Ш. Құдайбердіұлы. Бір кесе меруерт

Сабақтың тақырыбы: Ш. Құдайбердіұлы. Бір кесе меруерт.
Сабақтың мақсаты:
1.Білімділік: Мәтінді түсініп оқуға, жақсы мен жаманды ажырата білуге үйрету.
2. Дамытушылық: Оқушылардың танымдық қабілеттерін дамыту.
3. Тәрбиелік: Зеректікке,білімділікке, жақсыдан үлгі алуға тәрбиелеу.
Әдісі: сұрақ-жауап, әңгімелеу.
Сабақтың типі: жаңа сабақ.
Түрі: аралас сабақ.
Көрнекілігі: комьпютер, интерактивті тақта, слайдтар.

Сабақтың барысы:
І Ұйымдастыру кезеңі
1. Амандасу, оқушыларда түгендеу. Оқушыларды сабаққа даярлау.
2. Психологиялық дайындық.
Үлкенге де сіз,
Кішіге де сіз.
Бар адамды құрметтеп,
Бас иеміз біз!

ІІ Үй тапсырмасын сұрау.
1) Әңгімені мазмұндау:
1-топ- Бірінші жолаушының сөзі
2-топ- Екінші жолаушының сөзі
3-топ-Үшінші жолаушының сөзі

2) Сұрақтарға жауап беру:
1. Ыбырай Алтынсариннің <<Таза бұлақ>> әңгімесі не жайлы?
2. Үш жолаушы қайда кездесті?
3. Олар қара тастан қандай жазу оқыды?
4. <<Ей, Жолаушы, болсаң, осы таза бұлақтай бол!>> деген сөзді естігенде өздеріңе қандай ой келді?

ІІІ Мақсат қою кезеңі:
1. Ребус шешу арқылы жаңа тақырыпты шығару.
2. Меруерт деген не?

ІV Жаңа сабақ
1.Кіріспе:
-<<Бір кеск меруерт>> әңгімесінің авторы Ш. Құдайбердиев туралы не білеміз?
- Бұрын қандай шығармаларын оқып едік?

2. Оқулықпен жұмыс:
А) Мәтінді мұғалімнің мәнерлеп оқып беруі.
Ә) Оқушылардың іштей оқып беруі.

3. Сөздікпен жұмыс:
Зор-үлкен, аумақты, ұзақ.
Ділдә-алтын ақша.
Тақыр-тегіс, қатты жер.

4. Сұрақтар мен тапсырмалар:
1) Мәтіндегі қызыл түспен берілген сөздерді тауып оқу. Мәтіндегі осы сөздерге қатысты қандай оқиға айтылған?
2) Сендер осы пікірмен келісесіздер ме? Өз пікірлеріңді айтыңдар. Әңгімені басқаша қалай атауға болады?

5. Сергіту сәті.

6. Дәптермен жұмыс: Мәтіндегі оқиғаға қатысты айтылған нақыл сөзді жазу: <<Азықсыз аш адамға ат басындай алтыннан түк пайда жоқ>>

V Сабақты бекіту:
-Бүгін сабақта не білдік?
-Дүниені көп көрген қария қандай әңгіме айтты?
-Сендердің өз пікірлерің қандай?

VІ Қорытынды:
1. Үйге тапсырма: Әңгімені түсініп оқу, мазмұндау.
2. Автор туралы мәліметтер жинау.
3. Оқушылардың білімдерін бағалау.

Бір кесе меруерт
Жарияланды 5-01-2013, 01:04 Категориясы: Бастауыш сынып
Ақтөбе облысы, Ақтөбе қаласы,
<<Сымбат>> жеке мектебі бастауыш сыныбының мұғалімі
Макуова Нуршат Аманкосовна
Сабақтың тақырыбы: Бір кесе меруерт
Сабақтың түрі: Аралас сабақ
Сабақтың мақсаты:
1. Мәтіндегі ақынның шынайы суреттеу шеберлігін оқушы жүрегіне жеткізу, әңгіменің мазмұнын түсіндіру.
2. Оқушының сөйлеу, мәнерлеп оқу қабілеттерін дамыту. Өздігінен жұмыс істеуге, оқығанынан қорытынды шығаруға үйрету.
3. Адамгершілікке, адалдыққа, еңбекті сүюге тәрбиелеу. Болжау, өз пікірлерін еркін айтуға, өз көзқарастарын дәлелдей білуге тәрбиелеу.
Сабақтың көрнекілігі: еңбек туралы мақал-мәтелдер, болжау кестесі.
Сабақтың әдісі: сын тұрғысынан ойлауын дамыту технологиясы, сахналау.
Сабақтың барысы:
І. Психологиялық дайындық.
Кел, балалар, ойнайық,
Ойнайық та, ойлайық.
Қандай сұрақ болса да,
Таппай оны қоймайық.
ІІ. Үй тапсырмасын тексеру.
а) <<Таза бұлақ>> мәтінді сахналау.
ә) Мәтінге сүйеніп, оқушыларға мінездеме беру.
Венн диаграммасымен жұмыс.
1-оқушы:
2-оқушы:
б) Мәтінді өздеріне аяқтатып әңгімелеу.

ІІІ. Жаңа сабақ. Ой ашар.
1. Кіріспе әңгіме.
2. Шәкәрім туралы не білетінімізді ортаға салып, ойымызды топтастырайық.
(оқушылардың ассоциациясы жинақталады).
Ақын ----------- Қажы
-------Шәкәрім
<<Бостандық таңы атты>>, <<Адамдық борышың>>
Абайдың тәрбиесінде болды, немере інісі
ІҮ. Ой қозғау. <<Терминдер арқылы болжау>> стратегиясы бойынша.
- Тақтаға (дала, керуен, бір кесе бидай, қария) суреттерін ілу.
- Ненің суреттерін көріп отырсыздар?
Әңгіме не туралы болуы мүмкін деп ойлайсыздар? (оқушылардың жауаптарын тыңдау)
а) Болжау кестесін ілу.
Не болды деп ойлайсың?
Оған қандай дәлел бар?
Не болды?
Осы кестеге сүйене отырып, әңгімені бірнеше бөлікке бөліп оқу.
Тақырыпты талдау. Тақырып бойынша қорытынды ой жазу.
ә) Сөздік жұмыс.
Зор - үлкен, аумақты, ұзақ.
Ділдә - алтын ақша.
Тақыр - тегіс, қатты жер.

Ү. Ой толғаныс.
1. Сұрақтарға жауап алу.
1. Қария қандай сұраққа жауап берді?
2. Ол неге сонша қуандым дейді?
3. Өмірінде не нәрсеге қатты кейідім дейді?
4. Қарияға күш, қуат берген не болды?

2. Мақалдардың жалғасын тап:
* Ақысыз аш адамға (алтынның пайдасы жоқ)
* Ас атасы... (нан)
* Арпа бидай... (ас екен)
* Алтын, күміс ...(тас екен)
* Ер еңбекте ...(тәтті)
* Еңбектің наны ...(тәтті)
* Жалқаудың жаны ...(тәтті)

ҮІ. Қорытындылау.
ҮІІ. Үйге тапсырма: <<Бір кесе меруерт>> мәтінінің мазмұнын айту.
ҮІІІ. Бағалау.