ЕҢ ТАБЫСКЕР АДАМ ( 2-ші сағат)

Пән:қазақ тілі
Сынып: 10 Б ( 07.10.2015) 10 В ( 10.10.2015).
Сабақтың тақырыбы: ЕҢ ТАБЫСКЕР АДАМ ( 2-ші сағат)

Сабақтың мақсаты: Оқушыларға табыс,табыскер,бизнесмен деген сөздердің мағынасын түсіндіру, экономикалық түсініктерді қалыптастыру.
ә/ сөздік қорын дамыту, дұрыс таңдау жасай білуге үйрету;
б/ отбасының әлеуметтік жағдайына көзқарасын қалыптастыру;ұйымшылдыққа, үнемшілдікке тәрбиелеу.

Көрнекіліктер: тірек-сызбалар, интерактивті тақта.
Пәнаралық байланыс: экономика,математика

Сабақтың өту барысы:
1. Ұйымдастыру кезеңі:
* Оқушылармен амандасу.
* Кезекшінің мәлімдемесі.

2. Оқушыларды сабақтың мақсат - міндеттерімен таныстыру.
3. Үй жұмысын тексеру бірнеше сұрақтар қою:
oo Бюджет дегеніміз не?
oo Отбасы және жеке бюджеттің айырмашылығы неде?
oo Ақшаны үнемдеу дегенді қалай түсінесің?
oo Бизнес дегеніміз не?
oo Кәсіпкерлік деген сөзді қалай түсінесіңдер?
oo Бизнесмен қандай салаларда жұмыс істейді? Не үшін?
Үйге берілген тапсырманы тексеру.

4. Жаңа тақырыпты түсіндіру.

Балалар, сендер бүгін табыскер адамдар туралы білімдеріңді әрі қарай жалғастырасыңдар.Табыскер дегеніміз - бизнеспен айналысушы адам, коммерсант, кәсіпкер. Ол "ақша жасаушы", айналымдағы табыс әкелетін капиталды иеленуші , экономикалық, коммерциялық қызметпен айналысушы адам. Өздеріңе таныс бизнесмендер туралы айтыңдар...

Пікірталас.

Қазіргі уақытта кейбір ауқатты, баймын деген адамдардың өздері ертеңгі күндеріне сенімсіз. Олар қымбат көліктер мініп ресторандарға барып тамақтанса да, қабақтарынан қар жауып ашылмай, түнеріп жүреді. Олар біледі: екі-үш ай жұмыстары жүрмей тұралап қалса, қарыздарын төлей алмай борышқа белшесінен бататындарын. Егер бұл бір жылға созылса, бастарына қара түнек, ақырзаман орнайды. Осындай жағдайлар маза бермей, көңілдері аласапыран болып жүреді. Себебі, олар өздеріне-өздері төлемеген яғни алдымен өздерін жарылқамаған.
Есіңізде болсын - алдымен өзіңе төле, қалғанын көре жатасың. Өйтпесең балаңа, жұбайыңа сендерді жақсы көремін деп айта алмайсың. Олардың осыны сезінулері үшін, іс-әрекет жасап, дәлелдеуің шарт.
Себебі, өзіміз ақша басқаруды түсініп алдық. Осының арқасында Сіз - өзіңізге әрі қожайын, әрі құлсыз. Өзіңіздің кірісіңіздің 10 пайызын келешекке сақтаңыз. Бұл сіздің ақшаңыз емес, бұл сіздің арманыңыздың ақшасы, бұл ақшаға тисуге құқыңыз жоқ. Қалған ақшаңыздан тағы да 10 пайыз көңіл көтеруге, сергуге, қонақ шақыруға, қонаққа баруға сақтап қойыңыз, бұдан артық емес. Бұл ақша бір жерге бара қалсаңыз, біреуге силық алсаңыз да қажет болады. Сізге белгілі бір жүйе қажет. Егер белгілі бір жүйе құрап алсаңыз, ол жүйе өз бетінше жұмыс істей береді. Сол кезде Сізге ақшаның өзі келеді де, құрған жүйеңіздің бір бөлігіне айланады. Өзіңіздің тұрмыс жағдайыңыздың күрт жақсарғанына Өзіңіз таң қалатын боласыз.

Мейлінше барлық пәнді оқып жан-жақты болғаны дұрыс.Егер ірі кәсіппен айналысамын деп шешсеңіз орыс тілін де жақсы меңгерген жөн.Себебі ұлтымыз қазақ болғанмен,ірі келіссөздер орысша жасалады.Математика қажет екен деп алгебраны көп оқудың қажетіі жоқ,себебі ондағы есептер сіздің жұмысыңда кездеспейді.Кәсіпкердің есептейтіні мүлде бөлек,оны үлкен оқу орындарында үйренесің.Экономиканы көбірек оқу керек,себебі ондағы ақпараттарды кәсіпкер адам жақсы меңгеру қажет,әйтпесе кейін шығынға ұшырайсың

Грамматиканы қайталау.Келесі сөздерге фонетикалық талдау жасау.
Қаржы,үнемдеу,табыс.

Келесі сөздерді тәуелдеп шығу: ақша, бюджет

Үйге тапсырма: өткенді қайталау.
Оқушылардың жауабын бағалау.
Жаңа сабақты қорытындылау.