Ғабит Мүсірепов. Жаңа достар Мүсірепов өмірін үлгі ету

Ғабит Мүсірепов <<Жаңа достар>>

Сабақтың тақырыбы: Ғабит Мүсірепов. <<Жаңа достар>>
Сабақтың мақсаты: <<Жаңа достар>> әңгімесі бойынша оқушылырдың ойын тиянақтау, талдау жасау.
Білімділік: Оқушылардың Мүсірепов өмірі мен шығармашылығын қалай меңгергенін бақылау.
Дамытушылық: Оқушылардың ой - өрісі мен дүниетанымын бағыттай отырып, өз бетінше іздендіруге, шығармашылыққа дағдыландыру.
Тәрбиелік: Мүсірепов өмірін үлгі ету, достыққа, жолдастыққа, ананың қадыр - қасиетін ұғынуға тәрбиелеу.
Түрі: Саяхат сабақ.
Әдісі: Сұрақ - жауап, талдау, баяндау.
Көрнекілігі: Жазушы кітаптары, үлестірме қағаз, интерактивті тақта.
Пәнаралық байланыс: Тарих.
Сабақтың барысы:
Ұйымдастыру кезеңі:
А) Оқушылармен амандасу.
Ә) Түгендеу.
Б) Оқушылардың назарларын сабаққа аудару.
Ал, балалар, біз бүгінгі сабағымызда Ғабит Мүсірепов атамыздың <<Шығармалар еліне>> саяхатқа, қонаққа барамыз. Енді осы саяхатқа шықпас бұрын бір белестен өтейік.кімде - кім үй тапсырмасын жақсылап айтып, орындаса, сол оқушы саяхатқа барады.
Үй тапсырмасын тексеру:
Ғабит Мүсірепов кім?
Ғабит Мүсірепов

Ғ. Мүсірепов қай жылы және қай жерде дүниеге келген?
Қандай шығармалары бар?
<<Жаңа достар>> қай романнан үзінді?
Оны не себепті <<Жаңа достар>> деп атаған?
Сендер жазушы болсаңдар қалай атар едіңдер?
Жақсы, балалар.
Негізгі бөлім:
<<Туған жер>> аялдамасы. <<Жаңа достар>> әңгімесі басталғанда, <<Зытып келем, зытып келем>> деп басталады, иә? Қалай ойлайсындар, ол қайда зытып келеді?(Гурьев қаласына.қалаға сипаттама береміз,жазушы табиғатты, қаланы қалай суреттеген.)
<<Жаңа достар>> аялдамасы.Қайрош кімдермен кездесіп, дос болды?(Шеген қандай кейіпкер? Бораш ше?оларға сипаттама беріп, мінездерін ашамыз.) Балалар, сендердің достарың бар ма? Шынайы достық туралы қандай мақал - мәтел білесіңдер?
Енді балалар дос болған соң базарға жол тартты.базарда қандай оқиға болды, олар өздерін қалай көрсетті?
<<Білім>> аялдамасы.<<Салқын сарайдағы>> білім жайындағы әңгіме. Қалай ойлайсындар, білім не үшін керек, білімнің арқасында біз қандай азамат болып қалыптасамыз?
<<Өнер>> аялдамасы.Ал, енді біз достарымызбен циркке барайық.(Өнер - білім жайында бірнеше мақал - мәтел)
<<Ананың аялы алақаны>> аялдамасы. Қайрош балалар үйіне қалай түсті. Анасын көргенде қандай жан тебіренісінде болды? Ана құшағында қандай сезімге бөленді?
<<Ана>> сөзін естігенде қандай мағына, қандай ой саналарыңа келеді?
Ана кім? (қызметіне қарай)
Тәрбиеші
еңбекқор
АНА қамқоршы
пана
ақылшы
өмір себуші
. Ана кімнің кімі? (туыстық қатынасына қарай)
қарындас
балдыз қайнбике
АНА

асыл жар ене

қыз әпке
әже шеше келін апа сіңілі

Ана қандай? (қасиетіне қарай)

асыл
ақылды
АНА әдемі
адал
мейірімді
рақымшыл
батыр
қайратты т.б
Қайрош шешесімен бірге неге ауылға кетпей, балалар үйінде қалды? Ол нені арман етті?(білім алуды армандады.)
Ал, балалар, енді біз Ғабит ағамыздың шығармалар елінен мектебімізге ораламыз.
Бекіту кезеңі:
Осы шығармалар елінде ойымызға не түйдік, қандай тәлім - тәрбие алдық? Неге үйрендік? (жақсы дос болуды, ананың қадыр - қасиетін түсінуді, өнерлі болуды, адам бойындағы жақсы қасиеттерге тәрбиелейді.)
Оқушыларға үлестірме қағаздар беріледі. Олар сабақтан алған әсерлерін сол қағазға жазады.
Оқушыларды бағалау.
Үйге тапсырма.

Солтүстік Қазақстан облысы
Есіл ауданы
Бұлақ орта мектебі

ЖАҢА ДОСТАР
5-СЫНЫП
ҒАБИТ МҮСІРЕПОВ

Пән мұғалімі:
Тасимова Айымгүл Қаршығақызы.