Толағай отбасылық сайысы

<<Толағай>> отбасылық сайысы.

Кемалов Айбек Сисенбаевич
Шалқар қаласы
№ 1 мектеп-гимназия
Дене шынықтыру пәнінің мұғалімі

Мақсаты: Оқушы мен ата-аналарға спорттық ойындарды орындата отырып,
спортқа деген қызығушылықтарын арттыру. Салауатты өмір сүруге
тәрбиелеу.
Өткізілетін жері: Мектеп спорт алаңы
Көрнекілік құралдар: Қапшық, доп, кольцо, кубиктер, арқан,
эмблема , форма, теннис ракеткасы, шығыршық.
І. Ұйымдастыру кезеңі.
1.Жарысқа қатысушыларды сапқа тұрғызу.
2.Оқушылардың дене құрлысын икемге келтіру, дене бітімін жан-жақты ойынға дайындау, қозғалыс әрекеттерін дамыту.
3.Ойының мазмұнымен қысқаша таныстыру.

ІІ. Сайыс барысы:
Құрметті әріптестер, ата-аналар және балалар, бүгінгі <<Толағай>> отбасылық сайысымызға қош келдіңіздер!
Жарысқа қатысушыларды шақырамыз,
Әр таңды бақытпенен атырамыз.
Өнерді ой көгінде бақылаңыз,
Сайысқа қатысуға енді ортаға .
Көңілді жарыста 3 <<а>>, 3 <<б>>, 3 <<в>> сыныптарының оқушылары ата-аналарымен өз шапшаңдылықтарын, спортқа деген бейімділіктерін сынайды.

<<Толағай>> отбасылық сайысы - еліміздегі отбасылардың атсалысуымен өтетін тәрбиелік маңызы зор ойын - сауықты бағдарламалардың бірі. Олай болса сайысымызды бастайық.
Ал, құрметті халайық!
Жарысты енді көріңдер.
Әділ қазы алқасы
Әділ баға беріңдер.
( Қазылар алқасы таныстырылады )
Құрметті сайыскерлер! Сіздерге сәт сапар!
Сайысымызды бастаймыз.
<<Қайсар>> тобын ортаға шақырамыз.
Топтың ұраны: Бәріміз біріміз үшін!
<<Жасұлан>> тобын ортаға шақырамыз.
Топтың ұраны: Біз әрқашанда мықты, Бәрін жеңіп шықты
<<Барыс>>тобын ортаға шақырамыз
Топтың ұраны: Біз шымыр сергек денеміз,өнер сүйер өренбіз.

І тур . Эстафеталық ойын <<Баскетбол добымен шекіп барып қайту>>.
Ойын шарты: Командалар сапқа тұрғаннан кейін, белгі берісімен алғашқы тұрған ойыншы допты қолына алып, межеге дейін кедергілер арасынан жүгіріп шекіп барып, межені айналып, келесі ойыншыға допты береді.
ІІ тур. <<Кальцоға доп салу>>
Ойын шарты: Белгі берісімен бірінші тұрған ойыншы допты алып кальцоға дейін барып , кальцоға допты салады, допты шеңберге салмайынша қайтпауы керек. Ойын осылай жалғаса береді.

ІІІ тур. <<Пенгвин жарысы>>.
Ойын шарты : Белгі берісімен бірінші тұрған ойыншы алдында тұрған допты алып, аяқтың арасына допты қыстырып, белгіленген межеге дейін секіріп барып, доппен секіріп қайтады. Ойын осылай жалғаса береді.
Қазылар алқасы үш жарыстың қортындысы бойынша мәлімдеме жасайды.
Музыкалық пауза.

ІV тур. Ептілік жарысы - << Доппен күрес>>.
Ойын шарты: Бұл ойында топтың ойыншылары жеке-жеке сайысады.Ойыншы стол үстіне мініп, бір-біріне қарама- қарсы тұрып қарсыласын стол үстінен құлатқанша доппен ұрғылайды. Кім столдан бірінші құлайды, сол ойыншы жеңіліс табады.Ойын айналмалы түрде өтеді.

V тур. <<Алманы тасымалдау>>
Ойын шарты: Бірінші тұрған ойыншы жүгіріп барып, алға домалап тұрып жүгіріп барып, есепті шығарып, ыдыста тұрған алманы қолдың көмегінсіз ауызбен тістеп қайту.

VІ тур. Ептілер сайысы.
Ойын шарты: Бірінші тұрған ойыншы жүгіріп белгіленген жерге барып, допты қашықтыққа тұрған шелекке салады. Допты шелекке салған ойыншы 3 ұпайға ие болады. Әр ойыншы допты 1 рет лақтырады.

VІІ тур. Күштілер сайысы - <<Су тасмылдау ойыны>>.
Ойын шарты: Ең бірінші команда мүшелері тізбектеліп отырады. Алдарына бір шелек су қойылады. Сол шелектегі суды сүлгіменен бір-біріне беру арқылы бос шелекке құйып толтырады. Ең көп су жинаған команда жеңіске жетеді.

VІІІ тур. <<Арқан тарту>>
Ойын шарты: Екі команда бір-біріне қарама - қарсы тұрып, белгі берісімен тартысады. Қай команда қарсыласын белгіленген сызықтан өз жағына тартып алса, сол команда жеңіске жетеді.

ІІІ. Қорытынды бөлім
Жарыс заңы ежелден-
Жеңімпазды анықтау
Жеңімпаз болу шарты сол-
Еңбектену, жалықпау
Біреу озса сайыста,
Біреу артта қалады
Жеңілгендер ренжімей
Тараса бізге жарады
демекші сайысымыздың шарттары бойынша қорытынды шығарып, жеңімпаздарды анықтап, марапаттау сөз әділқазыларға беріледі.
Уа,халқым назар аудар денсаулыққа!
Өмірде бақыттысың денің сау да.
Денсаулық терең бақыт деген сөзді
Құр айтпаған ұлы Абай данамыз да.