Жігіт сұлтаны (ашық тәрбие сағаты)

| | |
| | |

Мектепке дейінгі шағын орталығы бар №21 орта мектеп

Жігіт сұлтаны
(ашық тәрбие сағаты)

Ж.А.Беделбаева

Жігіт сұлтаны
Мақсаты: Болашаққа сеніммен қадам басқан халқымыздың салт - дәстүрі, әдет -
ғұрпы, жөн - жоралғыларын оқушылардың бойына сіңіру, батыл, намысты ұлдарды
тәрбиелеу.
Мұғалім: Қайырлы күн, құрметті оқушылар, ұстаздар, қонақтар! Сіздер бүгін
жігітке жеті өнер де аз дегендей 4 сынып оқушыларының «Жігіт сұлтаны»
сайысына қош келіпсіздер.
Уа, халайық, халайық,
Мұнда назар салайық.
Ата жолын жалғамақ,
Ел дәстүрін қорғамақ.
Жігіттер шықсын ортаға,
Бүгін сұлтан атанбақ.
Құрметті көрермен қауым, ендеше сайысқа түсетін жігіттерімізді қол соғып
қарсы алайық. Бүгін міне біздің сыныптағы жігіттер өз өнерлерін көрсетпек.
Сайысымызды бастамас бұрын, бүгінгі сайысымызды саралап, таразылап
жігіттеріміздің өнерін тамашалап, әділ бағасын беретін әділқазылар
алқасымен танысайық.
Жүргізуші:
Жігіттер келіп жетті танысуға,
Бойындағы бар дарынды дамытуға,
Жігерленіп келіп жетті,
Әдеппен, ізетпен табысуға.
Әр сайыскер сандар суырып, нөмірлерін тағады.
І бөлім: «Таныстыру»
Жігіттер өздерін таныстырып өтеді.
Әділқазы алқалары бағаларын берсін.
2 бөлім:  «Жігітке жеті өнер де аз» (өз өнерін көрсету )
Ал, кәнеки қырандар
Босқа қарап тұрмаңдар.
Бастап жігіт өнерін
Алыстарға самғаңдар деп жігіттеріміз үйден дайындап келген өнерлерін ортаға
салады.
Әділқазы алқалары бағаларын берсін.
3 - бөлім «Үй тапсырмасы» (қолынан келетін бұйым жасау)
Әділқазы алқалары бағаларын берсін.
Қазақтың түрлі - түрлі дәстүрі бар
Оның сырын ашқанда жұрт қызығар
Жауаптарын табама екен бұл жігіттер
Сондықтан қойылатын сұрақтар бар.
4 - бөлім. «Көңілі ояу, көзі ашық» (сұрақ - жауап)
 «Біреу білмегенді біреу біледі» дегендей салт - дәстүрге байланысты сұрақ
- жауап.
1 - билет
1. Төрт түлік малды ата.
2. Түйенің сүтін ата.
3. Киіз үйге жарық қайдан түседі?
2– билет
1. Сәби баланың төсегін ата.
2. Ер жігіттің бес қаруын ата. (Мылтық, садақ,найза,қылыш,айбалта.)
3. Қазақтың ұлттық ойындарын ата.
3 – билет
1. Ұлыстың ұлы күні жасалатын
2. Жеті атаңызды атаңыз
3. Жеті қазынаға нелер жатады?
4 – билет
1. 7 күнді ата
2. Бес асыл істі атаңыз, бес дұшпанға не жатады?
3. Қазақтың қандай ұлттық ойындарын білесіз?
5 - билет
1.Ер қаруы бес қаруды атаңыз?
2. Қ.Р – ның астасы
3. Балдан тәтті кім? (бала)
6 - билет
1. Үйдегі алтын адам кім?
2. ҚР Тәуелсіздікті қашан алды?
3. Қазақ ғарышкері кім?(1992 жыл 2 қазан Т. Әубәкіров)
7 – билет
1. Үш биді атаңыз.
2. Төрт түліктің пірін атаңыз.
(Түйе пірі-Ойсыл қара, жылқы пірі- қамбар ата,сиыр пірі-Зеңгір баба, қой
пірі-Шопан ата, ешкі пірі-Шекшек ата.)
3. Баланы неше жастан атқа мінгізген? (бес,алты)
8 - билет
1. Биенің сүті
2. ҚР ның президенті кім?
3.Бала жүре бастағанда жасалатын  салт
9 - билет
1. Күз айларын ата
2. Музыка неге үйретеді?
3. Асық ойындарын ата
10 - билет
1. Қандай бата білесің?
2. Астана қай өзеннің жағасында орналасқан?
3. 1 аптада неше күн бар?
11 - билет
1. Әбілхан Қастеев кім?
2. 1 жылда неше ай бар?
3. ҚР Мемлекеттік Гимнінің әнін кім жазған?
12. – билет
1. Дина Нұрпейісова кім?
2. 103 нөмірлі қандай машина?
3. Қазақ ғарышкері кім?(1992 жыл 2 қазан Т. Әубәкіров)
Әділқазы алқалары бағаларын берсін.
5 –бөлім: Сайысымыздың келесі түрі «Мақал – мәтелдің жалғасын тап»
Қазақ шешен халық. Халықтың шешендік дәстүрін жалғастыру әрбір перзенттің
міндеті.
Әр жігітке 3 мақалдан  беріледі,олар жалғасын табулары керек.
 1-оқушыға:
1.   Досы жоқ адам – (тұзы жоқ тағам.)
2. Тазалық- (денсаулық кепілі) 
3. Отан – (оттан да ыстық. )
2-оқушыға:
1. Оқу –білім бұлағы, (білім- өмір шырағы.)
2. не? – инемен құдық қазғандай.
3. Оқусыз білім жоқ , (білімсіз күнің жоқ.) 
3-оқушыға:
1. Ашу дұшпан, (ақыл – дос)
2. Білекті бірді жығады ,  (білімді мыңды жығады. )
3. Әдепті бала - арлы бала  (Әдепсіз бала – сорлы бала).
4 -оқушыға:
1. Еңбек етпесең, елге өкпелеме, (Егін екпесең, жерге өкпелеме).
2. Әдептілік, ар - ұят,(Адамдықтың белгісі.)
3. Алтын, күміс тас екен, (арпа, бидай ас екен.)
5 – оқушыға:
1. Тіл тас жарады.(Тас жармаса, Бас жарады.)
2. Бас кеспек болса да, (Тіл кеспек жоқ.)
3. Отансыз адам –( Ормансыз бұлбұл)
6 -оқушыға:
1. Піл көтермегенді, (тіл көтереді.)
2. Әдепті бала – арлы бала, (Әдепсіз бала – сорлы бала.)
3. Татулық – табылмас … (бақыт).
7 – оқушыға:
  1.Бірлік болмай … (тірлік болмас).
  2.Жері байдың - …. (елі бай).
  3. Көз қорқақ, …. (қол батыр).
8-оқушыға:
1. Туған жердей жер болмас,(Туған елдей ел болмас.)
2.  Ел іші (алтын бесік)
3. Ананың сүті—бал, Баланың тілі — бал.
9 – оқушыға:
1. Атаңа не қылсаң, Алдыңа сол келер.
2. Білекті бірді жығар, Білімді мыңды жығар.                       
3.  Білім – таусылмайтын кен.(Ақыл - тозбайтын тон)
10 - оқушыға:
1. Әдепті бала ата-анасын мақтатар, (Әдепсіз бала ата – анасын қақсатар.)
 2. Үлкенге – құрмет,  (Кішіге – ізет.
)                                      
 3. Еңбектің наны тәтті, (Жалқаудың жаны тәтті.)
11 – оқушыға:
1. Аққуды атуға болмайды,(Достықты сатуға болмайды.)
2. Жаңбыр жауса жер ырысы, (Батыр туса, ел ырысы)
3. Ананың көңілі балада, ( Баланың көңілі далада.)
12 – оқушыға:
 1. Ананың сүті- бал,( Баланың тілі- бал.)
 2. Қына тасқа бітеді,   (Білім басқа бітеді.)
3. Досы көпті ..... (Жау алмас(
     Әділқазы алқалары бағаларын берсін.
Достарым, түсініңдер сөздің нарқын,
Әр кезде бола берсін жүздер жарқын.
Мәңгілік жоғарылап жұлдыздарың,
Бақытқа бөлеңдерші қазақ халқын.деп бүгінгі
«Жігіт сұлтаны» сайысымызда аяқталып келеді.
Енді сөз кезегін әділ қазыларға берейік.
Марапаттау