Бастауыш сыныпқа арналған С. Мұқановтың Жылқы әңгімесі бойынша сабақ аннотациясы

А н а т і л і

Таджиханова Дәмеш

Бастауыш сынып мұғалімі

Сабақтың тақырыбы: С. Мұқанов «Жылқы»

Сабақтың мақсаты: Жылқы малының өрісі, тіршілік табиғатымен, қадір-қасиетімен таныстыру. Халқымыздың қазіргі кезде де өмір сүруінің негізгі көзі болып отырған төрт түлік малға деген, соның ішінде жылқы малына деген дұрыс көзқарас қалыптастыру. Еңбексүйгіштікке баулу.

Сабақтың әдісі: Сұрақ-жауап, түсіндіру, шығармашылық жұмыстары.

Пәнаралық байланыс: Дүниетану.

Сабақтың көрнекілігі: суреттер, слайд, С. Мұқанов портреті және т. с. с.

Сабақтың барысы:

Ұйымдастыру
Үй тапсырмасын тексеру:Үй жұмысын әңгіме мазмұнына сәйкес жоспар бойынша әңгімелету. Сұрақ-жауап бойынша пысықтау.
Жаңа сабақ. Сабақтың мақсатымен, тақырыбымен, авторымен таныстыру.

Кіріспе. Әңгімені түсіндіру. Оқулықпен жұмыс. Әңгімені іштей оқып шығу. Сөздікпен жұмыс.
Тапсырма.

Сұрақтар: 1. Әңгімеден жылқының аналық мейірімі туралы не айтасындар?

2. Мақанның сөзіне сүйеніп қандай қорытынды шығарар едіңдер?

Батырлар жырындағы жылқының қасиеттерін еске түсіріп айту.

Жылқының пайдасы жөнінде пікірін дәлелдеп, айтып шығу.

Жылқы малының жасына қарай атауларын айтып шығу.

Жылқы малын қалай шақырады?

Жылқы атасы кім?

Бүгінгі өткен сабақтан қандай әсер алдыңдар? Қандай сезімде болдың? Сені таңқалдырған жайт болды ма? Осы туралы өз білгендерін оқушылар қолдарына таратылып берілген алма кескініндегі қағазға жазып, кәрзеңкеге салады.

Сабақты қорытындылау: Балалар, бүгін төрт түлік малдың ішінде жылқы малының ерекше қасиетімен таныстық. Не білдік?