Ел нышандары - елімнің мақтанышы

Тәрбие сағаттың тақырыбы: Ел нышандары - елімнің мақтанышы.
Мақсаты: Оқушыларға еліміздің рәміздерінің мағынасын терең түсіне білуге мемлекеттік рәміздердің авторларының өмірбаяндарын, еңбек жолдарын үйрету,өз ойын дұрыс жеткізуге ынталандыру.Оқушылардың мемлекеттік нышандарды оқып-үйренуде өзіндік дағды қалыптастырып және шығармашылық қабілеттерін дамыту.Оқушыларды Отан сүйгіштікке, адалдыққа, адамгершілікке, мемлекеттік рәміздерді қастерлеуге, құрметтеуге тәрбиелеу.
Тәрбие сағатының әдісі:іздену, сұрақ-жауап,әңгімелеу
Көрнекілігі:Қазақстан Республикасының рәміздері,Қазақстан Республикасының рәміздерінің авторларының суреттері, буклеттер, карта, Отан, жер туралы нақыл сөздер, оқушылардың шығармашылық жұмыстары, слайд.

Кіріспе бөлім:Біздер тәуелсіз қазақ елінің ең жас ұландарымыз. Сондықтан өз жерімізді,өз елімізді әкелер мен аталарымыз сияқты қадірлеуге, сүюге,қорғауға тиіс екенімізді естен шығармайық.
Видео. Қазақстан Республикасының Гимн орындалады.

І - жүргізуші:
Отан-жерім, Отан-суым,
Отан қуат, нәр береді...
Отан-ұран, Отан туым,
Отан мәңгі гүлденеді-демекші, тәуелсіздігіміз тұғырлы болып, еліміздің символы-мемлекеттік рәміздерді қастерлеп,құрметтеу бәріміздің міндетті парызымыз болып саналады.

ІІ - жүргізуші: Мемлекеттік рәміздер-еліміздің егемендігі мен тәуелсіздігін паш ететін нышандар.Бұл рәміздер біздің мемлекетіміздің өткені, бүгіні мен болашағы арасындағы сабақтастықтың жарқын бейнесі.
Мемлекеттік рәміздер-халқымыздың рухын, ұлттық салт-санасын, қаhармандығы мен даналығын, болашаққа үмітін, арман-тілегін жеткізетін ерекше құнды белгілер. Олай болса құрметті ұстаздар, оқушылар біз бүгінгі ашық тәрбие сағатымызды <<Ел - нышандары елімнің мақтанышы>> болмақ.
(Видео көрсету. Елбасы туралы)

І - жүргізуші:
Балалар, экраннан кімді көрдік. (Н.Ә.Назарбаев)
Олай болса алғашқы бөліміміз тұңғыш президент жайлы болмақ.
Тұңғыш Президент.
1-оқушы:1991 жылы 16 желтоқсанда Қазақстан тәуелсіз республика болып жарияланды. 1991 жылы 1 желтоқсанда Қазақстанның елбасшысы- Президенттің сайлауы болды. Тұңғыш Президент болып Нұрсұлтан Әбішұлы Назарбаев сайланды.
2-оқушы:Ата Заңымыз бойынша мемлекет басқарушысы - Президент. Латын тілінен аударғанда <<президент>> сөзі <<алдында отырған>> деген мағынаны білдіреді. 2005 жылы 4 желтоқсанда бүкіл халықтық сайлау қорытындысында Н.Ә. Назарбаев қайта Президент болып сайланды.
3-оқушы:Қазақстан дейтін менің бар елім,
Жатыр алып жарты дүние әлемін!
Бұл даланы анам жаспен суарған,
Бұл далада атам қолға ту алған.
Бұл далаға жылап келіп, уанғам,
Бұл даланы көріп алғаш қуанғам,
Бұл далада өскен жанда жоқ арман!
4-оқушы :Кең байтақ қой Қазақстан картасы,
Астанамен айшықталған ортасы.
Бүгін бізге таңдай қағар күллі әлем,
Бұның бәрі Елбасының арқасы.
Шықты тарап ой-данадан,
Бері қарап жұлдыз беті.
Өзі қалап сайлап алған,
Елімнің бар Президенті
5-оқушы:Міне осындай егеменді еліміз
Кең жазира ұлан байтақ жеріміз
Туған елін, туған жерін сүйетін
Біз қазақтың ұланымыз, еріміз.
6-оқушы:Азат елдің тәуелсіз азаматы
Сенің келді мінбе де сөз алатын
Аттан барыс бейнелі болашаққа
Барша әлемге шығаршы қазақ атын.
7-оқушы:Көз тойғысыз қазағымның жері бар
Ну орман, тауы,өзені, көлі бар
Қазағымның елін жерін қорғайтын
Жас жеткіншек ұланы бар, елі бар.

Ән: <<Ағатайым>> орындайтындар: Юсупова Ұ, Исмайлова Э

І - жүргізуші: Қазақстан Республикасының нышандарына жеке - жеке тоқталып өтсек. (Асқақтаған Әнұран)
І - жүргізуші: Кез келген мемлекеттік рәміздердің ең маңыздысы - Әнұран. Әнұран мемлекеттің салтанатты әні. Ол халықты әйгілі етеді. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған.
8 - оқушы: Әнұранды түрегеліп, жүректің тұсына қолдарын қойып айтады. Бұл өз мемлекетіңе деген құрметті көрсетеді. Халық өмір салтын бүгінгі тіршілігі мен келешек армандарын, мың жылғы тарихын осы әнге сыйғызған.
1986 жылы <<Менің Қазақстаным>> бостандық аңсаған қазақ жастарының бейресми әнұраны болған еді.
9 - оқушы: 2006 жылғы 7 қаңтардағы Конституциялық заңға сәйкес ҚР-ның Мемлекеттік Әнұранының музыкалық редакциясы мен мәтіні жаңа редакцияда жазылды. Мемлекеттік Әнұранның авторы Шәмші Қалдаяқов, сөзін жазғандар Жұмекен Нәжмеденов, Нұрсұлтан Назарбаев.
10-оқушы:Әнұраным - жан ұраным
Айтар әнім, сөйлер сөзім
Туған жерім сағынарым
Бақыт-бірлік күн талабы.
Тоқтамайды дабыр әні
Мәңгі бақи шырқалады
Республикам Әнұраны!
11-оқушы:Барша халық таныған
Біздің үміт, тілекті.
Шырқалғанда әнұран
Шаттық кернер жүректі
Жеңіс туын көтерген
Жарыстарда сан қилы,
Жетіп бізге шетелден
Көкке әнұран шалқиды.
Шәмші атаның сазды үні
Жігер беріп қайратты,
Бәрімізді мәз қылып,
Жаңғыртады аймақты
ХОР: <<Қазақстаным менің>>
(видео көрсету елтаңба туралы)

І - жүргізуші: Оқушылар экраннан не туралы көрдік. (Елтаңба)
Олай болса, ІІ - бөліміміз Еңселі Елтаңба.
Мемлекеттік елтаңбаның авторлары танымал суретшілер:
Жандарбек Мәлібеков пен Шота-Аман Уәлиханов.Қазақта <<Шаңырағың биік, керегең кең, босағаң берік болсын>> деген тілек сөз бар.Елтаңба авторлары осы сөздерді басшылыққа алған.Қазақстан Республикасының Елтаңбасы көгілдір түстің үстіне салынған шаңырақ бейнесінен тұрады.Одан жан-жаққа күн сәулесі тәрізді уықтар тарайды. Шаңырақ пен уықтар біздің Отанымызда тыныштықта жарасымды өмір сүріп жатқан көптеген халықтардың бірлігін көрсетеді.

ІІ - жүргізуші: Қазақстан Республикасының Елтаңбасының бір бөлігі ертедегі қанатты тұлпар. Елтаңбаның жоғарғы жағындағы бес бұрыш - бақытты өмірге жол сілтейтін жарық жұлдыздың белгісі. Төменгі жағындағы <<Қазақстан>> деген жазу республиканың атын көрсетеді. Масақ Отанымыздың байлығы іспеттес.

І - жүргізуші: Елтаңба бірнеше құрылымнан түратынын білдік. Енді әр белгісіне жеке-жеке тоқталайық..
Мұхаммедәли: <<Жұлдыз>>
Мен жұлдызбын, ұдайы жарқырап жанып тұрамын. Көк жүзінде адамзат баласына үстемдік сыйлаймын. Менің мекенім көк жүзінде болғандықтан, қазақ даласының өкілінен де, болашағынан да хабардармын. Мені мейірімді көтерген күндерге мың мәртебе тілеймін, жарқырап жанамын мен.
Қасиетті сәуегей дана білген.
Ұрпақпен болашаққа бірге барам
Ақ сәулемді бойына ала білген.
Мен жұлдызбын, менің көк түрім де,
Мен куәмін қазақтың өткеніне.
Мың мәртебе тілеймін жүрегімнен
Мейірімді көтерген мектебіме!
Рамазан: << Шаңырақ >>
Шаттық қонған мен шалқақ шақырып,
Шаңырақтан нұр төгер жадырап күн.
Бақытқа қолын созған бар қазақтың
Сан ғасыр отын үрлеп, шамын жақтым.
Елтаңба еміреніп түрін берді,
Түрге өткізбес бұл қазақ ерінгенді.
Ой толғамақ мұратпен
Шаңырақ келді! Шаттық өмір келді!
Камила: <<Уық>>
Мен-уықпын. Шаңыраққа шашыламын,
Бойымда байсалдылық, бар шыдамым.
Ей, ұрпақ, сен де өмірдің уығы бол,
Өшпестен қолыңда шам-шырағың.
Шаңырақ-күн, ал уық-нұр-шуағым,
Ақ отауды жылытуға құлшынады.
Қаныменен боялған қызыл уық,
Ашылмаған әлемге шын сыры әлі.
Ұлдана: <<Кереге>>
Мен-керегемін, керегемін,
Ілінген ақ сауыты, берені ердің.
Ірге ұрып қараса керегеден,
Кеңістігі көрінер кемел елдің.
Мен-керегемін, ақ үйдің іргесімін,
Шаңырақпен аталар бірге есімім.
Керегеден үйіліп өрген ойға,
Ұлы ақындар, тербеңдер жыр бесігін.
Исламбек. <<Пырақ>>
Мен-тұлпармын, дүлділмін, пырақ атпын,
Жаяу жүріп аттыны сынамақ кім?
Арасында адалдық орнатамын,
Жұптасқан ел-жұртпенен жұрағатың
Қажып болып, айыптан жаратылған,
Аспанға алып ұшар қанатым бар.
Ал мүйізі айбыны Алашымның,
Даңқы биік, даусы зор дара туған.
Нұрсәт: <<Қазақстан>>
Мен - Қазақстанмын!
Болашаққа сәлемін жолдайтұғын,
Қырандай қос қанатын қомдайтұғын.
Бәйгелерде оздырып қос тұлпарын,
Тұғырын саф алтыннан сомдайтұғын.
Мен - Қазақстанмын! Бабалар намысымын,
Байтақ елмін игілік, табысы мың!
2030- мәресі әйгілейтін
Азияның айбарлы барысымын!
Ринат: Елтаңба- өжеттік, өрліктің белгісі.
Елтаңба - тәуекел, ерліктің белгісі.
Елтаңба- кемелдік кеңдіктің белгісі,
Елтаңба - өзге елмен теңдіктің белгісі
Елтаңба- егемен елдіктің белгісі.
12-оқушы: Қатар шапқан қос тұлпар,
Ай астында қазақ үй
Қалықтаған жас сұңқар,
Шарықтаған таза күй.
Бұл таңбасы елімнің,
Елдігімнің белгісі.
13- оқушы:Бейнелеп сан ғасырды
Елтаңбасы елімнің,
Таратады хас үлгі
Киесіндей жерімнің.
Бабам тұлпар жаратты,
Құлынында танып-ақ.
Тұлпар барда қанатты,
Шайқалмайды шаңырақ.
Тәуелсіздік көркі ол да,
Нұр төгеді елтаңба
Ақ орданың төрінде.
ХОР: <<Елтаңбасы елімнің>>

Тұғырлы туымыз.
І - жүргізуші: Егер де Туға тұтас зер салсаң, автордың оны жасағанда үлкен мазмұнды ойластырғаны байқалады. Ол жер жүзінде әлемге нұрын шашқан Күн сәулесі астында қияға қанат қаққан қыран- тыныштық пен баянды өмірдің белгісі, ал ою-өрнек тудың қай елдікі екенін аңғартады.
ІІ - жүргізуші: Тудың авторы - Шәкен Оңдасынұлы Ниязбеков белгілі монументші-суретші. Біздің туымыз - көгілдір түсті, тік төртбұрышты мата. Ол бірлік пен аман- есендікті көрсетеді. Оның қақ ортасындағы сәулесін шашқан алтын Күн - тыныштық пен байлықтың белгісі.
14 - оқушы: Қазақ халқы сонау ерте заманнан бері қыранды киелі, қасиетті құс деп есептеген. Туда қыранның орын алуы тәуелсіздік алған Қазақстан қыран сияқты биікте болсын, қыран сияқты ғұмыры ұзақ болсын деген ойдан туған.
Тудың сабын бойлай ұлттық ою-өрнек салынған тік жолақ қазақ елінің өзіндік сипатын, танымдық бейнесін көрсетеді.
15-оқушы:Айнымайды аспаннан
Біздің тудың бояуы
Оны халық қашанда
Биікке іліп қояды.
16-оқушы:Мен қазақтың ұланымын
Мен қазақтың,ұланымын елімнің
Мен қазақпын, тірегімін жерімін
Ұланымын туын көкке көтерген.

І - жүргізуші:
Оқушылар мен Мемлекеттік рәміздердің белгілері туралы айтамын, сіздер қай белгі туралы екенін анықтайсыңдар.
1. Төлқұжатта, туу туралы куәлікте, көптеген құжаттарда бейнеленген не? (Елтаңба)
2. Үкімет үйінде, мектептерде ілулі тұрады. Барлық мекемелерде бар ол не? (Ту)
3. Респулика, облыс, аудан көлеміндегі маңызды салтанатты мәжілістерде, мектептерде орындалады ол не? (Әнұран)

І - жүргізуші:
Бостандық құтты болсын ерікті ел
Айдын көл, көк майсалы, көрікті жер
Бостандықты аңсаған батырлардың
Әруағына бас ұрып, тәу еткен жер.

ІІ - жүргізуші:
Халқымның мақтанышы - алып тұлға,
Әлемнің назары ауды Ақ ордаға
Бәйтерек - көкке қолын созып тұрған,
Ұқсайды менің асқақ арманыма.
Видео <<Көк тудың желбірегені>> (оқушаларды сапқа тұрғызып жүргізу.)

І - жүргізуші:
Бүгінгі тәрбие сағатымызды қорыта келе Қазақстан Республикасының азаматтары, сонымен қатар Қазақстан Республикасының аймағында жүрген адамдардың барлығы Қазақстан Республикасының Туын, Елтаңбасын, Әнұранын қадірлеуге міндетті деп санаймын.

ІІ - жүргізуші: Тәрбие сағатымызды қорытындылау үшін сынып жетекшімізге береміз.
Мақтан тұтам тәуелсіздік туын мен,
Сүйемінде аялаймын түнін мен.
Биіктерден көрінеміз әрқашан,
Әнұранмен, Елтаңбамен,Туымен
Жарасқан байрақтың мәні бар,
Көк аспан,күн қыран,сәні бар.
Көк байрақ ашық күн кеңістік,
Алтын күн-белгісі жеңістің.
Тәуелсіздік - менің еркін жыр әнім
Көк байрақ Ту,Елтаңба,Әнұраным,
Мен атыңнан Тәуелсіздік айналдым,
Қолда елімді қасиетті құраным.
Біз ұлы жолға шықтық, арманды сапарға аттандық.
Қолымызда - тәуелсіздіктің көк туы.
Елтаңбамызда - бар халықтың басын біріктірер киелі шаңырағымыз.
Арманымызды алға апарар қанатты пырақтарымыз бар!
Лайым бетімізден жарылқасын!
Үлкен жолдың үстінде бізді ата-бабаларымыздың аруағы желеп-жебеп жүрсін!

Оқушылар шығармашылығы:
1.Менің Отаным-Қазақстан
2.Мемлекеттік рәміздер-тәуелсіздік символы.

<<Ақжігіт орта мектебі>> ММ - сі
Ашық тәрбие сағаты

Ашық тәрбие сағаты

Тақырыбы:
<<Ел нышандары - елімнің мақтанышы>>
<<Ел нышандары - елімнің мақтанышы>>

Сынып жетекшісі: Аңдамасова Ж
2015 оқу жылы