Сәкен Сейфуллин. Наурыз

Сабақтың тақырыбы: Сәкен Сейфуллин. Наурыз.
Сабақтың мақсаты:
Білімділік: Жазушы Сәкен Сейфуллин шығармашылығымен таныстыра отырып, өлеңнің негізгі идеясын ашуға үйрету.Оқушыларға Наурыз-жыл басы, ұлт мейрамы екендігін , ата-бабамыздан ұрпақтан-ұрпаққа беріліп келе жатқан ұлттық тәрбие туралы түсінік беру.
Дамытушылық: Өлең, мақал-мәтелдер арқылы тілдік қорларын дамыту. Өз ұлтына деген сүйіспеншілігін арттыру.
Тәрбиелік: Қазақ халқының салт-дәстүрін, тілін, дінін, әдет-ғұрпын сақтауға, қастерлеуге тәрбиелеу.
Көрнекілігі:Сәкен Сейфуллиннің суреті,интерактивті тақта,наурыз мерекесіне арналған суреттер,бағалау парақшалар.
Сабақ түрі:жаңа сабақ
Сабақ әдісі:Сұрақ-жауап,деңгейлеп саралап оқыту,іздендіру,топтық жұмыс.
І.Ұйымдастыру кезеңі
ІІ.Психологиялық дайындық
Сөйлетер сөзді шеберлеп,
Өзіңнің ана тіліңмін.
Байыппен жақсы оқысаң,
Негізі менде білімнің.
ІІІ.Үй тапсырмасын сұрау
Міржақып Дулатовтың өлеңі <<Наурыз>> өлеңін жатқа айту.
- Өлеңнің авторы кім? (Міржақып Дулатов)
- Өлең не туралы?
- Өлең жылдың қай жыл мезгіліне арналған?
(оқушылар өлеңді жатқа айтады)
ІV.Жаңа сабақ
1. - Балалар алда қандай мейрам келе жатыр?(Наурыз мейрамы)
-Наурыз мейрамы қай жылдан бастап аталып келе жатыр?(1988ж)
Қай күні тойлаймыз? (22- наурыз күні)
Қысқаша наурыз мейрамы туралы түсінік беру. ( слаид)
2.Сәкен Сейфуллин. <<Наурыз>> өлеңімен танысамыз.С.Сейфуллин (1894- 1938) Қарағанды облысы Жаңа арқа ауданында туған. Сәкен- қазақ әдебиетінің өсіп, дамуына үлкен үлес қосқан ақын әрі жазушы. Көне әдебиет үлгілерін жинап, кітап етіп шығарған зерттеуші. Қазақ жастарының оқып, білім алуына зор көңіл бөліп, мектеп оқулықтарын жасауға да қатысқан. Сәкен Сейфуллин жалған жаланың құрбаны болды.(слайд)
3.Оқулықпен жұмыс.(238-бет)
V.Сөздік жұмыс. (слайд)
*Есіп тұр- жел соғып тұр
*Ескектің лебі- соққан жел
* Дүние балқып иіп тұр- Табиғаттың өзгеру, күннің жылуы
(тізбектеп оқыту)
Сергіту сәті

VI .Жаңа сабақты меңгергенін анықтау.
Видео ролик <<Наурыз мейрамы>>
1-ші топ: Өлеңге сүйеніп,Наурыз айында болатын табиғаттағы өзгерістер туралы айтып беріңдер.
2-ші топ: Өлеңде адам кейпінде бейнеленген табиғат құбылыстарын мына үлгі бойынша айтып көрейікші.
Қайтеді?
Жаз -- -- -- -- - құшақтады, беттен сүйеді.
Су -- -- -- -- - жүгірді, былдырлап күлді.
Құстар -- -- -- -- шаттанды, жырлады.
Мал -- -- -- - жадырады, мәз болды, жаңа жылды қарсы алды.
3-ші топ: Әр шумақты жеке-жеке оқып екі өлеңнің ұқсастығын табыңдар
С.Сейфуллин <<Наурыз>> М.Дулатұлы. <<Наурыз>>
Адам да,мал да жадырап жүр Мал мен жануар қуанып жүр
Жаз болды міне Жаз шығып,кеткен қысы Жазбен келген құстар жүр Келіпті жылдың құсы
VII.Жаңа білімді қортындылау:
І топ- <<Наурыз>> мейрамына байланысты шығарма жазу
ІІ топ- <<Наурыз>> мейрамында қандай ұлттық тағамдарды білесіңдер?
ІІІ топ- <<Наурыз>> мейрамына сурет салу
Ойын: "Гүлдер теру"
1.Көктем айларына қандай айлар жатады?
2. Наурыз мейрамы қай күні тойланады?
3. "Еріншек" өлеңінің авторы кім?
4. Мінездеу дегеніміз не?
5."Ана тілі" өлеңінің авторы кім?
6."Жаз келер" өлеңінің авторы кім?
7."Қанат туралы хикая" өлеңінің авторы кім?
VIII .Үйге тапсырма
Сәкен Сейфуллиннің "Наурыз" өлеңін жаттау
"Наурыз" тақырыбына шағын шығарма жазып келу.