Мұнай және газ өндіру теникасы мен технологиясы

Жұмыс түрі: Дипломдық жұмыс
Тегін: Антиплагиат
Көлемі: 106 бет
Таңдаулыға:

МАЗМҰНЫ

КІРІСПЕ

1 Геологиялық бөлім

1. 1 Кен орны туралы жалпы мәліметтер

1. 2 Стратиграфия

1. 3 Тектоника

1. 4 Мұнайгаздылығы

2 Технологиялық бөлім

2. 1 Кен орынды игеру жүйесі

2. 1. 1 Игерудің ағымды жүйесін талдау

2. 1. 2 Ұңғылар қорының және олардың ағымдағы дебиттерінің, игерудің технологиялық көрсеткіштерін талдау

2. 1. 3 Мұнай және газ қорларының өндіруін талдау

2. 1. 4 Кеніштің энергетикалық жағдайының сипаттамасы, игеру режимдері

2. 1. 5 Қабатты және ұңғыны гидродинамикалық зерттеу

2. 1. 6 Қабат қысымының жүйесі және қабаттардың қолданыстағы мұнай бергіштігін арттыру әдістері

2. 2 Мұнай және газ өндіру теникасы мен технологиясы

2. 2. 1 Ұңғыларды пайдалану тәсілдеріндегі көрсеткіштерінің сипаттамасы 2. 2. 2 Ұңғыларды пайдалану кезінде қиындықтың алдын-алу шаралары және олармен күрес

2. 2. 3 Ұңғы өнімдерін кәсіптік жинау және дайындау жүйесінің талаптары мен оларға ұсыныстар

2. 3 Арнайы бөлім

2. 3. 1 Теңіз кен орнында қабатқа әсер ету тақырыбына қысқаша шолу

2. 3. 2 Ұңғыма түбіне тиісті аймақты тұз қышқылымен өңдеуді есептеу

2. 3. 3 Компьютерлік программаларды қолдану арқылы есептеу

3 Экономикалық бөлім

3. 1 Кен орнын игерудің технико-экономикалық көрсеткіші

3. 2ҚГЖ-ның экономикалық тиімділік есебі

4 Еңбекті қорғау бөлімі

4. 1 Кәсіпорындағы қауіпті және зиянды факторлар

4. 2 Еңбек кауіпсіздігін қорғауды қамтамасыз ету шаралары

4. 3 Электр қауіпсіздігі бойынша шаралар

4. 4 Өрт қауіпсіздігі

4. 5 Теңіз кен орнында төтенше жағдайды алдын алу шаралары

5 Қоршаған ортаны қорғау бөлімі

5. 1 Атмосфералық ауаны қорғау

5. 2 Су ресурстарын қорғау

5. 3 Жер ресурстарын қорғау

ҚОРЫТЫНДЫ

ПАЙДАЛАНҒАН ӘДЕБИЕТТЕР ТІЗІМІ

КІРІСПЕ

Теңіз кен орны тек Қазақстанда ғана емес, дүниежүзілік алып кен орны болып саналады. Теңіз кен орнының ашылуы - дәуірлік оқиға.

70 - жылдардың басында «Ембімұнай», «Саратов мұнай геофизикасы», «Ембімұнай - геофизикасы» бірлестіктері, сондай - ақ Геология жіне жанғыш тақтатастар институты (Мәскеу) және Қазақ геология - барлау ғылыми - зерттеу институты (КазНИГРИ) Каспий маңы ойпаты бойынша геология - геофизикалық зерттеулер жүргізіп, құжаттарға мұқият талдау жасады.

1974 жылдың желтоқсаныында, осы сұлба бойынша сынау жағдайында тұңғыш рет Теңіз кен орнында №1 ұңғымада тұзастылық орта таскөмір түзілімдерінен (4054 - 4095 м) тәулігіне 380 тонна жеңіл мұнай атқылады.

1979 жылы Теңіз кен орнының ашылуы мен бағалануы Қазақстан мұнай өнеркәсібінің шикізаттық базасын ұлғайтып, маңыздылығы бойынша бірінші қатарлы өнеркәсіптік нысан қатарына қосты. Теңізді ашу және бағалаудың ғылыми - тәжірибелік қорытындысы Каспий маңы ойпатының Қазақстандық жабындық белдемінде тұзастылық түзілімдер бойынша көмірсутектердің үлкен қорының бар екендігін дәлелдеу мен растау болып саналады.

Теңіз кен орнының жер қойнауын игеруші 1993 жылы 2 сәуірде берілген «Мұнай мен газды барлау және игеру лицензиясы» және 1995 - 2032 жж. аралығында Геология министрлігіның «Жер қойнауын пайдалану» мен ҚР - ның «Жер қойнауын қорғаудың» №16 келісімі негізінде құрылған «Теңізшевройл» жауапкершілігі шектеулі серіктестік болып табылады.

1993 жылдың 6 сәуірінен бастап, «Теңізшевройл» ЖШС кен орынды пайдалануды жүзеге асыруға кірісті. Кеніштің өндірілетін мұнай қоры 750 млн. тоннадан 1, 125 млрд тоннаға дейінгі шамада бағаланып отыр, болжамды геологиялық қорының көлемі 3, 133 млрд. тоннаны құрайды. 1, 8 триллион текше метрден астам ілеспе газымен бірге Теңіз аса ірі кен орындарының бірі ретінде игерудің жоғары нәтижелілігі мен өндірудің ерекше түрлілігімен пайдаланылу үстінде.

1. Геологиялық бөлім

Кен орны туралы жалпы мәліметтер

Әкімшілік жағынан алғанда Теңіз кен орны Қазақстан Республикасы-ның Атырау облысындағы Жылыой ауданында орналасқан.

Географиялық жағынан кен орын Каспий маңы бассейнінің оңтүстік - шығыс бөлігінде орналасқан. Осы аймақтағы барланған мұнай қорының негізгі бөлігі басейіннің перифериясы бойынша палеозой қимасының тұз асты бөлігіне кіреді. Бұл жерде Теңіз кен орнынан басқа тұз асты қабатына жататын бірнеше мұнай, газ және конденсат кен орындары бар.

Оларға Қарашығанақ, солтүстіктегі Оренбург, Кеңқияқ және солтүстік-батыстағы Жаңажол, батыстағы Астрахань сияқты кен орындары және жақында ашылған Каспий теңізі шельфінің солтүстік-шығыс бөлігінде орналасқан Қашаған кен орны жатады.

Теңіз кен орны диаметрі 500 км болатын ірі шеңбер тәрізді карбонатты құрылым кешенінің бөлігі болып табылады және бұл құрылымға Королев, Каратон, Тәжғали, Пустынная және Қашаған кен орындары кіреді.

Рельефтің орташа абсолюттік белгілері минус 25 м құрайды.

Шөл далаға лайықты, территория өсімдіктері кедей және тікенекті. Жантақ, жусан көп тараған әр жерде қамыста кездеседі. Өсімдік әлемінің ке-дейлігіне тәуелді жануар әлемі де аса байлығымен ерекшеленбейді, жануарлар әлемінің басым бөлігін кемірушілер тобы құрайды. Өзендер жүйесі жоқ .

Аймақ климаты күрт континентальді қысы суық (-30 ⁰ С дейін), жазы ыстық (+ 45 ⁰ С дейін) . Әдетте қар қарашаның ортасына таман түсіп, наурыздың аяғына дейін сақталады. Топырақтың қату тереңдігі 1, 5-2 м жетеді.

Жауын шашынның негізінен көктемгі және күзгі мезгілдерінде жауады, оның жылдық орташа көлемі 200 мм аспайды. Аймақ күшті желдермен сипатталады: қыста шығыс және солтүстік-шығыс бағытындағы, жазда батыс және солтүстік батыс бағытындағы желдер басым болып келеді. Қыста қарлы борандар, жазда құрғақ желдер және құмды борандар жиі болып тұрады.

Бұл сәйкессіздіктер теңіз деңгейінің ауытқуы (әсіресе мұздану дәуірінің басы - башкир ғасыры кезінде), теңіз түбінің жүргізілуі және тектоникалық белсенділіктің нәтижесінде болды. Тектоникалық іс-әрекеттердің анағұрлым маңызды периодтары - олар герциндік тектоногенездің бретондық, судеттік және оралдық дәуірлер.

1. 1-сурет. Ауданның шолу картасы

1. 2 Стратиграфия

Теңіз кен орнында төрттіктен жоғарғы девонға дейінгі жастағы шөгін-ділер ашылған. Негізінен шөгінділер қимасында үш ірі литолого-стратигра-фиялық кешен бөлінеді: тұзасты (жоғарғы девон - артиндік), тұзды (кунгур) және тұзүсті (1жоғарғы пермь - төрттіктер) .

Тұзасты шөгінділер негізінен әртүрлі корбанатты жыныстармен көр-сетілген. Керн материалдары мен корреляция мәліметтерін талдау бойынша стратиграфиялық ярустарға бөлу нақтырақ жүргізілген. Ашылған карбонатты шөгінділердің қалыңдығы 100 ден 300 метрге аралығында ауытқиды. Т-22, Т-24 ұңғыларында қалыңдық 1000 метрге жетеді.

Атриндік шөгінділер көбінесе қайта шөккен әктас сынықтары бар терригенді жыныстардан түзілген. Күмбезді бөлігіндегі көтерілім қалыңдығы 20 дан 100 метр аралығында ауытқиды. Қанатында қалыңдық 700-1000 метрге дейін артады.

Кунгур жасындағы тұзды шөгінділер сульфатты-галогенді жыныстар-мен көрсетілген және үшмүшелі құрылымнан тұрады: астарлап жатқан ан-гидрит қабатынан, тас тұзы және жауып жатқан қабат - ангидриттен тұрады. Кунгур шөгінділерінің қалыңдығы 500 ден 1700 метрде өзгереді.

Тұзүсті кешені негізінен бүкіл оңтүстік - шығыс Каспий маңы ойпа-тына тән терригенді шөгінділермен көрсетілген.

Теңіз коллекторы үш негізгі блокқа бөлінген: объект 3 (девон шөгін-ділері) ; объект 2 - туль шөгінділері, «Тула» (ерте - орта визей және турней) ; және объект 1 (башкир шөгінділері, серпухов ярусы, жоғарғы визей) .

Палеозой тобы - Pz

Девон жүйесі D

Теңіз платформасының девон шөгінділері 3 объект ретінде қарасты-рылады. Теңіздің карбонатты платформасы болжам бойынша өзінің өсуін ортаңғы девондағы терригенді шөгінділерден тұратын жергілікті палео-рельефті биіктіктерде бастаған. Девон кезеңінің соңына қарай карбонатты платформаның жалпы қалыңдығы 2300 метрге жетті. Девон коллекторының шамамен 500 метрі 5450 метрді құрайтын болжамды СМЖ деңгейінен жоғары жатқан мұнай бағанасына қосылған.

Теңіз кен орнында девон шөгінділеріне тек қана екі ұңғы жеткен. Т-10 ұңғысы девонның төмен жатқан астарлаушы қабатқа 100 метр тереңдікке жеткен және оның жалпы өту тереңдігі шамамен 5372 метрді құрады. Қазіргі кезде «Тенгизшевройл» ЖШС-да осы арылықтан екі, ұзындығы 5 см керн үлгісі ғана бар. Терең зерттеулерден кейін бұл сынықтар құрамында пелоидтар және кіші фораминиферлер, криноидеилер және балдырлары бар пак-стоун және грейнстоундардан тұрады. Т-10 ұңғысы кешкі девон карбонат түзіліміне кіргені туралы барлық белгілер бар. Девонды ашқан екінші Т-17 ұңғысы орта девон орналасқан девон қабаттарына 5095 метр тереңдікке жетті.

Т-16 ұңғы бойынша 5009 метрде девон шөгінділерінің жапсарлы зонасы бақыланады. Т-16 ұңғысы кристалдық әктасқа 250 метрге кірді. Ол жан-жақты жауып жатқан карбонды қабаттан күрт ерекшеленеді. Бұл қима ок горизонты ретінде белгілі.

Қанатта орналасқан Т-35 ұңғысында девон жабыны байқалады. Т-35 ұңғысында карбонатты жыныстардың астарлаушы қабатшасы жоқ. Девон шөгінділерінің жабыны платформада бұрғыланған ұңғыларда қанаттағыға қарағанда үлкен тереңдікте жатпау керек.

Таскөмір жүйесі - С

Төменгі бөлім - С ₁

Турней және Визей ярустары - С ₁ t, C ₁ v

II объект төменде жатқан III объектіге қарағанда жақсырақ зерттел-ген. Ол өзіне платформадағы ерте және орта Визе және Турнейдің 550-600 метрін қосады. Т-30 ұңғысында жасалған шлифтердің талдауы бойынша бұл аралықты вулкандық туф ретінде қарастыруға болады. Вулкандық туф қаба-ты кем дегенде 14 ұңғыда ашылған. Ол платформаның бортына таман және платформаның солтүстік және шығыс жақтары бойымен созылған құрылым-дық көтерілімдерде жоққа шығады.

II объектіні сынау платформада орналасқан Т-22 ұңғысымен 420 метр аралығында тұрақты керн алумен жүргізілді. Керн материалы қоңыр пак-стоуннан және онда шашыранды орналасқан криноидей сынықтарынан, мик-ритизирленген фораминиферден және балдырлардан тұрады.

Каротажды диаграммалар және кернді материал объект ІІ ашылған аралығын нашар кеуекті коллектор ретінде сипаттайды. «Тенгизшевройл» ІІ объект бойынша коллектор потенциялын толық және жан жақты бағалау мақсатында кернге терең талдау жүргізеді. Жарықшақтар ІІ объектіде қалып-ты жағдай болып табылады. Кейбір жарықшақтар ашық, кейбіреулері жарым -жартылай толтырылған, көбісі толығымен кальцидпен толтырылған. Т-39 ұңғысында біз осымен қатар горизонт бойынша карстотүзілім нәтижесінде пайда болған кеуектіліктің аномальді жоғарғы шамасын бақылаймыз.

Құрылым қанаттарындағы шөгінді жыныстарда орналасқан ІІ объект аралық ретінде, және ол девон жабыны мен І объектінің сазды байланысқан қабаттардың арасында қарастырылады. Олардың қалыңдығы 204 тен 607 метрге дейін өзгереді.

Визей, серпухов, башкир ярустары - С ₁ v, С ₁ s, С ₂ b

Объект І - бұл Визе негізіне шөккен артинск аргилиттер табанынан вулкандық туф қабатшасына дейінгі аралық. Ол үш негізгі будадан тұрады, олар башкир, серпухов және ок стратиграфиялық шөгінділер.

Визей ярусы - С ₁ v ₂

Жоғарғы Визе (ок горизонты) ІІ объектіде орналасқан вулкандық туф қабатының үстінде сәйкессіз жатыр. Түзілім жабыны жан-жақты кеуектілігі нашар қабат табанында орналасқан. Бұл осы тереңдік деңгейіне дейін жеткен Т-22 және Т-31 ұңғыларында байқалады. Қалыңдығы бойынша ок ярусы солтүстікте 170 метрден 210 метр орталық платформада және ары оңтүстікке қарай 250 метрге дейін артады.

Объект І керн материалына ең байы. Т-8, Т-22, Т-24 ұңғыларынан ок аралығынан алынған кернді материал құрамына таяз немесе өте таяз (тасу-қайту) зоналар жағдайында шөккен пакстоун және грейнстоун кіреді. Соны-мен қатар кернді материалда криноидеялар, брахиоподтар және фораминифер-лі балдырлар қалдықтары мол кездеседі.

Карсты беттердің болу мүмкіндігі окск ярусы жабынының маңында Т-8 және Т-24 ұңғыларында байқалады. Кавернді, ізді, жарықшақты және қуыс-ты кеуектер бүткіл ок ярусы бойынша жақсы байқалады, іс жүзінде ол жабын бойынша жақсы тараған. Жарықшақтардың көбісі жартылай ашық.

Бұл коллекторды моделирлеу кезінде жоғарғы бергіштікті алу мақса-тында, ок ярусы эрозионды стратиграфиялық параллельді келісімсіздіктер бойынша алты қабатқа (О1-О6) бөлінген.

Ок горизонтының орташа қалыңдығы 297 метр.

Серпухов ярусы - С ₁ s

Серпухов ярусы негізгі келісімсіздікті көрсететін латеринді тақта-таспен жабылған. Бұл келісімсіздік бірнеше миллион жылдар бойы түзілген. Тақтатастардың қабаттасуы көптеген ГК диаграммаларында толқулар туды-рады. Литологиялық ярус астарлаушы ок шөгінділеріне ұқсас және сол шөгін-ді жиналым стилінің жалғасы болып табылады. Серпухов аралығы платформа-ның ішкі қимасы бойынша, төрт отыз метрлік нашар кеуекті жынысты жіңіш-ке келісімсіздіктермен байланысқан шөгінді жыналыс циклдерінен тұрады.

Серпухов аралығы таязсулы криноидты, брахиопоидты және фора-миниферлі пакстоундармен жабылған. Ол пакстоундар микритті матрица ішіндегі мол балдырлы материалдан тұрады. Бөлек коралдар бұл жерде бағы-нышты жағдайда, бірақ сонымен бірге ашылған серпухов аралығын сипаттай-ды. Кеуектілік берілген аралықтың көп бөлігіне таралған. Ол жарықшақты, ізді, кавернді-қуысты және түйіраралық кеуектілік түрлерін көрсетеді.

Серпухов ярусы төрт шөгінді жиналым цикліне сәйкес келетін төрт зонаға (З1-З4) бөлінеді. Өндіру бойынша каротаждың мәліметтері Т-113 ұңғысымен ашылған З1 және З4 кеуекті зоналары ұңғы оқпанына 80 % флюид ағынын қамтамасыз етеді.

Серпухов ярусының орташа қалыңдығы 197 метрді құрайды.

Башкир ярусы - С ₂ b

Башкир аралығының шамамен 100 метрі Теңіз коллекторының жабыны маңындағы балдырлы-олитті тақтасты грейнстоун кешенімен түзілген. Ол перм және артин аргилиттерімен жабылады. Башкир ярусының карбонаты тереңдігі 1-2 метрге дейінгі таяз сулы бассейінде шөккен ұсақ, жұмырланған балдырлар түйірлерінен, жергілікті бай ооид мекенінен, беттік ооид және онкоидтардан құралған.

Башкир аралығының кеуектілігі серпухов және окск шөгінділеріне қарағанда біртексіз.

Шөгінді жиналу циклдерінің жоғары қарай таяздануы керн бойынша жақсы бақыланады, бірақ бұл циклдер жеткілікті жіңішке (максималды қалың-дығы 5 метр), бұл шөгінді жиналудың таязсулы жағдайда жүргендігімен түсін-діріледі.

Бастапқыда корреляцияның башкир аралығы деңгейлерінің белгілері ГК шыңдарының корреляциясына негізделген, олар тақтатас қабатшаларының болуын көрсетті. Башкир аралығында төрт белгі (Б1-Б4) орнатылған болатын. Бұл қабаттар қалыңдықтары кейбір ұңғылармен өту кезінде өзгермелі болып келеді, бұл жергілікті шайылу нәтижесі болып табылады.

Башкир ярусының қалыңдығы 204 метр.

Перм жүйесі - Р

Теңіз ауданындағы перм жүйесінің қимасы жоғарғы артин ярусасты-мен және кунгур ярусымен көрсетілген.

Жоғарғы артин ярусасты. Жоғарғы артин шөгінділері Т-1, Т-2, Т-11,

Т-15, Т-33, Т-38, Т-39, Т-41, Т-42, Т-43 және басқа да ұңғылар кернімен ашыл-ған және сипатталған. Жоғарғыартин ярусастының базальді қабаты орта және төменгі таскөмір түзілімдерінің шайылған бетінде жатыр. Қима толығырақ Т-11 ұңғысымен көрсетілген. Қиманың төменгі бөлігі ұсақ түйірлі, мол дитритті және микрофауна кешенді: остракодтар, гониатит қуыршақтары, фораминиферлі сазды қою сұр, қара дерлік әктастардан тұрады. Жоғары жағында қара тісті, аса сазды, сирек детритті ганотитті ұсақ түйірлі әктастар жатады. Жоғарғы артин ярусасты қимасы қабаттық строматолит реликтері бар строматолитті құрылымды сазды әктастармен аяқталады. Базальді қабаттың биологиялық құрамы аудан бойынша өзгереді. Т-33 ұңғысындағы аргелиттер қою-сұр, қара дерлік, жіңішкешашыранды, біркелкісіз жарықшақты. Т-38 ұңғысында қою-сұр, қара дерлік көп көлемде битумды заты бар доламитті мергельдер байқалады.

Қалыңдық 10-150 метр аралығында ауытқиды.

1. 3 Тектоника

Теңіз кен орны Каспий маңылық (Каспий маңылық бассейн) оңтүстік бөлігінде орналасқан соңғы девондық және орта тас көмір периодына жататын карбонатты түзілімдерден тұрады. Каспий маңылық ауданының криссталдық іргетасы рифейлік периодқа жатады деп болжанады. Іргетасы 9 - 9, 5 км болатын Астрахань-Ақтөбелік көтерілім және Волга-Тугарачалық синклиналь (11-12 км) осы іргетастың негізгі элементі болып табылады. Теңіз мұнай кен орыны іргетасы 11, 5 - 12 км тереңдікте жататын Оңтүстік-Эмбілік (Тугарачан) синклиналының орталық бөлігінде орналасады. Каспий маңылық ойпаттың соңғы палеозойда белсенділігін сақтап қалған екі тігісті аумағы оңтүстік-шығыста Солтүстік-Үстүрт геологиялық ауданы мен оңтүстік-батысында Скифті ауданмен сәйкесінше Оңтүстік-Эмбілік палеозойлік ойпатты және Карпиндік-Бозащілік аумағын түзеді.

Теңіз және Королевское кен орындарындағы палеозойлық тұз асты кешенінің геологиялық құрылысы іргетастың жазықтығы мен кунгурлық тұз негізі арасында орналасқан. П ₁ , П ₂ және П ₃ негізгі көрсеткіш горизонттары осы шөгінді блок шегіндегі негізгі құрылым элементтерді көрсету үшін қолданылады. Осы горизонттарды картаға салу кезінде үш көтеріңкі объектілер анық байқалады: Теңіз маңдық беткей, Пионер аумағы және Оңтүстік беткей. П ₃ сейсмикалық тіректі белгі Каспий маңылық ойпаттың оңтүстік бөлігінде әрдайым тіркелетін көрсеткіш горизонттың келтірілуінің соңғы деңгейін көрсетеді. Астрахань-Ақтөбелік майысу орнындағы П ₃ горизонтын көрсететін көтерілім іргетас жазықтығына бекітілген Ғ сындыратын горизонтпен сәйкес келеді.

Жеке тұрған Теңіз және Королевское карбонатты платформаларының түзілуінің барлық периодында эрозия әсерінен болуы мүмкін осы платформалардың жоғарғы бөлігінің қысқа мерзімді жалаңланудың периоды болып тұрды. Бұл сәйкессіздіктер теңіз деңгейінің ауытқуы (әсіресе мұздану дәуірінің басы - башкир ғасыры кезінде), теңіз түбінің жүргізілуі және тектоникалық белсенділіктің нәтижесінде болды. Тектоникалық іс-әрекеттердің анағұрлым маңызды периодтары - олар герциндік тектоногенездің бретондық, судеттік және оралдық дәуірлер. Альпілік тектоногенездің және неғұрлым жаңа тектоникалық белсенділік этаптары тұз үстілік аумағының сейсмикалық суреттерінде көрсетілген.

Бұрғылау және сейсмикалық мәліметтерді кешенді зерттеу нәтижесінде Каспий маңылық ойпаттың оңтүстіктігіндегі палеозойлық шөгінді түзілімнің тектоникалық деформациясының табиғатын және уақытын анықтауға болады.

1. 4 Мұнайгаздылығы

Кен орнындағы орта және төменгі карбон қалыңдығының өзгерісі сонша, ол ұңғылармен ашылған қимадан толығымен жоқ болып кеткенше өзгереді.

Т-10 ұңғысы дәлелденген өндірістік мұнайгаздылықтың төменгі шек-арасын ашты (5410 м - құрамында суы жоқ мұнай алудың ең төменгі белгісі) . Су мұнай жапсары (СМЖ) 5960 м төмен емес тереңдікте болуы мүмкіндігі болжамдалады. Сейсмикалық зерттеулердің мәліметтері бойынша Теңіз бен Королев кен орындарын бөліп тұрған эрозионды ойық, 5690 метрде орналасқан. Болжамдалып отырған ойық тереңдігі Теңіз кен орны кенішінің максималды таралу терең-дігін бақылаушы деп қарастыруға болады. Тағы да мынадай болжамдар бар, кеніштің физикалық СМЖ жоқ және өнімді қабаттың төменгі жағында кеуекті өткізгіштігі бар коллектор жыныстарының болмауы нәтижесінде кенішті тұйық екендігі туралы. СМЖ кеніштің кеуекті коллектор бар солтүстік-шығыс және оңтүстік-батыс бөлігіндегі тек шеткі аймақтарда орналасу ықтималдығы бар.

Өткізгіштікті анықтау

«Тенгизшевройл» СМЖ белгісі ретінде 5450 м қабылдаған, бұл қазір-гі кездегі кен орнындағы мұнай алудың ең төменгі белгісінен 40 метрге тө-мен. Бұл болжамдар Королев кен орнымен гидродинамикалық тепе-теңдікке негізделген, онда да СМЖ анықталмаған, бірақ су деңгейінің ең жоғарғы белгісі 4922 м деп саналады. Теңіз кен орнындағы СМЖ қысым градиентін экстраполциялау әдісімен есептелген.

Қима бойынша бөлінген барлық есептеу объектілеріне СМЖ бірың-ғай ортақ болып қабылданған, өйтені кеніш өлшемі өте үлкен және ондағы әр түрлі коллектор типтерінің арасында гидродинамикалық байланыс бар.

Жүргізілген зерттеулер көрсетіп отырғандай, туль және ок шөгінді-лерінің шекарасындағы туфитті қабатты санамағанда карбонатты кешеннің бүткіл ашылған қалыңдығы коллектор болып келеді. Туфитті қалыңдық қо-сымша жұмыстар жүргізгеннен кейін, І және ІІ эксплуатациялық объектілері-нің арасындағы бөлім ретінде қарастырылуы мүмкін.

Игерудің І объектісі туралы башкир, серпухов және ок шөгінділерін ашқан 16 ұңғыма бойынша білуге болды.

ІІ объект жеклелеген ұңғылармен ашылған, әрі кейбір ұңғылар объек-тінің әр түрлі жастағы бөліктерін ашқан, ол өз кезегінде өнімді қабатты жал-пы объект бойынша бағалауға мүмкіндік бермейді. ІІ объектінің максималды қалыңдығын ашқан Т-22 ұңғысындағы бүткіл қимасы ІІ және ІІІ топтарының коллекторларынан тұрады, Т-24 және Т-41 ұңғылары ашқан сәйкесінше 210-225 метр қалыңдықтың 95% осы коллекторлар құрайды.

Мұнай, газ және судың қасиеті мен құрамы

Қабат және газсыздандырылған мұнай үлгілеріне «Гипровостокнефть» институты және қазіргі заманғы технология орталығы «Корлабороториз» компаниясымен жасалған зерттеулер нәтижесінде анық-талған, мұнай және газдың құрамы мен сипаты келесі кестеде келтірілген.

1. 1-кесте -Теңіз кен орны мұнайының қасиеттері

... жалғасы

Сіз бұл жұмысты біздің қосымшамыз арқылы толығымен тегін көре аласыз.