Калькулятор жады

Қысқа мерзімді жоспар

Сыныбы: 5 «Ә» Сабақты өту мерзімі: 11. 04. 2016 жыл

Сабақтың тақырыбы: Калькулятор жады

Сабақтың мақсаты: Оқушыларға сандық ақпараттарды өңдеуге арналған калькулятор программасы батырмаларының қызметтерін таныстыру, калькулятор жадымен жұмыс істеуді үйрету, алған білімдерін өмірде дұрыс қолдана білуге бағыт беру;

Сабақтың типі: жаңа білімді меңгерту

Сабақ түрі: аралас сабақ

Пәнаралық байланыс: «Математика», «Информатика және ЕТ негіздері», «Геометрия», «Ағылшын тілі»

Табыс критерийлері:

Калькуляторды іске қосу, түрлерін ажыра білу;
Калькулятор батырмаларының қызметтерін білу, қолдана алу;
Калькулятор жадымен жұмыс жасауды меңгеру;
Теориялық білімді практикамен ұштастыру;

Күтілетін нәтиже:

Оқушылар калькулятор бағдарламасы туралы толық ақпарат алады, батырмалардың атқаратын қызметтерін түсінеді, калькулятор жадымен жұмыс жасай алады, санның пайызы мен кері мәнін есептеуді үйренеді.

Түйінді идеялар: Бірлескен топтық жұмыс - оқушылардың ынтымақтастығын дамытудың, АКТ құралдарын қолдану - оқушылардың қызығушылығы мен белсенділігін арттырудың қуатты құралы болып табылады.

Мұғалім іс - әрекетінің тәсілі:

Сабақты ұйымдастыру, бағыт беру;
Оқушыларды жаңа түсініктермен таныстыру;
Жаңа тақырыпты түсіндіру мақсатында нақты мысалдар көрсету;
Оқушыларға компьютерде тапсырмаларды өз бетімен орындап көруге мүмкіндік беру. Өз бетімен орындауда нәтижелер оң болмаған жағдайда, нұсқаулар беру;
Сабақ барысында оқушыларға сұрақтар қоюға мүмкіндік беру;

Оқушыда дағды қалыптастыру:

Жаңа тақырыпты игеру;
Қажет болған жағдайда мұғалімнен көмек сұрау;
Жаңа тақырыпты практикада қолдану мақсатында ұсынылған деңгейлік тапсырмаларды өз бетімен орындау;
Топтық жұмыстарға ат салысу;
Жұптық, топтық диалог орната білу, сұрақтар қою және берілген сұрақтарға жауап беру;
Өзгелерге көмектесу, сабақта барынша белсенділік таныту;

Дереккөздер: «Информатика» 5-сынып оқулығы «Арман-ПВ» баспасы, 2013 ж; www. google. kz сайты.

Қолданылатын әдіс-тәсілдер : ынтымақтастық атмосферасын қалыптастыру, топқа бөлу, сиқырлы таяқша, «Батырманы басасың, қандай істі ашасың?» суреттер сөйлейді, «Алтын балық аулау» ойыны, дамыту сұрақтары, деңгейлік тапсырмалы практикалық жұмыс, Т кестесі, қабырға газеті, «Жұбым қайды?», «Рубрика» әдісі арқылы бағалау, кері байланыс «Жетістіктер сатысы».

Сабаққа қажетті құралдар мен көрнекіліктер:

Әдістемелік көрнекіліктер:

Үлестірмелі материалдар
Слайд көрсетілімі
Тосын сұрақтар
Бағалау парақшасы

Техникалық құралдар:

Ноутбуктер
Интербелсенді тақта
Active Pen қаламсабы
А3 форматты қағазы
Маркерлер, стикерлер
Сиқырлы таяқша т. б.

Жоспар мазмұны

Уақыт өлшемі

Мұғалімнің іс-әрекеті

Оқушының іс-әрекеті

Күтілетін нәтижелер

Жоспар мазмұны:

Кіріспе.

Ұйымдастыру кезеңі.

Психологиялық дайындық.

Бүгінгі сабаққа оқушылардың қызығушылығын ояту. Ынтымақтас-тық ортаны қалыптастыру.

Уақыт өлшемі: 3 мин

Мұғалімнің іс-әрекеті: Сыныпқа ену, оқушыларды жылы жүзбен қарсы алу, сәлемдесу, оқушыларды түгелдеу.

Оқушының іс-әрекеті: Орындарынан тұрып сәлемдеседі. Кезекші сыныпта жоқ оқушылар туралы мәлімет береді.

Күтілетін нәтижелер: Оқушылардың сабаққа деген қызығушылық-тары артады. Оқушы зейіні тақтаға аударылады. Өзін-өзі реттеу әрекеті іске асады. Достық, ынтымақтас-қан орта қалыптасады.

Жоспар мазмұны:

Мұғалім оқушыларды тақтаға шығарып, бір-біріне қарама - қарсы тұрғызады. Оқушыларда өзіндік «Менін» оятады. Оқушылар көздерін жұмып, мұғалімнің сөздерін қайталайды. «Мен мектептемін, мен сабақта отырмын, менің көңіл-күйім жақсы, мен ақылдымын, терең білімге қол жеткізем, мұғалімді зейін қойып тыңдаймын, мен сабаққа дайынмын!». («Көктем» әуені ойнап тұрады) .

Оқушылар көзерін ашып, хормен тақтада ұсынылған өлең жолдарын айтады.

Күлім қағып қолымды,

Бір, екі, үш деп соғайын.

Қарап тұрған көршіме,

Қолымды мен бұлғайын.

Жылы-жылы сөзбенен,

Жүрегімді сыйлайын.

Ыстық алақаныммен,

Қолыңды бір қысайын.

Жоспар мазмұны:

Қызығушылықты ояту.

Топқа бөлу.

«Шатаспақ» әдісі

Уақыт өлшемі: 2 мин

Мұғалімнің іс-әрекеті:

Жемістерге әр топ атының бас әрпін жазып, оқушыларға таратады. Оқушыларды топтастырып, топ басшысын сайлатады.

Рубрика әдісі арқылы бағалау критерийлерімен таныстырып өтеді.

Оқушының іс-әрекеті:

Оқушылар жемістерді таңдап, ондағы әріптер бойынша топтасады.

І топ « Б локнот »

ІІ топ « К алькулятор »

ІІІ топ « W ordPad »

Топ басшысын сайлайды. Бағалау парақшасымен танысады.

Күтілетін нәтижелер: Топтастыру арқылы ЖАДА орнайды, топтық жұмыстар ұсынылады. Топтық ережеге бағынады.

Жоспар мазмұны:

Үй тапсырмасын сұрау.

«Бақытты сәт» ойыны

Уақыт өлшемі: 6 мин

Мұғалімнің іс-әрекеті: «Бақытты сәт» ойыны 3-геймнен тұрады. Мұғалім әр гейм тапсырмаларын кезекпен ұсынады.

Оқушының іс-әрекеті: Ойынға қатысады, үй жұмысы бойынша білімдерін айтады, толықтырады.

Күтілетін нәтижелер: Үй тапсырмасы еске түсіріледі, оқушы білімі тексеріледі.

Жоспар мазмұны: 1-гейм. «Сиқырлы таяқша». Жеке жұмыс.

Уақыт өлшемі: «Сиқырлы таяқша» ойыны арқылы мұғалім бір оқушыға таяқты ұсына отырып, үй жұмысы бойынша сұрақ қояды.

Мұғалімнің іс-әрекеті: Таяқты алған оқушы сұраққа жауап береді, таяқты келесі оқушыға ұсынады. Осылайша жалғасады.

Оқушының іс-әрекеті: Үй тапсырмасы еске түсіріледі.

Жоспар мазмұны: 2-гейм. «Батырманы басасың, Қандай істі ашасың?» Топтық жұмыс

Уақыт өлшемі:

Әр топқа түрлі тапсырма ұсынады. Тапсырмада калькулятор, блокнот бағдарламаларының батырмалары көрсетілген.

Мұғалімнің іс-әрекеті: Әр топ оқушылары өздеріне берілген тапсырманы орындап, топ басшы өз жұмыстарын қорғайды.

Оқушының іс-әрекеті: Оқушылардың өткен тақырып бойынша алған білімдерін еске түсіру, қорытындылау

Жоспар мазмұны:

Үй жұмысын бекіту және бағалау.

3-гейм. «Алтын балық аулау» ойыны. Үлгерімі төмен оқушымен жұмыс

Уақыт өлшемі:

Оқушыларға интербелсенді тақта арқылы қозғалыстағы балықтарды ұсынады. Олардың ішінен тек алтын балықтарды ұстауды тапсырады. Әр балықта белгілі сұрақ жасырылған.

Қорытынды сөз айтады, сұрақтарға жауап берген оқушыларды бағалайды.

Мұғалімнің іс-әрекеті:

Балықтарды ұстау арқылы шыққан сұрақтарға жауап береді.

Мұғаліммен бірлесе үй тапсырмасын қорытындылайды.

Оқушының іс-әрекеті: Үлгерімі төмен оқушыларды сабаққа тарту, білімін бағалау.

Жоспар мазмұны:

Жаңа тақырыпқа кіріспе. Көпір.

«Ойнайық та, ойлайық» (дамыту сұрақтары)

Уақыт өлшемі: 2 мин

Мұғалімнің іс-әрекеті:

Бір-бірімен жарысқан,

Төрт аю, бір арыстан

Екі қой мен бір түлкі,

Бәрі нешеу кім білді? (сегіз)

Дүкеннен мен сабын алдым,

Және оның қабын алдым.

Екі дәптер, бір қарындаш,

Тіс ысқышты тағы алдым.

Есептеші сонда бәрі,

Қанша болды қолда бары (алты)

Жұмбақты ұсына отырып, адамның жады мен калькулятор жадына тоқталады.

Оқушының іс-әрекеті: Ұсынылған жұмбақтың шешімін табады, мұғалімді тыңдайды, қойылған сұрақтарға жауап береді.

Күтілетін нәтижелер: Жаңа тақырып мағынасы ашылады.

Жоспар мазмұны:

Негізгі бөлім.

Жаңа сабақ

Уақыт өлшемі: 8 мин

Мұғалімнің іс-әрекеті:

Сабақтың тақырыбы мен мақсатын айтады.

Интербелсенді тақта арқылы жаңа тақырыпты түсіндіреді. Калькуляторды қолданып, мысалдар көрсетеді.

MS (Memory Store) - индикатордағы санды жадқа жазады.

MR (Memory Recall) - жадтағы санды индикаторға шығарып жазады.

МС (Memory Clear) - жадты тазартады.

М+ (Memory +) -жадтағы санға индикатордағы санды қосады.

М- (Memory -) -жадтағы саннан индикатордағы санды азайтады.

%-санның пайызын есептейді.

ⱱ-квадрат түбірді есептейді.

1/х-индикация өрісіндегі санның кері мәнін есептейді.

Калькулятор тарихына тоқталады.

Оқушының іс-әрекеті: Мұғалімді тыңдайды, калькулятордың қосымша батырмаларының қызметтерімен танысады. Қажет болса мұғалімге сұрақтар қояды.

Күтілетін нәтижелер: Жаңа тақырып бойынша түсінік қалыптасады. Теориялық білім беріледі.

Жоспар мазмұны: Дәптермен жұмыс

Уақыт өлшемі: 3 мин

Мұғалімнің іс-әрекеті: Жаңа сабақ бойынша қажетті мәліметтерді дәптерге жаздырады.

Оқушының іс-әрекеті: Калькулытор батырмаларының қызметтерін дәптерге түсіреді.

Күтілетін нәтижелер: Дәптермен жұмыс іске асады. Оқушылар жазу арқылы ақпаратты есте сақтады.

Жоспар мазмұны: Практикалық жұмыс.

Уақыт өлшемі: 8 мин

Мұғалімнің іс-әрекеті:

Деңгейлік тапсырмалар ұсынады.

Міндетті деңгей

1) 756, 87+849, 03= ж: 1605, 9

2) 112* 67:16= ж:469

3) 79-8*(12-7) = ж:39

4) 64-тің квадрат түбірін табу. ж:8

Лайықты деңгей

1) 207+65-(54+32) *2= ж:100

2) 6*(45+5-21) +9= ж:183

3) 16, 8 : (3, 080 + 1, 12) = ж:4

4) √49*144 өрнегінің мәні неге тең? ж: 84

5) Сыныптағы 28 оқушының 75 %-ы спортпен айналысуды ұнатады. Сыныптағы оқушылардың нешеуі спортпен айналысуды ұнатады ?

28 * 75 %= ж: 21

Жоғары деңгей

1) (56 -34) +(45/5) = ж:31

2) ( 41* 134+ 11978) : ( 1211-899) = ж:56

3) Мына сандардың квадрат түбірін тап:

144= 529= 169

ж: 12, 23, 13

4) 140 кг шөп бар еді. Әр сиырға 3 кг шөп бергенде, 20 кг шөп қалды. Сиырдың санын есепте. ж: 40

5) 25 санының кері мәнін есепте. ж:0, 04

Шығармашылық деңгей

1) Дүкенде 3 күн бойы 42000 теңгеге тауар сатылды. Бірінші күні - 22000 теңгеге, ал екінші күні одан 2 есе аз суммаға. Үшінші күні қалған тауар сатылды. Үшінші күні сатылған тауардың суммасын табыңыз. 42000-(22000+(22000:2) ) = ж: 9000

Оқушының іс-әрекеті: Оқушылар тапсырмаларын алып, компьютерде жұмыс жасайды.

Күтілетін нәтижелер: Теориялық білімдерін практикамен ұштастырады.

Жоспар мазмұны:

Қорытынды бөлім.

Сабақты бекіту.

1-топқа: Т-кестесі. Проблеммалық мәселені шешу.

Уақыт өлшемі: 5 мин

Мұғалімнің іс-әрекеті: Оқушыларға Т кестесін ұсынады (1-топқа) . Кестенің бір жағына калькулятордың пайдасын, екінші жағына зиянын жазуды тапсырады.

Оқушының іс-әрекеті: Т-кестесін сызады. Кестенің оң бөлігіне калькулятордың адамға пайдасын, сол бөлігіне зиянын жазып, қорғайды.

Күтілетін нәтижелер: Калькулятор-дың пайдасы мен зиянын ажыратады, қолданылу мақсатын түсінеді.

Ұқсас жұмыстар

Калькулятордың түрлері