Қазақстан жолы - 2050 Бір мақсат, бір мүдде, бір болашақ

Тәрбие сағатының тақырыбы: Қазақстан жолы - 2050: Бір мақсат, бір мүдде, бір болашақ.

Тәрбие сағатының мақсаты:патриотты ұрпақ тәрбиелеу.
Міндеттері:
- Отанын сүюге үйрету;
-ынтымақ пен бірлікті бағалау;
- еліміздің мемлекеттік рәміздерін, заңдарын құрметтеу;

Күтілетін нәтиже:
-топпен жұмыс істеуге, бірін-бірі тыңдай білуге үйренеді;
- бірін-бірі және әркім өзін бағалайды

Тәрбие сағатының көрнекілігі:Слайд: Қазақ елі суреттері, Қазақстан Республикасының рәміздері: Туы, Елтаңбасы, Әнұраны, Н. Ә Назарбаевтың суреті, Қазақстан туралы ән.

Тәрбие сағатының барысы:

№
Сабақтың кезеңдері
Жұмыс түрлері
Қолданылған модульдер
1
Ұйымдастыру
Тренинг:

Егер сіз мектепке қуана-қуана барсаңыз, оң қолыңызбен бұлғаңыз;
Егер сіз адамдардың адалдығы мен ар-ұятын бағаласаңыз, бір қадам алға басыңыз;
Егер сіз өз күшіңізге сенсеңіз, орныңызда секіріңіз;
Егер сіз еліміздің тағдыры алаңдатса, алақаныңызбен шапалақ соғыңыз;
Егер сіз өзіңізді патриот санасаңыз, екі қолыңызды жоғары көтеріңіз;
Егер сіз мемлекетіміз әлемде беделді орынға ие болады десеңіз, екі қолыңызды алға созыңыз;
Егер еліміздің болашағы сіздің қолыңызда екеніне сенсеңіз, қолдарыңызды ұстаңыздар.

Түстер:көк, сары
Шаттық шеңбері

Топқа бөлу
1. Оқыту мен оқудағы жаңа тәсілдер (топпен жұмыс, диалог);
2. Сыни тұрғыдан ойлауға үйрету;
3. Оқыту үшін бағалау және оқуды бағалау (топты бағалау, формптивті);4. Оқыту мен оқуда ақпараттық-коммуникациялық технологияларды пайдалану;
5. Талантты және дарынды балаларды оқыту;
6. Оқушылардың жас ерекшеліктеріне сәйкес оқыту және оқу;
7. Оқытуды басқару және көшбасшылық

2
Жаңа материалды түсіндіру.
- Біз қандай мемлекетте тұрамыз?
- Қазақстан.
- Біздің тұңғыш президентіміздің аты - жөнін білесіңдер ме?
- Нұрсұлтан Әбішұлы Назарбаев.
- ҚР - ның халқы қай тілде сөйлеу керек?
- ҚР - ның халқы қазақ тілінде сөйлеу керек.
-ҚР-ның рәміздерін ата!
- ҚР-ның рәміздері: ту, елтаңба, әнұран.
- Тудағы қыран құс нені бейнелейді?
- Қыран құс: күш-қуат, қырағылық, көрегендіктің нышаны.
- Елтаңбаның негізгі нышандарын айт?
- Елтаңбаның негізгі нышандары: шаңырақ, қос тұлпар, бесбұрышты жұлдыз.
- Мемлекеттік Тудың авторы кім?
- Мемлекеттік Тудың авторы Шәкен Ниязбеков.
- Мемлекеттік Елтаңбаның авторы кім?
- Мемлекеттік Елтаңбаның авторлары Жандарбек Мәлібеков, Шот-Аман Уәлихан.
- Мемлекеттік Әнұранның авторы кім?
- Мемлекеттік Әнұранның авторлары Шәмші Қалдаяқов, Жұмекен Нәжмеденов, Нұрсұлтан Назарбаев.

1. Әлемдік сөзінің синонимі (жаһандық)
2. Отағасының антонимі (отанасы)
3. Ата - ана тәрбиелейді? (бала)
4. <<Зор байлық - ...>> (денсаулық)
5. Тіл дамуы, сақталуы үшін қандай қаріпке көшпекпіз? (латын)
6. Ел ертеңі жарқын болу үшін не істеу керек? (Білім алу)
Ой қозғау.

Сөзжұмбақ: <<Жолдау>> сөзі шығу керек.

3
Жаңа материалды бекіту
Қазақстан - 2050 стратегиясының логотипімен танысу және салыстыру: ту және елтаңбамен
Топтық жұмыс

4
Сабақты қорытындылау
<<Мен президент болсам халыққа Жолдауым...>>

Ән: Көк тудың желбірегені
Оқушыларғаөз ойларын айтқызу

5

Бағалау

Кері байланыс
Жаңа оқу жылына байланысты оқушылардың бір-біріне тілегі

Қорытынды бағалау: смайликтер.

Бәйтерек ағашы

Ендеше, балалар, бүгін Жолдау туралы әңгімелесеміз. 17 қаңтар күні <<Қазақстан жолы - 2050: Бір мақсат, бір мүдде, бір болашақ>> атты жолдауын жариялады. Міне, оқушылар, біздер елімізбен мақтанамыз. Бұл еркіндік оңайлықпен келген жоқ. Қазақ елі еркіндікке жету үшін қаншама қиын - қыстау кезеңдерді бастан кешірді. Мыңдаған жылдық тарихы бар Қазақстан тәуелсіздік алды.

Қазақстан - 2050 стратегиясының логотипін таныстыру:
2050 Стратегиясының жаңа логотипі бірліктің мазмұны. Ол қазақтың ұғымындағы бірлік пен қауымдастық белгісін бейнелейтін әлем иллюзиясының бірігуі мен үндесу идеясын көрсетеді.
Біріншіден, логотиптің негізі болып табылатын шаңырақты біз алдымен елтаңбадан көре аламыз. Шаңырақ өз үйіміздің призмасынан көрінетін аспанның символы. Бізде ортақ аспан, ортақ Отанымыз Қазақстан және ортақ ұлттық идеямыз 2050 Стратегиямыз бар. Шаңырақ сөзі <<шаң>> - күн деген ұғымнан бастау алады. Сол себепті де болар, ол қазақстандықтарға көпұлтты елдегі бірліктің белгісі ретінде танылады.
2050 Стратегиясының жаңа логотипінен қазақ киіз үйінің керегесін де аңғара аламыз. Керегенің мақсаты киіз үйді біріктіріп ұстап тұру десек, біз алып отырған кереге беглгісінің Стратегия айналасындағы ұлтымыздың ұйысу идеясы болып табылады.
Сонымен қатар, қиылысқан сызықтардан еліміздегі барлық ұлт өкілдерінің бірлігі, сондай - ақ, еңбектеген баладан еңкейген қартқа дейінгілердің өзара татулығын байқаймыз. Өйткені, қазақстандықтардың барлығы тізе қосып әрекет қылғанда ғана ұлы белестерді бағындыра алмақ.
Стратегия символының негізі мемлекеттік елтаңба, шаңырақ, кереге, дархан дала көкжиегі, теңіздің шексіздігі, ағайынды жұрттың қол ұстасуы мен ел бірлігі. Белгінің мазмұны бірлік пен қуатта. Аталмыш белгі Қазақстан халқына етене таныс және жақын болып келетін дөңгелек шеңбер түріндегі қиылысқан жартылай мөлдір сәулелерден тұрады.
Елбасымыз Нұрсұлтан Әбішұлы Назарбаев Қазақстан халқына арналған дәстүрлі Жолдауын жариялады. Жалпы тәуелсіздігіне жиырма жылдан астам уақыт болған ел егемендігінің тарихына үңілсек, мемлекетіміздің алуан бағыттағы тыныс - тіршілігінің дамуына бірден - бір ықпал еткен фактор - бұл Елбасымыздың халыққа арнаған Жолдауы екендігіне көз жеткізер едік.

Елбасының <<Қазақстан жолы - 2050: бір мақсат, бір мүдде, бір болашақ>> атты Жолдауы бойынша Президенттің жалпыұлттық идеясы - болашақ табыстардың негізі екені баса айтылды. Ал ең бастысы - еліміздің рухын көтеретін, ұлы мақсаттарға жеткізетін <<Мәңгілік ел>> ұлттық идеясы жарияланды. <<Мәңгілік ел>> идеясы - елімізді өз мақсатына талай дәуір сынынан сүріндірмей жеткізетін тұғырлы идея. Осының барлығы дамыған 30 елдің қатарына кіруімізге жаңа серпін беретіні сөзсіз.

Елбасы Жолдауында білім саласы қызметкерлерінің алдына үлкен міндеттер қойды. <<Ұлттық білім берудің барлық буынының сапасын жақсартуда бізді ауқымды жұмыс күтіп тұр. 2020 жылға қарай Қазақстандағы 3 - 6 жас аралығындағы балаларды мектепке дейінгі біліммен 100 пайыз қамту жоспарлануда. Сондықтан оларға заманауи бағдарламалар мен оқыту әдістемелерін, білікті мамандар ұсыну маңызды. Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс>>, деп атап көрсетті.

Мен 21 - ғасыр Қазақстанның <<алтын ғасыры>> боларына сенемін.
Бұл бейбітшіліктің, тұрақтылық пен гүлденудің ғасыры болады.
Қазақстан халқы ұлы тарихтың иесі атануға лайық.
Біз көздеген мақсатымызға міндетті түрде жетеміз.
Аңсарлы азаттығымыз бен тәу етер тәуелсіздігіміз баянды болсын!
Мәңгілік Ел болу жолындағы ұлы істеріміз жаңа дәуірлерге жол ашсын! - деген елбасымыздың қорытынды сөзімен сабағымды аяқтаймын. Тыңдапсабаққақатысқандарыңүшінрахмет!