1-ден 10- ға дейінгі сандарды қайталау

Сабақтың тақырыбы: 1-ден 10- ға дейінгі сандарды қайталау.
Сабақтың мақсаты: 1-ден 10-ға дейінгі сандарды қайталай отыра, білімдерін бекіту және балалардың зейінін, логикалық ойлау қабілеттерін дамыту.
Түрі: аралас
Әдісі: сұрақ-жауап, түсіндіру, СТО технологиясы.
Пәнаралық байланыс: тіл дамыту
Көрнекіліктер: Ертегі кейіпкерлері, геометриялық пішіндер, пойыз суреті және вагондары
Сабақтың барысы: Балалар, қазір бізде математика сабағы болады. Біздің бүгінгі сабағымыз ерекше болғалы отыр, өйткені біздің сыныпқа көптеген қонақтар келіп отыр. Сондықтан біз өзіміздің не білетінімізді көрсетейік. Келген қонақтармен амандасайық. Сәлеметсіздер ме?
Балалар сендердің қазір көңіл күйлерің қандай?
Біздің көңіл күйіміз өте жақсы.
Ендеше балалар осы жақсы көңіл күйімізбен математика сабағын бастайық.
Кәне, балалар есімізге түсірейікші, біз күнделікті сабағымызда қандай ертегілер оқыдық.
<<Тапқыр қоян>>, <<Алма>>, <<Жеті қазынаның бірі>>, <<Бауырсақ>>, <<Шұбар тауық>> т.б.
Жарайсыңдар балалар.
Ал енді бәріміз тақтаға қарайықшы, қандай ертегі кейіпкерлерін көріп отырсыңдар.
Әрине бәріміз білетін <<Бауырсақ>> ертегісі.Біз <<Бауырсақ>> ертегісін бәріміз өте жақсы білеміз. Бауырсақ ертегісінің соңына қарай ертегі қалай аяқталушы еді, яғни түлкі бауырсақты жеп қояды. Ал бүгінгі сабағымызда <<Бауырсақ>> ертегісі сәл өзгешелеу болады. Бүгінгі ертегіде бауырсақ атасымен әжесіне аман есен жетеді. Ол үшін біз бауырсаққа көмектесуіміз керек. Бауырсақ орманда домалап келе жатып, түлкіге кездеседі.
Бауырсақ, бауырсақ егер менің тапсырмамды орындасаң мен сені жемеймін- дейді.
Жарайды тапсырмаңды балалармен орындап көрейін. Балалар, сендер маған түлкінің тапсырмасын орындауға көмектесесіңдер ме?
Балалар бауырсаққа көмектесеміз бе?
Әрине бәріміз бірігіп көмектесейік.
Түлкінің тапсырмасы: - Менің пойыз ойыншығым бар еді, оның вагондары сынып шашалып қалды. Соны қайта ретімен жөндеп берсеңдер мен бауырсақты жемеймін.
-Балалар вагондарды санның ретімен кезектесіп қойып шығайық. Ал енді кім пойыз вагондарын санап береді (балалар 1-ден 10-ға дейін тура және кері санайды)

Бауырсақ түлкінің тапсырмасын орындап әрі қарай домалап келе жатып аюды кезіктіреді.
Бауырсақ, бауырсақ егер менің тапсырмамды орындасаң мен сені жемеймін- дейді.
Жарайды орындап көрейік.
Аюдың тапсырмасы:
Біріншіден менімен << көршісін тап>> ойынын ойнайық. Мына сандардың көршілерін тауып жанына жазсаңдар мен бауырсақты жемеймін.
Ал екіншіден осы отырған балалар санамақ біле ме? Бұл балалар маған санамақ айтып берсін (балалар тапсырманы орындап, бауырсақ одан әрі домалай жөнеледі)
Домалап келе жатып қасқырға кезігеді.
Бауырсақ, бауырсақ егер менің тапсырмамды орындасаң мен сені жемеймін- дейді.
Жарайды, балалар көмектесесіңдер? Орындап көрейік.
Қасқыр тапсырмасы:
Логикалық тапсырмаларды орындау.
***
Төрт қаз ұшып барады,
Биіктен төмен қарады
Аяқ нешеу, бас нешеу?
Жауабын кім табады?
***
Алма бағы жайнаған,
Қызыл алма айналам
Алдым үзіп бесеуін,
Тағыда алдым екеуін
Алдым сонда нешеуін
***
Балапанын көкалда
Санай алмай тауық жүр
Жетеуі жүр жүгіріп,
Үшеуі жем тауып жүр
Қанша барлық балапан
Санай берші балақан?
***
Айнұрдың мынадай ойыншықтары бар. Қуыршақ, доп, қоян, күшік, маймыл. Айнұрдың ойыншықтары қанша?
***
Екі тышқанның құлағы нешеу?
Екі киттің құйрығы нешеу?
Бес тырнаның мойны нешеу?
Екі сиырдың мүйізі нешеу?
***
Жарайсыңдар балалар бауырсаққа тағыда көмектестіңдер. Бауырсақ жолынан қалмасын. (бауырсақ әрі қарай домалап келе жатып ұзын құлақты қоянды кездестіреді)
Бауырсақ, бауырсақ егер менің тапсырмамды орындасаң мен сені жемеймін- дейді.
Жарайды, балалар бірге орындап көрейік.
Қоян тапсырмасы:
Мына геометриялық пішіндерді ата және олардан не құрастыруға болады.
(балалар көбелек, үй, шырша, аққала т.б. құрастырады)
Жарайсыңдар балалар мен бауырсақты үйіне жіберейін.
Балалар сендерге көп-көп рахмет сендердің арқаларыңда аман-есен үйге атаммен әжеме жетіп қалдым. Сендер болмағанда мені жеп қоятын еді. (бауырсақты үйінің суретіне терезенің алдына отырғызу)
Сабақты бекіту. Мадақау.
Балаларға сұрақтар қоя отыра, сабақты қортындылап, өздеріне ұнаған смайликті таңдап алу ұсынылады. Мадақталады.