Мүмкіндігі шектеулі оқушыларды әсемдікке тәрбиелеу

1 Мүмкіндігі шектеулі оқушыларды әсемдікке тәрбиелеу
2 Оқушының эстетикалық мәдениеті
3 Эстетикалық тәрбие теориясы мен практикасы
4 Балалардың сезімін тәрбиелеудегі табиғаттың ролі

Қазақстан өркениетті ел болу үшін саналы, ұшқыр ойлы қоғамның парасатты адамдарын қалыптастыру қажеттілігі туындауда. Әлем сахнасына рухы күшті, дені сау, білімді өзұлтын, тарихын шексіз сүйетін ұрпақ қана шығад, - деп Елбасы Нұрсұлтан Назарбаев айтқандай, соған лайықты ұрпақ тәрбиелеу әрбір ұстаздың борышы. Педагог Ахмет Байтұрсынов «Бала тәрбиесін, оқытуын жақсы білейін деген адам әуелі балаларға үйрететін нәрселерді өзі жақсы білуі керек, екінші баланың табиғатын біліп, көңіл сарайын танитын адам балаларға керек. Оны білуге баланың туғанынан бастап өсіп жеткенше тәнімен қатар ақылы қалай кіретін жолын іздеу керек. Баланың ісіне, түсіне қарап, ішкі халінен хабар аралық болу керек» дейді.
Ахмет Байтұрсыновтың бұл пікірі дәл бүгінгі, ертеңгі күннің талап – мақсатымен үндес, өмір бойы өшпейтін, ескермейтін өсиет. Бұлай дейтініміз , болашақ ұрпақты жан – жақты тәрбиелеу ісіндегі басты тұлға – тәрбиеші педагогтар мен ата-аналар.
Қазіргі заманда баланың жеке басын қалыптастыру, оның көкірек көзін оятып, ата-бабадан қалған және осы кезеңдегі халқымыздың асыл мұрасын баланың жас кезінен ойына ұялатып, бойына сіңіру, адамгершілік, ізеттілік, эстетикалық сезім - әрекеттерін қалыптастыру.
Ол үшін ең алдымен тәрбиеші педагог өзі жан- жақты білімді, шығармашылықпен еңбектенетін, ізденімпаз, озық тәрбиені бойына түйін деген көреген, сезімтал, балаға жүрек жылуын төге білетін, оның ішкі дүниесін, жан – сезімін көре білетін осы заманғы қоғамдық талап деңгейінде болуға тиіс. Ертеңіне лайық ұрпақ тәрбиелемеген елдің келешегі жоқ десек, сол ұрпақ тәрбиелеудегі ұстаз еңбегі- ұлы еңбек. «Ұстазын сыйламаған елдің ұрпағы азады» - дейді халық даналығы. Осыған байланысты шығармашылық ізденіс деген әр ұстаздың алдында тұрған үлкен міндет деп ойламын.