Жай сөйлемдерден өткенді қайталау

Жай сөйлемдерден өткенді қайталау

Е.Т. Канаева, Қанай мектеп-балабақша кешенінің
қазақ тілі мен әдебиет пәнінің мұғалімі
БҚО, Бөрлі ауданы, Қанай селосы

Сабақтың мақсаты:
Білімділік: Оқушылардың жай сөйлем түрлері тақырыптарынан алған білімдерін жинақтау, жүйелеу, нығайту.Синтаксис саласы туралы жалпы мағлұмат беру.
Дамытушылық: Жай сөйлем түрлерінен алған білімдерін шығармашылық тұрғыда қолдануға, ойын ашық айтуға бағыттау, сөздік қорларын байыту;
Тәрбиелік: Сауатты, ұқыпты жазуға баулу, синтаксистік талдау дағдыларын жетілдіру; Еңбексүйгіштікке,тапқырлыққа,
ұқыптылыққа тәрбиелеу.
Әдіс -тәсілдері: түсіндіру, сұрақ-жауап,шығармашылық жұмыс
Көрнекілігі: слайд, сөзжұмбақ, конверттер, интерактивті тақта
Барысы:
Ұйымдастыру бөлімі
а) оқушылармен амандасу
ә) оқу-құралдарын тексеру
б) кезекшімен сұхбат
в) сынып гигиенасы
<<Кемпірқосақ>> тренинг
Оқушылардың сабаққа деген зейінін аудару, көңіл - күйлерін көтеру мақсатында тренинг өткізу. (Алдын- ала дайындалып қойылған ақ параққа салынған тұзды түрлі - түсті бормен бояп, бір ыдысқа жинап, әр түске сипаттама беру)
ҚЫЗЫЛ- ұжымдықтың белгісі
ЖАСЫЛ- нәтиже шығарайық
САРҒЫШ- көтеріңкі көңіл күй
КӨКШІЛ- ерекше күн
КӨК - бір-бірінен өзгеше
КҮЛГІН - тату - тәтті болайық
ҚЫЗҒЫЛТ - бар күшімізді салайық
Сонымен балалар, бүгін бізде ерекше күн, біз ұжымда, бірақ та бір-бірімізден өзгеше, көтеріңкі көңіл күймен ашық сабағымызды өткізіп, нәтиже шығаруымыз керек.

Үй тапсырмасын тексеру
Тіл туралы мақал - мәтелдерге синтаксистік талдау жасау

Өткен тақырыпты пысықтау
Зымыран сұрақтар (сұрақ-жауап)
1. Сөйлем дегеніміз не?Сөйлемнің түрлері
2. Жай сөйлемнің неше түрі бар?
3. Жақты сөйлемнің жақсыздан айырмашылығы
4. Не себепті жай сөйлем толымсыз деп аталады?
5. Жайылма сөйлем жасау үшін қандай сөйлем мүшелері қажет?
6. Қыс. Дала. қандай сөйлемдер?
7. Толымды сөйлем дегеніміз не?
8. Жалаң сөйлем қандай сөйлем мүшелері арқылы жасалады?
9. Атаулы сөйлемдер қалай жасалады?
10. Жай сөйлемнің түрлеріне мысал келтіру

Оқулықпен жұмыс
118,119- жаттығу. Қарамен жазылған сөйлемдерге толық синтаксистік талдау жасау

Шығармашылық жұмыс

Сәйкестіру (сөйлемдердің қасына сөйлем түрін жазу) (интерактивті тақта арқылы)

Жауын жауып тұр.
-- Анау Ақбоз сенікі ме?
Түн. Күз. Жайлау.
Бұл өмірден жылап кеткім келмейді!
Егіншілер егін басында жүр.
Жұмысшыларға келуге болмайды.
Партизандар ұйықтап кетті.

Дидактикалық тапсырма

<<Конверт>> толтыру
Әр оқушыға конверт беріледі. Сол конверттің сыртында жазылған сөйлем түріне сай, ішіне қажетті сөйлемдерді салу қажет (жалаң, жайылма, жақты, жақсыз, толымды, толымсыз, атаулы)

Басқатырғыны шешу (егер дұрыс шешсеңдер, еңбекке қатысты мақал - мәтел оқисыңдар) Мақал- мәтелге синтаксистік талдау жасаңдар

Еңбек еткен емеді,
Еңбексіз не өнеді.

Қорытынды

Тест жұмысы
Жай сөйлемдерден өткенді қайталауғ арналған тест тапсырмасы.
(Оқушылар тақтаға қарап, бір-бірінің жауаптарын тексеріп бағалайды)

Үйге тапсырма
Ережелерді қайталау. Әдеби кітаптардан жай сөйлемнің түрлеріне мысалдар келтіру.

Бағалау

Сабаққа белсенді қатысқан, барлық тапсырмаларды орындаған, тест тапсырмасының қорытындысы бойынша бағаланады.