Шароль Перро Бармақтай Бала

Астана қаласы
№ 70 мектеп-лицейдің
бастауыш сынып мұғалімі
Солтанбекова Алтын
Алпысбаевна
Әдебиеттік оқу
2 - сынып
Ауызша сабақ - 1
Сабақтың тақырыбы: Шароль Перро <<Бармақтай Бала>>
Сабақтың мақсаты: оқушыларды мәтін мазмұнын өздігімен оқып, терең түсіне білуге жетелеу; логикалық және сыни тұрғыдан ойлау шапшаңдығын, сөздік қорын, ақпараттық құзыреттілігін дамыту; пәнді сапалы меңгеруге қызығушылығын арттыру және ынталандыру, адамгершілікке тәрбиелеу.
Типі: жаңа білімді меңгерту
Технологиясы: Биоақпараттану және Синергетика
Сабақтың барысы:
І. Ұйымдастыру кезеңі: мотивация
1. Карта бойынша жұмыс жасау ретін түсіндіру. 63% анықтау, жазу
( бала санына байланысты анықталады)
2. Ұжымды белсендіру үшін көшбасшыға сөз беру.
3. ООМ (орынға отырғызу матрицасы) бойынша жұмыс

- -
- -

ІІ. Үй тапсырмасы: Үй жұмысы тексерілмейді - бұл жаңа тақырып. Өткен тақырып аяқталған, сондықтан талдауды талап етпейді.
ІІІ. Жаңа сабақ:
1. Кілтті сөздерді тақтаға жазу, мағынасын түсіндіру.
Тірек сөздер:
1. отын
2. дәулет
3. қарақшы
4. шолан
5. саңылау
6. сиқыр
7. бауыр
2. Есте сақтау 7сөз -30 сек.
3. Тірек сөздер жабылады.(Оқушылар тақтадағы барлық сөздерді естерінде сақтауы тиіс)
4. Дәптерге есте сақтаулары бойынша жазу, сөздердің ретін сақтамай жазуларына болады (уақыт есте сақтау уақытына тең 30 сек), уақыт аяқталғанда қаламды қою.
5. Көршісімен дәптер ауыстыру.(Тексеру, санау, дәптерді қайтып беру)
6. Нормаға сай есте қалған сөздерді айтқан оқушыға
ООМ ұяшығына алғашқы плюс белгісі қойылады.
7. Оқулықпен жұмыс: Мәтінді түсініп оқу керектігі, сұраққа жауап алынатыны ескертіледі. Мәтінді оқып шығу үшін уақыт беріледі (2-сынып үшін мәтіннің бір парағына 5мин)
8. Қарама-қарсы сұрақ қою:
ООМ ұяшығына екінші плюс белгісі қойылады.
1. Ертеде орманда кімдер өмір сүріпті? Отын кесуші әйелімен
2. Олардың неше ұлы болыпты? Төрт
3. Үш ұлының және төртінші ұлының бойы қандай болып өсіпті? Үш ұлының бойы бойшаң, сұңғақ болып, ал төртінші ұлының бой кішкентай болған
4. Сондықтан төртінші ұлын кім деп атаған? Бармақтай бала деп
5. Осы отбасының тұрмыс-тіршілігі қандай болыпты? Нашар, дәулетсіз
6. Жоқшылықтың кесірінен балалары қайда және не үшін барады? Орманға жидек, саңырауқұлақ жинауға
7. Бірде әдеттегідей кімдер орманға келеді? Ағайындылар
8. Ағайындылар деген кімдер? Сол отбасының балалары
9. Орман ішінде оларға кім кездеседі? Қатыгез қарақшы Дәу
10. Қатыгез Дәу гүрілдеп балаларға не дейді? <<Әп, бәлем, ұсталдыңдар ма?! Маған сендердің әке-шешелерің құн төлесін, әйтпесе, мен сендерді шоланда қамап ұстаймын >>,- дейді Дәу
11. Балалар не деп жалынды? <<Біздің ата-анамыз - кедей адамдар. Олардың құн төлейтін шамасы жоқ>>,- деп жалынады балалар.
12. Қатыгез Дәу балаларды қайда қамап қояды? Жер астындағы бөлмеге
13. Балаларды қамап қойып, Дәудің өзі қайда кетеді? Дәу той тойлауға кетеді
14. Осы кезде бармақтай Бала не істейді? Өте кішкентайлығының арқасында есіктің саңылаунан өтіп, Дәу тойлап жатқан бөлмеге барады.
15. Дәу той тойлаған бөлмеде не істепті? Тамаққа тойып, үстел басында ұйықтап қалыпты
16. Бармақтай Бала ұрлана басып кіріп не істейді? Дәудің беліндегі байлаулы шоланның кілтін шешіп алады.
17. Бармақтай Бала кімдерді қамаудан босатты? Бауырларын.
18. Ағайынды балалар ұйықтап жатқан Дәуден не үшін қорықты? Дәу оянып, ұстап ала ма деп қорықты
19. Ұйқыдан оянған Дәу нені білді және не істеді? Балалардың қашып кеткенін біліп, сиқырлы етігін киіп, оларды қуа жөнелді
20. Демалып алмақ болған Дәу төбенің басында не істейді? Төбенің басында ұйықтап кетеді
21. Балалар қайда тығылған еді? Төбеге жақын үңгірге
22. Үңгірден шыққан балалар не істей? Қаша жөнелді
23. Ал бармақтай Бала не істеді? Дәуге барып, сиқырлы етігін шешіп алып, өз аяғына киіп алады
24. Етік қайтеді? Кішірейіп, шап-шақ бола қалады
25. Балалардың ата-анасы не үшін мәре-сәре болып қуанады? Балаларының Дәуден құтылып аман-есен келгендеріне
26. Сиқырлы етік киген Бармақтай бала кім болады? Патшалықтың желаяғы болады
27. Сиқырлы етіксіз қалған Дәудің халі не болады? Сол төбеде қалады. Өйткені қарақшы сиқырлы етіксіз жүре алмайды екен
9. Сын тұғысынан сұрау <<Иә>> немесе <<жоқ>> және толық жауап алу
ООМ ұяшығына үшінші плюс белгісі қойылады.
1. Ертеде орманда отын кесуші әйелімен өмір сүріпті. Иә. Ертеде орманда отын кесуші әйелімен өмір сүріпті.
2. Олардың он төрт ұлы болыпты. Жоқ. Төрт ұлы болыпты.
3. Үш қызы бойшаң, сұңғақ болып болып өсіпті. Жоқ. Үш ұлы бойшаң, сұңғақ болып болып өсіпті.
4. Бірінші ұлының бой кішкентай болған екен? Жоқ. Төртінші ұлының бойы кішкентай болған екен.
5. Сондықтан оны Бармақтай Бала деп атаған. Иә. Кішкентай болғандықтан Бармақтай Бала деп атаған.
6. Осы отбасының тұрмыс-тіршілігі дәулетті, бай болыпты.Жоқ. Нашар, дәулетсіз
7. Жоқшылықтың кесірінен балалары орманға аң аулауға, жаңғақ жинауға барыпты. Жоқ. Орманға жидек, саңырауқұлақ жинауға
8. Бірде әдеттегідей орманға аңшылар келеді. Жоқ. Ағайындылар, отын кесушінің балалары
9. Орман ішінде оларға қатыгез қарақшы Дәу кездеседі. Иә. Қатыгез қарақшы Дәу кездеседі
10. Қатыгез Дәу гүрілдеп: <<Әп, бәлем, ұсталдыңдар ма?! Маған сендердің әке-шешелерің құн төлесін, әйтпесе, мен сендерді жеп қоямын >> дейді. Жоқ. Қатыгез Дәу гүрілдеп: <<Әп, бәлем, ұсталдыңдар ма?! Маған сендердің әке-шешелерің құн төлесін, әйтпесе, мен сендерді шоланға қамап қоямын >>,- дейді
11. <<Біздің ата-анамыз - кедей адамдар. Олардың құн төлейтін шамасы жоқ>>, -деп жалынады балалар. Иә.
12. Қатыгез Дәу балаларды жеп қояды. Жоқ. Жер астындағы бөлмеге қамап қояды
13. Балаларды қамап қойған Дәу тағы да орманға кетті. Жоқ. Дәу той тойлауға кетті
14. Осы кезде бармақтай Бала өте кішкентайлығының арқасында есіктің саңылаунан өтіп, Дәу тойлап жатқан бөлмеге барады. Иә.
15. Тамаққа тойып, үстел басында билеп жүр. Жоқ. Ұйықтап қалыпты
16. Бармақтай Бала ұрлана басып кіріп, ұйықтап жатқан Дәуді өлтіреді. Жоқ. Дәудің беліндегі байлаулы шоланның кілтін шешіп алады.
17. Бармақтай Бала әке-шешесін қамаудан босатты. Жоқ. Бауырларын.
18. Ағайындылар Дәу оянып, ұстап ала ма деп қорықты.Иә.
19. Ұйқыдан оянған Дәу балалардың қашып кеткенін біліп, сиқырлы етігін киіп, оларды қуа жөнелді. Иә.
20. Демалып алмақ болған Дәу төбенің басында ұйықтап кетеді.Иә.
21. Балалар төбеге жақын орманға тығылған еді. Жоқ. Үңгірге тығылған еді.
22. Үңгірден шыққан балалар қаша жөнелгенде, бармақтай Бала да қаша жөнеледі. Жоқ. Бармақтай бала Дәуге барып, сиқырлы етігін шешіп алып, өз аяғына киіп алады
23. Етік бармақтай Баланың аяғына сыймай қалады. Жоқ. Кішірейіп, аяғына шап-шақ бола қалады
24. Ата-анасы балаларының Дәуден құтылып келгендеріне мәре-сәре болып қуанады. Иә.
25. Сиқырлы етік киген Бармақтай бала Патша болады. Жоқ. Патшалықтың желаяғы болады.
26. Қарақшы Дәу сиқырлы етіксіз жүре алмай, сол төбеде қалады. Иә

10. Құтқару сұрағы. Екілік баға алған оқушыға сұрақ қою арқылы үштік баға тарту. (Егер үш минусы болса)
11. <<Менің сиқырлы етігім болса, . . .>> ойды жалғастырып, эссе жаз. (ТСҚ тексеріледі. Эссе немесе шығарма түрінде жазуға болады. Сөз қысқартылмаған түрде, түсінікті етіп жазылады. Уақыт аяқталғанда қаламды қою. )
* 5 минут уақыт беріледі.
* 31 сөз есепке алынады.
ООМ ұяшығына төртінші плюс белгісі қойылады.
12. Бағалау. Журналға баға қою: 4 белгі- <<5>>, 3 белгі - <<4>>, 2 белгі-<<3>>, 1 белгі-<<2>>.

13. Үй тапсырмасы: 3 белгіден кем алған оқушыларға үй тапсырмасы беріледі. Мәтінді оқу, мазмұндау.