Музыка, өнер және әдебиет

Атырау қаласындағы химия-биология бағытындағы
Назарбаев зияткерлік мектебінің
қазақ тілі мен әдебиеті пәнінің мұғалімі
Текеева Жанша Тажибаевна

Сабақ тақырыбы: Музыка, өнер және әдебиет
Осы сабақ арқылы іске асатын оқыту мақсаттары:
Т/А6 Тыңдаушыны қызықтыра білу үшін әдеби көркемдегіш құралдар мен құрылымдарды тиімді қолдану
О6 Оқылым стратегияларының түрлері
Ж12 Пунктуациялық нормалар
> Таныс тақырыптағы әңгімеге немесе пікірталасқа дайындықсыз қатыса алады өз пікіріне талдау жасай отырып, ойын анық, еркін, дұрыс жеткізеді.
> Оқылым стратегияларының түрлерін анықтау: жан жақты талдап оқу (рөлі) арқылы зерттеу, комментарий жасау, іріктеу
> Сөйлем мүшелері, жай сөйлем және құрмалас сөйлем түрлерін ажырата алады, тыныс белгілерін дұрыс қолдана отырып жазады.
Сабақтың мақсаттары:
Барлық оқушылар :
:: пікірталасқа дайындықсыз қатыса алады;
:: өз ойын анық, еркін, дұрыс жеткізеді;
Оқушылардың көбісі:
:: тақырыпқа жан жақты талдау жасай алады;
:: сол арқылы зерттеу, комментарий бере алады;
:: сөйлем мүшелері, сөйлем түрлерін ажырата алады.
Тілдік міндеттер: Ойын анық айта алады, комментарий бер білуді үйренеді, мәтіндерді жан жақты талдап оқу арқылы зерттеуді үйренеді.
Алдыңғы білім:
Жоспар
Жоспарланған іс - әрекеттер:
Ұйымдастыру кезеңі. Сыныптағы оқушылардың сабаққа белсенділігін арттыру.
Сабақтың тақырыбы мен мақсаттары слайд арқылы таныстырылады.
Сыныпты Қазақстанның атақты әншілерінің суреттері арқылы 6 топқа бөлу.

Біржан сал, Б.Төлегенова, М.Мұхамедқызы, Р.Рымбаева, "Ринго" тобы, Қ.Нұртас.
Әр топ осы суреттегі бейнелер туралы 2-3 сөйлеммен мағұлматтарын білдіреді.
Қызығушылықты ояту
Әр топқа әр түрлі музыкалық жанрдан әндер тыңдатылады. Оқушылар қандай жанрдағы әндер екенін ажыратады.
1.https://www.youtube.com/watch?v=qgVwlL3P9zw Нұржамал Үсенбаева. Опера жанры.
2.https://www.youtube.com/watch?v=20uuftPSEmA Халық әні "Бүлдірген"
3.https://www.youtube.com/watch?v=JXBQzpTiX7s Эстрада жанры
4.https://www.youtube.com/watch?v=p7e3g6t7rFw Рэп, рок жанры
ЖЖ пікірталасқа түседі.Ән жанры туралы өз білетіндіктерін байқатады.Ойын еркін айтады.Өздері білетін әндерді айтуға болады.
Тапсырма 1.
Әр топ өздерінің ұнататын әншілері жайлы 8-10 сөзді жазып келесі топқа береді.Бірақ кім туралы екенін анықтап айтпайды.Тапсырма алған топ жасырынған әншіні тауып, оның қандай жанрда ән айтатын әнші екенін ашып айтады. Сөздерден сөйлемдер құрып, топтарға кейін қайтарады. Сол топ жетістік критерийлері арқылы бағалайды.
+ Таныс тақырыптағы пікірталасқа дайындықсыз қатыса алады;
+ Таныс емес әншіні тауып айтуда эпитет пен теңеуді қолданады;
+ Өз пікіріне талдау жасай алады;
+ Ойын анық, еркін, дұрыс жеткізеді.
Жасырын берілген әншілер туралы тауып айтқандарға музыкалық сәлем жолданады.
https://www.youtube.com/watch?v=fTl0ZBt19BU
https://www.youtube.com/watch?v=H9gZ9mCepr0
https://www.youtube.com/watch?v=7JkR3GjfnvI

Т/С Оқушылар бір-бірінен қандай музыка тыңдайтындары туралы сауалнама жүргізіледі.
1. Мен музыканы не үшін тыңдаймын?
2. Менің достарым қандай музыканы, қашан және не үшін тыңдайды?
3. Музыка маған қалай әсер етеді?
4. Музыка тыңдауға қанша уақыт жұмсайсың?
5. Қазіргі жастар қандай әуендерді тыңдағанды ұнатады?
6. Менің отбасымның музыкалық талғамы қалай ерекшеленеді?
7. Музыкада жаһанданудың әсері бар ма?
Оқылым мәтіндері
4 топқа мазмұны ұқсас екі мәтін беріледі. Мәтінді топ спикерлері қағаз қиындыларын суыру арқылы таңдайды әрі оны өз тобында дауыстап оқиды. Екі топ оқу мәнері мен минутын есептейді.Келесі топтар кезектеседі.(Бірақ оны білмеуі керек.)
1-мәтін. "Әлемдегі мәдениет пен өнердің қаласы қайсы?"
2-мәтін. "Қазақ музыкасы американдық музыканы еске түсіреді"
1-тапсырма.
Т Мәтінді жан-жақты зерттейді, нені зерттегені жайлы пікір білдіреді. Оған топ шешім жасай отырып, 3 аспекті арқылы пікір білдіре алады. Қай мәтін бүгінгі өмірге қажет мәселені тудырып отырғанын дәлелдеп, мәтін ішінен іріктейді. Оны жазып, қабырғаға жапсырады. Топ спикерлері оқып, бір-бірін ұпаймен бағалайды.
Бағалау критерийі
1-топ
2-топ
3-топ
4-топ
Қорытындысы
Мәтінді минутқа оқу мәнері

Мәтінді зерттей алады

Музыканың жанрын ажыратады

3 аспектіге пікір білдіре алады

Өмірмен байланыстырады

Қорытынды ой айта алады.

Жазылым тапсырмасы. "Қазақ әншілерін тыңдайсыз ба? Кімді және қай жанрдағы әнді ұнатасыз?" Осындай тақырыпта бірнеше құрмалас сөйлемі бар көркем тілде эссе жазып шығыңыз. Көлемі 120-150 сөз.
Рефлексия
1.Маған сабақтың ұнаған тұсы....................
2. Мені қызықтырмаған жері........................
3. Менің өз ойым..........................................