Қызыққа толы әлем

<<Өзін-өзі тану>> сабағының жоспары
Мектеп: №48 мектеп-лицей Мерзімі: 13.02.16. №21 сабақ
Мұғалім: Шетенова Е.Н. Сынып: 10 <<Ә>> Оқушылар саны: 29
Тақырып: Қызыққа толы әлем. Құндылық: Ақиқат.
Қасиеттер: даналық, шынайылық, жауапкершілік.

Сабақтың мақсаты: Жаратылыстың ғажайып құбылыстарын түсіндіру арқылы ақиқат құндылығының мәнін ашу.
Сабақтың міндеті:
:: Ғажайып құбылыстарды көкірек көзімен ғана көру даналық екенін ұғындыру;
:: Жаратылыстың бұлжымас заңдарын түсіндіру арқылы оқушылардың шынайылық қасиетін дамыту;
:: Оқушыларды даналыққа, шынайылыққа, жауапкершілікке тәрбиелеу.
Ресурстар:
Компютер, проектор, оқулық, жұмыс дәптері.
5 құрал:
Күнделік
Оқулық
Дәптер
Пенал
Бейджик
Сабақ барысы:
Ұйымдастыру кезеңі. 5 Т. Тәртіп
Тазалық
Тыныштық
Талап
Татулық
Тыныштық сәті Жағымды күйге келу: <<Су асты патшалығына ойша саяхат>>.
Көзіңізді жұмыңыз, бірнеше рет тыныстаңыз, денеңізді босатыңыз. Бірнеше секундтан соң теңіз түбіне саяхат жасаймыз.
Теңіз жағасымен келе жатқаныңызды елестетіңіз. Теңіз толқынының жеңіл шолпылына және шағалалардың шуылына құлақ түріңіз. Жалаң аяқтарыңызбен теңіз жағалауындағы құмды сезініңіз. Шалғайда теңіз бетінен қара нүкте еөріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр, жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып өзіңді қауіпсіз сезініп, су астында жүзу қандай керемет! Жан-жағыңызға қараңыз: мұнде кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай алуан түрлі балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем! Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз (мұғалім бірнеше секунд үнсіз қалады). Ал қазір жоғарыға, өз әлеміңізге кері қайтуға дайындалыңыз. Айналаға жіті қараңыз, ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шығады. Ол сізді су бетіне шығарып, жағаға жақындатты. Дельфиннің арқасынан түсіңіз, оны сипаңыз және осындай ғажап саяхатқа апарғаны үшін ризашылық білдіріңіз (5-6 секундтық үнсіздік) сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызға сақтауға тырысыңыз.

Балалардың алған әсерімен бөлісу.

Ескерту

Үй тапсырмасын тексеру:
Біз көзімізбен осы ғаламдағы бар нәрселерді қаншалықты көре аламыз?
Осы ғаламдағы дыбыстарды қаншалықты ести аламыз?

Дәйексөз

Адам дүниені бас көзімен емес, ақыл көзімен көреді.
Ш.Құдайбердіұлы.

--------------------------------------------------------------------------------
Ақиқат пен білім іздеу - ең биік адамдық ізгіліктің бірі, бірақ оны басқалардан асырып бар даусымен мақтаныш ететіндер - оған ешбір қатынасы жоқтар.
--------------------------------------------------------------------------------
А.Эйнштейн
--------------------------------------------------------------------------------

--------------------------------------------------------------------------------
.
--------------------------------------------------------------------------------
Дәйексөздің мәні неде?

Әңгімелеу
<<Қызыққа толы әлем>> деректер жинағымен оқушыларды интерактив тақта арқылы таныстыру.
Мына сұрақтар төңірегінде жауап береді:
Табиғаттың ғылым түсіндіре алмайтын құбылыстары бізге не үйретеді?
Адам табиғаттың бір бөлшегі екені белгілі. Ал, адам табиғатының біз білмейтін қандай құпиялары бар деп ойлайсың?
Біздің бүгінгі әңгімеміз қандай құндылықты аңғартады?
Біз ойымызды қалай қолдануымыз керек?
Адам ойы туралы не білесің?
Күнделікті өмірде өз ойыңда бақылауда ұстау қажет пе? Неліктен?

Шығармашылық іс-әрекет, топтық жұмыс

1 топ. Даналық сөздер жазу және талдау.
2 топ. Шынайылықпен өмір сүруді түсіндіру.
3 топ. Жауапкершілікті сезінетін адамның болмысын көрсету.
4 топ. Әлемнің ғажайып құбылыстар жайында әңгімелеу.

Әлемдік елдерден алынған даналық сөздер

:: Тасты тесетін судың күші емес, тамшылардың тұрақтылығы. (Бразилия)

:: Тұман желпуішпен сейілмейді. (Жапония)

:: Атақ - қабілеттің көлеңкесі. (Англия)

:: Адам сыртқы көрінісімен қарсы алынады, ішкі дүниесімен шығарып салынады (Моңғолия)

:: Ағаш қаншалықты биік болса да, жапырақтары жерге түседі. (Қытай)

:: Алтын отпен, әйел алтынмен, еркек әйелмен сыналады. (АҚШ)

:: Шынайы махаббат айрылысумен ұмытылмайды. (Бельгия)

:: Бірі екіншісіндей дәрежеде бай болған кезде, бауырлар бір-бірін жақсы көреді. (Уганда)

:: Өзгені айыптағаныңдай өзіңді айыпта, өзіңді кешіргеніңдей басқаларды кешір. (Қытай)

:: Адам ең қатты сүйіктісін, ен жақсы түрде жанұясын, ең ұзақ анасын жақсы көреді. (Ирландия)

:: Өтірік жылдам шабады, шындық қадам-қадам басады, бірақ сонда да уақытында жетіп келеді.(Норвегия)

Табиғаттан бабамыз ала берген секілді,
Дархандықты қазаққа дала берген секілді,
Еркелікті ерікті желден алған секілді,
Мөлдірлікті көгілдір көлден алған секілді.

Үй тапсырмасы
<<Ғалам ғажайыптары>> тақырыбында эссе жазу.

Соңғы тыныштық сәті Музыка қойылады.
Жақсы қасиеттерді жүрегімізге сақтап алайық. Сабақ аяқталды. Сау болыңдар!

\s