Инклюзивті оқыту-заман талабы

03.03.2016
Коучинг тақырыбы: Инклюзивті оқыту-заман талабы
Мақсаты
Инклюзивті білім беру туралы мағлұмат беру.
Мектептегі инклюзивті оқытудың тиімділігі мен кездесетін қиындықтарына тоқталу, өз пікірлерін жеткізу, іс-тәжірбиелерік тапсырмалар арқылы түсініктерін кеңейту.
Оқыту нәтижесі
Топтық жұмыс атқару арқылы инклюзивті білім берудің ерекшелегін айқындайды.
Негізгі идея
<<Бәріміз бірдейміз, кемсітуді білмейміз>>
Сабақта қолданылатын материалдар
А- 4 парақтары,стикер, интерактивті тақта, маркер, қалам, постер,
Оқыту әдістері
АКТ, топтық жұмыс түрлері, сын тұрғысынан ойлау, ОүО, ОБ

Уақыт
Коучтің іс-әрекеті
Мұғалімдердің іс-әрекеті
Психологиялық ахуал қалыптастыру.
(10 мин)

Мақсаты: Ұжым арасындағы байланысты нығайта отырып, эмоционалды жігер беру, бірін-бірі кеңірек танып білуге, қатысушылардың өз мүмкіндіктерін шамалауға және кыс мезгіліндегі шаршағандықтарын төмендетіп, көңіл күйлерін көтеру.

Коучингте жұмыс жасауға дайындалады.
3-жаттығу
Қатысушыларды екі қатар сапқа тұрғызу керек.
Нұсқаулық.
Барлық тапсырманы біз үнсіз жасаймыз, мүмкіндігінше әр тапсырманы жылдам және дұрыс жасауға ұмтылу керек.
Бірінші тапсырма бой өлшемі бойынша сапқа тұру керек.
Екінші тапсырма саптың басына туған айларының, күндерінің ретімен тұру керек.
Үшінші тапсырма саптың басына көзі қою қара адам тұруы керек, ал саптың соңында шашы ең ашық түсті адам тұруы керек.
Қарсы топ мүшелеріне тексерту керек.

<<Ой шақыру>>
( 15 мин)
Мұғалімдердің тақырыпты айқындауы
<<Мұғалім үні>> жұмысы
1Мен өзімді құрметтеймін....
2.Мен өз мамандығымды жақсы көремін, өйткені...
3.Маған осы ұжымда жұмыс жасаған ұнайды...

Кіріспе сөз
Бейнематериал көрсету
Мұғалімдер атақты жазушылармен ғалымдардың ұстаздар туралы айтқан сөздерін тыңдайды, көреді, ой түйеді.Мұғалім үнін қалыптастыру үшін сұрақтарға жауап береді.
Тақырып бойынша білім қалыптастыру
(10 мин)
Инклюзивті оқытудың негізгі принциптері
1. Әрбір адам қарым-қатынасқа құқылы
2. Әрбір адам сезуге және ойлауға қабілетті.
3. Барлық адам бір-біріне қажет.
4. Білім шынайы қарым-қатынас шеңберіңде жүзеге асады.
Таныстырылым көріп,ресурстарды оқып, пікір білдіреді.
Топқа бөліну
( 5 мин)
Топқа бөліну <<Орнынды тап>>
Гүлдердің суреттерін ұсынады, сол арқылы олар үш топқа бөлінеді.
Мұғалімдер <<Лола гүлі>>, <<Раушан гүлі>>, <<Хризантема гүлі>>аттарымен үш топқа бөлінеді
1-тапсырма
( 15 мин)
2-тапсырма
( 15 мин)
Тапсырма ұсынып, жұмыс тәртібімен таныстырады.
І тапсырма
1-топ тапсырмасы.
Инклюзивті білім беруге дайынбыз ба?Қандай балалар оқытылуы қажет?
2-топ тапсырмасы:
Сау баланың ата-анасының көзқарасы қандай?
3-топ тапсырмасы:
Инклюзивті білім берудегі қиындықтар?
ІІ тапсырма
<<Инклюзивті мектептің жобасы>>

Топ мүшелері бірлесіп жұмыс жасайды.

Постер толтырып, оны қорғауға дайындайды.
Бағалау
(5 мин)
Коуч бағалау түрін түсіндіреді.
<< Екі жұлдыз, бір тілек>> бойынша бағалайды.
Сергіу сәті
( 5 мин)
Караоке қазақша ән айтуды ұсынады.
Мұғалімдер қосылып ән салады.
Рефлексия
( 10 мин)
Шамадан,еттартқыш, кәрзинке.
Тақтаға осы заттардың суреті ілінеді.
Тапсырма:осы коучингте алған тапсырманы не істейтіндерін аңықтау.
Шамадан-әрі қарай сабақ барысында алған білімімді салып қоям.
Еттартқыш-мәліметті қайта қараймын.
Кәрзинке-мүлдем керек емес мәліметтер.
Мұғалімдер коучинг барысында алған білімдерін сараптайды.

<<Инклюзивті оқыту-заман талабы <<тақырыбындағы коучингке
Әбдіғаппарова Гүлмира Қанжарбайқызының рефлексивтік есебі
2016 жылдың 3 наурыз күні мектеп мұғалімдерімен <<Инклюзивті оқыту-заман талабы>> деген тақырыпта коучинг өткіздім. Мақсаты: ұстаздарға инклюзивті білім беру - білім алудағы барлығының, соның ішінде ерекше қажеттілігі бар балалардың, қолжетімділігін қамтамасыз ету мақсатында жалпы білім беруді дамытуға арналған мемлекет саясаты екендігі туралы түсінік беру.
Қазақстан Республикасында инклюзивті білім беру туралы мағлұмат беру.
Мектептегі инклюзивті оқытудың тиімділігі мен кездесетін қиындықтарына тоқталу, өз пікірлерін жеткізу, іс-тәжірбиелерік тапсырмалар арқылы түсініктерін кеңейту. Топқа бөлу арқылы достыққа, ұйымшылдыққа және көшбасшылыққа тәрбиелеу;
Коучинг барсысында мұғaлiмдeргe пcихoлoгиялық дaйындық жүргiзiлдi. Мақсаты: Ұжым арасындағы байланысты нығайта отырып, эмоционалды жігер беру, бірін-бірі кеңірек танып білуге, қатысушылардың өз мүмкіндіктерін шамалауға және кыс мезгіліндегі шаршағандықтарын төмендетіп, көңіл күйлерін көтеру.
<<Оқушы үні>> жұмысының ізімен <<Мұғалім үні>> тақырыбында жұмыс жүргіздім. Мұғалімдер үш сұрақтың біріне жауап берді. Бір-бірімен ашық пікір айтуға дайын екендерін білдірді.
Одан кейін <<Инклюзив>> сөзін қалай түсінетіндері жайлы аңықтау мақсатында АҚТ пайдалану арқылы таныстырылым көріп, ой қалыптастырды. Ресурс-материалдарды оқу арқылы инклюзивті оқытудың негізгі принциптерін білді.Олар:
1. Әрбір адам қарым-қатынасқа құқылы.
2. Әрбір адам сезуге және ойлауға қабілетті.
3. Барлық адам бір-біріне қажет.
4.Білім шынайы қарым-қатынас шеңберіңде жүзеге асады.

Ocыдан кeйiн мұғалімдер << Орнынды тап>> ойыны арқылы үш топқа бөлінді және де топтарының гүлдер аттарымен атады.
Топтық жұмыс барысында 1-топ <<Инклюзивті білім беруге дайынбыз ба?Қандай балалар оқытылуы қажет?>>, 2-топ-<<Сау баланың ата-анасының көзқарасы қандай?>>,3-топ -<<Инклюзивті білім берудегі қиындықтар?>> сұрақтарына мектеп мұғалімдері жауап іздеді. Ұстаздар мүмкіндігі шектеулі жандармен істелініп жатқан жұмыстың жақсы, жаман жақтарын қарастырып, болашақта шешілетін мәселелер туралы өз ойларын барынша жеткізуге тырысты.
Екінші тапсырма жоба дайындау болды. Топ мүшелеріне <<Инклюзивті мектептің жобасы>> тапсырмасы берілді. Постер жасап, оны қорғады.Бір-бірін бағалау мақсатында <<Екі жұлдыз, бір тілек>> айтты. Топ мүшелері бір-бірін әділ бағалап, келісетін ойлары туралы пікір білдірді.

Бұдан кейін бой сергіту жасалды. <<Караоке>> арқылы қазіргі кезде мектеп оқушыларының айтып жүрген әндерін айтып, көңілдерін көтерді..
Ұстаздарға <<Қытай балеті>> атты бейнежазба көрсетілді. Бұл бейнежазбаны әр ұстаз көзіне жас ала отырып көрді. Шынымен бұл бейнежазбаны көргенде көзге жас алмау мүмкін емес. Би- спорттың бір түрі. Соңдықтан,<<осы мектебіміздегі мүмкіндігі шектеулі оқушылардың спортпен айналысуы қалай?>>, <<Олардың спортпен шұғылдануы үшін не істей аламыз?>> <<Мүмкіндігі шектеулі оқушылармен жұмыста кездесетін кемшіліктер мен қиындықтар>>, т.б. өздерін мазалаған сұрақтарға ұстаздар бір-біріне жан-жақты жауап беруге тырысып, өз ойлармен бөлісті. Мұғалімдер коучинг барысында алған білімдерін сараптау мақсатында <<Шамадан, еттартқыш, кәрзенке>> суреттерін іліп, кері байланыс жасауды жоспарладым. Нәтижесінде мұғалімдер шамадан мен еттартқышқа смайликтерді жапсырды. Менің ойымша, мен оларға ой салдым, білім бердім, ендігі жерде олар әрі қарай мәліметтерді қайта қарап, ой-пікірлерін қалыптастырулары керек.

Күтілетін нәтижеге жеттім. <<Бәріміз бірдейміз, кемсітуді білмейміз>>деген негізгі жұмыс мақсатым орындалды деп есептеймін. Мұғалімдердің бір бөлігі, егер коучинг басында мүмкіндігі шектеулі баланы мектеп-интернаттарында оқыту керек, сау баланың ата-анасы оларды өз балаларымен оқытуына қарсы болады деген ойларын коучинг-сессияның сонында өзгертіп, әрбір баланың ортаға бейімделуі қажет, оларды шеттетуге ешкімнің құқы жоқ, келешекте ешкім денсаулығында кінәраты бар бала әрқайсының отбасында дүниеге келмейтініне кепілдік бере алмайтынына келісті.
Уақыттың жеткіліксіздігі сәтсіз болды. Себебі, мұғалімдерге ойлануға көп уақыт қажет болды.
<<Бала кемістігінің даму деңгейі неғұрлым төмен болса,соғырлым мұғалімнің білім деңгейі жоғары болу керек>>-деген екен неміс педагог-дефектолог П.Шуман.
Соңдықтан,инклюзивті білім беру барлық балаларды жалпы білім үрдісіне
толық енгізу және әлеуметтік бейімдеуге, жынысына, шығу тегіне, дініне, жағдайына қарамай,балаларды айыратын кедергілерді жоюға, ата-аналарын белсенділікке шақыруға,баланың түзеу-педагогикалық және әлеуметтік қажеттіліктерін арнайы қолдау, қоршаған ортаның балаларды жас ерекшеліктеріне және білімдік қажеттіліктеріне бейімделуіне жағдай қалыптастыру, яғни, жалпы білім беру сапасы сақталған тиімді оқытуға бағытталған мемлекеттік саясат екенің айтып, коучинг-сессиямды аяқтадым.