алынған табыс;
- жинақтаушы зейнетақы қорларынан берілетін зейнетақы төлемдері;
- дивидендтер, сыйақылар, стипендиялар және т. б.
145 баптың 1 тармағы бойынша жеке табыс салығы көрсетіледі.
Жеке табыс салық ставкаларына төмендегілерді жатқызуға болады (кесте 3) .
Кесте 3- Жеке табыс салық ставкалары
Әлеуметтік салық. Әлеуметтік салық төлеушілер мыналар:
- Қазақстан Республикасының резидент заңды тұлғалары, сондай-ақ Қазақстан Республикасында қызметін тұрақты мекемелер арқылы жүзеге асыратын резидент еместер.
- Жеке кәсіпкерлер.
- Жеке нотариустар, адвокаттар әлеуметтік салық төлеушілер (бұдан әрі- салық төлеушілер) болып табылады.
Заңда тұлғаның шешімі бойынаш оның құрылымдық бөлімшелері әлеуметтік салық төлеушілер ретінде қарастырылуы мүмкін.
Салық салу объектісі:
... жалғасыСіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz