Ана-отбасы жүрегі, мейрімділік тірегі

Қарағанды облысы, Октябрь ауданы

№ 7 Жамбыл Жабаев атындағы дарынды балаларға арналған мамандандырылған мектеп интернаттың тәрбиешісі

Абилкасова Балжан Толегеновна

Тақырыбы: «Ана-отбасы жүрегі, мейрімділік тірегі»

Мақсаты : Көктемнің алғашқы күнімен сәйкес келетін осы қасиетті сөздің мағнасын ашу. Аналарды құрметтеуге, сыйлауға тәрбиелеу.

Түрі: сыныптан тыс шара

Көрнекілік : үнтаспа, бейнежазба, презентация, сөздер жазылған плакаттар, гүлдер, шарлар.

(сыныптағы барлық ұл балалар ақ көйлек, қара шалбар, 8 ұл- сары бабочка, сары шлаяпа, 8 ұл-қызыл бабочка, қызыл шляпа)

Абильмансур

Құрметті ата-аналар, оқушылар. Көгілдір көктемнің алғашқы күнімен бірге келетін жайдары да нәзіктік мерекесі болып саналатын 8 наурыз мерекесімен құттықтаймыз. Сіздерге арналған «Ана-отбасы жүрегі, мейрімділік тірегі» тәрбие сағатымызды бастауға рұқсат етіңіздер. Көктемгі даланың сәні, адамның жыр-әні болған жауқазын, яғни қыр қызғалдақтарын ортаға шақырайық.

Би: «Қызғалдақтар»

Ербол

Анашым-осы қасиетті сөзді естегін әрбір жанда жүрегінде мейірім, көзінде шаттық болары сөзсіз. Жер беті ешбір анасыз құлпырған емес. Әлемнің бар гүлін сыйласақ та, аспандағы күнді сыйласақта сіздерге аздық етеді. Бірақ кішкене сәби жүрегімізден сыйлаған осы бір ақ тілекті қабыл алыңыздар.

Арлан

Сіздерден өскен балалар
Батырлар мен даналар.
Құттықтаймыз мейраммен,
Құрметті абзал аналар.

Дәмер

Көңілің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай,

Лунара

Әркімнің де өмірден аласы бар,
Аласы бар адамның анасы бар.
Мерекесін құттықтап аналардың,
Өнерлерін жолдайтын апалардың баласы бар

Ержан
Ана деген - бастауы ұлылықтың
Ана деген - рәмізі сұлулықтың
Ана деген - бір жыр бар шырқалатын
Асқақтатар биікке ұрпақ атын
Жігер
Барша ана, құтты болсын мерекеңіз
Әрқашанда ана сізбен берекеміз.
Ақтасақ ақ сүтіңді, асыл анам.
Сонда біз кісілікке теңесеміз.
Аида

Ару - Ана өмірдің асылдары,
Жайнасын көңілімнің жасыл бағы.
Сендер үшін ән мен жыр шырқалуда,
Сендер үшін мереке шашулары, -

Нурдаулет

Бір өзіңнен бастап өмір жолдарын,
Жүрегіңе, жүрегімді жалғадым.
Өзің мына сыйға берген өмірде
Ақ сүтіңді ақтап өту - арманым.

Оразмұхаммед

Шуақты көктем келді гүлін алып
Көктемнің мерекесі бүгін анық.
Өмірдің көктемі де, гүлі - Аналар
Ана деп бас иеді күллі халық.

Абильмансур

Ана-осы үш әріпті қасиетті сөзде барша ғаламның табынушысы, барша елдің ардақтысы барын кім білген. Мейіріммен ізеттілік, кішіпейілділік пен инабаттылық та осы сөздің құшағына сыйған. Неткен керемет десеңші! Жүзіңді әжім шалмай, шашыңа ақ түспей, ардақты аналарым ортамызда жүре беріңіздерші. Анамыздың шашына ақтың түсетінін көрейік.

Автор-Қыдырәлі

Миша анасының басынан үш тал ақ шаш көрді.

Миша-Дәмер

-Мама, басыңда үш тал ақ шаш бар екен, -деді.

Автор:

Мамасы езу тартып күлді де қойды. Бірнеше күн өткен соң Миша шешесінің басынан төрт тал ақ шаш түскенін байқады.

Миша:

-Мама, басыңда ақ шаш төртеу болыпты. Бұрын үшеу ғана еді ғой. Неге тағы біреуі ағарып кеткен?

Анасы-Лунара

Ауырғаннан, ананың жүрегі ауырса, шашы ағарып кетеді.

Миша:

-Жүрегің неден ауырады?

Анасы:

-Есіңдеме, сен өте биік ағаштың басына өрмелеп шықтың ғой. Мен оны терезеден көріп тұрғанмын. Сенің жіп-жіңішке бұтақ үстінде тербеліп тұрғаныңды көріп, жүрегім ауырып кетті. Содан шашым да ағарды.

Автор:

Миша ұзақ ойланып отырды. Содан соң шешесіне келіп, оны құшақтап.

Миша:

-Мама, егер мен жуан бұтаққа отырсам, шашың ағармас па еді?

Автор:

Құрметті достар, ананың жүрегі ауырып, қабағын түйетін әрекеттер жасамайық. Ана жүрегі біздің әрбір жаман әдеттерімізден ауырады. Сондықтан жақсы оқушы, жақсы бала болайық.

Ербол

Анашым- тербелеген өмір бесігінің айнасы, қуанышымыздың айғағысыз. Сіз қуансаңыз барша әлем қуанады, сіз жымисаңыз әлемдегі барлық жабық есіктер ашылады. Сіз мен үшін баға жетпес асылсыз. Барша аналар сіздердің қабақтарыңызға ешқашан қайғы кірмесін. Тек қуаныштан ғана күліңіздер дегім келеді. Келесі ақ тілекті өлеңіміз өздеріңізге арналады.

Ән: «Құттықтаймын мама, туған күніңмен!»

Нұрзат

Шашымды өріп тараған,
Қабағыма қараған
Үлкен кіші демейді
Сыйлайды оны бар адам.
Айғаным

Бәрі де, Ана,

Бір өзіңнен басталды.

Сен деп жаздым алғаш өлең дастанды.

Қуандым ба,

Өзің бар деп қуандым.

Жыладым ба,

Өзің жоқ деп жас тамды.

Бәрі де, Ана,

Бір өзіңнен басталды.

Жанарыңнан көрдім алғаш аспанды.

Ибраһим

Анам менің сүйіктім
Тек өзіңе табынам.
Қасымда жүрсең биікпін,
Алыстасаң сағынам.
Жанель
Біз ғана емес, қадір тұтқан бабалар
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Біз доспыз гүлдермен,
Текке оны жұлмаймыз.
Той күні бір - бірден
Аналарға сыйлаймыз.
Ернар

Сенен өскен балалар,
Батырлар мен даналар
Құттықтаймыз мейраммен
Құрметті біздің аналар.
Али
Анаң болса қасында
Басқа бақыт не керек
Аналардың жүрегі
Мейірімді ғой керемет.

Ақзер

Ақ анашым, аппағым,
Өзің жайлы тақпағым
Өзің жайлы әнім де,
Арнадым саған бәрін де.
Динмухамед

Сен қуансаң мен бірге қуанам
Саған ғага сенемін, жұбанам
Аспандағы ай-күнімсің маған
Баға жетпес байлығымсың ана
Ардақты анам, аяулы мама

Абильмансур

Ақын-жазушылардың әнімен өлеңіне арқау болған кім? Ана! Иә, бір қолымен әлемді тербеткен, екінші қолымен баласын тербеткен жан біткенге жақсылық жасаушы, басқаның баласын өз баласындай жақсы көретін-Ана! Ана-ғұмырлы өмірің әрқашан ұзақ болсын. Табиғатың нәзік, жүрегің кең сендей абзал жанды бұл жалғанда алақанымызға салып өту біз секілді перзенттеріңіздің борышы. Аман болыңыздар аналар! Келесі әдемі би сіздердің құрметтеріңізге.

Би: «Флэшмоб» (ұлдар биі)

Ербол

Табиғатта осы көктемінің алғашқы мерекесін құшақ жая қарсы алады екен. Оның бір дәлелі, табиғат қыста қатып тылысым өмір мұздап жатса. Бұл күндері жер бетінде жасыл шөптер жайқалып, гүлдер өсіп шығады екен. Құрметті аналар кәне, біз сіздермен сіздер қандай ағаш екендіктеріңізді тексерейік. Сол себепті аналарымыздың жүзін экранға бұрсақ. Мұқият тыңдаңыздар.

(осы кезде экранда әр ананың өзінің туған күні бойынша жинақталған ағаштар жазылып, сол ағаштар туралы түсінік болады)

Абильмансур

Сіздерді жайқалған ағашқа теңеп жатқанымыз. Ағаш тамырдан өсіп өнеді. Тамыры тереңге жайылған ағаштай қысы, жазы ыстық пен суыққа шыдап жүретін сіздердің төзімділіктеріңізге риза болғандықтан деп біліңіздер. Осындай керемет көңіл күйді, менің келесі достарым жалғастырса. Достарымның жүрек жарды ақ тілекті өлеңдерін қабыл алыңыздар.

Хасан

Еркелесем, бір өзіңе еркелеп,

Жасқандым ба,

Тек өзіңнен жасқандым.

Алғашқы дәм, ол да сендік сүт еді,

Ақ сүт берген қашанда үміт күтеді,

Отанымның өзі сенен басталып.

Жауларыма жеткен жерден бітеді.

Мен саған желсіз де жетемін.

Бұлбұл

Мен анамды сүйемін,
Құшағына енемін.
Мәпелеген анамды,
Қуантсам деп келемін.
Расул
Айналайын анашым
Аялайсың, бағасын
Сен үшін балалармен
Ән шырқайық бәріміз

Айзерек

Мәпелейді, әлдилейді, бағады.
«Құлыным» деп құшағына алады
Өзгеге де, өзіне де жауапты
Барлығына қалай уақыт табады?!
Қыдырәлі

Мәңгі жарық күн сыйлаған маған
Бір адам бар ол өзіңсің ана
Мейірімге бір өзіңнен қанам
Жылуды да жүрегіңнен алам
Ардақты ана, аяулы мама

Шырайлым

Ана десем, алғыс алам халқымнан
Ана десем, теңіз болам шалқыған.
Ана десем, ашылады қабағым
Ана десем, әділдікті ұғамын.

(барлық оқушы шығып, аналарға дайындаған ашық хаттарын сыйлайды)

Ербол

Құрметті ата-аналар, достар! Бүгінгі көктеммен бірге келген осы керемет мерекемізге арқау болып отырған біздің сыныптың сұлу қыздары. Мерекелеріңіз құтты болсын. Сіздерге өмірде тек қана жақсылық пен сәттілік тілеймін. Сабақта алда болып, денсаулықтарың мықты болсын деген тілекпен, біздің сыныптың ұлдары атынан сыйлайтын сыйлығымызды қабыл алыңыздар.

(ұлдар қыздарға сыйлық береді)

Абильмансур

Шырайлы мерекеміздің сәнін келтіріп отырған аналар! Әр күндеріңіз дәл бүгінгі күндей сәнді де, мәнді болсын. Жүректеріңіз ешуақытта ауырмай, шаштарыңызға ақ түспесін. Біздей ұрпақтың ақылды да байсалды анасы болып, мәңгі жанымызда болыңыздар деген балалы жүрегімнен шыққан ақ тілегімді қабыл алыңыздар. Ендігі сөз кезегі Әсем Батталқызына беріледі.

Ербол-Абильмансур

Қымбатты аналар! Осымен сіздерге арналған «Ана-отбасы жүрегі, мейрімділік тірегі» кешіміз аяқталды. Келесі кездескенше күн жақсы болсын.

Туған күндері

аналардың аттары

Жұлдызнама (зодиак)

ағаштары

Туған күндері: ақпан-февраль (13. 02)

аналардың аттары: Жанар (Хасан)

Жұлдызнама (зодиак): суқұйғыш (водолей)

ағаштары: Балқарағай (кедр)

Туған күндері: наурыз-март (8. 03)

аналардың аттары: Гүлнұр (Шырайлымның анасы)

Жұлдызнама (зодиак): балық (рыба)

ағаштары: Қызылтал (ива)

Туған күндері: наурыз-марта (23. 03)

аналардың аттары: Анаргүл (Бұлбұлдың анасы)

Жұлдызнама (зодиак): тоқты (овен)

ағаштары: Ағаш жаңғағы (дерево орех)

Туған күндері: сәуір-апрель (05. 04. )

аналардың аттары: Гүлмира (Динмухамедтің анасы)

Жұлдызнама (зодиак): тоқты (овен)

ағаштары: Алма ағашы (яблоня)

Туған күндері: сәуір-апрель (16. 04. )

аналардың аттары: Жанар (Арланның анасы)

Жұлдызнама (зодиак): тоқты (овен)

ағаштары: Үйеңкі (клен)

Туған күндері: сәуір-апрель (17. 04. )

аналардың аттары: Гүлсім (Оразмұхамедтің анасы)

Жұлдызнама (зодиак): тоқты (овен)

ағаштары: Үйеңкі (клен)

Туған күндері: сәуір-апрель (25. 04)

аналардың аттары: Құндыз (Нұрзаттың анасы)

Жұлдызнама (зодиак): торпақ (телец)

ағаштары: Ағаш жаңғағы (дерево орех)

Туған күндері: мамыр-май (14. 05)

аналардың аттары: Жанагүл (Расулдың анасы)

Жұлдызнама (зодиак): торпақ (телец)

ағаштары: Терек (топаль)

Туған күндері: маусым-июнь (06. 06)

аналардың аттары: Гүлнұр (Айзерек анасы)

Жұлдызнама (зодиак): егіздер (близнецы)

ағаштары: Қызылқайың (красная береза)

Туған күндері: маусым-июнь (23. 06)

аналардың аттары: Гүлдана (Дәмердің анасы)

Жұлдызнама (зодиак): шаян (рак)

ағаштары: Інжір (инжир)

Туған күндері: маусым-июнь (27. 06. )

аналардың аттары: Гүлзада (Ақзердің анасы)

Жұлдызнама (зодиак): шаян (рак)

ағаштары: Алма ағашы (яблоня)

Туған күндері: шілде-июль (21. 07)

аналардың аттары: Гүлім (Қыдырәлінің анасы)

Жұлдызнама (зодиак): шаян (рак)

ағаштары: Шегіршін (вяз)

Туған күндері: тамыз-август (26. 08. )

аналардың аттары: Айжан (Ержанның анасы)