Төлем талап тапсырмалары

Жұмыс түрі: Курстық жұмыс
Тегін: Антиплагиат
Көлемі: 43 бет
Таңдаулыға:

МАЗМҰНЫ: МАЗМҰНЫ

МАЗМҰНЫ: КІРІСПЕ

МАЗМҰНЫ: 1 АҚША ҚАРАЖАТТАРЫ ЕСЕБІНІҢ ТЕОРИЯЛЫҚ НЕГІЗДЕРІ

МАЗМҰНЫ: 1. 1 Ақша қаражаттары есебі мен аудитінің мәні мен міндеттері

МАЗМҰНЫ: 1. 2 Ақша қаражаттарының жалпы сипаттамасы

МАЗМҰНЫ: 1. 3 Касса мен ағымдық шоттағы қолма-қол ақшаның есебі

МАЗМҰНЫ: 2 КӘСІПОРЫННЫҢ ЭКОНОМИКАЛЫҚ СИПАТТАМАСЫ ЖӘНЕ АҚША ҚАРАЖАТТАРЫ ЕСЕБІНІҢ ҰЙЫМДАСТЫРЫЛУЫ

МАЗМҰНЫ: 2. 1 Кәсіпорынның экономикалық сипаттамасы

МАЗМҰНЫ: 2. 2 Ақша қаражаттарының қозғалысын талдау

МАЗМҰНЫ: 2. 3 Ақша қаражаттары есебінің ұйымдастырылуы

МАЗМҰНЫ: ҚОРЫТЫНДЫ

МАЗМҰНЫ: ҚОЛДАНЫЛҒАН ӘДЕБИЕТТЕР ТІЗІМІ

КІРІСПЕ

Ақша қаражаттары кез-келген мемлекеттің қаржы жүйесінің ажырамас бөлігі. Ақша экономикалық категория ретінде бірнеше қызмет атқарады: құн өлшемі, айырбас құралы, төлем құралы, әлемдік ақшалар.

Экономика мен экономикалық қатынастардың дамуы қаржы-несие жүйесінде, оның ішінде ақша айналысы мен төлем, есеп айырысу сұрақтарында да көптеген жаңалықтар мен өзгерістер алып келуде. Есеп айырысу-төлем жүйесінің өзгеруімен қолма-қол және қолма-қол ақшасыз есеп айырысу жүйелері арасындағы айырмашылық та алшақтап келеді.

Кез-келген шаруашылық субъектісі өзінің құқықтық-ұйымдастырушылық нысанына қарамастан ақша қаражаттарымен күнделікті жұмыс істейді. Барлық шаруашылық субъектілері өз ақша қаражаттарын банк мекемелерінің тиісті шоттарында сақтап және міндеттемелері бойынша төлемдерін, әдетте, осы мекемелер арқылы ақшасыз нысанда, ал қажет жағдайда ҚР Ұлттық банкі белгіленген талаптар орындалса нақты ақшамен де есеп айырысулар жүргізе алады.

Ақша қаражаттарын басқарудың кәсіпорын үшін маңызы зор. Айналыс капиталын басқару өнерінің мәні келесіде: кәсіпорын басшылығы шоттарда ағымдық қызметті қаржыландыруға қажетті минималды ақша сомасын ұстап отыруы тиіс. Ол кәсіпорынның ең жедел қажеттіліктерін өтеуге жеткілікті сақтандыру қорының қызметін атқаруы тиіс. Касса мен ағымдық шоттағы ақша қаражаттары табыс әкелмейді, ал оның эквиваленті - қысқа мерзімді қаржылық салымдардың табысы өте төмен екендігін ескерсек кәсіпорын үшін ақша қаражаттарын салудың тиімді жолдарын іздестіру қажет-ақ. Кәсіпорынның айналысында ақша қаражаттарының жетіспеушілігі немесе артық болуы айналыс капиталын тиімсіз пайдалану нәтижесінде болуы мүмкін.

Ақша қаражаттарының жетіспеушілігі банктер алдындағы ұзартылған

несие сомасын өсіреді, жабдықтаушылар мен қызметкерлерге қарызды өсіреді, нәтижесінде қаржылық цикл ұзарады, кәсіпорын капиталының рентабельділігі төмендейді.

Ақша ағынының жетіспеушілігін ақша қаражаттарының келіп түсуін жылдамдататын, ал төлемдерді кешіктіруге мүмкіндік беретін шаралар негізінде реттеуге болады.

Капитал айналымдылығы - кәсiпорынның қаражаттарын пайдалану интенсивтiлiгiн және оның iскерлiк белсендiлiгiн сипаттаушы негiзгi көрсеткiш болып саналады. Кәсіпорынның іскерлік белсендігі оның қаражат айналымының жылдамдауымен көрінеді. Іскерлік белсенділікті талдау кәсіпорынның өз қаржысын пайдалану тиімділігін анықтауға мүмкіндік беретін түрлі қаржылық айналымдылық коэффициенттерін есептеу мен талдауға негізделеді. Сол себептi талдау процесiнде капитал айналымдылығының көрсеткiштерiне терең талдау жүргiзу қажет және айналымның қай сатысында қаражатттардың қозғалысы баяулағанын не жылдамдағанын анықтау қажет.

Банк шоттарындағы ақша қаражаттары қалдығының көбеюі не азаюы ақша ағынының тұрақсыздығымен, яғни ақшаның кірісі мен шығысының арасалмағының сақталмауымен байланысты. Оң ақша ағынының сомасының теріс ақша ағынының сомасынан асып кетуі бос ақша қаражаттарының қалдығының сомасын өсіреді және керісінше.

Тақырыптың маңыздылығы келесіде: ақша қаражаттарының есебінің дұрыс ұйымдастырылуы мен оларды уақтылы тексеруден кәсіпорынның қаржылық жағдайы, айнналыс қаражаттарының айналымдылығы тәуелді. Ал кәсіпорындар арасындағы есеп айырысулардың дұрыс жолға қойылуы төлем уақытын қысқартады, есеп айырысуларды қолма-қол ақшасыз жүргізуге мүмкіндік береді. Халық шаруашылығы деңгейінде қалыпты және уақтылы есеп айырысулар экономиканың тұрақты дамуының негізі болса, ақша қаражаттарының есебінің кәсіпорын деңгейінде дұрыс ұйымдастырылуы үлкен маңызға ие.

Курстық жұмыстың мақсаты - кәсіпорын мысалында ақша қаражаттарының есебі мен аудитіне баға беріп, оны жетілдіру бойынша ұсыныстар беру. Осы мақсатқа жету үшін келесідей міндеттерді шешу қарастырылған:

- кәсіпорындағы ақша қаражаттары есебінің жүргізілуіне қойылатын талаптар мен шарттарды қарастыру;

- кәсіпорын мысалында кассалық және банктік іс-әрекеттердің бухгалтерлік есебінің жүргізілуін оқу;

-кәсіпорында ақша қаражаттарының есебінің жүргізілуіне аудит жүргізу;

- жүргізілген зерттеулер негізінде ақша қаражаттарының есебін жетілдіру бойынша негізделген ұсыныстар беру.

Курстық жұмыстың зерттеу объектісі - «Астана» ЖШС.

1 АҚША ҚАРАЖАТТАРЫ ЕСЕБІНІҢ ТЕОРИЯЛЫҚ НЕГІЗДЕРІ

1. 1 Ақша қаражаттары есебі мен аудитінің мәні мен міндеттері

Барлық шаруашылық субъектілері ақша қаражаттарымен жұмыс істейді. Кәсіпорын қызметінің тиімділігі бір жағынан ақша қаражаттары есебінің дұрыс жолға қойылуынан да тәуелді. Шаруашылық қызметінде кәсіпорын басқа кәсіпорындармен сатып алынған негізгі құралдар, материалдар мен шикізаттар, орындалған қызметтер үшін есеп айырысулар жүргізеді. Сонымен бірге кәсіпорын есеп айырысулар жолымен салық органдарымен, кеден қызметімен, бюджетпен қарым-қатынасқа түседі.

Кәсіпорындар арасындағы есеп айырысулар екі формада жүргізіледі: қолма-қол ақшасыз және нақты ақшамен есеп айырысулар арқылы.

Банк арқылы кассалық-есеп айырысулар жүргізу мемлекеттің кәсіпорындардың қаржы-шаруашылық қызметін жан-жақты бақылауға мүмкіндік береді. Банк мекемелері кәсіпорындардың шаруашылық қызметіне жұмсалатын шығындарын қадағалауға, олардың басқа субъектілермен уақтылы есеп айырысуын реттеуге, банктен түрлі мақсаттар үшін несие алуға мүмкіндік береді.

Ақша қаражаттарының есебі алдында келесідей міндеттер тұр:

шаруашылық субъектілерімен уақтылы есеп айырысулар жүргізуді қадағалау;
есеп регистрлерінде ақша қаражаттарының қозғалысын уақтылы және дұрыс бейнелеу;
ақша қаражаттарының белгіленген шектер негізінде дұрыс пайдаланылуын қадағалау;
ақша қаражаттарының мақсатты жұмсалуын қадағалау мақсатымен кезең сайын түгендеу жұмыстарын жүргізу;
кассадағы және ағымдық шоттағы ақша қаражаттарының бар болуы мен жұмсалуын бақылау;
есеп айырысу тәртібінің орындалуын бақылау.

Ақша қаражаттарының бар болуы мен олар бойынша есеп

айырысуларды дұрыс ұйымдастыру есеп айырысу тәртібінің бекуіне, дебиторлық және кредиторлық міндеттемелердің кемуіне, ақша қаражаттарының айналымдылығының жылдамдауына, кәсіпорынның қаржылық тұрақтылығының нығаюына алып келеді.

1. 2 Ақша қаражаттарының жалпы сипаттамасы

Ақша қаражаттарын сақтау үшін және заңды тұлғалар арасында есеп айырысуларды ұйымдастыру үшін барлық шаруашылық субъектілері ҚР екінші деңгейлі банктерінде банктік шоттар ашады. Банк шоттары - бұл банк пен клиенттер арасындағы келісім-шарттың қатынастарын сипаттайтын әдіс. Банк шоттары теңгемен, шетелдік валютада де ашыла алады және ол ағымдық, жинақтық және корреспонденттік болып бөлінеді.

Корреспонденттік шоттар - банк шоттары банктер мен ұйымдардың кейбір операция түрлерін жүзеге асырады.

Ағымдағы және жинақ шоттары - бұл да банктік шоттар, бірақ олар жеке және заңды тұлғалар үшін, сондай-ақ заңды тұлғаның оқшаланған бөлімдері үшін де ашыла алады.

Шетелдік валютадағы қаражаттардың бары мен қозғалысын есептеу үшін субъектіге арналған есеп айырысу шоттары ашылуы мүмкін. Ол сыртқы экономикалық қызметті жүзеге асыратын және өнімін сыртқа шығаратын шаруашылық субъектілері үшін ашылады.

Субъект шоттарындағы қаражат олардың бұйрығы бойынша есептен шығарылады. Субъектінің рұқсатынсыз шоттағы қаражатты есептен шығаруға соттың, мемлекеттік салық қызметінің рұқсатымен және қолданылып жүрген заңдарда көзделген басқа жағдайларда ғана жол беріледі.

Субъектілердің шоттарынан төлем жасау, егер заңдарда өзгеше көзделмесе, субъектінің басшысы белгілеген кезектілікпен жүзеге асады.

Қазақстан Республикасының аймағында ақшаны төлеу мен аударуды жүзеге асыруда келесі әдістерді пайдаланады: қолма-қол ақшаны аудару; төлем тапсырманы ұсыну; чектерді беру; вексельдерді беру; төлем карточкаларын пайдалану; тікелей дебеттік банк шоттарына аудару; төлем талап-тапсырмасын ұсыну.

Ақшасыз есеп айырысулардың негізгі нысандары : төлем тапсырмасы; чек; вексель; төлем талап-тапсырмасы; кеден және салық қызметі органдарының инкассалық жарлықтары болып табылады. Енді осы төлем нысандарына жеке тоқталсақ:

Төлем тапсырмаларымен есеп айырысу. Төлем тапсырмалары онда көрсетілген соманы бенефициардың пайдасына ақшаны жіберушіге қызмет көрсететін банк-алушының ақшаны аударғаны туралы тапсырмасы болып табылады. Қызмет пен жұмысты, тауарлы-материалдық құндылықтарды өтеу үшін есеп айырысулар кезінде, сондай-ақ қызмет пен тауарларға алдын ала төлем жасалған кезде төлем тапсырмалары қолданылады.

Төлем жасаушы банке белгіленген нысандағы бланкілердегі төлем тапсырманы ұсынады. Тапсырмаларға қоса төлем жасаушы банктің талап етуі бойынша салынатын салықтың шот-фактуралары мен төлемдердің мақсатын растайтын басқа да құжаттарды тапсырады. Төлем тапсырмалары жазылып берілген күннен бастап 10 күн бойы күшінде болады. Төлем тапсырмалары төлем жасаушының шотында қаражат болғанда ғана орындауға алынады. Төлем құжаттарын электрондық түрде де, қағаз ретінде де ұсынуға болады. Бұл құжаттардың данасын әрбір банк өзхі анықтайды.

Төлем тапсырмасын толтыру кезінде келесі көрсеткіштер толтырылуы керек:

төлем тапсырмасының номері;
төлем тапсырмасының жазылған күні;
жеке код;
жіберуші мен банк бенефициардың шоттарының номері;
бенефициардың коды.

Бенефициар- аудару жасалған кездегі ақша қаражатын алушы.

Банк-алушы- банк атауы, аударылған ақшада оның мекен-жайы

көрсетіледі.

Бенефициар банкісі - жіберушімен жасалған келісім-шарттың негізінде

бенефициардың пайдасына келіп түскен ақша қаражатын қабылдайтын банк.

Төлем арналымының коды - ҚР ҰБ нормативтік-құқықтық актісімен белгіленген және соның негізінде төлемдерді жүзеге асыратын кодтық белгілер, ол үш символдан тұрады.

Бюджеттік классификация коды - салықтарды кері қайтаруда қолданылатын код.

Төлем құжатына кез-келген түзету жасауға рұқсат етілмейді. Шаруашылық жүргізуші субъектілердің арасындағы жасалған келісімдері бойынша төлем тапсыр малары: жедел мерзімді, мерзімінен бұрын және мерзімі кейінге қалдырылған болып бөлінеді.

Жедел мерзімді төлем мынандай нұсқалар бойынша жүзеге асырылады:аванстық төлем, яғни тауар тиелгенге дейін; тауар тиелгеннен кейін; ірі келісім шарттар кезіндегі ағымдық төлемдер.

Мерзімінен бұрын немесе мерзімі кейінге қалдырылған төлемдер шарттық қатынастар аясында тараптардың қаржылық жағдайына зиян келтірмейтіндей болып жасалуы керек. Субъектілер жеке өздеріне тиесілі қаражатты жекелеген азаматтардың атына, жалақы төлеуге арналған, банк мекемелерінде аударым алушының атын, оның номерін, сондай-ақ, егер қаражат шотқа аударылуы тиіс болса, онда ол орналасқан банктің аты мен номерін көрсетеді. Тапсырмаға қаражат алушылардың тізбесі қоса беріледі, онда кім, қандай мақсаттарға ақша алатыны көрсетіледі. Байланыс кәсіпорындары кәсіпорындарға жолданған әрбір аударым алушы бойынша барлық аударымдардың жалпы сомасына төрт дана етіп жазылатын төлем құжаттары келіп түскеннен кейін төлейді.

Чектермен есеп айырысу. Чек беру төлем жасаудың бір тәсілі болып табылады, онда төлем чек беруші аттас төлем құжатын ұстаушыға беру жолымен жасайды. Чектер жабылатын және жабылмайтын болып бөлінеді. Біріншісі- депозиттермен қамтылған, екіншісі - қамтылмаған болады. Бұл кезде банктер чектердің төленетіндігі жөнінде кепілдік беруі мүмкін, оның ішінде жабылмайтын чектер бойынша да. Чек ұстаушылардың құқығы чек берушіден чекті алған кезден бастап пайда болады.

Чектер жарамсыз болып қалатындықтан чекте жазылғандарды өшіруге немес түзетуге болмайды. Егер чекті толтыру кезінде қателіктер жіберілсе, онда чекте және чектің түбіртегінде «бүлінген» деп жазу жазылады, мерзімі қойылады және кітапша иесінің қолы қойылады.

Чекті чек ұстаушы чек жазылған күні қабылдайды және төлеуге қабылданған күннің ертеңіне чек ұстаушы арқылы қызмет көрсететін банкке ұсынылуы тиіс. Чек кітапшасынан алынған чектің күшінде болу мерзімі жазылған күнін есептемегенде, әдетте, 10 күннен аспайды.

Банк чек берушіден чекті келесі жағдайларда қабылдамауына болады:

- жазумен көрсетілген сома санмен көрсетілмесе;

- чектің мерзімі өтіп кетсе;

- төлем құжаттарында жасанды жазулардың белгілері байқалса;

- чек әртүрлі сиямен жазылса;

- чектің қорғалу деңгейі оның талабына сай болмаса;

- чекте көрсетілген реквизиттер қате болса;

-чектің басқа да кемшіліктері болса.

Кемшіліктері (дефект) бар чектер ұстаушыға қолхат жазылып қайтарылады. Чектердің дефектілері табылса, банктің бас бухгалтері ол туралы Клирингтік палатаға хабарлайды, ал олар чектердің өңделуін тез арада тоқтатады. Бұндай дефектісі бар чектерге акт жасалады, ол акт төрт данада болады:

біріншісі- банкте қалады;

екіншісі -көшірмесімен бірге ішкі істер органдарына беріледі;

үшіншісі-Клирингтік палатаға беріледі;

төртіншісі-чекті беруші банкке беріледі.

Мерзімі өткен чек кітапшалары пайдаланбауына байланысты чекті беруші банкке қайтарылады.

Вексель - біржақты сөзсіз орындалатын ақша міндеттемесін қамтитын қатаң нысанда белгіленген төлем құжаты. Ол жай және аудармалы болып бөлінеді.

Жай вексель (соло-вексель) - талап етуі бойынша немесе белгіленген мерзімде келешекте вексельде көрсетілген ақша сомасын вексель ұстаушыға төлейтіні туралы ещқандай талқылауға жатпайтын міндеттемесінен тұрады.

Аударма вексель (тратта) - вексель берушінің (трансанттың) үшінші тұлғаға (трассатқа) бірінші вексель ұстаушыға (ремитентке) немесе оның бұйрығы бойынша келешекте белгілі бір уақытта, не ұсынған кезде, вексельде көрсетілген ақшаны төлейтіні туралы міндеттемесі. Аударма вексель өз табиғаты бойынша бұйрыққа ұқсас келеді.

Вексель құжат мәтінінен енгізілген, құжат қай тілде жазылса, онда сол тілде «вексель» деп жазылған атауды, белгілі бір ақша сомасын төлеуге бұйрықты; төлеуге тиіс тұлғаның атауы, төлеу мерзімі, төлем жасалатын орын көрсетілген құжат, сонымен бірге онда кімге не кімнің бұйрығы бойынша төлем жасалатындығы туралы ақпарат, вексель жасалған күн мен орны көрсетіліп, вексель берген тұлғаның қолы қойылады.

Жоғарыда көрсетілген талаптар құжатта толықтай орындалмаса, вексельдің күші болмайды.

Аударма вексель вексель берушінің бұйрығы бойынша ақы төлеуге жататын вексель ретінде берілуі мүмкін. Ол вексель берушінің өзіне немесе үшінші тұлғаның есебінен берілуі мүмкін. Аударма вексель үшінші тұлға тұрған жерде немесе төлем жасаушының тұратын жерінде немесе қандай да бір басқа орында төленуі мүмкін.

Вексельде проценттік ставка көрсетілуі тиіс, мұндай нұсқау болмаған жағдайда шартқа қол қойылмаған деп танылады. Проценттің есептелетін күні көрсетілмесе, аударма вексель жасалған күннен бастап саналады.

Төлем карточкаларының есебі. Төлем карточкалары инкассациялау шығындарын қысқарту, бухгалтерия жұмысын жеңілдету, қазақстаннан әлемнің кез-келген нүктесіне жылдам ақша аударымын жасау үшін қолданылады.

Төлем карточкалары - ақша қаражаттарына электрондық терминал немесе басқа қондырғылар арқылы қол жеткізу, ондағы ақпараттар валютаны айырбастауға, қолма-қол ақшаны алуға мүмкіндік береді.

Төлем карточкалары дебеттік, кредиттік және корпоративтік болып бөлінеді.

Дебеттік карточкалар қаржы шотындағы ақша сомасының шегінде оның ұстаушысына төлем жасауға мүмкіндік береді және оның ұстаушылары өз қарызын банк берген қаржы көлемінде төлей алады.

Кредиттік карточкалар өз ұстаушыларына банк берген қаржы көлемінде қарызын өтеуге мүмкіндік береді.

Одан басқа кәсіпорын іс-сапар шығыстарын төлеуге, офистік, үстеме шығыстары үшін корпоративтік төлем карточкаларын ашуына болады.

Корпоративтік карточкалар - бұл да төлем карточкалары, ол оны ұстаушыға банк пен заңды тұлғалардың арасында жасалынған келісім-шарттардың негізінде беріледі.

Төлем карточкалары келесі көрсеткіштерден тұрады:

- төлем карточкаларын берудің жағдайы;

- төлем карточкаларымен жасалынатын төлем түрлері;

- төлем карточкаларын алған тұлғалардың тізімі;

- төлем карточкаларын қайтарып алудың және тоқтатудың жағдайы;

- төлем карточкаларының әрекет ету мерзімі;

- тараптардың құқықтары мен міндеттері;

-тараптардың жауапкершілігі.

Қазақстан Республикасында тауар мен қызметі төлеу үшін төлем карточкасының пайдаланылғаны слиппен (слип-қағаз түрінде жасалатын төлем құжаттары) немесе сатып алынған сомасына екі данада берілген сауда чегімен расталуы керек. Слип үш данада рәсімделеді: біріншісі банкке, екіншісі кәсіпорынға, үшіншісі карточка иесіне беріледі.

Төлем құжаттары келесідей келесі көрсеткіштерден тұрады:

төлем құжатының номері және жазылған құны, айы, жылы;
операция жасаған ұйымның толық атауы;
карточка төлемінің реквизиті;
төлем сомасы;
төлем валютасы.

Сауда чегі - төлем карточкасын жүзеге асыру кезінде жасалады, яғни

төлем жасалып біткен соң ұстаушыға беріледі және келесі міндетті реквизиттерден тұрады:

құжат номері, жазылған күні, айы, жылы;
операцияны жүзеге асырушы ұйымның атауы;
төлем сомасы;
төлем валютасы;
төлем карточкаларының реквизиттері.

Төлем талап тапсырмалары. Төлем талап тапсырмасы тауарларды

алғанда, жұмысты орындағанда, қызметті көрсеткенде бенефициарлардың ақшаны төлеушіге жіберген талабы болып табылады.

Бенефициар төлем тапсырмасын банкке ұсынады және төлем талап тапсырмалары белгіленген бланктердің нысанында тиісті реестрлеріне тіркеледі. Төлем талап-тапсырмасы реестрмен бірге бенефициар-банкісіне ұсынылады, ал бенефициар барлық реквизиттердің толтырылғанын тексеріп, төлем-талап тапсырманы ақша жіберуші банкке жолдайды.

Егер де бенефициарға қызмет көрсететін де, ақшаны жіберуші де бір банк болса, онда бенефициар банкісін жанай өтіп, төлем талап-тапсырмасы реестрсіз бірден жіберуші банкіне ұсынылады.

Егер де төлем талап-тапсырманы орындау үшін қажетті ақша қаражаты болмаса, онда төлем талап-тапсырманы сақтау мерзімі және реестрінің мерзімі бөлініп төленуі мүмкін.

Төлем талап-тапсырмаларына толық немесе ішінара ақы төлеуден бас тарту кезінде ол туралы оған қызмет көрсететін банкке үш күннің ішінде хабарлайды. Талап-тапсырма құжаттарымен қоса оған берілген тиеу құжаттарын және төленбейтін бөлігі туралы хабарламасымен бірге тікелей жабдықтаушығы қайтарылады.

Төлеушілердің келісімінсіз олардың шоттарынан қаражатты есептен шығару тек соттың шешімімен, банктің өкімімен, не келесі орындау құжаттары негізінде қолданылып жүрген заңдарда көзделген жағдайлар бойынша жүргізіледі: банктің өндіріп алу жөніндегі өкімі, несиелерді пайдаланғаны үшін проценттері және есепке қате алынған сомалары; кепілші шотынан қарыз берешегінің өтелмеген сомалары; соттар берген орындау қағаздары; соттың шаруашылық істері жөніндегі алқаларының бұйрықтары; нотариус жүргізген орындау жазбалары; салық органдарының салықтар және басқа да төлемдер бойынша қосымша салықтары; сондай-ақ заңда көзделген айыппұлдар мен өзге де санкциялар сомасы; ҚР кедендік органдарының өкімдері.

Салық төлеушілердің берген кепілхаттары мен салық органдарының инкассалық өкімдері негізінде бюджетке төленетін төлемдері төлем кепілхаттарының берген күнінен бастап, банктер кезек күттірмей-ақ жүзеге асырады. Банктің аталған кепілхаттардың орындалуын кідіртуге құқығы жоқ. Төлеушінің келісімінсіз қаражаттарды өндіріп алу үшін тиісті құжаттарды қоса тіркей отырып, банкке төлем талап бланкісінде инкассалық өкімді тапсырады.

Инкассалық өкімде төлемнің мақсаты көрсетіледі және де осы төлемдерді төлеушінің келісімінсіз оның шотынан есептен шығару құқығын көздейтін заң актісіне сілтеме жасайды. Өндіріп алудың дұрыстығы төлеушінің келісімінсіз қаражаттарды есептен шығаруға негіз болатын сілтеме үшін өндіріп алушы жауапты болады. Банктер төлеушілердің келісімінсіз олардың шоттарынан қаражаттарды есептен шығаруға білдірген қарсылықтарды шын мәнінде қарамайды. Төлеушілердің келісімінсіз шоттарынан қаражаттарды есептен шығарудың негізділігімен байланысты мәселелер наразылық білдіру арқылы сот органдарының көмегімен шешіледі.

Борышкер мойындаған соманы есептен шығаруға берілген инкассалық өкімде борышкердің талаптарды мойындау туралы жауабының номері мен күні, сондай-ақ талаптарды мойындау туралы жауабының номері мен күні, сондай-ақ талаптың сипаты көрсетіледі (тауарлы-материалдық құндылықтар үшін есеп айырысулар, айыппұлдар өндіріп алу және басқалары) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.