Жобалау сатысы - Жерге орналастыру жобасы

Жұмыс түрі: Дипломдық жұмыс
Тегін: Антиплагиат
Көлемі: 60 бет
Таңдаулыға:

Жоспардың мазмұны

Кіріспе
Әдебиетке шолу

3. Ауданның табиғи экономикалық жағдайы

4. Жобалық бөлім

4. 1 Кіріспе

4. 2 Технико-экономикалық көрсеткіштер (1-кесте)

4. 3 Жобалауға тапсырма

4. 5 Объект бойынша қысқаша мінездеме

4. 6 Қаулы

4. 7 Акт

4. 8 «Қарақойын - Борсенгір - Атасу; Борсенгір - РДП Жесказған; Атасу-Сарепта-Трудовая-Степная; РДП Қарағанды-ТОБЖ Шығыс филиалы» ТОБЖ объектісі құрылысы үшін жер учаскелерін таңдау

4. 9 Акт

4. 10 ТОБЖ объектісі құрылысы үшін бөлінетін жер учаскелерінің экспликациясы (2-кесте)

4. 11 Топырақ жамылғысы жөнінде қорытынды

4. 12 Топырақ картасына және топырақ балл бонитеті картограммасына легенда

4. 13 ТОБЖ объектісі құрылысы үшін жер учаскелеріне пайдалану құқығын беру

4. 13. 1 «КазТрансОйл» ЖШС жер пайдалану аумағын қалыптастыру

4. 14 Бөлінетін жер учаскелерінің бағалау құны

4. 15 Ауыл шаруашылық алқаптарын бағалау құны.

4. 16 ТОБЖ объектісі құрылысына байланысты ауыл шаруашылық өндірісіне зияны және шығыны.

4. 17 ТОБЖ объектісі құрылысы үшін бөлінген жер учаскелеріне пайдалану құқығын беруге байланысты ауыл шаруашылық өндірісінің шығыны.

4. 18 Уақытша пайдалануға беру нәтижесінде келтірілген шығындар есебі

4. 19 ТОБЖ объектісінің құрылысы үшін жер учаскелерін пайдалану құқығына жалдау ақысы.

4. 20 Жерді рекультивациялау

5. Еңбек қорғау және техника қауіпсіздігі

6. Қорытынды

7. Қолданылған әдебиеттер тізімі

Кіріспе

Экономика, ғылым және мәдениеттің дамуы, ғылыми-техникалық прогресстің барлық халық шаруашылығында қолданылуы, ең алдымен оның агроөндірістік кешенде қолданылуы өндірістің және табиғи ресурстың ең қажетті құралы - жерді рационалды пайдаланумен тығыз байланысты.

Қазақстан Республикасы өте үлкен жер қорымен бай. Біртұтас мемлекеттік жер қоры 272. 5 млн. га құрайды. Барлық жер ресурстарын рационалды пайдалану, әсіресе ауыл шаруашылық мақсатындағы жерлерді, жер қатынастарын реттеу күрделі проблема болып табылады. Оны шешу жерді максималды халық шаруашылығы айналымына түсіруді, өнімді алқаптарды және егіншілік мәдениетін жоғары деңгейде интенсивті пайдалануды, әр түрлі топырақ эрозияларымен күресуді, сонымен қатар жерге кері әсер ететін залалдар мен ластанудан қорғауды талап етеді.

Мемлекеттің біртұтас жер қорын басқарудың, жер қатынастарын реттеудің, жерді меншіктеу, пайдалану және жалдау саласы бойынша заң актілерінің дұрыс пайдалануын бақылаудың ең маңызды рычагы болып жерге орналастыру саналады. Жерге орналастыру Қазақстан Республикасының жер заңдарына сәйкес халық шаруашылығында сала аралық және салалық жоспарда жүргізілетін жерді қорғау және рационалды пайдалануға бағытталған шаралар жүйесін құрайды.

Қазақстан Республикасында ғылыми негізделген болжам түрінде республикалық генералды схемаларын, облыс және әкімшілік аудандық жерге орналастыру схемаларын, шаруашылық аралық жерге орналастыру жобаларын және ауыл шаруашылық мекемелері мен біріккен шаруа қожалықтары және олардың ассоциациясының учаскелік және ішкі шаруашылық жерге орналастыру жобаларын, әрбір жер учаскесін жақсарту, мелиорациялау, рекультивациялау және үйлестіру жобаларын өңдеу жолымен жер ресурстарын дұрыс пайдалануды рационалды ұйымдастыруды қамтамасыз ететін жерге орналастыру жүйесі қалыптасқан.

Яғни, қазіргі заманғы жерге орналастыру - өндірістің негізгі құралы, операциялық базис және табиғи ресурс, сонымен қатар жылжымайтын мүлік ретінде жерді қорғау, толық ұйымдастыру және рационалды пайдалану, жер қатынастарын реттеуге бағытталған жер заңдарын жүзеге асыру шаралар жүйесі ретінде қызмет етеді.

Бұндай күрделі сипаттама жерге орналастыруды аса маңызды инженерлік-экономикалық, техникалық, ұйымдастыру-шаруашылықтық және құқықтық шаралар кешені ретінде бейнелейді. Ол жерге орналастырудың бүкіл аспектілері мен жерді және онымен үзілмес байланыстағы өндіріс құралдарын реттестіруге қатысты басқа да инженерлік-экономикалық кешендерімен өзара байланыстарын ашып көрсетеді.

Оның мазмұны қоғамдық өндіріс талаптарымен, ең алдымен экономиканың аграрлы секторымен анықталады. Осыған байланысты ең маңызды жерге орналастыру әрекеттеріне ауыл шаруашылығына және басқа да пайдаланулар үшін жаңа құнарлы жерлерді табу, жаңа ауыл шаруашылық мекемелердің жер пайдалануларын құру және қазіргі кездегі бар жер иеленулерді жетілдіру; шаруа қожалықтарын және басқа да шаруашылықтық құрылымдарды біріктіру; ауыл шаруашылық мекемелердің аумағын ішкі шаруашылықтық ұйымдастыру жатады.

Қазіргі кезде жерге орналастыру елдің экономикасына, соның ішінде аграрлық саласына жаңа нарық қатынастарын енгізумен байланысты ол Қазақстан Республикасының Конституциясы мен жер заңдарының негізінде жүзеге асырылатын аграрлық саясаттың құралы болып табылады.

Жер Кодексінде бұрынғыдай жер пайдалану мен иеленудің әртүрлі формалары мен ережелері ескерілген. Бұл заңның негізгі мақсаты жойылған колхоздар мен совхоздардың негізінде құрылған шаруа (фермерлік) қожалықтарына, жауапкершілігі шектеулі серіктестіктерге, акционерлік қоғамдарға, командиттік серіктестіктерге, өндірістік кооперативтерге (АҚ, ЖШС, КС, ӨК), сонымен бірге ауыл тұрғындарының қосалқы шаруашылығының, қала тұрғындарының бау-бақшалығының, өнеркәсіп, энергетика және басқа да кәсіпорындардың қосалқы шаруашылығының әрі қарай дамуына қолайлы территориялық жағдай жасау.

Қазір Республика жер қорының негізгі бөлігі жоғарыда аталған сегіз мың мемлекеттік емес ірі ауыл шаруашылық құрылымдарының иелігі мен пайдалануында. Осымен қатар, миллиондаған жанұя жеке меншік құқығы негізінде әр түрлі көлемді (көбінесе шағын) учаскелерді үй (қосалқы) шаруашылығын жүргізуге пайдалануда. негізгі бөлігі жоғарыда аталған сегіз мың мемлекеттік емес ірі ауыл шаруашылық құрылымдарының иелігі мен пайдалануында.

Жерге орналастырудың күрделі шараларының бірі - жобалау. Жобаны құру және негіздеу - барлық жерге орналастыру процесінің өзегі. Жобалық есептерді өңдеу әдісі, олардың экономикалық, экологиялық, әлеуметтік және құқықтық негізделуі көрсетілуі тиіс.

Әдебиетке шолу

Жерге орналастыру өзінің қарқынды даму кезеңінде алдында тұрған мақсатты түрлі жобалау түрлерімен және әдісімен шеше білді. Қазіргі кезде жерге орналастыруды жобалау күрделене түсті. Қазақстан Республикасында да және басқа да ТМД елдері сияқты мемлекеттік және мемлекеттік емес мекемелер жүйесі жерге орналастыруда жобалау процесін қамтамасыз ететін зерттеу, қолданбалы ғылыми ізденіс жұмыстарын, сонымен қатар жобаны жүзеге асыруда авторлық бақылау жұмыстарын жүргізетін жұмыс атқарады.

Жерге орналастыруды жобалаудың үлкен спецификасы болғанымен де жалпы мемлекеттік жобалау - сметалық істі жүргізу негізінде ұйымдастырылады.

Жер - кез-келген саланың өндірістік байланыс объектісі. Ол өндірістік емес ортада да кеңістік базисі болып табылады. Сондықтан да жерге орналастыру жобалары халық шаруашылығының барлық салаларында өндірісті ұйымдастырудың инженерлік базасы ретінде, сонымен қатар табиғат қорғау шараларын жүзеге асыруда қызмет етеді.

Соңғы жылдары тәжірибеде ауыл шаруашылық алқаптарын жақсарту және үйлестіру бойынша учаскелік жерге орналастырудың жұмысшы жобалары, жерді рекультивациялау, эрозияға қарсы және тағы басқа мелиоративті шараларды жүзеге асыру қолданылып келеді. Олар шаруашылық аралық және ішкі шаруашылық жобаларының логикалық жалғасы болып жұмыс сызбаларымен және детальды сметалық есептеулер арқылы толық реализациясын қамтамасыз етеді.

Олай болса, жерге орналастыру жобасы ол - халық шаруашылығында толық, ең алдымен барлық ауыл шаруашылық және ауыл шаруашылық мекемелерінде, серіктестіктер, өндірістік кооперативтер, шаруашылық аралық және агроөндірістік бірлестіктер, шаруа қожалықтары және басқа да шаруашылық құрылымдары, жетекші ауыл шаруашылық өндірістерінде жерді жаңаша үйлестіруде экономикалық, экологиялық, техникалық және құқықты негізделген, жерді рационалды пайдалануды ұйымдастыруды қамтамасыз ететін құжаттар (есептеулер, сызбалар және т. б. ) жиынтығы. Жерге орналастыру жобаларын жүзеге асыру нәтижесінде ауыл шаруашылық және ауыл шаруашылық емес мақсаттағы жер учаскелерін иеленушілер мен пайдаланушылар желісі - жерге орналастыру жобасының объектілерін құрайды.

Жерге орналастыру жобаларында және схемаларында көрсетілетін аумақтық өндірісті ұйымдастыру түбегейлі экономикалық, экологиялық негіздеуге ұшырауы тиіс. Ал детальді агроэкономикалық, инженерлі экономикалық және сметалы-финанстық есептеулермен негізделген мағыналы математикалық аппаратты графикалық бөлігімен тұтас-жобалы-сметалы құжаттарды құрайды.

Графикалық бөлім жобалы жоспардан, сызбалардан, иллюстрациялы суреттерден, графиктерден, диаграммалардан тұрады. Негізгі құжат болып жобалық жоспар саналады. Онда жер пайдалану шекаралары, аудандары, орналасқан орны және өндіріс бөлімшелерінің жер массивтері, жолдар, каналдар, т. б. инженерлік коммуникациялар мен сызықты контурлар көрсетіледі, яғни перспективаға ұсынылатын аумақты ұйымдастырудың экономикалық тиімді формалары жобалық жоспар белгіленген стандарттар үлгісінде және қабылданған жобалық есептермен безендіріледі. Сонымен бірге, бірқатар басқа да сызбалар қоса тіркеледі. Олардың саны мен мазмұны, әдістемелік нұсқаулар, ведомоствалық инструкциялар және ұсыныстармен анықталады.

Жобаның текстік бөлімі негізінен күрделі нормативтер немесе детальді біркелкі аудандық есептеулер бойынша жасалған есептік түсіндірмеден, агроэкономикалық негіздемелерден тұрады. Сонымен қатар ол өтініш, зерттеу актілері және жобаның технико-экономикалық көрсеткішімен аяқталады.

Белгіленген тәртіп бойынша сәйкес инстанциялармен қарастырылған және бекітілген жерге орналастыру жобасы, яғни заңды түрде рәсімделген, натураға көшірілген жоба көп жылдарға жерді пайдалану тәртібі мен құқығын анықтайды.

Жерге орналастыру жобасына тікелей кіріспес бұрын ең алдымен қажетті ізденістер мен зерттеулер, топогрофо-геодезиялық, топырақтық, топырақты-эрозиялық, топырақты-мелиоративті, геоботаникалық, су шаруашылықтық, жол, жерге орналастыру (агрошаруашылықты) және т. б. жүргізіледі. Зерттеу және ізденіс мәліметтері, сонымен қатар жер кадастрлық жұмыстар жобалауда кеңінен қолданылады.

Ауыл шаруашылық емес мақсаттағы жер пайдаланулардың құрылуы

Орман және ауыл шаруашылық салаларына қарағанда, халық шаруашылығының ауыл шаруашылық емес салаларында жерді тиімді пайдалану өнімділігі төмен учаскеде өнімділігі максималды өндіріс кешенін ұйымдастырумен мінезделеді.

Ауыл шаруашылық емес жер пайдаланулардың ауданын минимализациялау ауыл шаруашылық жерлерінің приоритеттілігімен түсіндіріледі. Бұл принципті қатаң орындау шаруашылық аралық жерге орналастыру жобаларында ауыл шаруашылық емес мұқтаждықтар үшін жер бөлгенде жан-жақты экономикалық және әлеуметтік, экологиялық және құқықты негізделуін талап етеді.

Өндіріс, транспорт, энергетика, мұнай-газ, жанар-жағар май кешенінің дамуы, қалалардың өсуі көп аумақ жерді бөлуді талап етеді. Мемлекеттік жеке шаруашылықтық және қоғамдық қажеттіліктер үшін жер бөлу жер қорының барлық санаттарынан жүргізіледі. Бірақ мемлекеттің көптеген аумағы ауыл шаруашылығы жерлері болып табылғандықтан, көп жағдайларда ауыл шаруашылық жерлерінен де бөлінеді.

Тек қана жер қорынан бөлінген жағдайда ғана нысаналы мақсатын өзгертпеуге, басқа жер пайдалануларға өзгеріс енгізбеуге болады. Ал қалған барлық жағдайларда белгіленген нысаналы мақсатын ауыстыру міндетті болып табылады. Көп жағдайда жер бөлу босалқы жерді басқа жер санаттары арасында бөлуге әкеліп соқтырады.

Ауыл шаруашылығы емес мақсаттағы қажеттіліктерге жер бөлу және ауыл шаруашылық емес жер пайдаланулардың құрылуы құқықтық сұрақтармен қатар, экономикалық, экологиялық және техникалық сұрақтарды шешуді талап ететін шаруашылық аралық жерге орналастыру жобалары негізінде жүргізіледі. Бұл процесс компетентті мемлекеттік органдардың жер учаскесін бөлу туралы шешімімен, оны басқа жер пайдаланушыдан алу немесе жер қорынан алумен, өтеусіз немесе сатып алу жолымен, жер бетінде шекараны белгілеу және жер пайдаланушыға немесе иеленушіге жер пайдалану, иелену құқығына құжатты немесе жер заңдарымен белгіленген шектегі меншіктеуі құқығын беру туралы сұрақтарды бірге шешеді.

Жер учаскесін иесінен басқа жер жер пайдаланушының иелігіне беру, оны алып қою (сатып алу) арқылы жүреді. Ауыл шауашылығына емес мұқтаждықтарға жер бөлу функционалды мағынасына қарай түрліше болып келеді. Өндірістік және өндірістік емес салаға жер бөліп беру объектісінің толық тізімі мыналардан тұрады: өңдеу және өндіру мекемелері, кәсіпорындар, энергетика, транспорт және байланыс, ғылым, мәдени мекемелер, орман шаруашылықтық, табиғат қорғау, рекреациондық және басқа да мекемелер, ұйымдар және кәсіпорындар. Жер учаскелері оларға тұрақты пайдалануға да, сонымен қатар уақытша пайдалануға да берілуі мүмкін.

Учаскелерді уақытша пайдалануға бергенде мерзімі объект құрылысына және эксплуатациясына жеткілікті түрде минималды болуы керек. Ауыл шаруашылық емес жер пайдаланушылар және орналасқан орны бойынша, тұрақты немесе орналасуы және аумағы ауыспалы болуы мүмкін. Қоршаған ортаға әсері де түрліше болуы мүмкін: су басу, құрғап кету, ластану немесе бұл әсерлердің болмауы. Мұның барлығы да жер пайдалануды жобалауда қарастырылуы керек.

Жер балансының және экологиялық жағдайдың бүгінігі күнде өршуі заңды түде ауыл шаруашылық жерлерінің приоритеттілігі принципін бекітуді қажет етті. Бұл принцип бойынша ауыл шаруашылық емес мұқтаждықтарға берілетін жер учаскелерін минимализациялау; ауыл шаруашылық өндірісінің және жер пайдаланушының шығынын қайтару; бұзылған жерлерді рекультивациялау. Бұл принциптен шыққан талаптарды орындау келесідей үлгіге жетті: ауыл шаруашылығы емес мұқтаждықтарға ауыл шаруашылғына жер кадастрының мәліметтері бойынша жарамсыз болып саналатын жер учаскелері беріледі, кадастрлық бағасы аудан деңгейі бойынша орташа мөлшерден асатын, сонымен қатар қала сыртындағы зоналарды, ғылыми іздестіру және ауыл шаруашылық биологиялық кәсіби оқу орындарының тәжірибе алаңдарын бірінші топтағы ормандарды мемлекеттік қажеттілікке халық аралық міндеттемелерді орындау үшін, учаскеде бағалы кен орындарын тапқан кезде, жол құрылысы, электр тасымалдау және магистральды құбырлар, сонымен қатар мемелекеттік мағынасы зор объектілер құрылысымен байланысты ерекше жағдайларда ғана беріледі. Аул шаруашылығы емес мұқтаждықтарға жер бөлу кезінде жердің құнарлы бетін сыдырып алып, бұзылған және құнары төмен рекультивацияны қажет ететін жерлерге төсеу қажет.

Өңделген жоба жан-жақты қарастырылып, қажетті органдармен келісілініп, бекітілуі қажет.

Жерді санаттарға жатқызу және оларды бір санаттан басқасына ауыстыру

Жерді санаттарға жатқызуды, сондай-ақ жерді нысаналы мақсатының өзгеруіне байланысты бір санаттан басқасына ауыстыруды мемлекеттік

органдар Жер кодексінде және Қазақстан Республикасының өзге де заң актілерінде белгіленген, жер учаскелерін алып қою және беру жөніндегі өз құзіреті шегінде жүргізіледі.

Уақытша өтеулі жер пайдалану (жалдау) құқығы

1. Жер учаскесіне уақытша өтеулі (қысқа мерзімді және ұзақ мерзімді) жер пайдалану (жалдау) құқығы азаматтарға, мемлекеттік емес заңды тұлғаларға, сондай-ақ халықаралық ұйымдарға табысталуы мүмкін.

2. Егер Қазақстан Республикасының заң актілерінде немесе шартта өзгеше белгіленбесе, өз міндеттерін тиісінше орындаған уақытша өтеулі жер пайдаланушы (жалға алушы) шарт мерзімі аяқталғаннан кейін, басқа тең жағдайларда, жаңа мерзімге шарт жасасуға басқа тұлғалар алдында басым құқығы болады. Жалға алушы осындай шарт жасасу ниеті туралы жалға берушіні шартта көрсетілген мерзімде, егер шартта мұндай мерзім көрсетілмесе, шарттың аяқталу мерзіміне 3 ай мерзімде жазбаша хабардар етуге міндетті.

3. Мемлекеттен уақытша өтеулі ұзақ мерзімді жер пайдалану құқығын сатып алған, осы баптың 5-тармағында аталғандардан басқа мемлекеттік емес жер пайдаланушылар өздеріне тиесілі жер учаскелерін (немесе олардың бір бөлігін) жалға (қосалқы жалға) немесе уақытша өтеусіз пайдалануға беруге құқылы, егер осы Кодексте өзгеше белгіленбесе, жер ресурстарын басқару жөніндегі аумақтық органға хабарлай отырып, жер учаскесі меншік иесінің келісімінсіз, жер учаскесін жалға беру шартының мерзімі шегінде өздеріне тиесілі уақытша жер пайдалану құқығын иеліктен шығаруға да құқылы.

Аталған жағдайларда, жалдау құқықтарын кепілге қоспағанда, жер учаскесінің жаңа жалға алушысы жалға берушінің алдында жер учаскесін жалдау шарты бойынша жауапты болады.

4. Жалға берілетін жер учаскесін үйлердің, құрылыстар мен ғимараттардың меншік иелері сатып алатын жағдайларды қоспағанда, мемлекеттік меншіктегі жер учасксін сату кезінде осы жер учаскесін жалға алушының ортақ меншік құқығындағы үлесін бөгде тұлғаға сату үшін Қазақстан Республикасының азаматтық заңдарында белгіленген тәртіппен оны сатып алуға басым құқығы болады. .

5. Уақытша өтеулі жер пайдалану құқығы шаруа (фермер) қожалығын және тауарлы ауыл шаруашылығы өндірісін жүргізу үшін Қазақстан Республикасының азаматтарына және мемлекеттік емес заңды тұлғаларына - 49жылға дейінгі мерзімге, ал шетелдіктер мен азаматтығы жоқ тұлғаларға 10жылға дейінгі мерзімге беріледі.

Жер учаскелерін объектілер құрылысы үшін беру

1. Объектілер құрылысы үшін жер учаскелері сұралған кезде, жергілікті атқарушы органның тапсырмасы бойынша жер учаскесін таңдау алдын ала жүзеге асырылады.

Объектінің құрылысы үшін жер учаскесін таңдауды жерге орналастыру және қала құрылысы регламенттеріне сәйкес, жер ресурстарын басқару жөніндегі аумақтық органдар (елді-мекендерде сәулет және қала құрылысы органдарымен бірлесе отырып) жүзеге асады.

Жер учаскелерін таңдау нәтижелері құрылыс салу үшін, ал қажет болған жағдайларда оның күзет немесе санитарлық-қорғау аймағын белгілеу үшін жер учаскесін таңдау туралы актімен рәсімделеді. Осы актіге әрбір жер учаскесін таңдаудың ықтимал нұсқаларына сәйкес олардың шекарасының жобалары қоса беріледі.

Аса маңызды объектілер бойынша жергілікті атқарушы органдар (олардың қарауы бойынша) осы объектілерді орналастыру үшін жер учаскелерін таңдау жөніндегі арнаулы комиссиялар құрады.

2. Осы Кодекстің 43-бабының 2-тармағына сәйкес, жер учаскесін таңдау актілері және жер учаскесі шекарасының жобалары комиссияға қарау және қорытынды әзірлеу үшін табыс етіледі.

3. Комиссияның қорытындысы негізінде жерге құқық табыстау туралы жерге орналастыру жобасы әзірленеді.

Жерге орналастыру жобасының құрамына берілетін жер учаскесінің көлемі, оның шекарасы мен орналасқан жері, жер учаскесінің аралас меншік иелері және жер пайдаланушылар нақтыланады; берілген жер учаскесінің бөлінетіндігі және бөлінбейтіндігі, сондай-ақ ауыртпалықтары мен сервитуттары анықталады.

Болжанып отырған алып қою, соның ішінде сатып алу арқылы алып қою жағдайында алып қоятын алқаптардың түріне байланысты жер учаскелерінің меншік иелері және жер пайдаланушылар (жалдаушылар) шығындарының ауыл шаруашылығы және орман шаруашылығы өндірісіндегі шығасының есептеулері қоса беріледі.

4. Жерге орналастыру жобасының негізінде жер ресурстарын басқару жөніндегі аумақтық органдар (елді-мекендерде сәулет және қала құрылысы органдарымен бірлесе отырып) жерге тиісті табыстау туралы жергілікті атқарушы орган шешімінің жобасын дайындайды.

5. Мұнай мен газды магистральды мұнай құбырларымен тасымалдауға, одан кейінгі сақтау және көліктің басқа түрлеріне тиеуге байланысты мұнай газ инфрақұрылымы объектілерінің құрылысы үшін жер учаскелері сұралған кезде жер учаскесін таңдау актісі және жерге орналастыру жобасы Қазақстан Республикасының мұнай-газ инфрақұрылымы саласындағы уәкілетті мемлекеттік органымен де келісіледі.

6. Өтінуші немесе оның сенім білдірген тұлғасы жер учаскесін бөліп беруге талап етілетін келісімдерді жеке-дара қамтамасыз етеді.

Құрылыс объектісін орналастыруға таңдалған аумақта бұзылуға немесе көшірілуге тиісті (соның ішінде жерді бөліп беру кезінде өнеркәсіп орындарының санитарлық қорғау аймақтарына кіретін) тұрғын үйлер, басқа да ғимараттар мен құрылыстар, сондай-ақ инженерлік коммуникациялар және жасыл екпелер орналасқан жағдайда, тапсырыс беруші шығындарды өтеу талаптары туралы жылжымайтын мүлікке меншік иелерінің әрқайсысымен жасалған шартты қосымша ұсынады.

Шартта сол кездегі бар құрылыстарды, инженерлік коммуникацияларды, жасыл екпелерді басқа жерге ауыстырудың, көшірудің нақты шарттары мен мерзімдері, құрылыс жүргізушінің жылжымайтын мүлікті бұзуға байланысты барлық шығындарды өтеу жөніндегі міндеттемелері көрсетіледі.

Жер учаскесіне құқық табыстау туралы жергілікті атқарушы орган шешімінің жобасында:

жерге құқық табысталатын заңды немесе жеке тұлғаның атауы;

жер учаскесінің нысаналы мақсаты;

жер учаскесінің көлемі;

жерге құқықтар түрі, ауыртпалықтар, сервитуттар;

учаске төлемақыға берілетін жағдайда жер учаскесін және жер пайдалану құқығын сатып алу бағасы, жер учаскесін сатып алу - сату шарттарын жасасудың мерзімі мен шарттары;

өзге де шарттар болуға тиіс.

8. Азаматтарға жеке тұрғын үй құрылысы үшін жер учаскелерін беру кезінде өтінімге:

Азаматта жеке тұрғын үй құрылысы үшін құқықтар табысталған жер учаскесінің бар немесе жоқ екендігі туралы анықтама (жер ресурстарын басқару жөніндегі аумақтық орган 7 күн мерзім ішінде береді) ;

Азаматта жеке тұрғын үйдің бар немесе жоқ екендігі туралы анықтама (жылжымайтын мүлікті тіркеуді жүзеге асыратын орган 7 күн мерзімде береді) қоса тіркеледі.

Жеке тұрғын үй құрылысы үшін жер учаскесін беру туралы өтінім арнаулы есепке алынады және бөліп беруге арналған алаңдардың дайындалуына қарай қанағаттандырылады.

Ауданның табиғи - экономикалық жағдайы

Аудан туралы жалпы мағлұматтар

... жалғасы

Сіз бұл жұмысты біздің қосымшамыз арқылы толығымен тегін көре аласыз.