Адам-ғалам, ғажайып жеке дара

Бекітемін:
Мерзiмі: № 34 Тақырып:Адам-ғалам, ғажайып жеке дара
Құндылық:Дұрыс әрекет.
Қасиеттер: Жақсылыққа ұмтылу, адамгершілік пен имандылық, ізгілік пен кісілік, сенім, мейірімділік.
Мұғалiм: Т. Кдырниязова Сынып: 11

Сабақ мақсаты:
Адамның жоғары құндылық ретіндегі мәнін кеңейтіп түсіндіру, өзін-өзі тану пәнінен алған білімдерін қорытындылау
; Міндеттері:
-оқушыны өзін-өзі тануға байланысты қалыптасқан ұғымдар мен түсініктерді жинақтап, қорытуға үйрету.
Өзін-өзі бақылауға, өзінің қол жеткен табысын саралауға, шығармашыл ойлауға бағыттау.
Өзін-өзі бағалауға, өзін-өзі жүзеге асыруға, өзін дамытуға тәрбиелеу.
Ресурстар:(құралдар, мәлiметтер) слайд,өлеңнің аудиодискісі
Сабақ барысы:
1. Ұйымдастыру кезеңі.
Тыныштық сәті. Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.
Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: <<Мен нұрлымын... Нұр менің ішімде... Мен Нұрмын>>.
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады.
Рахмет.
Үй тапсырмасын тексеру (мәтінмен жұмыс).
Үй тапсырмасына>>үш сауал>> мәтінін үйден оқу
Мәтін бойынша пікір алмасу сұрақтары:
Мен кіммін? Мен қандаймын?- деп өзіңе өзің сұрақ қойғанда қандай ой келді?
Алдыңа қандай мақсат қойдың?
Ұстанымың қандай?
Өз өміріңді қалай бағалайсың?
Адам баласына өмірде не қажет деп ойлайсың?
Сабақ барысын талдау:
1. Дәйексөз.
<<Өзіңді өзің танысаң істің басы,
Түзеген өз ғаламын болар дана>>

1. Әңгімелеу.
Қай істі қандай уақытта істеген жақсы?
Ең керекті кісі кім?
Ең керекті ісі не?

1. Шығармашылық жұмыс, топтық жұмыс.
<<Менің болашағым>> тақырыбына эссе жазу, сурет,салу

1. Топпен ән айту.
<<Бақыттымын - құрбылар>>

1. Үй тапсырмасы.
1. №34сабақ, Жұмыс дәптерінде берілген тапсырманы орындап келу.

1. Соңғы тыныштық сәтi.
Баяу музыка қосылады.
- Көзімізді жұмып, тыныштықта бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Енді көздеріңді ашсаңдар да болады.Баяу әуен қойылады.