Сабақ жоспары :: Информатика

Файл қосу

MS Excel электрондық кестелері. Кестелік процессордың терезе интерфейсі. Э

Тақырыбы: MS Excel электрондық кестелері. Кестелік процессордың терезе интерфейсі. Электрондық кестелердің негізгі ұғымы.
Мақсаты: Оқушылардың электрондық кестелер және оның құрылымы туралы білімдерін қалыптастыру. Кестелік процессорлармен жұмыс істеуді үйрету.
Міндеттер:
Білімділік - Оқушыларды электронды кестелермен таныстыру.
Дамытушылық - Оқушылардың компьютерлік программалармен жұмыс жасау дағдылары мен қабілеттерін дамыту.
Тәрбиелік - Тәрбиелі, білімді және ойлау қабілеті жан-жақты оқушыларды тәрбиелеу.
Сабақ түрі: лекция сабақ
Сабақ типі: аралас сабақ
Әдіс-тәсілдер: түсіндірмелі - иллюстративті, көрнекілік, сұрақ -жауап
Құрал-жабдықтар компьютер - 7, ActiveStudio бағдарламасы, ActivBoard, ActivPen, бейнепроектор-1.
Пайдаланылған әдебиеттер: 1) Н.Т. Ермеков, Н.Ф.Стифутина Информатика 8 сынып, оқулық;
2)Н.Т.Ермеков, С.Б.Пилипенко,Информатика, Әдістемелік нұсқау, 8 сынып.
3) Н.Т.Ермеков, С.Б.Пилипенко,Информатика, Дидактикалық материалдар, 8 сынып.

Сабақ барысы
1) Ұйымдастыру кезеңі (2 мин):
а)оқушылар тізімі;
ә)кабинет жағдайы;
б)сабақ барысымен таныстыру.
2) Үй тапсырмасын тексеру.(3-5мин)
1. Фонограф көмегімен дыбыс жазу реті?
2. Әмбебап ойнатықш программасы?
3. Лазерлік ойнатқыш программасы?
3)Жаңа тақырыпқа кіріспе (3-5 мин)
4)Жаңа тақырыпты түсіндіру(3-5 мин)
MS Excel- сандық кестелермен жұмыс істеуге арналған Microsoft Office - тің құрамына кіретін программа. MS Excel-дегі ыңғайлы аспаптардың көмегімен алынған сандық мәндерді талдауға, сонымен қатар олардың нәтижесін кесте түрінде беруге болады. Есептеу кезінде 400-ден аса математикалық, статистикалық, қаржылық және басқа да арнаулы функцияларды, әр түрлі кестелердің өзара байланыстарын қарастыруға болады.
MS Excel - дің қосылуы бірнеше әдістермен жүзеге асады. MS Excel қосылған соң MS Excel терезесі ашылады. Бас меню де, негізінен, басқа да офис программаларындағы бөлімдерден құрылған.
MS Excel файлы жұмыс кітабы деп аталады. Жұмыс кітабы терезенің төменгі жағына аттары таңбаша арқылы берілген парақ қаттамасының жұмыс парағынан тұрады. Таңбашаны ашып, жұмыс кітабының ішінде парақтан-параққа ауысуға болады. Таңбашаларды айналдыру үшін горизонталь координаталық сызық бойындағы сол жақта орналасқан батырмалар қолданылады.
Жұмыс парағы 256 бағаннан және 65536 жолдан тұратын кесте түрінде беріледі. Жолдар сандармен нөмірленген, ал бағандар әріптерден және әріп комбинацияларынан тұрады. Алфавиттің 26 әрпінен кейін АА, АВ т.с.с. әріп комбинациялары басталады.
Әрбір ұяшықтың жол атынан және баған атынан құрылған адресі болады. Кестенің әрбір ұяшығының мекені баған мен жол қиылысында орналасқан.

Сергіту жаттығулары (2 мин)

5) Өткен тақырыпты бекіту (10-15 мин)
Тапсырмалар мен сұрақтар:
1. MS Excel қалай қосамыз?
2. MS Excel-дің жұмыс парағы дегеніміз не?
3. MS Excel жұмыс кітабы дегенді қалай түнесіңдер?
4. MS Excel-де құжатты қалай сақтаймыз?
Тапсырма.
MS Excel - мен танысу.
1. Белгілі әдістердің бірін қолданып, MS Excel-ді ашыңыз.
2.Стандартты және Форматтау аспаптар тақтасының барлық белгілерінің қызметін көріңіз.
3. Анықтама менюіндегі Стандартты және Фоматтау тақтасының әрбір жаңа бөлімінің ақпараттарын табыңыз.
4. Кестенің С бағанында және 4-жолында тұрған ұяшықты белгілеңіз. А16, Ғ3 ұяшығын белгілеңіз.
5. Басы А1 ұяшығы және соңы Д5 ұяшығы болатын аумақты белгілеңіз.
6. 2 - парақты шертіп, № 2 - параққа ауысыңыз, №3 - ауысыңыз, №1 параққа қайтып оралыңыз.
7. MS Excel - ді жабыңыз.

6)Сабақты қорытындылау және бағалау
Оқушыларға электрондық кестелер және оның құрылымы туралы жалпы мағлұмат беру.

7) Үйге тапсырма § 8.1, бет. 92-98
Excel - мен танысу.

Ұқсас жұмыстар
Абсолюттік, салыстырмалы және аралас сілтемелер. Ұяшық мазмұнын көшіру
Электрондық кестелер. Кестелік процессордың терезе интерфейсі. Электрондық кестелердің негізгі ұғымдары
Excel бағдарламасы басқа бағдарламадан ұтымдылығы
Электрондық кестелер. 8 сынып
Топтарда өзара бағалау
Мәтіндік процессоры туралы жалпы мағлұмат, программа интерфейсі. құжаттарды құру және сақтау
Ms excel кестелік редакторы. кестедегі есептеулер
Информатикадан тест тапсрымалары
Microsoft Excel кестелік процессор
Информацияны оқу құрылғысы
Пәндер