Құлақтан үнің кетпестей, Сыңғырла, соңғы қоңырау атты салтанатты жиын

|№2 ЖОББМГ |
|Құлақтан үнің кетпестей, Сыңғырла, соңғы қоңырау |
| соңғы қоңырау кешіне арналған сценарий |

ҚАЗАҚСТАН РЕСПУБЛИКАСЫНЫҢ ҒЫЛЫМ ЖӘНЕ БІЛІМ МИНИСТРЛІГІ

Ақтөбе облысы

|11 «А» сынып |
|24.05.2016 |

Картбаева Баршагүл Отановна
Ақтөбе қаласы, №2 жалпы білім беретін мектеп- гимназиясының
қазақ тілі мен әдебиет пәнінің мұғалімі

«Құлақтан үнің кетпестей, Сыңғырла, соңғы қоңырау»
атты салтанатты жиын

 11 «А» сыныбының соңғы қоңырау кешіне арналған сценариі

Армысыздар ардақты ата - аналар, аяулы ұстаздар, қымбатты оқушылар,
қадірлі жас түлектер! 11 жыл бойы тәрбие мен білім нәрін бойына құйып,
ұстаздарына анасындай еркелеп, балалық шағын алаңсыз өткізген жас
түлектердің мектебімен, әліппеден бастап өмір заңдарына дейін үйреткен
ұстаздардың шәкірттермен қоштасу мерекесі – соңғы қоңырау мерекесіне қош
Кеше ғана тұлымдары желбіреп, жүректері лүпілдеп, мектеп қабырғасын
имене аттаған ұл - қыздарымыз ойы толып, бойы өсіп, алтын ұя мектебімен
қоштасқалы отыр. Бұл күн – мектеп тарихында, мектеп бітіруші түлектер
есінде мәңгі өшпесі анық.
Жас жүректің өмірлік құштары – гүл,
Бағбан - ұстаз баулыған құстары бұл.
Қоштасып бүгінгі күн ұясынан
Сол құстардың бір тобы ұшқалы тұр, - деп алтын ұя мектебінің табалдырығынан
үлкен өмірге ұшқалы отырған мектеп бітіруші түлектерді құрметпен ортаға
шақырамыз.
11 «А» сынып жігіттерін шақырамыз:
Шакиржанов Назар Тлеуұлы
Уксумбаев Батырхан Асланұлы
Құрметов Алихан Арманұлы
Абдулин Нұрсұлтан Салимжанұлы
Есқабылов Алмаз Ерланұлы

11 «А» сынып қыздарын шақырамыз: (Қазағымның арулары)
1. Ағлеш Гүлзат Саматқызы
2. Мырзалы Аманда Бекболатқызы
3. Нұржанова Үміт Бауыржанқызы
4. Мырзалы Камшат Темірбайқызы
5. Қырықбаева Салтанат Тұрланқызы
6. Дарибаева Сымбат Аянқызы
7. Қадірмашева Амангүл Құрманғазы
8. Сәлімгереева Фариза Мұхитқызы
9. Жалмухамбетова Әсел Хасанғалиқызы
10. Бақытқали Алтынгүл Сандығалиқызы
11. Қайназарова Назира Дулатқызы
12. Базарбаева Балжан Абдрашитқызы
13. Сағынбекова Ақниет Қадырбекқызы
14. Айтмухамбетова Диляра Талғатқызы
15. Жақсылық Назерке Бақтыгерейқызы
16. Алданова Зухра Болатқызы
17. Италиева Айжан Айтқалиқызы

11 «А» сынып жетекшісі-ұстазын шақырамыз: (Ұстазым менің)
Қартбаева Баршагүл Отановна

Жүргізуші:Батырлыққа уызынан жарыған
Ер түркіні жалауынан таныған.
Өзі батыр, өзі әнші халыққа
Жарасады жігер берер әнұран.
Әнұран орындалады
Вальс «Қағаз кеме»

Жүргізуші:Ажырамай халықтан бір елі сіз,
Жақсылыққа жаралған жүрегіңіз.
Сөз берелік құрметпенен өзіңізге,
Түлектерге арналсын тілегіңіз.
Тілек сөз №2 ЖОББМГ директоры Данишева Сания Шағиқызына беріледі.

МҰҒАЛІМДЕРДІ МАРАПАТТАУ БӨЛІМІ
Директор
Сания Шағиқызы
Мектеп басшысы
Жақсылықтың жаршысы.
Жол көрсеткен біздерге
Мың да бір алғыс сіздерге.
Сары ауыз жас балапан
Келіп едік сіздерге
Ұшырғалы отырсыз
Қанат беріп біздерге

Мектебімнің басшысы да тірегі
Барлығы оны мейірбан деп біледі
Әрқашан да басшы демей ол өзін
Ортамызда күліп, ойнап жүреді
Құтты болсын, мейрамыңыз бүгінгі
Көріп жүрсін ауыл-елің нұрынды
Өзінізге бақыт тілеп өмірде
Сыйлаймыз, сізге осы гүлімізді.
Оқу меңгерушілері : Раиса Нурсултановна, Жанар Низагалиевна, Асем
Куандыковна, Жания Кулмухамбетовна
Мектеп-кеме,
Білім-теңіз
Сол кеменің басшылары
Әсем, Рая, Жания,
Жанар сияқты апайларға
Алғысымыз шексіз біздің.
Құрметті ұстаз қауымдарға
Мектеп ісің жандандырған
Еңбектерің есте жүрсін
Қаламызды таң қалдырған.
Ағылшын: Гульнар Сайлауовна, Ақмарал Бариевна
Шабыт алған ағылшынның тілінен,
Қуат алған сарқылмайтын білімнен.
Апайларым Ақмарал мен Гүлнар бар
Мейірімін сезетінбіз үнінен.
Тілімізді ағылшынша сындарған,
Тез игертіп, үлкен істі тыңдырған.
Апайларым Ақмарал мен Гүлнарға
Тарту еттік жырымызды нұр тұнған.
Орыс тілі: Ақмаржан апай
Ағытатын кейде әзіл тиегін,
Шәкірттерін кешіретін, сүйетін.
Апай әрі ақылшымыз Ақмаржан
Шәкірт үшін шын беріліп күйетін.
Сол арқылы орыс тілін меңгердік,
Ресейді мәдениетті ел көрдік.
Орыс тілін игертуге тер төккен,
Ұстазымызды анамызбен тең көрдік.
География: Ботагөз апай
Білім берген тереңдетіп әріден,
Көп үйретті география пәнінен.
Жас та болса апайымыз Ботагөз
Ақыл айтып сыйласады бәрімен.
Биология: Алия апай
Өзі биолог өз кәсібін біледі,
Нұрға тұнған Әлия апайдың жүрегі.
Шәкірттерін сүйетіні соншалық,
Ұрсып тұрып шыдай алмай, күледі.
Математика: Венера апай
Есте сақтап ұмытпаймыз әр үнін,
Өкінеміз, ескермедік қадірін.
Шығарады апайымыз Венера,
Математика есебінің барлығын.
Өзі ақкөңіл, аяғыш жан десек те
«Қызығы мол» деп шақырған есепке
Апайымды шашын түйіп жүретін,
Ұмытпаймыз шетел асып жүрсек те.
Тарих: Асем апай
Шәкірттерге арнаған ол жүрегін,
Өзі сұлу әдемі боп жүретін
Затына сай Әсем атты апай бар
Тарих пәнін шексіз терең білетін.
Ерекше бір тілін сүйген қазақтың,
Ұрысса, күлсе естілетін ғажап үн.
Сүйінбике, Томиристей қуатты,
Ойып салған іздері бар қалатын.
Флешмоб
Өзін-өзі тану: Айгерім апай
Өзімізді өзімізге танытқан
Шәкірттері осы пәннен қаныққан.
Көп үйретті апайымыз Әйгерім
Қуат алып бойындағы шабыттан.
Нвп: Қамалбек ағай
Шәкірттердің қайрап, ұштап жігерін
«Патриот бол» деп үнемі жүретін.
Ағайымыз Қамалбекке түлектер,
Алғыс айтып жеткізіп тұр тілегін.
ДШ: Жандос ағай
«Үш қоям» деп үшін бірақ қоймайды
Өз сабағын маңызды деп ойлайды
Жандос ағай шексіз сүйіп д/ш-ны
Шәкірттермен қызығына бойлайды.
Физика: Ерлан ағай
Он күн жүріп үйретсе де Ом заның
Түсінбедік кей кездері ол жағын.
Ерлан ағай шәкірттерін қалайды,
Физикадан нағыз білгіш болғанын.
Технология: Марал, Бағдагүл
Салт-дәстүр мен өнер үшін жаралған,
Шәкірттері құштарланып нәр алған.
Технология пәнін сүйіп меңгердік
Апайымыз Бағдагүл мен Маралдан.
Химия: Гүлден Алпамысовна
Гүлден апай химбиолог маманы
Білмесек те білі отын жағады
Қатал әрі әділдікті құрметтеп,
Шәкірттердің тілін шебер табады.
Бұрын сабақ бергендер: Салтанат, Альбина, Жанна, Галина ПЕтровна, Гүлнази,
Полат
Білім берген ұстаздардың
Ұмытпаймыз еңбегін
Адал болып елімізге
Ақтаймыз ұстаз сенімін.
Математика пәні мұғалімі-Қожақова Салтанат Жауынбаевна
География пәні мұғалімі-Ниетқалиева Альбина Алиасқарқызы
Тарих пәні мұғалімі- Таласова Жанна Нұражиевна
Орыс тілі мұғалімі- Ярославцева Галина Петровна
Математика пәні мұғалімі- Қоянбаева Гүлнази Жұмабаевна
Дене шынықтыру мұғалімі-Махсудов Полат Абатович
Аида апай
Ең аяулы есім ғой «Ұстаз» деген,
Бар тіршілік бақытты ұстазбенен.
Ұстазды жеткізгенше мұратына
Білім іздеп лапылдап жаңа берем
Ұстаздың оттай ыстық алақаны,
Болған соң ойлайтыны-бала қамы
Баладан ұстазыма мың сан алғыс
Өйткені ол ұстазымның ақ арманы.
Алғашқы ұстаз: Шахида апай
Ұстаздың ұлы істері,
Жадыңда мықты жатталған.
Үйретіп жазу, оқуды
Кітап пен дәптер ақтарған.
Шахида апай еңбегі,
Жемісің беріп ақталған
Мың алғыс сізге ұстазым,
Алғашқы ұстаз ретінде,
Жүректе мәңгі сақталған.
Ән «Ұстаздарым-ау»
1 сыныптың 11 сыныпқа арнауы.
Жүргізуші: Абзал жандар, биік тұлға байсалды,
Құшақ жайып төл мерекең қарсы алды.
Қуанышты жарқын тілек білдіріп,
Құттықтайды бірінші сынып баршаңды.
Түлектер! Сендерді бүгінгі мерекемен құттықтауға келген 1 сынып оқушыларына
сөз кезегін береміз.
11 жыл бойы оқыған,
Ойға білім тоқыған.
Ағалар мен апалар,
Орындалды ойыңыз,
Құтты болсын тойыңыз.

Батыр аға, мен сіздей,
Өзімнен кішкентайларға,
Спортшы боламын.
Мейіріммен қараймын.
Барлық сайысқа қатысып, Диляра
апа мен сіздей,
Облыстан орын аламын. Әдемі
қыз боламын.

Еш уақытта сенбіліктен қалмайсыз,
Тәртіпті де, тіл алғыш,
Еңбек десе құлшынып жайнайсыз. Аманда
ападай боламын.
Білемін мен, Нұрсұлтан аға өмірде,
Сабақтан себепсіз қалмаймын,
Адалдықты, жақсылықты қолдайсыз.
Салт – дәстүрлі сақтаймын.

Назар аға, өзі қандай сымбатты, Өзі
қандай ұқыпты қарашы,
Ұлы ғой анасының қымбатты.
Мектебімнің ол сүйкімді баласы.
Оқуға түсіп қуантыңыз бізді де,
Барлық іске тиянақты қарайды,
Өміріңіз болсын ұзақ, айбатты.
Мақтан етем мен Назирадай апамды.

Білім, өнер, еңбек бәрі егіз,Амангүл апа,
Дәрігер болуды армандайсыз,
Жана берсін әрқашан еңбегіңіз.
Бойжеткен боп бүгін сіз қалғандайсыз.
Ақылды деп атайды бәрі сізді,
Мектеп берген білімнің арқасында,
Тек биіктен Алмаз аға көрініңіз.
Асқақтап болашаққа қол бұлғайсыз.

Бір мінезің бар сіздің аңқылдаған,
Сіздерге жалын жүректен,
Ұстаздардың бәріне жарқылдаған.
Айталық достық тілекпен.
Қанат қағып барасыз Зухра апа,
Бәрі - Әрқашан сәтті жол болсын,
Мақсатыңа жете біл армандаған
Сапарларыңыз оң болсын !
(1 –ші сынып оқушылары сыйлық береді)
11-сынып:
Диляра:Мейірімінен шуақ төгілген, Ұстаздар саған аманат!
Нұрсұлтан:Көрінбейтін шимай - шатпақтан Дәптерім саған аманат!
Амангүл:Аулада тұрған талдар мен Сыныптағы гүлдер аманат!
Алмаз:Жастанып кейде ұйықтаған, Кітабым саған аманат!
Аманда:Қос өрім қылып тағатын Ақ бантик саған аманат!
Батырхан:Бір жеңіп бірде жеңілген Жарыстар саған аманат!!
Назар:Көз қысып өтпеген Қыздар да саған аманат!
Зухра:Үлгілі тәртіп, үздік оқу - ізбасарым саған аманат!
Назира:Кір келтірмей атына, биікке самғау - бізге аманат!

Баршагүл апай
Ақыл-ойы таусылмайтын жыр-дастан,
Қазақ тілмен әр шәкіртке жол ашқан.
Жетекші ол апайымыз Баршагүл
Шәкірттерін сүйіп әркез, сырласқан.

Көп білетін нағыз ұстаз атанған
Шәкірттері білімінен от алған
Патриоттық дәнін еккен шәкіртке,
Класс жетекшім нағыз біздің қаһарман

Қуанады біз қуансақ балаша
Әр сабағын өткізетін жаңаша
Орын алған бізбен бірге WhatsApp-тан
Заманауи біздің апай тамаша.
Ән «Жараламағын»

Мектепке сағыныш (экранда суреттерге назар аударады)
Қашқанда да сабақтан бір қашатын,
Бақылауда көңілін мұң басатын.
Бала күннің ақтарып альбомдарын,
Сыныптастар қайдасың сырласатын.

Бәрі өзгеріп өзіңмен қатарлардың,
Есіңде ме оқушы атанған күн
Қолымыздан жетектеп қыркүйекте,
Ата-анамыз мектепке апарған күн.

Есік жаққа елеңдеп көздеріміз,
Қоңыраудың боларын сезгеніміз.
Қандай қызық кешігіп қалмау үшін,
Жүгіретін сабаққа кездеріміз.

Қызық едi-ау шынайы күлгеніміз,
Бестік алып, белсеніп жүргеніміз
Кезектесіп шаң сүртіп,еден жуып
Кезекшілік атқарған күндеріміз.

Мен айтам деп сабақты таласатын,
Бағам аз деп басқамен санасатын.
Қу қыздар-ай мектепке ерте келіп,
Ең соңынан асықпай тарасатын

Қолын қойып партаға сызып кеткен,
Оқушыны деуші едік бұзық неткен.
Қара бала кеңседе ақталып тұр,
Сары қыздың бантигін үзіп кеткен.

Сабақ сұрар уақыттың жеткендігі
Мұғалімнің түрінен беп-белгілі
Үйіп-төгіп уәденi құтылушы ек
Үй жұмысын ұмытып кеткен күні

Жұмсақтығын сездірмей сирек күлген
Ұстаздарға басымды имекпiн мен.
Ұрғаннан да бетер боп ұяласың,
Ұрыс естіп тұрғанда директорден

Сабақ үсті көп сөйлеп мазалайтын,
Оқушыны бұрышта жазалайтын.
Апайлар-ай есеп көп, уақыт аз деп,
Алақанмен тақтаны тазалайтын

Жаза алмайтын ұлдар да дұрыс атын,
Староста болсам деп тырысатын.
Ұйымшылдық жағынан бірін-бірі
Қыздар едік бірінші ұғысатын

Кіп-кішкене сөмкеге иықтағы,
Кітап, киім кетеді сыйып бәрі
Сол күндердi сағынсам,тосыламын
Жол таппаған адамдай тұйықтағы

Артта қалған естелік оның бәрі
Талай қызық күтіп тұр жолыңда әлі
Бұл өмір де бір күні таусылады
Мұғалімнің борындай қолындағы
жүргізуші:Алдарыңнан арман жолы ашылады.
Түлектерге бақыт гүлі шашылады.
Қимастықпен 11-дің алтын кілтін
Ізін басар сыныпқа тапсырады
Мектеп аманатын тапсыру рәсімі 11 «А» сыныбының үздік оқушылары Абдулин
Нұрсұлтан мен Жалмухамбетова Әселге тапсырылады. Аманат қабылдап алу
құрметі 10-сыныптың оқушысы Аустниязов Шоқан мен Умарова Зереге беріледі

Нұрсұлтан -Қанатын қағар ақ жолдан
Болыңдар сендер жаңа ұрпақ.
Жарқыраңдар жұлдыздай
Қарасын жұрт таңырқап.
Асель - Білімге басқан жастарың,
Ғылымды іздер үңіліп,
Өмірге сапар бастадық,
Алдымда күліп тұр үміт.
Білімді құйып санаңа
Шәкірт болыңдар білікті.
Орнымызды нық басар деп,
Тапсырамыз «Алтын кілтті»

10-сынып оқушысы:
Оқуды терең меңгеріп
Аманатты ақтаймыз
Мектепті үздік бітіріп
әдеп –салтты сақтаймыз- деп уәдемді беремін.

Французкий вальс
Ата-аналар бөлімі
Камшат: -Ыстық – ау кім-кімге де әке деген,
Суыққа шалындырмай мәпелеген,
Өмірдің соқпағынан өрге тартып,
Алдымен адам бол деп жетелеген.

Салтанат: -Сен қуансаң пәк көңілім тасынар
Тентектігім менің бір күн басылар
Менде сенің бір еркешің едім ғой
Мойыныңа ойнап шығып асылар.

Аманда: -Қыран құстай қырағы әкем,
Бәйтерек тектес шынарым, әкем!
…-жаста да еңселі кеуде
Мақтаныш етер ұраным,әкем!

Айжан: -Еркелеттің сөзімді екі еткізбей,
Қорғадың маған пана жел өткізбей.
Әке деген атыңнан айналайын,
Өзіңізді АЛЛА жүзге жеткізгей!

Алтынгүл: -Әке деген асқар тауым, тірегім,
Арқа сүйеп алға еркін жүремін.
Денсаулығың мықты болып жүзге жетсең,
Ең бақытты жан болып мен жүремін!

Ақниет: -Отбасының бар салмағын көтерген,
Бақыт сыйлап жақсылығын әкелген.
Ұрпағына білім үшін жол ашқан,
Мақтанамын асқар таудай әкеммен.

Назира: -Ана деген жүректегі дастаным,
Сенен алам өмірдің бар бастауын
Әке деген алып тұлға асқарым
Тілегіне ұқсамайтын басқанын
Өмір берген құлынына өлшеусіз
Өздеріңмен ашық менің аспаным,
Бас иеді бала көңіл, жас жаным

Зухра: -Тағдырдың асып тасып жартасынан,
Біз үшін түскен майдан ортасына.
Алаңсыз сауық-сайран салып жүрміз,
Біз бүгін әкелердің ортасында.
Фариза:Анасыздар, әр үйге панасыздар,
Бала десе от болып жанасыздар.
Сәттібассаұрпағың,- мерей тасып,
Қыз күлкісін сусын қып қанасыздар.

Балжан:Анасыздар — Ақ Еділ, Жайықсыздар —
Жүзе алмайды өтінде қайықсыздар.
Маздататын, жүректе от лаулататын,
Әр үйдің Күні десе,- лайықсыздар.

Гүлзат:Өрдесек те сіздерді, — лайықсыздар.
Төрдесек те сіздерді, — лайықсыздар.
Ер десек те сіздерді, — лайықсыздар.
Зордесек те сіздерді, — лайықсыздар.

Әсел:Анасыздар, кең байтақ даласыздар.
Жаны жайсаң жеңімпаз данасыздар.
Көлеңке жоқ көңлінде, қылауыжоқ,
Үлбірегенжауқазын баласыздар.

Назерке:Сіздер — Күнсіз, аспанда жарқыраған,
Сіздер — өзен, тау суы сарқыраған,
Сіздер — ана, сіздер — жар, сіздер — қыздар,
Сіздер — жаңбыр, ақ нөсер сарқыраған.

Нурсұлтан:Біз сіздер сіз тіршілік ете алмаймыз.
Дегенге де сіздерсіз жете алмаймыз.
Айнала ұшып сіздерді көбелекбоп,
Өртеніп қастарыңнан кете алмаймыз.

Диляра: Дүниедегі ең ардақты асыл жан
Анам мені мәпелеген жасымнан
Мен қуансам қуанады ол бірге
Мен қиналсам табылады қасымнан

Назар:Маған қымбат жан жоқ сірә анадан
Бар жақсылық аналардан таралған
Жер бетіне өмір нәрін себуші
Ана алдында борышты ғой бар адам.

Сымбат:Мәңгі жарық күн сыйлаған маған
Бір адам бар ол өзіңсің ана
Мейірімге бір өзіңнен қанам
Жылуды да жүрегіңнен алам

Амангүл: Кезің жоқ мейірленіп тіл қатпаған,
Сөзің жоқ өнегесін тыңдатпаған.
Осынау дөңгелеңген дүниеде,
Жан АНАМ, кім бар сендей қымбат маған?!
(экранда видео қосылады)
16 қыз
Сыныпты келдің басқарып,
Көрмедің ойлап бас қамын.
Шәкірттер жатыр ұшқалы,
Өмір дегенін қас-қағым.
Бірге өткізген күндерін, қыс-жазында,
Жазып шықты қаншама іс-қазына.
Балапанын ұшырған ұясынан,
Сөз берейік жетекші ұстазына деп келесі сөз кезегін ұлағатты ұстаз,
түлектердің сынып жетекшісі Қартбаева Баршагүл Отановнаға беріледі.
жүргізуші: Әлі есімде әліппені ашқаным
Есімінді есте мәнгі сақтадым
Жүрегіме нұрын құйған жылылық
Көрген емес ешқашанда суынып деп
Түлектердің алғашқы ұстазы Капрахимова Шахида Хашибайқызына сөз беріледі

Жақсы шәкірт азамат атанады,
Халқынан, ата - анадан бата алады.
Ұрпағына айтсын деп ақ тілегін,
Ортаға шақырайық ата - ананы. «Ата - ана баланың бас ұстазы» дегендей ата -
ана мен мұғалім қатар тұрғанда бала өзіне деген қамқорлықты толық сезінеді.
Сөз кезегі құрметті де қадірлі ата - аналарымыз атынан Италиев Айтқали
Рақымұлы, Иманбаев Қадырбек Сағынбековичпен Дуйсенбаева Рысты
Қилыбайқызыберіледі.
жүргізуші: Білімді шәкірттерін аялаған
Жақсылығын ешкімнен аямаған,
Саялы бақ, жанашыры жас ұрпақтың
«Ұстаз» деген аяулы, ардақты адам.
Ұстаздардың атынан тілек сөз бастауыш сыныптан жетелеп келе жатқан
ұстаздары Танкиева Ақмаржан Қосдаулетовнамен Туктубаева Гүлнар Сайлауовнаға
беріледі.
жүргізуші:Нағыз жүрек тебірентерлік сәт те келіп жетті. 11 жыл бойы әр
сабақ арасында естіп, біліп достасқан әдемі қоңырау үні бітірушілер үшін
соңғы рет соғылмақ
Қоңырау соғу рәсімі 11 сыныптың оқушысы Уксумбаев Батырхан Асланұлымен 1
сыныптың оқушысы .............. беріледі
Күмбірле, қоңырау күмбірле
Аттансын түлектер жаңа өмірге.
Ұшырады мектебің өз қолыңнан
Көріне біл ғылымның сан қырынан
«Қайран, мынау қазақтың ұлы ғой»-деп
Көріне біл тұғырдан, биік шыңнан.
(қоңыраудың даусы естіледі+мелодия)
Бұл соңғы қоңырау үні...Балалықпен қоштасу, үлкен өмірмен қауышу
үні. Осыдан 11 жыл алдын өздеріңе жаңа ғана ақ жол тілеген бүлдіршіндер
секілді едіңдер. Көз салып қараңдаршы...сендер де сондай тәтті едіңдер, бір
сәт балалықпен қауышыңдар...Әне , олар сендерді үлкен өмірге аттандыруға
бара жатыр ... Жүректерің не дейді?
Айжан (музыка әуенімен): -Бүлдіршіндер өздеріңдей болғанбыз,
Құшақ ашқан алтын ұя ордамыз.
Сол бір сәттер енді қайта келер ме?
Балалығым біз өзіңді қимаймыз,
Алтын ұя мектебім мен аяулы
Ұстаздарым өздеріңді қимаймыз.
Қош бол енді балалығым бал дәмім
Мен өзіңді ғұмыр бойы аңсаймын
ӘН «Бір үйдің баласындай»