ЖЫЛ ТАРЛАНЫ-2016

Ақтөбе облысы
Шалқар ауданы
Бозой орта мектебі
Тәрбие жұмысының ұйымдастырушы педагогі
Сыдыкова Гулшат Куттыбиевна

<<ЖЫЛ ТАРЛАНЫ-2016 >>

Мақсаты: Болашаққа сеніммен қадам басқан халқымыздың салт- дәстүрі, әдет- ғұрпы, жөн -жоралғыларын оқушылардың бойына сіңіру, батыл, жігерлі, өз Отанының қайсар ұланы болуға тәрбиелеу.
Түрі: Байқау
Аудиториясы: акт залында мұғалімдер, ата- аналар, бастауыш класс оқушылары.
Көрнекіліктер: тақырып жазылған қағаздар, шарлар, ұлттық жабдықтар, видео проектор, слайд.
<<Біздің елдің жігіттері>> әуені қосылып тұрады. Сахнаның екі жағында жүргізушілер шығып сөйлейді.
Айнұр:
Қайырлы күн ұстаздар, ата -аналар, оқушылар, жанашыр қауым. Сыныптар арасында мектепішілік <<Жыл тарланы - 2016 >> жігіт сұлтаны байқауына қош келдіңіздер!!!
Жан күйер қауымдастардың тілегімен байқауымызды <<ашық>> деп жариялаймыз.
Гулшат:
Дария ой, даналардан бата алғандар,
Айнымас алмас қылыш атанғандар
Қазақтың қасиетті жігіттері
Халқына қалқан болар қаһармандар деп, Махмұтбай Әмірұлы жырлағандай отбасының жалғасы, шаңырақтың иесі ұл бала екені белгілі. Дана қазақ <<Ұл туғанға күн туған>> деп бекер айтпаған.
Айнұр:
Олай болса жігіттерімізді ару қыздарымыздың демеуімен ортаға шақырамыз.

Сүрінбей сыннан өтемін
Мақсатыма жетемін деп келе жатқан Телағысқа қошемет

Қуантады білімімен бізді Мирас
Қол соғып қарсы алайық енді оны біз
Білімің серік болсын талабыңа
Бүгінгі қабыл болсын тілегіміз

Өнер қуған жасынан
Өнері судай тасыған
Келесі біздің Шынберген
Көрінген күштің басынан

Еңбексүйгіш, таудай талап бойында
Барлық істі тыңдау бар ойында
Амантайұлы Мұқанбетәли жігітті
Шақыралық қошеметпен ортаға

Жігіттің дара туған ірісіндей
Жүрісі батырлардың жүрісіндей
Келбеті батыр тұлға Райымбектің
Болатын Қажымұқанның інісіндей

Біледі ол жақсы менен жаманды
Өнерімен тамсандырған адамды
Қошеметпен шақыралық ортаға
Расул атты жігіт болған сарбазды

Сөз тауып күн қылатын көңіл- күйді
Мектепте тәртібімен болған сыйлы
4 <<б>> сыныптың ер жігіті
Шақырайық ортаға Нұр- Исламды

Спорт пенен білім жағын бір қосқан
Кем қалмаған талантпенен табысқан
Қараңыздар Даулет деген жігітті
Тауды бұзар шын кіріссе намыстан

Өнерлі жігіт өрге жүзер дейді жұртым
Өнерлі болса жігіттер болар сылқым
Қане жұртым көрелік көңілдіні
Қағып таңдай Жансенге десіп шіркін

(Ару қыздарымыз кесемен сусын ұсынады. Кесенің түбінде номер белгіленген. )

Гүлшат: Кез- келген байқау бағалануы тиіс. Осының ара- жігін ажырататын қазылар алқасы деген болады.Бұл жарыстың ажырамас бөлігі дәстүрлі үрдісі бойынша тура шешім шығаратын қазылар алқасын сайлап алсақ.
Бүгінгі байқауға қазылық ететін әділ қазылармен таныс болыңыздар.
Амантаева Ақтолқын Мәденқызы- мд бастауыш жөніндегі орынбасары;
Құлжанова Гүлзира Кішкенеқызы- бастауыш сынып мұғалімі
Даулетов Аманжол Нұртуғанұлы - АӘД жетекшісі;

Айнұр: <<Жыл тарланы-2016>> байқауының шарттарымен таныс болыңыздар.
1. <<Мен туралы...>> таныстыру
2. <<Ұлттық ойын ойнайық>> тауық күрес, мерген
3. <<Өнерлі өрге жүзер>> пародия көрсету
4. <<Поэзия минуты>>патриоттық бағыттағы бір өлең
5. <<Білім сайысы>> сұрақ- жауап

Гүлшат:
Ей, тәккапар дүние
М аған да бір қарашы
Танимысың сен мені
Мен қазақтың баласы. І кезең <<Мен туралы...>> таныстыруға кезек береміз.
1. Телағыс
2. Дәулет
3. Шынберген
4. Жансен
5. Расул
6. Мирас
7. Мұқанбетәли
8. Райымбек
9. Нұр- Ислам
Айнұр: ІІ кезең ұлттық ойынның <<тауық күрес>> деп аталатын І кезеңі 23 күні спорт залда өткізілді. (видеосы көрсетіледі.) Жігіттердің сондағы жинаған ұпай сандары:
Жоламанов Дәулет- 3 ұпай
Қоңыратбаев Мұқанбетәли- 2 ұпай
Бақтыбек Расул- 1 ұпай
Айнақұлов Телағыс- 1 ұпай
Қалған жігіттер ұпай жинай алмады. Ал енді қазір <<мерген>> аталатын ІІ кезеңді өткіземіз.
Би болатын жігіттің
Төбеде болар жұмысы
Мерген болар жігіттің
Мергендік болар жұмысы дегендей, құралайды көзге атқан нысана көздеу шартына кезек береміз.
1. Телағыс
2. Дәулет
3. Шынберген
4. Жансен
5. Расул
6. Мирас
7. Мұқанбетәли
8. Райымбек
9. Нұр- Ислам
Гүлшат: Бір күні Әнет баба Қазыбектен:
oo Қазыбек, қарағым, бұл дүниеде кімге қарыздарсың?- деп сұрапты.
oo Аллаға қарыздармын,- деп жауап беріпті Қазыбек би.
oo Сосын кімге қарыздарсың?- деп сұраған бабаға
oo Сосын анама. Ол мені жарық дүниеге әкелді.ъ
oo Сосын кімге қарыздарсың?- дейді.
oo Атама. Ол мені тәрбиелеп өсірді, оқытты.
oo Тағы кімге қарыздарсың?- депті.
oo Халқыма. Ол мені қадіріме жетіп көтере білді.- деген екен. Біздің жігіттер халқының мақтанышы, қорғаны, қалқаны болсын, ағайын деп тілек білдіреміз.
Қазылар алқасынан І және ІІ кезеңнің бағасын беруін сұраймыз.
1. Телағыс
2. Дәулет
3. Шынберген
4. Жансен
5. Расул
6. Мирас
7. Мұқанбетәли
8. Райымбек
9. Нұр- Ислам
Айнұр: Ал, қанекей қырандар
Босқа қарап тұрмаңдар
Бастап жігіт өнерін
Алыстарға самғаңдар
Жігіттің көркі өнері
Талап- кісі мұраты,
Өнер қалмақ артында
Дүниенің өшпес шырағы,- келесі кезеңіміз өнер көрсету <<Пародия салу>> бөлімі. Жігіттер дайынбызба?
Гүлшат: Қазақтың қасиетті кең даласы талай ғұламаларды, жезтаңдай әншілерді , ақиық ақындарды, данышпан билерді дүниеге әкелген. Әркімнің өз тіліне деген құрметі өз Отанына деген құрмет деп білу керек.қазақ тілінің өшпейтінін, таза, терең, өткірлігін, өміршеңдігін көріп болжаған ақынды нағыз патриот демей кім дейміз?
Халқымыздың салт- дәстүрін, әдет- ғұрпын бойына сіңіріп өскен намысты ұлдарымыздың отансүйгіш қасиетін, өлеңге деген махаббатын, поэзияға деген қабілетін сынайық. Кезекте <<Поэзия минуты>>.
1. Телағыс
2. Дәулет
3. Шынберген
4. Жансен
5. Расул
6. Мирас
7. Мұқанбетәли
8. Райымбек
9. Нұр- Ислам
Қазылар алқасынан ІІІ- ІУ кезеңнің бағасын беруін сұраймыз.
Айнұр: ал, жігіттер, байқауымыздың соңғы кезеңіне келіп жеттік. Кішкентай жігіттердің өнерлерін, мергендіктерін тамашаладық. Енді ақыл- ой ұшқырлығын, білімдерін сарапқа салатын кез келді. Олай болса, <<Білім сайысы>>.
<<Көңілі ояу, көзі ашық жігіттер>>Қазылар алқасы өздері дайындап алып келген сұрақтар салынған карточканы алдарынан таңдап аласыздар. Әр талапкерге 3 сұрақ.

Гүлшат: Шын жүйрікті, жыл тарланын анықтайтын сәт келді. Толқып отырған шығарсыздар. Қазылар алқасы шешім шығарғанша жігіттерге сұрақ:
<<Нағыз жігіт қандай болу керек?>> <<Тарлан дегеніміз кім?>>

Ей жігіттер!
Сендерге биік ата- салтын құрметтеп,
Ақтай білсең ата- ана үмітін,
Әр- бір сөзі тәлімі мол бір мектеп,- демекші өз баласына жанашыр жанкүйер болып келген ата- аналар тілегіне кезек береміз.
Айнұр: <<Жыл тарланы-2016>> атағына кім лайық? Қорытынды сөз қазылар алқасында... << Сонымен жеңімпаз жігіт Жұмабаев Мирас болды. Келгендеріңізге мың алғыс. <<Жыл тарланы- 2016>> байқауын жабық деп жариялаймыз. Ұйымдастырушыларға көп рахмет>>.