2-сынып бейнелеу өнері: Күзгі бұтақ - затқа қарап графикалық натюрмортты салу

Күні: 2014 жыл

Пән: бейнелеу өнері 2-сынып

Пән мұғалімі: Тасыбай А. Қ.

4-сабақ

Сабақтың тақырыбы: Күзгі бұтақ

Сабақтың мақсаты: күрделі емес қойылым суретін затқа қарап, графикалық материалдармен салыстыру.

Жоспарланатын нәтиже:

Пәндік: затқа қарап сурет салу дағдыларын қалыптастыру;

Жүйелі-қызметтік: графикалық натураны қабылдау және объект пропорциясын көрсету дағдылары мен білімдерін дамыту.

Тұлғалық: балалардың табиғатқа деген сүйіспеншілігі мен қамқорлығын қалыптастыру.

Сабаққа арналған материалдар мен жабдықтар:

Мұғалім үшін: графикалық натюрморттардың көшірмесі, күзгі тұтақ

Оқушылар үшін: жұмыс дәптерлері, жай қарындаш, өшіргіш, қара гельді қалам.

Пәнаралық байланыс: дүниетану, әдебиеттік оқу

Сабақтың барысы:

Ұйымдастыру кезеңі.

Өткенді пысықтау.

Жаңа сабақ.

Оқушылармен бірге қойылым натюрмортын қарап шығу.

Балалар, біз затқа қарап сурет саламыз. Ол не деген сөз? Бұның алдындағы сабақтарда өзіміздің есіміздегі және қиялымыздағыны елестете отырып, сурет салдық.

Кескіндемеші-суретшілердің К. Бейсембинованың жұмыстарын қарастыру.

Жапырақтары бар күзгі бұтақты заттай қалпында, яғни бұтақшаны жан-жақты қарап, сол қалпында салуға тырысамыз. Зер салып қараңдар. Бұтақшалар иілімі қандай?
Жапырақтардың пішіндері қандай?

1-кезең. Бұтақтың суретте қанша орын алатынын, суреттің тігінен немесе көлденеңінен тұрғаны дұрыстығын анықтау.

2-кезең. Бұтақшалардың қозғалысын және жапырақтардың пішінін жеңіл-желпі белгілеп қою.

3-кезең. Зат пен суреттің ұқсастығын беруге тырыса отырып, бұтақшаларды, жапырақшаларды толық, анығырақ етіп салу.

Көрме ұйымдастыру.