Тақырып Жүрек жылуы

Сабақ жоспары
Күні: 20.02.2015 ж
Пән: <<Өзін-өзітану>>
Сынып: 2-сынып
Тақырыбы: <<Жүрек жылуы >>
24-сабақ, 89- бет.
Сабақтың типі: Дәстүрлі
Сабақтың түрі: Аралас сабақ
Құндылық : Сүйіспеншілік
Қасиеттер: Барлығына деген сүйіспеншілік. Көмек.

Мақсаты: <<Қайырымдылық>> <<мейірімділік>> адамгершілік құндылықтары туралы түсініктерін кеңейту.
Білімділік: Оқушылардың мейірімділік, қайырымдылық туралы түсініктерін кеңейту;.
Дамытушылық: Оқушыларды қамқорлық жасауға жетелеу;.
Тәрбиелік: Оқушыларды мейірімділікке тәрбиелеу
Көрнекі құралдар: интерактивті тақта, жүрекшелер, мейірімділік туралы әртүрлі суреттер.

Құрал-жабдықтар: Дербес компьютер, флешка.

№
Сабақтың кезеңдері
Жұмыс мазмұны
Бөлінетін уақыт
1
Ұйымдастыру кезеңі
- Сәлеметсіздер ме оқушылар!
-Мен сіздерді көргеніме қуаныштымын.
-Көңіл-күйлеріңіз қалай?
-Балалар өткен жолғы сабақта біз <<Жүрек жылуы>> атты тақырыппен танысқан болатынбыз, бүгінде сол тақырыпты жалғастыратын боламыз.
-Олай болса сабағымызды тамаша көңіл күймен, жан дүниемізді жадырататын тыныштық сәтімен бастайық.

1 минут
2
Тыныштық сәті
- Сабағымызды ең алдымен тынығудан бастайық.Ол үшін жайғасып отырайық. Ыңғайланып отырыңыз

(музыка қою)

-Балалар еркін отырып,көзімізді жұмамыз, тыныштық сақтап мен айтқан сөздерге назар аударамыз. Қолдарыңды жүрек тұсына бір сәт қойып, дүрсілін тыңдап көріңдерші. Сендерің жүректерің мейірімді Күн сияқты. Олда мейірімге, қайырымға, махаббатқа, жылы сезімге толы. Адам бойындағы бар жылу мен мейірім жүректен шығады. Енді осы жүрегіміз толы жылы мейірім мен жан шуағын ата-анамызға, туыс-туғандарға, ұстаздарға, достарымызға және бүкіл адамзат баласына таратайық. Осылайша жүрекжылуымызды бір-бірімізбен бөлісейік. Енді, осы мейірбан көңілімізді бұзбай
- Балалар бұл тыныштық сәтінде қандай сезімде болдыңдар?
- Балалар және көз алдымызға қандай нәрселерді елестетіңдер кім өз ойын айтқысы келеді?

2 минут
3
Үй тапсырмасын тексеру

Оқулықтың 93-бетіндегі берілген <<Қайырымдылық>> мәтіні бойынша оқушыларға сұрақтар қою.

- Сендер Мұхтардың орнында болсаңдар не істер едіңдер?
- Апасы Мұхтарға неліктен риза болды?
- Сендердің де қайырымдылық жасаған кездерің болды ма? Сондай жағдайда өздеріңді қалай сезінер едіңдер?
5 минут

4
Дәйексөз

Балалар тақтаға назар аударайық.
Жүрек жылылығы - жан жұбанышы,
өмір қуанышы.
Халық даналығы
-Қайырымды іс жасау оған мұқтаж адамның жанына жұбаныш болады. Ал өзің біреуге қайырымдылық жасағанда көңілің көтеріліп, жаның жай тауып, қуанасың, сол адамды қуантасың, қайырымды іс істей алатыныңа жақын-туыстарың, достарың, айналаң қуанады. Әрбір адамның жүрегінде сондай жылуы болса, бір-біріне қайырымдылық жасап жатса, әлемдегі адамдардың барлығы қуанышта, бақытта өмір сүреді.

5 минут
5
Әңгімелеу
Балалар, мен сіздерге қазір тамаша бір бейне материал көрсетемін. Тақырыбы <<Адамгершілік аясында>> қане, маған көрсетіңдерші, сендер зейіндеріңді қалай ұйымдастыра аласыңдар. Жақсы, жарайсыңдар, өте тамаша балалар! Көріп болғаннан кейін біз әңгімелесеміз. Сендер мен қойған сұрақтарға жауап беруге дайын болыңдар.

10 минут

6

Сергіту сәті

1. Әуен қосылып оқушылар <<Көңілді күн>> биін билейді.

2 мин

7

Шығармашы
лық жұмыс
1. ойын-жаттығу.
<<Жүрекше>> ойыны
Барысы: Оқушылар дөнгеленіп тұрады, оқушыларға жүрекше ұсынылады. Жүрешеде былай деп жазылады: <<Мен сізге жүрекшені беремін, себебі сіз...>> Ол жанындағы баланың жақсы жақтарын айтып, мадақтайды да, жүрекшені соған береді. Ол өзі жанындағы балаға айтып, кезекпен бір-біріне береді, ойын осылайша жалғаса береді.
2. Дәптермен жұмыс.
Қанекей оқушылар дәптерімізді ашып мына тапсырманы орындайық.
Оқушы дәптеріміздің 29-30 беттерінде берілген тапсырмаларды орындаймыз.
> Өздеріңнің жақсы көретін адамдарың туралы жазыңдар.
> Суреттегі бос торкөздеріне <<Ана деген кім?>> сұрағына жауап жазыңдар.

7-10 минут
8
Хормен ән айту
Қанеки, барлығымыз бірге топпен ән айтайық.

<<Қошақаным>>
Жазда апамның аулына,
Барып едім қыдырып.
Бір қошақан алдымнан
Ойнап шықты жүгіріп.

Ақ маңдайлы Ай ма екен,
Шекер ме екен, бал ма екен.
Кеттім оны сағынып
Қошақаным қайда екен?!

Демалыста өзімнің,
Тағы ерте барамын.
Бір қошақан бәрі-бір
Сені тауып аламын.

3 минут
9

10

11

Үй тапсырмасын беру

Бағалау

Қорытындылау

Балалар күнделігімізді ашып үй тапсырмасын жазып алайық. Оқулықтың 98бетінде берілген <<Алпыстан асқаннан ақыл сұра>> атты ертегіні үйден 2-3 рет қайталап оқып, мазмұнын түсініп келеміз.

Балалар сіздер бүгін сабаққа өте белсене қатыстыңыздар. Сол үшін мен сіздерге алғыс айтамын. Осы беттеріңізден қайтпаңыздар. Ал қатыспаған оқушыларға келесі сабаққа осы оқушылар сияқты белсене қатысуларыңызды сұраймын.

- Балалар, бүгін біз сабақта не жайында ой қозғадық?
- Бүгінгі сабақ барысынан не ұқтыңдар, не үйрендіңдер?

1 минут

1 минут

1 минут

12

13

Сонғы тыныштық сәті

Қоштасу

Ал енді бәріміз тынышталып отырайық.
Барлықтарын көздеріңді жұмыңдар да өздеріннің істеген іс-әрекеттерінді еске алыңдар , егер де дұрыс істемеген жағдайлар болса. Келесі жолы олай істемеуге тырысыңыздар. Жандарыңызда жүрген адамдарды бағалаңыздар.Сонымен қатар қоршаған ортадағы адамдарға жақсылық жасаудан жалықпаңыздар.

Осымен бүгінгі сабағымыз аяқталды,келесі кездескенше сау болыңыздар!

1 минут