Бәрін білгім келеді тренинг

Сыныбы: 8 <<А>>
Күні: 13 наурыз 2015 жыл
Сыныптан тыс
шараның тақырыбы:
Бәрін білгім келеді
Мақсаты:

Математика пәнінің өте жауапты екендігін біле отыра,сандардың ғажайып әлеміне ойша саяхат жасап,оның байлығын көре білу және мүмкіндігінше оқушыларды қызықтыра білу.
Оқушылардың ойлау қабілетін, ой ұшқырлығын, оқуға ынтасын арттыру мақсатында <<Бәрін білгім келеді>> ойынын ұғындыру.
Күтілетін нәтижелер:

А. Оқушылар <<Бәрін білгім келеді>> ойынының жоспарын білді.
В. Сұрақтарға жауап бере алды, постер жасады, қорғады.
С. Сұрақтар бойынша тапсырмаларды орындай алды, алған білімдерін сайыста қолданды.
Керекті жабдықтар:
Интерактивті тақта, постер, маркер, скотч, желім, стикер.
Сабақ барысы:
Сабақ кезеңдері
Мұғалім әрекеті
Оқушы әрекеті
Кіріспе
1. Ұйымдастыру. Амандасу.
2. Топқа бөлу(сыныптар бойынша)
<<Жүректен жүрекке>>
Оқушылар сынып бойынша <<Дарын>>, <<Қабілет>> топқа бөлінеді.
Жоспар

І. Топтың өзін таныстыруы
ІІ. Тапқырлық сайысы
ІІІ.Математикалық көзқарас
ІV. Қасқағым сәт (мінсіз оқушы)
V. Ойлан.Жұптас.Бөліс (мұнара тұрғызу)
VІ. Ғажайып төрттік
ҮІІ. <<Көңіл күй>> тренингі
1. Оқушылармен бірге шарамыздың мақсатын анықтау, әр тапсырмаға бағалау критерийлерін құру, әр жұмысты талдап, әр топ бір - біріне сұрақтар қойып, жауап алу, әр жауапқа толық талдау жасау.

Сабақтың барысы

Жүргізуші: Қайырлы күн қадірлі көрермендер
Армысыздар ағайын,
Ағайын тілін табайын
Бармысыздар бауырлар
Өкпе жоқ бізде бауыр бар
Есенбісіз ұстаздар
Шаршамайтын қыс-жаздар
Қойдан да жуас қонақтар
Құрметке ие үлкендер
Алда жүзген желкендер
Ізетке ие інілер
Інілер еті тірілер
Кешке келген сайланып
Отырамын деп жайланып
Көрермендер аман ба
Отырған анау ойланып
Бәріңізге бір сәлем
Онда ойынды бастайық
Сөз кезегін келесі
Ойынымызға тастайық.
Ортаға <<Дарын>> және <<Қабілет>> топтарын шақырамыз.
Басталық ақыл-ойдың дара кешін,
Халайық сендер бізге жақын келші
Математика ғылымына ұмтылғандар
Сен егер кім білгің келсе, дей отырып сайыскерлеріміздің білім мен өнеріне баға беретін әділқазылар алқасымен таныстырамыз.
ІІ.Мықты болсаң алдағыны басып оз
Мықты болсаң арттағыны жеткізбе
Мықты болсаң тайғанама көк мұзда
Мықты болсаң бөгеттерді бұзып өт, деп <<Тапқырлық>> сайысына кезек береміз.
<<Дарын>> тобына
1. Шеңбер бойындағы кез - келген нүктені центрмен қосатын кесінді (радиус)
2. Ортақ бөлгіші 1-ге тең сан. (өзара жай сан)
3. Алымы бөлімінен үлкен бөлшек. (бұрыс бөлшек)
4. Нәрселерді санағанда қолданылатын сан. (натурал сан)
5. 369 саны 3-ке бөліне ме? (иә)
6. Қабырғасы 1- ге тең квадраттың ауданы неге тең (1)
7. Дәлелденбейтін тұжырым не деп аталады? (аксиома)
8. Бағытталған кесінді (вектор)
9. Бір нүктеден бірдей қашықтықта жатқан нүктелер жиыны қалай аталады? (шеңбер)
10. ОХ осі қалай аталады? (абсцисса)
<<Қабілет>> тобына
1. Шеңбер бойындағы екі нүктені қосатын және центр арқылы өтетін кесінді. (диаметр)
2. Көбейтіндісі 1-ге тең бөлшектер қандай сандар деп аталады? (өзара кері)
3. 640 саны 5 - ке бөліне ме? (иә)
4. Алымы бөлімінен кіші бөлшек (дұрыс бөлшек)
5. Натурал сандар нешеден басталады? (1-ден)
6. Дәлелденетін тұжырым не деп аталады? (теорема)
7. Жазыңқы бұрыш шамасы нешеге тең? (180 градус)
8. Шеңбер ұзындығының диаметрге қатынасы нешеге тең не пи - дің мәні нешеге тең? (3,14)
9. Биссектрисалары өзара перпендикуляр болатын төртбұрыш (шаршы, ромб)
10. ОУ осі қалай аталады? (ордината)
ІІІ. Айыра біл жақсыменен жаманды,
Айыра біл қарындаш пен қаламды
Айыра біл соқпағын да өмірдің
Айыра біл тапсырмаңды алдағы, деп <<Математикадық көзқарас>> сайысына кезек береміз.
Егер математика тамақ болған жағдайда, қандай тамақ болар еді?
Не себепті?
Егер түс болғанда, қандай түс болар еді?
Егер математика музыка болған жағдайда, қандай музыка болар еді?
Егер математика техника болған жағдайда, қандай болар еді?
Не себепті?
Егер гүл болғанда, қандай гүл болар еді?
ІV. Білім деген биік шың
Бақытқа сені жеткізер
Білім деген ақылшың
Қиындықтан өткізер, деп келесі кезекті <<Қасқағым сәт>> сайысына береміз.
Әр топ шапшаң (Мінсіз оқушы) сурет салу керек.
V. Білмеймін деп қысылма,
Талабың болса бойыңда
Өнерлінің ырыс
Жарқырап жатыр жолыңда, деп <<Ойлан. Жұптас. Бірік>> әдісі бойынша Expo-2017 Халықаралық көрмесіне байланысты ең биік мұнара тұрғызамыз.
VІ. Біреуінің жүрегінің түгі бар
Біреуінің арқалап жүрген қоғамдық жүгі бар
Біреуінің күмбірлеген күйі бар
Енді біреуінің қатты істейтін миы бар, деп <<Ғажайып төрттік>> сайысын бастаймыз.
<<Сандар сырына саяхат>> қазақтың қара есептері, викториналық сұрақтар
ҮІІ. <<Математикалық үзіліс>>
ҮІІІ. <<Көңіл күй>> тренингі

<<Дарын>> тобы
Бұл сайысты көптен біздер күткенбіз
Жалындаған жастармыз біз көктенбіз
Мақсатымыз биіктерден көріну
Біз сол үшін мандай терді төккенбіз.

<<Қабілет>> тобы
Біз дайынбыз бұл сайысқа достарым
Көрсетеміз бізде қандай күш барын
Алға қойған мақсатымыз бір екен
Сәтті болсын сапарымыз әр дайым.

Топтар сұрақтарға жауап береді.
Әр топқа он сұрақтан қойылады.

Оқушылар математикалық көзқарастарын білдіреді.

Топтар <<Мінсіз оқушы>> тақырыбына постер құрып, қорғайды.

<<Ойлан. Жұптас. Бөліс>> әдісі.
1. Берілген ресурс бойынша жұмыстану.(берілген жұмыс түрлерін оқушылар белгілі уақыт ішінде өзара бөліп алып орындайды)
2. Ресурс бойынша постер жасау, қорғау.

Тақтада көрсетілген ұяшықтарды ашып, сұрақтарға жауап беру.
Қорытынды

Игеріп атом күшін игілікке
Бұл күнде ғылым саны тұр биікте
Ойлап тапқан бәрін де адам миы
Сондықтан бас иемін жүйріктікке, деп бүгінгі <<Бәрін білгім келеді>> сайысының қорытындысын айту үшін әділқазылар алқасына сөз береміз.
Сайысты тыңдап, қатысқандарыңызға көп рахмет.
VІІІ. Көңіл-күй тренингі
3.Рефлексия парағы (нені білемін? Нені білгім келеді?Нені білдім?)
4.Топтар бағаланады. Әділқазылар бағалауы.
<<Екі жұлдызша, бір тілек>> әдісі бойынша бағалау.