Алматы қаласындағы тұсқағаз фабрикасының қоршаған ортаға әсері



КІРІСПЕ

1.ӘДЕБИЕТКЕ ШОЛУ ... ... ... ... ...4
1.1 Алматы қаласының орналасуы мен климаты ... ... ... ... .4
1.2 Алматы қаласының ауа бассейнінің қазіргі жағдайы ... ... ... ... ... ... ... ... ... ... ... ...4
1.3 Шаң мен ұсақ бөлшектердің қоршаған ортаға таралуы ... ... ... ... ... ..10
1.4 Қоршаған ортаның ауыр металдармен ластануы ... ... ... ... ... .11

2.ЗЕРТТЕУ НЫСАНЫ ЖӘНЕ ЗЕРРТЕУ ӘДІСТЕРІ.
2.1 Зерттеу нысаны ... ... ... ... ... ... 12
2.2 Ауаның шаңдануын, шығарынды массасын және шаң ұстағыш қондырғының эффективтілігін анықтау ... ...12
2.3 Ауыр металдарды анықтау әдістері ... ..14

3.ЗЕРТТЕУ НӘТИЖЕСІ ... ... ... ...19
3.1 Мекемедегі ластау көздерін тізімге алу ...
3.2 Өнеркәсіптегі ластау көздерінен шығатын зиянды заттардың мөлшерін анықтау және зиянды заттарды шығаратын көздер ... ... .20
3.3 Атмосфераға шығарылатын зиянды заттардың түр құрамы мен массасына байланысты КҚК анықтау ... ... ... .26
3.4 ШРШ нормативтері бойынша ұсыныстар және атмосфераны қорғау іс.шаралары ... 29

ҚОРЫТЫНДЫ ... ... ... ... ... ... ..33

ПАЙДАЛАНҒАН ӘДЕБИЕТТЕР ТІЗІМІ
Алдыңғы қатарлы мемелекеттердің тәжірибелеріне қарағанда қазіргі таңда қалалардың өсуі әлеуметтік-экологиялық мәселелердің күрделене түсуіне әкеледі. Осындай күрделі экологиялық жағдайда тұрған еліміздің ірі қалаларының бірі Алматы қаласы. Оңтүстік астананың экологиялық жағдайының нашарлауы табиғи-климаттық жағдайлармен, желдің соғуы мен қала ауасының алмасуына кері әсер ететін сәулетті құрылыстрымен байланысты. Осының барлығы қала төбесінде смог түзетін, қоршаған ортада көптеп жиналатын әртүрлі токсикалық заттардың пайда болуына әкеледі.
Қазіргі уақытта Алматы қаласының агломерациясы Қазақстан Республикасы бойынша өте қолайсыз экологиялық жағдайы бар аудандар қатарына жатады. Мұнда соңғы жылдары барлық табиғи орталар: топырақ, су, өсімдіктер мен атмосфераның ауыр металдармен, шаң, улы газдармен ластану деңгейі жоғарылауда.
Алматы қаласынынң экологиялық жағдайының сандық және сапалық сипаттамалары өте жағымсыз деп айтуға болады. Қазіргі таңда ауаның ластануына байланысты бақылау жеткіліксіз түрде жүргізіледі. 1996 жылы қаланың ластануын Қазгидрометтің 15 тұрақты станциясы бақылап отырған. 1996 жылы 15 станция жұмыс істесе, ал 2000 жылы 2 станция ғана қалды
Өндірістің жоғары дәрежедегі жағдайы, автокөліктердің көптігі атмосфералық ауаның ластануына бірден бір себеп. Ауада зиянды заттардың көп мөлшерде жиналуы адам денсаулығына тікелей әсер етіп, тыныс алу жолдарының тітіркенуіне, өкпенің ісінуіне, орталық жүйке жүйесінің нашарлауына және ұзақ уақытқа улану қан айналымының бұзылуына әкеледі.
Қалада осылай ауа бассейнін ластаушы өндіріс орындарының бірі- “Айгерім” тұсқағаз ЖШС.
Берілген жұмыстың мақсаты: “Айгерім” ЖШС-нің қоршаған ортаға тигізіп жатқан әсерін бағалау.
Жұмыстың міндеті: мекемеден атмосфералық ауаға шығып жатқан зиянды заттардың мөлшерін анықтау әдістерін игеріп, нәтижелер алу.
1.Алексеев Ю.А. Тяжелые металлы в почвах и растениях. Агропромиздат, 1987.-115с
2.Добровольский В.В. География микроэлементов. Глобальное рассеяние. М.Мысль, 1938.-223-235с
3.Худолей В.В., Мигрезов И.В. Экологические опасные факторы. Сп.б., 1996.-186с
4.Антонов В.Б. Антропогенные экологические болезни. Клиническая медицина.1993.-315-319с
5.Королева Е.Г. Экологическое исследование последствий техногенного загрезнения. Токсикологический вестник.1995.-15-20с
6.Маршал В. Оснавные опасности химического загрязнения производства. Мир. 1989.-627с
7.Кабата-Пендиас А. Микроэлементы впочвах и растениях. Мир, 1989.- 135с
8.Информационный экологический бюллетень Республики Казахстан.
Алматы, 1997.
9.Информационный экологический бюллетень Рнспублики Казахстан. Алматы, 1998.
10.Экологиялық энциклопедия. А.Ж.Ақбасова, Е.Ү.Жамалбеков, Т.Қалыбеков, А.Т.Қолұшпаева, Қ.Б.Рысбеков, Г.Ә.Саинова.Алматы.2007.-253,-172-173б.б.
11.Сарницкая Н.А. Оценка роста влияния антропогенных химических загрязнений на здоровье населения /обзор/ . Врачебное дело. 1993.-19-23с
12.Неменко Б.А. Цветные металлы в окружающей человека среде. Здравохранение Казахстана. 1985.-2, -14-18с
13.Отчет о работе АГУООС за 1998.-431с
14.Панин М.С., Касымова Ж.Ц. Влияние различной антропогенной нагрузкой на закономерности соеденения кадмия, свинца, меди ицинка в системе.
15.Беспамятнов Г.П., Богушевская К.К., Беспамятнова В.А.,
Кротов Ю.А., Педельно допустимые концентрации вредных веществ в вохдухе и воде. Издание 2. химия, 1975.-456с
16.Информационный экологический бюллетень. 4-квартал 2000г-А, 6-12с
17.Суворов В.В., Алексеева Г.К. О Республиканской целевой научно- технической программе по оздоровлению воздушного бассейна Алматы. Наука, 1988.-70-72с
18.Гельмгольц Н.Ф. О некоторых закономерностях ветрового самоочищения атмосферы г. Алматы. Труды Каз НИГМИ, вып.64,1978.-9-6с
19.А.И.Федорова, А.Н.Никольская. Практикум по экологии и охране окружающей среды. Москва, 2001.-177-178с.
20. Ұлттық энциклопедия. Алматы, 2007.-439б.
21.Ғ.Сағымбаев. Экология негіздері. Алматы, 1995.-155б.
22.Национальный доклад.2008.
23.Экологиялық энциклопедия 151б.
24.Петров В.Е. Судебно-медицинская экспертиза отравлений. 1982.-70-73с
25.Отчет о работе АГУООС за 2007.-24с.
26. Балқаш-Алакөл экологиялық департаментіндегі бірінші жарты жылдықтағы есеп.-11б.
27. Беспамятнов Г.П., Богушевская К.К., Беспамятнова В.А.,
Кротов Ю.А., Педельно допустимые концентрации вредных веществ в вохдухе и воде. Издание 2. химия, 1975.-456с
28.Степановский А.С. Прикладная экология.-М.: ЮНИТИ-ДАНА,2003.-С. 70-78.
29.Экологиялық энциклопедия. А.Ж.Ақбасова, Е.Ү.Жамалбеков, Т.Қалыбеков, А.Т.Қолұшпаева, Қ.Б.Рысбеков, Г.Ә.Саинова, М.Н. Сәндібеков.- Алматы, 2007.-41-43б.
30.Колумбаева С.Ж., Бильдебаева Р.М. Общая экология/Учебное пособие под ред.А.Б.Бигалиева-Алматы:Қазақ университеті,2005-Б.-19-29.
31.Ақбасова Ұ.Б. Экология және қоршаған ортаны қорғау, жоғарғы оқу орындарына арналған оқулық.2007.-243-244б.
32.Грановский Э.И., Неменко Б.А. Современные методы определения тяжелых металлов и их применение для биологического мониторинга: Алма-ата, 1990-С.40-73.
33.Орлов Д.С., Садовников Л.К., Лозановская И.Н. Экология и охрана биосферы химическом загрязнении. Москва: Высшая школа, 2002.-193б

ҚАЗАҚСТАН РЕСПУБЛИКАСЫНЫҢ ҒЫЛЫМ ЖӘНЕ БІЛІМ МИНИСТРЛІГІ
ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

Биология факультеті

Экология және ботаника кафедрасы

Бітіру жұмысы
Алматы қаласындағы тұсқағаз фабрикасының
қоршаған ортаға әсері

Орындаған
4 курс студенті _______________________________
(қолы, күні)
Ғылыми
жетекші а.ш.ғ.д.,
профессор _______________________________ Асанбаев И.Қ.

(қолы, күні)

Норма бақылаушы__________________________ _____ Билялова Г.Ж.
(қолы, күні)

Қорғауға жіберілді
кафедра меңгерушісі
б.ғ.д.,профессор ________________________________ Айдосова С.С.
(қолың күні)

Алматы, 2009

РЕФЕРАТ

Бітіру жұмысы 38 беттен тұрады. Бітіру жұмысында 8 кесте, 1 схема, 2
диаграмма келтірілген. Пайдаланған әдебиеттер тізіміне 33 еңбек кіреді.
Кілттік сөздер: шаң, ауыр металдар, мониторинг, тұсқағаз, ШРК, ШРШ,
КҚК ( кәсіпорынның қауіптілік категориясы).
Бітіру жұмысы Алматы қаласындағы “Айгерім” атты тұсқағаз мекемесінің
қоршаған ортаға тигізіп жатқан әсерін қамтиды. Кәсіпорыннан шығатын
ластаушы заттар, олардың жылдық мөлшері анықталған.
Жұмыстың мақсаты: “Айгерім” ЖШС-нің қоршаған ортаға тигізіп жатқан
әсерін бағалау.
Жұмыстың міндеті: мекемеден атмосфералық ауаға шығып жатқан зиянды
заттардың мөлшерін анықтау әдістерін игеріп, нәтижелер алу.
Зерттеу жұмыстарының нәтижелері: мекемеде 3 ластаушы көздің бар екені
анықталды. Ластаушы көздерден атмосфераға 5 түрлі ластаушы заттар шығады.
Олар: сірке қышқылы, қағаз шаңы, этил спирті, көміртегі оксиді, қатты
бөлшектер. Қатты бөлшектер 0,0005гсек, жылына 0,0015т шығады ( бұл заттың
қауіптілік класы-3, улылық коэффициенті-6,7), ал көмір оксиді 0,0065гсек,
0,0194 т жыл ( қауіптілік класы-4, улылық коэффициенті-0,1), сірке қышқылы
0,0031гсек, 0,0087тжыл (қауіптілік класы-3), этил спирті 0,0257гсек,
0,0768тжыл, ( қауіптілік класы-4,улылық коэффициенті -0,2), қағаз шаңы
57,6072тжыл ( улылық коэффициенті-10,0).

ГЛОСАРИЙ

ШРК – Шекті рауалы концентрация, зиянды агенттің организмге не
олардың қауымдастықтарына өткенде (демалу, тамақпен бірге және т.б.) оларға
мазасыздық пен денсаулығына қатер туғызбайтын және құртатындай ықпал
жасамайтын ең көп мөлшері.
ШРШ – Шекті рауалы шығарынды, жермен астасқан ауа қабатындағы
негіздер не негіздер тобынан түскен ластағыш заттектің шамасы тұрғындарға,
жануарлар дүниесі мен өсімдіктер әлеміне арналған сапасының нормативінен
аспайтындай етіп белгіленген ғылыми-техникалық норматив.
КҚК – Кәсіпорынның қауіптілік категориясы.
Атмосфера (грек.atmos – ауа және sphаіra - шар) - әр түрлі газ, су
буы және ауа тозаңы бөлшектерінің қоспаларынан тұратын Жердің газ тәрізді
қабықшасы.
Мониторинг - қоршаған табиғи орта жағдайларын антропогендік
факторлардың әсерінен өзгеруін бақылау, бағалау, болжау жүйесі.
Ауыр металдар – қоршаған ортаға көп мөлшерде түскенде организмдерді
уландыратын металдар. Ол элементтерге: қорғасын, мырыш, кадмий, сынап,
молибден, маргенец, никель, қалайы, кобальт, титан, мыс, ванадий т.б.
жатады. Бұл элементтер қоршаған ортаға түскенде экожүйелердің өздігінен
тазалану процесімен ыдырамайды.
Шаң – қатты бөлшектердің атмосферадағы жиынтығы. Шаң – ол аэрозоль.
Аэрозольдер таралған күйдегі ( қатты немесе сұйық ) бөлшектер.

МАЗМҰНЫ

КІРІСПЕ
3

1.ӘДЕБИЕТКЕ ШОЛУ------------------------------- -----------------------------
----------------------------------- ----------4
1.1 Алматы қаласының орналасуы мен климаты---------------------------- ------
----------------------------4
1.2 Алматы қаласының ауа бассейнінің қазіргі жағдайы------------------------
-----------------------4
1.3 Шаң мен ұсақ бөлшектердің қоршаған ортаға таралуы-----------------------
-----------------10
1.4 Қоршаған ортаның ауыр металдармен ластануы--------------------------- ---
-----------------------11

2.ЗЕРТТЕУ НЫСАНЫ ЖӘНЕ ЗЕРРТЕУ ӘДІСТЕРІ--------------------------- ----------
12
2.1 Зерттеу нысаны----------------------------- -----------------------------
----------------------------------- -----------------------12
2.2 Ауаның шаңдануын, шығарынды массасын және шаң
ұстағыш қондырғының эффективтілігін анықтау---------------------------
-------------------------12
2.3 Ауыр металдарды анықтау әдістері--------------------------- -------------
----------------------------------- ---14

3.ЗЕРТТЕУ НӘТИЖЕСІ--------------------------- -------------------------------
----------------------------------- -------19
3.1 Мекемедегі ластау көздерін тізімге алу-------------------------------- --
----------------------------------- --19
3.2 Өнеркәсіптегі ластау көздерінен шығатын зиянды заттардың
мөлшерін анықтау және зиянды заттарды шығаратын көздер----------------
-----------20
3.3 Атмосфераға шығарылатын зиянды заттардың түр құрамы мен
массасына байланысты КҚК анықтау---------------------------- -----------
----------------------------------- -26
3.4 ШРШ нормативтері бойынша ұсыныстар және атмосфераны қорғау
іс-шаралары------------------------ -----------------------------------
----------------------------------- -----------------------------29

ҚОРЫТЫНДЫ-------------------------- ----------------------------------- ------
----------------------------------- ------------------33

ПАЙДАЛАНҒАН ӘДЕБИЕТТЕР ТІЗІМІ----------------------------- ------------------
---------------35

КІРІСПЕ
Алдыңғы қатарлы мемелекеттердің тәжірибелеріне қарағанда қазіргі
таңда қалалардың өсуі әлеуметтік-экологиялық мәселелердің күрделене түсуіне
әкеледі. Осындай күрделі экологиялық жағдайда тұрған еліміздің ірі
қалаларының бірі Алматы қаласы. Оңтүстік астананың экологиялық жағдайының
нашарлауы табиғи-климаттық жағдайлармен, желдің соғуы мен қала ауасының
алмасуына кері әсер ететін сәулетті құрылыстрымен байланысты. Осының
барлығы қала төбесінде смог түзетін, қоршаған ортада көптеп жиналатын
әртүрлі токсикалық заттардың пайда болуына әкеледі.
Қазіргі уақытта Алматы қаласының агломерациясы Қазақстан Республикасы
бойынша өте қолайсыз экологиялық жағдайы бар аудандар қатарына жатады.
Мұнда соңғы жылдары барлық табиғи орталар: топырақ, су, өсімдіктер мен
атмосфераның ауыр металдармен, шаң, улы газдармен ластану деңгейі
жоғарылауда.
Алматы қаласынынң экологиялық жағдайының сандық және сапалық
сипаттамалары өте жағымсыз деп айтуға болады. Қазіргі таңда ауаның
ластануына байланысты бақылау жеткіліксіз түрде жүргізіледі. 1996 жылы
қаланың ластануын Қазгидрометтің 15 тұрақты станциясы бақылап отырған. 1996
жылы 15 станция жұмыс істесе, ал 2000 жылы 2 станция ғана қалды
Өндірістің жоғары дәрежедегі жағдайы, автокөліктердің көптігі
атмосфералық ауаның ластануына бірден бір себеп. Ауада зиянды заттардың көп
мөлшерде жиналуы адам денсаулығына тікелей әсер етіп, тыныс алу жолдарының
тітіркенуіне, өкпенің ісінуіне, орталық жүйке жүйесінің нашарлауына және
ұзақ уақытқа улану қан айналымының бұзылуына әкеледі.
Қалада осылай ауа бассейнін ластаушы өндіріс орындарының бірі-
“Айгерім” тұсқағаз ЖШС.
Берілген жұмыстың мақсаты: “Айгерім” ЖШС-нің қоршаған ортаға тигізіп
жатқан әсерін бағалау.
Жұмыстың міндеті: мекемеден атмосфералық ауаға шығып жатқан зиянды
заттардың мөлшерін анықтау әдістерін игеріп, нәтижелер алу.

1.ӘДЕБИЕТКЕ ШОЛУ

1.1 Алматы қаласының орналасуы мен климаты

Алматы қаласы өзінің физико-географиялық және табиғи-климаттық
жағдайлары бойынша уникальды қала болып есептеледі. Ол Қазақстанның
оңтүстік-шығыс жағында Тянь-Шань тау жүйесінің бір бөлігінің жанында, теңіз
деңгейінен 670-970м биіктікте, Үлкен және Кіші Алматы өзендерінің бойында
орналасқан [16]. Қаланың картасында табиғи белдеулердің көпшілігі
кездеседі. Олар солтүстік шекарадағы жартылай шөлдермен оңтүстік шекарадағы
мұздықтар. Іле Алатауының биік таулы ярусының жер бедері альпілік
формалармен келтірілген. Тау бөктерінде далалы белдеу орналасқан. Қаланың
солтүстігінде біркелкі емес жер бедері күрт тегістене бастайды, ал далалы
белдеуді Үлкен және Кіші Алматы, Есентай (Весновка), Ремизовка өзендері
бойлап өтеді.
Алматы қаласының климаты континентальды, ұзаққа созылатын құрғақ
жазымен және тұрақсыз қысымен, жыл бойында тәуліктік температуралардың күрт
ауытқуымен, таулардың жақын болғанына байланысты атмосфералық жауын-
шашынның көп мөлшерімен сипатталады.
1.Жылдық жауын-шашын мөлшері - 629мм, негізінен күз және қыс
мезгілінде.
2.Орташа температурасы жазда +20,6 С, максимум +42 С, қыста 5,6 С,
минимум -38 С.

1.2 Алматы қаласының ауа бассейнінің қазіргі жағдайы

1980-ші жылдардың ортасында Алматы қаласы қоршаған ортаның ластануы
бойынша бұрынғы КСРО көлемінде ең лас он қаланың қатарына кірді [17]. 1986
жылы атмосфераға қалдық заттардың түсуі 306 мың тоннаға жетті. Атмосфераның
мұндай ластануы, әсіресе өте лас аймақтарда тұратын қала тұрғындарының
денсаулығына қатты зиян келтірді.
Алматы қаласының ауа бассейнінің ластануында жел ағындары да маңызды
рөл атқарады. Қаланы жел режимі бойынша микроклиматтық аудандастыру тұрақты
гидрометеорологиялық станциялардың көпжылдық мәліметтерін жинастыру
негізінде болды. Алматының микроклиматтық ерекшеліктеріне қаланың шығыс
және оңтүстік бөлігінде орналасқан Іле Алатауы әсер етеді. Қала аумағында
жел көрсеткіштерімен ерекшеленетін үш микроклиматтық ауданға бөлуге болады.
Біріншісі – қала аумағының оңтүстік-шығыс бөлігінде орналасқан ауа
массаларының белсенді тау-далалы циркуляция ауданы. Тау-далалы
циркуляцияның маңызы- түнгі уақытта ауаның таудан төмен қарай жылжуы, ал
күндіз керісінше. Түнгі уақытта оңтүстік және оңтүстік-шығыс желдері, ал
күндіз солтүстік желдер басым болып келеді. Тау-далалы циркуляция қала
атмосферасының тазаруына байланысты позитивті фактор болып есептеледі [18].
Екінші микроклиматтық аудан – Боралдай қыраты мен Іле Алатауы етегінің
арасында орналасқан. Шұңқыр тәріздес орналасуы жел жылдамдығының азаюына
себепші болады. Бұл микроклиматтық ауданда өзіндік тазару мүмкіндігі өте
нашар.
Үшінші микроклиматтық аудан Боралдай қыратынан тыс орналасқан, онда
солтүстікке және солтүстік-шыңысқа соғатын жел бағытының күндіз және түнде
өзгеруі байқалады. Сонымен бірге, Алматы қаласында жел тұту жағдайлары өте
көп кездеседі, абсолютті биіктіктің азаюымен олардың мүмкіндігі көбейеді.
Теңіз деңгейінен 1600м биіктікте жел тұруының қайталануы 10%, ал 825-850м
биіктікте 21-25% жетеді, 670м биіктікте 43% тең.
Алматы қаласының ауасы ауыр металдармен көп мөлшерде ластанған. Ауыр
металдарға шектік салмағы жоғары болатын барлық металдар жатады. Адам
ағзасында микроэлементтердің жетіспеушілігінен зат алмасуда күрделі
өзгерістер болады. Және де ауыр металдардың жоғары концентрациялары
уландыру әсерін береді. Ауыр металдардағы зиянды заттардың экологиялық
айналымға кіруі адам ағзасына кері әсерін тигізеді. Мысалы, ауыр
металдардың көп мөлшерде болуы жүрек пен қан тамырларының, жүйке жүйесінің,
сүйек ұлпаларының мутагендік және тератогендік, онкогендік әсерлердің
итиологиясы қоршаған ортада осы металдардың болуымен байланыстырылады. Ауыр
металдар топырақ бетінің техногендік қалдықтар құрамында болатынын және
атмосфералық ауа арқылы ластанатыны дәлелді түрде белгілі болған. Топырақ
бетіне түсетін жауын-шашын құрамында қорғасын, кадмий, мышьяк, сынап, хром,
никель, мырыш т.б. элементтер болуы мүмкін. И.Г.Важенин көрсетулері
бойынша, топырақ бетіне түсетін элементтер өсімдіктердің ластануына әкеліп
соғады.
Ауыр металдардың атмосфералық ауаны ластаудағы негізгі көзі жылу
электр станциялары болып табылады. ЖЭС – 27%, қара металдар өндірісі –
24,3, мұнай, алтын және өңдейтін орындар – 15,5%, көлік құралдары – 13,1%,
түсті металдар өндірісі – 10,5%, құрылыс материалдарын өңдейтін орындар –
8,1% құрайды[29].
Республика бойынша 2007 жылы атмосфералық ауаға стационарлы
ластаушы көздерден шығатын зиянды заттар 2,9 млн.т құрады. Республика
бойынша есепте тұрған 8097 кәсіпорынның 53% өздерінің шығарындыларын
көбейткен. Республика бойынша атмосфералық ауаның жоғарғы деңгейде ластануы
Алматы қаласында байқалады. 2006 жылы атмосфераның ластану индексі – 12,1
болса, ал 2008 жылы ол 12,6 көрсеткен.
Алматы қаласы бойынша атмосфералық ауаны ластаушы стационарлы
көздерден шыққан зиянды затттар 82,6 мың.т құраған. Оның ішінде 74,5 мың.т
ұсталынып алынған, яғни 90,3%. Осы көрсетілгеннің 97,7% қатты заттар болса,
ал 12,4% газ тәрізді және сұйық заттар. Қала атмосферасына 8,1 мың.т зиянды
заттар шығарылған, оның ішінде қатты заттар – 1,7 мың.т, газ тәрізді және
сұйық заттар – 6,3 мың.т.
Атмосфералық ауаға көп мөлшерде шығарылатындар қатарына: күкірт
ангидриді-2,2 мың.т; көмір оксиді-1,2 мың.т; азот оксиді-2,2 мың.т кіреді.
Қаланың ауа бассейніне шығарындыны көп мөлшерде шығаратын
стационарлы көздер қатарына ЖЭО-1-9,8 мың.т, “Алматы теплокоммунэнерго”-
433,0т. кіреді. Қалған шығарындылар атмосфералық ауаға орта және кіші
кәсіпорындардың соның ішінде автономды жылу орталық көздері бар
кәсіпорындар еншісіне тиеді[15].
Г.А.Гармаш мәліметтері бойынша ауыр металдардың көп мөлшері қара және
түсті металдар есебінен қоршаған ортаға техногендік шаң-тозаң ретінде
түседі. Ауыр металдардың орта нысандарына түсу көзі түсті металлургия,
химиялық, электр-техникалық өндіріс қалдықтарының шығаратын қалдық
суларынан да болады. Қорғасынды балқыту және тазарту кезінде әр тоннасына
25кг қолданылмаған қорғасын шығарылады. Тау-кен өндіріс орындарындағы шаң
құрамында 3% мыс, 9% қорғасын, 1% кадмий және 15% мырыш болады. Қара және
түсті металлургия өндіріс орындарының қалдық сулары құрамында 1-5мгл
кадмий, 200-250мгл никель кездеседі.
Қалалардағы нашар экологиялық жағдай жылу электр орталықтары әсерінен
де қалыптасады. Алматы қаласының ЖЭО-1 аймағында қорғасын, мыс, мырыш,
кадмий, молибденннің фондық мәні 3-100 есеге дейін артқан. Ал құрамында
жоғары дозалы ванадий, висмут, берилий, хром заттары бар қалдықтар 3км
қашықтықта өсетін өсімдіктерге әсер етеді [22].
Ұлттық баяндамадағы мәліметтерде көрсетілгендей Алматы
қаласындағы әртүрлі аудандардан алынған топырақ үлгілеріне жүргізілген
зерттеулер нәтижелері мынаны көрсетеді: ауыр металдар соның ішінде
топырақтағы кадмий нормадан аспаған, қорғасын ШРК бойынша 0,6-1,8
аралығында, хром 0,6-2,1; цинк 0,9-1,4; мыс 0,7-1,7 аралықтарында болған.
Топырақтың ауыр металдармен ең көп ластанған аудандар Абай даңғылы мен
Сейфуллин даңғылдарының қиылысқан жерлерінде. Бұл аймақта көктем және күз
мезгілдерінде мыс, қорғасын, цинк және хромның ШРК 1,0-2,6 аралығында
болатынын көрсетеді. Ал ВАЗ ауданында көктемде хром концентрациясы 1,2
жеткен, күз айларында мыс, қорғасын, цинк, хромның ШРК 1,1-1,7 аралығында
болған. Қалалық әуежай аймағында күзде қорғасын концентрациясы 1,4 жеткен.
ҚазҰУ-нің саябағында ауыр металдардың жинақталуы нормадан аспаған [22].
Жылына бір автокөлік орта есеппен 1кг қорғасын қоспасын шығарады, ал
сағатына ол 1,4г құрайды екен. Қорғасынның жоғарғы концентрациялық
қалдықтары үлкен, кіші автомагистралдар жанындағы топырақ пен өсімдіктер
құрамында басқа жерлердегі өсімдіктерге қарағанда, қорғасын 10-100 есеге
дейін артық екендігін көрсетті.
Д.Бериния және т.б. автокөшелердің маңында 50м жерде өсетін
өсімдіктер құрамында қорғасыннан басқа марганец, мырыш, мыс, кадмий,
кобальт, никельдің жоғары концентрациясы кездесетінін көрсеткен.
Алматы қаласының климаттық жағдайы қолайлы болғанымен, атмосфералық
өзін тазарту қасиеті төмен болып келеді. Республикада соңғы жылдары жүріп
жатқан экономикалық реформаларға байланысты шаруашылық құрылым өзгеріске
ұшырады, оның ішінде көптеген ескі және ірі өндіріс орталықтары тоқтатылды.
Нәтижесінде көпжақты өнеркәсіп орындары пайда болды. Ал олардың ауаны
ластандыру процесіне қосатын үлесі ірі өнеркәсіп орталықтары шығаратын улы
және зиянды заттар мөлшеріне тең болып келеді.
ҚІСБ ЖПБ мәліметтері бойынша экологиялық қауіпсіздік бөлімінің талдау
жұмыстары қаладағы пайдаланылатын көліктің 75% -ның пайдалану мерзімі
өткен, олар қолдануға жарамсыз болып табылады.
Ауаға түскен барлық ластаушы заттардың 80% - автокөліктен шығатын улы
заттар. Сол газдардың құрамында зиянды бөлшектер бар.
Әрбір автомобиль орташа есеппен 1км жол жүргенде, 30г СО2, 4г NO2, 2г
көмірсутектерді шығарады екен. Осы газдардың бөлінуі отынның түріне, жол
сапасына және жер бедеріне байланысты.
Бақылау орталықтарының мәліметтері бойынша автокөліктер жыл сайын 802
мың тонна СО2, 45 мың тонна NO2, 10 мың тонна тетраэтилқорғасын,
13 мың тонна көмірсутек, 0,5 мың тонна бензапирен шығарады екен.
Металдармен ластанған қала тұрғындарының денсаулық көрсеткіштеріне
корреляция жасағанда балалар өлімінің 32% жерасты суларының ауыр
металдармен ластануына, ал 40-42% тыныс алу органдарының зақымдануына
байланыстылығы дәлелденген. 1991-1993 жылдар аралығындағы экологиялық
жағдайдың өзгеруі екі қарама-қарсы процестермен айқындалады: біріншісі –
автокөлік санының күрт өсуі, жылына 25-30% өскен; екіншісі -
өнеркәсіптіктік іс-әрекеттің азаюы. 1990 жылы Алматыда 560 өндірістік
кәсіпорын жұмыс істеді. Кәсіпорындардың азаюы қалдықтардың азаюына себеп
болды. Сондықтан, Алматы қаласының экологиялық жағдайының сапалық
анықтаушысы – автокөліктерден шығатын газ мөлшерінің өсуі болып келеді.
Автокөлік шығаратын қалдықтардың үлесі 2000 және 2003 жылдар арасында 95-
96% жетті.
Алматы қаласының экологиялық жағдайының сандық және сапалық
сипаттамалары өте жағымсыз деп айтуға болады. Қазіргі таңда ауаның
ластануына байланысты бақылау жеткіліксіз түрде жүргізілмейді. 1996 жылы
қаланың ластануын Қазгидрометтің 15 тұрақты станциясы бақылап отырған.
1996жылы 15 станция жұмыс істесе, ал 2000 жылы 2 станция ғана қалды.
Қазіргі жағдайда қала ортасының сапасын бақылаудың жаңа әдістерін
енгізу қажеттілігі анықталып отыр. Мониторинг жүйелері биоиндикациялық
зерттеулерге қажетті жаңа әдістердің бірі болып есептеледі.
Мониторинг анықтамалары және негізгі міндеттері:
Табиғи ортаның жағдайы және оның өзгеруі жайлы мәліметтерді адамдар
көптен бері пайдалануда. Соңғы жүз жыл бойы метеорологиялық, фенеологиялық
т.б. бақылаулар тұрақты түрде жүргізілуде.
Техниканың дамуы мен адамның табиғатқа әсер ету мүмкіндігі ұлғайған
кезде, табиғи ресурстарды кеңінен пайдалану, геофизиологиялық мәлімет ең
маңызды және қажетті бола бастады. Ұзақ уақыт бойы қоршаған ортаның табиғи
себептерімен болатын өзгерістерінің жағдайына бақылаулар жүргізілгені
белгілі.
Соңғы он жылда бүкіл дүние жүзінде адамның қоршаған ортаға әсері күрт
өсті, табиғатқа жүргізілетін бақылаусыз қысым өте күрделі салдарға
әкелетінін көрсетті. Осыған байланысты биосфераның жағдайы туралы детальды
мәлімет беру қажеттілігі туды. Табиғи себептермен өзгеретін биосфераның
жағдайына қарағанда, антропогендік фактордың әсерінен болатын өзгерістер
өте қарқынды жүрді, осы себептермен биосфераның кейбір элементтеріндегі
срңғы 10 жылда болған өзгерістер табиғи жағдайда мың, тіпті миллион жылдағы
болатын өзгерістерімен тең келеді.
Табиғи фонда антропогендік өзгерістерді білу үшін биосфераға адамның
көмегімен жүргізілетін арнайы бақылауларды ұйымдастыру қажеттілігі туды.
Алдын ала әзірленген бағдарламаға сәйкес белгілі мақсатта кеңістікте
және уақыт бойынша табиғи ортаның бір және одан да көп элементтеріне
жүргізілетін қайталанбалы бақылаулар жүйесін – мониторинг деп атау
ұсынылған.
“Мониторинг” термині қоршаған орта бойынша БҰҰ-ның Стокгольм
конференциясының алдында (1972 жыл 5-6 маусымда “бақылау” ұғымына
толықтыру ретінде) пайда болды. Осындай жүйені құру бойынша алғашқы
ұсыныстарды СКОПЕ арнайы комиссиясының сарапшылары 1972 жылы жасаған.
“Мониторинг” термині “бақылау” терминіне қосымша пайда болған, яғни ол тек
қана бақылап, мәлімет алу ғана емес, сонымен қатар, белсенді іс-әрекет
элементтері, басқару элементтері дегенді білдіреді. Мониторингке келесі
негізгі іс-әрекет бағыттары кіреді:
1.Сыртқы ортаға әсер ететін факторларды бақылау;
2.Табиғи ортаның нақты мезетіндегі жағдайды бақылау;
3.Қоршаған ортаныңжағдайына болжам жасау және оны бағалау.
Сонымен, мониторинг дегеніміз – бақылаудың және болжам жасаудың
жүйесі. Онда қоршаған ортаны ұйымдастыру маңызды шарттардың біріне жатады.
Мониторингте биосфераның жағдайы геофизикалық, физико-географиялық,
геохимиялық және биологиялық көрсеткіштері бойынша сипатталады. Мониторинг
жүйелерін локальды аймақтарда және бүкіл жер шарында жүргізуге болады.
Ғаламдық мониторинг – бүкіл биосфера туралы мәліметтер алады; аумақтық –
үлкен кеңістікті алып жатқан аумақтар (табиғат белдеулері, ландшафт
кешендері, т.б) туралы, ал жергілікті – жеке объектілердің (қала өндіріс
аймағы, т.б) экологиялық жағдайларын бақылайды. Бұдан басқаша
биоэкологиялық (санитарлы-гигиеналық, адам денсаулығы, т.б) геоэкологиялық
(климат жағдайы, т.б) болып бөлінеді. Мониторинг қызметінде дистанционды
және автоматтық бақылау әдістері қолданылады. Мониторинг жүйесі ақпараттық
болып табылады, оның міндетінде қоршаған ортаның сапасын басқару кірмейді.
Қазақстан Республикасының табиғат ресурстары және қоршаған ортаны қорғау
министрлігінің жүйесінде “экологиялық мониторинг” басқармасы бар.
Мониторинг жүйесін топтастыру – қоршаған табиғи орта жағдайының
өзгеруін болжау мен бақылаудың кешенді жүйесін қарастырылатын объект
түрлеріне , факторларға, ластағыш көздерге, әсер ауқымына, қолданылатын
тәсілдерге қарай топтарға бөлу болып табылады. Мониторинг объектілеріне
атмосфера, атмосфералық жауын-шашын, құрлық жердің беткі сулары, мұхит пен
теңіздер, жер асты сулары, криосфера (климаттық жүйені құрушылар) жатады.
Бақылау объектілеріне қарай мониторинг жүйесі келесі түрлерге
бөлінеді: атмосфералық, ауалық, гидросфералық (жиынтықты түрде
гидрометеорологиялық), топырақтық, климаттық, сейсмикалық, ионосфералық,
Күн, магнитометриялық, биологиялық, өсімдіктер, жануарлар, тұрғындар
денсаулығының мониторингі және т.б.
Әсер факторларының мониторингі - әртүрлі химиялық ластағыштардың
(ингредиенттік мониторинг), түрлі-түрлі табиғи және физикалық факторлар
әсерлерінің (электро магнитті сәулелену, күн радиациясы, шу, діріл)
мониторингі. Ластағыш көздерінің мониторингі – нүктелі стационарлы көздер
(зауыттардың мұржалары), жылжымалы (көлік), кеңістік (қалалар, химиялық
заттектер ендірілетін егістік жерлер) көздер. Әсер аумағына байланысты
мониторинг кеңістік және уақытша мониторингтерге бөлінеді. Мәліметтерді
ортақтастыру сипатына қарай мынандай мониторинг жүйелері құрылады: ғаламдық
(биосфералық) – халықаралық ынтымақтастық негізінде Жер биосферасындағы
әлемдік құбылыстар мен процестерді зерттеу арқылы назарға ұстап,
экстремалды қолайсыз жағдайлардың болуы туралы уақытылы ескерту жасап
отыру; базалық (фондық) – жалпы биосфералық, табиғи құбылыстарды бақылау;
ұлттық – бір мемлекеттің шегінде арнайы құрылған органдар арқылы
жүргізілетін мониторинг; аймақтық – халық шаруашылығын қарқынды игеру
барысында ірі-ірі аудандардың көлемінде құбылыстар мен процестерді зерттеу
арқылы бақылау; жергілікті (локальды) – елді мекендерде, өнеркәсіп
орталықтарында, кәсіпорындарда қоршаған ортаның сапалық өзгеруіне бақылау
жүргізу; импактылық – ерекше қауіпті зоналар мен жердегі аймақтық және
жергілікті антропогендік әсерлердің мониторингі. Мониторинг жүйесін
қолданылатын тәсілдерге (физико-химиялық және биологиялық көрсеткіштердің
мониторингі, аралық мониторингі) сүйене отырып топтастыруға да болады.
Химиялық мониторинг – биосфера объектілеріндегі химиялық ластағыш заттарды
бақылайтын, таралуын тексеретін жүйе. Физикалық мониторинг – қоршаған
ортаға физикалық процестер мен құбылыстардың (су тасқыны, жанар тау
атылыстары, жердің сілкінуі, құрғақшылық, топырақ эрозиясы және т.б.)
тигізетін әсерін бақылау жүйесі. Биологиялық мониторинг – биоиндикаторлар
көмегімен жүргізілетін мониторинг (яғни ортаның өзгеруін, ағзалардың күйі
мен жүріс-тұрысына қарап пішіп-кеседі). Экобиохимиялық мониторинг –
қоршаған ортаның екі құрам бөлігін (химиялық және биологиялық) бақылауға
негізделген мониторинг. Дистанциялық (аралық) мониторинг – зерттейтін
объектілерді барлауға және тәжірибелік мәліметтерді тіркеп жазып алуға
арналған радиометриялық қондырғылармен қамтылған ұшқыш аппараттар
қолданылған авиациялық, космостық мониторинг [23].
Табиғи ортаның антропогендік өзгерістерінің мониторинг жүйесінің
құрылымын анықтаудағы ең әмбебап бағыт – оны блоктарға бөлу, бақылау, нақты
жағдайын бағалау, келешек жағдайда болжам жасау, болжамданатын жағдайға
баға беру.

1.3 Шаң және ұсақ бөлшектердің қоршаған ортаға таралуы

Шаң – қатты бөлшектердің атмосферадағы жиынтығы. Шаң – ол аэрозоль.
Аэрозольдер таралған күйдегі (қатты немесе сұйық) бөлшектер. Олар жерге
жақын тропосфера және стротосфера қабаттарында таралған. Олардың ауада
таралып және сақталып тұру қабілеті әртүрлі: бірнеше сағаттан көптеген
жылдарға дейін. Тропосферада бөлшектердің таралуының үш типін ажыратады:
фондық, мұхиттық, құрлықтық.
Атмосфераға бұл бөлшектер Жерден дайын күйінде түседі, бірақ олардың
аз ғана бөлігі газ тәрізділердің, сұйық және қатты заттектердің ( су буын
қосқанда ) арасындағы химиялық реакциялар нәтижесінде түзіледі.
Аэрозольдердің көбі табиғи процестер нәтижесінде пайда болады, алайда
антропогендік түзілуі де аз емес [19]. Яғни, шаңның пайда болуына қарай
табиғи, жасанды және минералдық, органикалық шаруашылық, камуналды-
тұрмыстық болып бөлінеді [20]. Әр жыл сайын адам іс - әрекетінен жердің ауа
бассейніне түсетін бөлшектер – 1 миллиард тоннаға жуық.
Шаң құрамы әртүрлі, олар кремни диоксиді – құм, улы металдар,
пестицидтер және көмірсутектер т.б. Негізінен ауаға ең көп мөлшерде
антропогендік әсерден түсетін шаң құрамындағы ластаушы зат – сульфаттар.
Тропосфераға қарағанда стратосферада аэрозольдер алуан түрлі.
Стратосфераның негізгі қатты компоненті болып аммони сульфаты болып
табылады.
Антропогенді аэрозольдердің негізгі көздері – металлургия
кәсіпорындары, құрылыс материалдарын өндіру, химия өнеркәсібі.
Аэрозольдер климатты өзгертуі мүмкін. Аэрозоль бөлшектерінде
радиоактивтілік қасиеттерінің болуымен қатар онда вирустар, микробтар,
саңырауқұлақтар бар болады. Және де аэрозольдер смогтың пайда болуына,
қышқыл жаңбырлардың жаууына себеп болуы мүмкін. Тек қана тіршілік иелеріне
ғана кері әсерін тигізіп қана қоймай машиналарға, механизмдерге,
приборларға, таза материалдар сапасына да әсері бар. Сонымен қатар, шаң
шығарындыларымен бірге құнды материалдарды алып кетеді және өте күшті
жарылыстардың шығуына себеп болады [19].
Шаңның түтіннен айырмашылығы желсіз кезде шөгеді. Адамның денсаулығына
диаметрі 2,5 мкм-ден кем ұсақ бөлшектер қауіпті болып саналады. Адамның
ауруына өндірістік шаң себеп болады. Шаңның қаншалықты зиянды болатыны
құрамына байланысты. Шаң бөлшектері неғұрлым ұсақ болса, олар солғұрлым
атмосферада адам өкпесіне енгенде , өкпенің ең терең бөліктерінде
(альвеолдарында) ұзақ сақталады. Шаңның әсерінен қазіргі таңдағы жиі
кездесетін аурулар қатарына : пневмокониоз бен бронхит жатады [20].
Егер ауаның құрамындағы шаң мен тозаң 0,02 мгм3-ден артық болмаса,
ондай ауа таза болып есептеледі. Көп жылдар бойына жиналған мәліметтерге
қарағанда ауылдық жердегі ауада шаң-тозаң 0,05-0,1 мгм3, ал қалаларда 2,5-
3 мгм3 болады [21].
Ал өндірістік шаң-тозаң деп отырғанымыз – шикізаттарды бөлшектеу
немесе ұнтақтау, өнім өндіру, т.б. технологиялық процестер барысында ауаға
шығатын, қоршаған ортаны ластайтын заттектердің ұшпалы жиынтығы. Өндірістік
шаң-тозаңға физикалық-химиялық сипаттама беру үшін мынадай көрсеткіштер:
оның тығыздығы, фракциялық құрамы, адгезиялық (жабысқақтық) қасиеті, ылғал
тартқыштығы, сулануы, электрлік қасиеті, өзінен-өзі жану және жарғыштық
қоспалар түзу қабілеттілігі қолданылады. Шаңдар дисперсиялылығына қарай бес
топқа бөлінеді: 1) өте ірі дисперсті, диаметрі d50 140 мкм бөлшектерден
тұратын шаңға; 2) ірі дисперсті, d50= 40-140 мкм; 3) орта дисперсті, d50=
10-40 мкм; 4) ұсақ дисперсті, d50һ1-10 мкм; 5) өте майда дисперсті, d50=1
мкм. Шаңның жабысқақтығы дымқылданған сайын өсіп отырады және ол
дисперсиялылығына да байланысты келеді. 4 және 5 топқа жататын шаң
бөлшектері жақсы жабысатындарға, 2 және 3 топтағылар орташа жабысатындарға,
1-дисперсиялық топтағы болымсыз жабысатындарға жатады. Осы көрсеткіштер
өндірістен шығатын газдарды шаңнан тазалағанда тиімді жабдықтар
(шаңтұндырғыш, шаңұстағыш, сүзгіштер) мен әдістерді (құрғақ, ылғалды)
іріктеп алуға пайдаланылады. Мысалы, ылғалды сүзгіштердің майда дисперсті
шаңдарды тазалау нәтижелілігі өте жоғары, бұл әдіспен ыстық және жарылғыш
қауіптілік тән газдарды шаңнан тазалауға болады[10].
Шаң - маңызды көрсеткіш, себебі шаңның ауада шоғырлануына байланысты
кәсіби ауру (шахтада жұмыс істегенде силикоз), жарылуға қауіпті жағдайлар,
тұмша пайда болады [10].

1.4 Қоршаған ортаның ауыр металдармен ластануы

Химия, металл өңдейтін заводтар, автокөлік, энергетика, кен байыту
комбинаттары, жылу электр станциялары, яғни адам баласының өндірістік іс
әрекеттері ауыр металдардың Биосфераға және Жер бетіне таралуына себепші
болатын бірде-бір геохимиялық фактор болып табылады. Соңғы жылдары
өндірістің және өнеркәсіптің үдеу қарқыны ұзаққа баратын зардап салдарға
әкеліп соқты [1].
Соңғы уақытта қоршаған ортаны ластауда ауыр металдардың ролі зор болып
тұр [2]. Сондықтан да осы проблемаға аса көңіл бөлуде. Өйткені, ауыр
металдар атмосфераны, суды, топырақты ластап қана қоймай, сонымен қатар
флораға, фаунаға және адам баласына бүтіндей зиянды әсер етуде [3].
Ауыр металдардың басты қауіпі олардың ашықтан ашық улы әсер беруінде
емес, керісінше олар біртіндеп қорек тізбегінде жиналып, нәтижесінде
биосфераның жекелеген топтарына улы әсер етіп, соңында адам баласына зиян
тигізеді [2,3].
Ауыр металдардың салыстырмалық атомдық массасы 40-тан жоғары,
тығыздығы 5гсм болып келетін химиялық элементтер. Оларға: сынап, қорғасын,
молибден, мыс, мырыш, кадмий, марганец, кобальт, хром және т.б. жатады. Бұл
элементтер көріп отырғанымыздай тірі организм құрамына кіретін
микроэлементтер болып табылады. Олар аз мөлшерде болса да өсімдіктер мен
жануарлардың дамуы мен өсу деңгейін жақсартатын минералды тыңайтқыштар және
жемге қосынды ретінде пайдаланылады. Егер осы микроэлементтер өсімдіктер,
жануарлар және адам организмінде жетіспеушілігі байқалса, онда сол
организмнің зат алмасу процесі нашарлайды да айтарлықтай өзгерістер
туғызады, ал егер де олардың мөлшері тірі организм үшін тым көбейіп кетсе,
оларды біз “ауыр металдар” деп қарастырамыз. Өйткені олар организмде
жинақталып улы әсер тудырады.
Мәдени ландшафтта ауыр металдардың ішінен мыс, мырыш, сынап, қорғасын,
кадмий және хром кең таралған. Бұл элементтердің жинағы негізінен сол
аймақтағы адамзаттың іс-әрекетіне байланысты. Мәселен, жоғарғы сортты 1л
бензинде 0,4г қорғасын болса, оның 0,3г автокөліктен бөлінген газбен ауаға
келіп қосылады. Машиналар көп жүретін тас жолдардың әрбір километріне күн
сайын 500-700 грамнан қорғасын келіп түсіп жатады. Ал Алматы қаласы
автокөлік жағынан бүкіл Қазақстан бойынша бірінші орынды алып отыр.
Көбінесе ландшафтта қорғасын бикорбанатты күйде немесе органикалық
қосылыс түрінде кездеседі. Ол сазбен адсорбцияланады. Басқа металдарға
қарағанда қиын жуылады [2].
Ал мырышты органикалық тыңайтқыштар көп қолданылатын жерлерде, резіңке
жағатын жерлерде кездестіруге болады. Ол металға жаңа қасиет беру үшін
қосылады. Кадмий ландшафта көбіне мырышпен бірге күрделі органикалық
қосылыс түрінде кездеседі [2,31].
Қоршаған ортаның ауыр металдармен ластануы негізінен адамзаттың
өндірістік іс-әрекетінен болып отыр [4,5,6,7]. Негізінен бұл проблема
өнеркәсібі жақсы дамыған елдерде, оның ішінде Қазақстанда айтарлықтай орын
алады. Соңғы жылдарда Республика өндірістік өнеркәсіптердің біршама азаюына
қарамастан биосфераның ауыр металдармен ластану деңгейінің төмендеуі
байқалмайды [8,9]. Бұл қоршаған ортада ауыр металдар ұзаққа дейін
ыдырамайды деген дерекпен байланысты болу керек [24].
Өсімдіктер құрамына ауыр металдар көбінесе топырақ арқылы енеді.
Алдымен ол элементтер тамыр жүйесінде, содан кейін ғана сабақтарына,
жапырақтарына, гүлдеріне және жемістеріне таралады. Ауыр металдармен
ластанған өсімдіктердің жапырақтары сарғайып түседі, сабақтары жіңішкереді,
өнімділігі төмендейді, өсу деңгейі нашарлайды [6].
Адам және жануарлар организміне экотоксиканттар тері арқылы, тыныс
жолдары арқылы, әрі суда жақсы еритін қоспа түрінде түседі [24]. Олар ең
алдымен организмді улы заттармен бөгде заттардан тазартатын мүшелерді,
дәлірек айтсақ бауыр, өкпе және бүйректі уландырады [11,12].
Организмге түскен көптеген металдар эмбриотоксикалық және тератогенді
қасиеттері бар екені белгілі. Кадмий, қорғасын, хром, мыс, кобальт сияқты
металдардың жоғарғы мөлшердегі әсері ұрықтың дұрыс қалыптасу процесін бұзу,
әртүрлі анатомиялық кемістікке және ой өрісінің тежелуіне әкеледі. Егер
мұндай өзгерістер осы ұрпақта байқалмаса, онда келесі ұрпақтарда байқалуы
мүмкін [11,13].

2.ЗЕРТТЕУ НЫСАНЫ ЖӘНЕ ЗЕРТТЕУ ӘДІСТЕРІ
2.1 Зерттеу нысаны
Берілген жұмыстың мақсаты мен міндетіне сай зерттеу нысаны ретінде
“Айгерім” тұсқағаз ЖШС алдым. Бұл мекеме солтүстігі Қ.Сәтпаев көшесі,
батысында Үлкен Алматы өзені, Шығысы Туркебаев көшелері аралығындағы
бұрынғы “АҮҚК” өнеркәсіп аумағында орналасқан “РЕК” ЖШС-нің өнеркәсіп
аумағының бір бөлігін жалға алған. Мекеме тұсқағаз шығарумен айналысады.
Тұсқағаз шығару екі технологиялық линиялар орналасқан өнеркәсіп цехында
шығарылады. Тұсқағаз шығарудың жылдық көлемі 2млн.156мың орам, ал болашақта
3млн 925 мың орамға көбейтуді көздеп отыр. Мекемеде 61 адам жұмыс істейді.

2.2 Ауаның шаңдануын, шығарынды массасын және шаң ұстағыш қондырғының
эффективтілігін анықтау

Ауаның шаңдануы деп – ауадағы шаң концентрациясының өте көп мөлшерде
болуын айтамыз. Үлгілерді алу шаң ұстағыш түтіктер арқылы іске асады.
Үлгілерді алу кезінде үлгі алу нүктесінде ұстағыш түтіктің кірер
бөлігіндегі газ ағынының бірқалыпты жылдамдығын, изокинетикалық
жағдайларын дұрыс бақылау қажет.
Ауадағы газды ұстау үшін, шаңды қондырудың негізгі екі әдісін
қолданылады: іштей және сырттай фильтрлеу.
Фильтрация – шаңның қағазда, матада, керамикалық фильтрлерде және шыны
қабаттарында тұнып, ұсталып қалу процесі. Сыртқы фильтрация кезінде шаңды
тұндыру ауа өткізгіште орналаспаған фильтрлеуші қондырғыда жүреді, ал іштей
фильтрация ауа өткізгіште жүргізіледі.
Сырттай фильтрлеу әдісі ауа өткізгіштен ұстағыш түтікті алмай-ақ
фильтрді тез ауыстыруға мүмкіндік береді. Ал іштей фильтрлеу әдісін ауа
ылғалды болған жағдайда үлгілерді алуға қолданылады, сонымен қатар ұстағыш
түтіктің қабырғаларында ұсталып қалған ауадағы тамшылы ылғалды және
агрессивті т.б. компоненттерді конденсациялауға да қолдануға болады.

Құрал- жабдықтар
1) шаң ұстағыш түтік; 2) М-8252 типтегі ауа үлгісін алатын аспиратор;
3) АФА-ВП-20 фильтрлер; 4) аналитикалық таразы; 5) секундамер; 6) тығын,
резіңке шланга; 7) сынапты – техникалық термометр.

Жұмыстың барысы:
1. АФА – фильтрлерін аналитикалық таразыда өлшейді, әр бақылау
нүктелеріне 3 фильтрден орналастырады.
2. Фильтрді фильтр ұстағышқа орналастырып, соңғы ұстағыш түтікке
жалғайды.
3. Сыртқы фильтрация әдісімен шаңдануды анықтау үшін қондырғыларды
жинайды. Үлгілер алынады. Үлгіні алу үшін аспиратор қолданылады. Үлгілер
газ ағынының жылдамдығын есептеген нүктелерден алынады. Үлгілерді алу
ұзақтығы 10 минут. 3 үлгі шаң ұстағыш қондырғының кірер жерінен және 3 үлгі
атмосфера шығарындысынан ( атмосфераға шығарындылар шығарылатын жерінен)
алынады.
4. Үлгілерді алып болғаннан соң тұрақты масса шыққанға дейін
аналитикалық таразыда өлшейді, фильтрдегі шаң массасын анықтайды және шаң
концентрациясын есептейді. С мгм3 (тазалауға дейінгі және тазалаудан
кейінгі).
С = mV0 мгм3
Мұндағы:
m – фильтрдегі шаң массасы, мг;
V0 – қалыпты жағдайға келтірілген алынған ауаның массасы, м3.

Шығарынды массасы мынаған тең:
М= C∙QH гсек,

Мұндағы:
С – атмосфераға шығарылған газауалық қоспадағы шаң концентрациясы;
QH - газауалық қоспаның шығыны м3с.
Шаң түзгіш көздің жұмыс істейтін уақытын білсек, онда шығарындының
жылдық массасын табуға болады.
Шаң ұстағыш қондырғылардың эффективтілігін мына формуламен анықтауға
болады:
... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Алматы қаласының орналасуы мен климаты
Кентау қаласының қазіргі экологиялық жағдайына баға беру
Макроорта, микроорта және медиаорта туралы мәлімет
Кентау қаласының қазіргі экологиялық жағдайы
Өндіріс қалдықтарының түзілуі
ЖЕЗҚАЗҒАН ҚАЛАСЫНЫҢ ЖАЛПЫ ЭКОЛОГИЯЛЫҚ ЖАҒДАЙЫ
Мыс кендерін байыту технологиясы
Балқаш мыс байыту фабрикасының тарихы
Қорғасын зауыты қоршаған ортаны бүлдірмеу үшін барлық шараны қолдануда
Маркетингтік орта жайлы
Пәндер