5-сыныпта ағашты сүргілеу: түрлері, құралдары және қауіпсіздік ережелері

Технология. 5 ^а сынып

Сабақтың тақырыбы: Ағаш сүргілеу

Сабақтың мақсаты: Оқушыларға сүргілеу жолдары мен түрлері туралы жалпы

түсінік бере отырып білімдерін жетілдіру.

Сүргілеуқұралдарымен жұмыс істегенде ұқыптылық пен танымдылық

қабілетін арттыра отырып, өзбеттерімен жұмыс жасай білуге үйрету.

Ағаш сүргілеуде жұмыс жасау барысында қауіпсіздік

ережесін естен шығармай, жұмысты ережеге сай орындауғадағдыландыру.

Сабақтың түрі: теориялық - сарамандық.

Сабақтың әдісі: тусіндіру, баяндау, әнгімелеу.

Сабақтың көрнекілігі: сүргілеу жолдарының суреттері

Сабақтың барысы: 1. Ұйымдастыру.

2. Үй тапсырмасын сұрау.

3. Жаңа сабақ.

4. Сарамандық жұмыс.

5. Қорытындылау.

6. Бағалау.

7. Үйге тапсырма.

1. Ұйымдастыру бөлімі.

Сәлемдесу. Сыныпты түгелдеу. Сыныптың тазалығы мен сабаққа даярлығын тексеру.

2. Үй тапсырмасын сұрау. Ағаш өңдеу құралдарының айырмашылықтарын сұрау.

3. Жаңа сабақ .

Ағаш бұйымдардың беті тегіс болуы үшін оны сүргілейді, ол арқылы ағаштың қажет пішіні мен өлшемі алынады. Сүргілеу барысында ағаштың бетінен оның жұқа қабаты алынып тасталады. Оны жоңқа деп атайды. Сүргілеу аспаптарының да түрлері көп. Олардың ең көп тараған түрлері - сүргі, шерхебель және фуганок. Шерхебель пышағының жүзі доға тәріздес, дөңес келсе, фуганоктың пышақ жүзі түзу сызық сияқты болады. Шерхебельмен алғашқы, дөрекі өңдеу жұмысы жүргізілсе, сүргімен таза өңдеу жұмысы орындалады. Фуганок - жалпақ беттерді тазалап тегістеу үшін қажет аспап. Оның ұзындығы кәдімгі сүргіге қарағанда 3 есе үлкен, сондықтан онымен ұзын, жалпақ ағашты сүргілейді. Ағаш сүргілеген кезде жұмыс үстелінің үстінде тегіс жату керек. Сүргілеу кезінде өз денеңді, аспапты дұрыс ұстап үйрену керек. Ол үшін денеңді алға қарай еңкейтіп, сол аяғыңды ілгері қой. Оң аяғыңды сол аяқтан сәл алшақтатып /арасы 65-70 см/, тірек етіп ал. Аспапты сол қолыңмен оның тұтқасынан, ал оң қолыңмен артқы жағынан ұста. Сүргілеген кезде күш қолыңа түсу керек, денеңді қозғалтпайсын. Сүргілеген юұйымның сапасын сызғышпен немесе арнайы бұрыштамамен тексереді. Егер бұйымның беті тегіс болса, оның барлық қабырғалары бір жазықтықта жатады. Жиналатын кескіш бәкілермен қатар метрлік өлшегіш, сызғыш, ішкі өлшегіш, деңгейлік рейсмус деп аталатын өлшеу-белгілеу аспаптары да ұста балғасы, ағаш балға, қысқыш, тістеуік, егеу тәрізді көмекші аспаптар қажет.

4. Сараманық жұмыс

Ағашты дұрыс сүргілеу, ағаш бұйымдарын сүргілеу құралдарын дұрыс пайдалану.

5. Қорытындылау

Оқушылардың жұмыстарын тексеріп керек жеріне нұсқама беру.

6 Бағалау.

7. Үйге тапсырма.

Ұқсас жұмыстар

Арнайы пәнде жаңа технологиялар негізінде әзірленген Ағашты сүргілеу тәсілдері сабақ жоспары

Ағашты өңдеу және құрал-саймандары: әдістер, қауіпсіздік және практикалық дағдылар

Оқу шеберханасының еңбек және техникалық қауіпсіздік ережелері

Ағашты көркемдеп оюдың түрлері: оқу-әдістемелік нұсқаулық

9-сынып Технология: Ағашты көркемдеп өңдеу түрлері және ою әдістері