Сабақ жоспары :: Технология

Файл қосу

Белдемшенің жоғарғы қиығын белдікпен өңдеу

Оңтүстік Қазақстан облысы білім, жастар саясаты және тілдерді дамыту басқармасы
"№ 12 Колледж"
МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРЫНЫ

Тақырыбы: Белдемшенің жоғарғы қиығын белдікпен өңдеу.

Өндірістік оқыту шебері: Сәденова. Ж

Сарыағаш қаласы.
Сабақ жоспары
Сабақтың тақырыбы: Белдемшенің жоғарғы қиығын белдікпен өңдеу.
Сабақтың мақсаты:
1. Білімділік мақсаты - оқушыларды белдемшенің жоғарғы қиығын белдікпен өңдеуге үйрету.
2. Дамытушылық мақсаты - оқушылардың машина және үтік жұмыстарын орындау іскерліктері мен дағдыларын дамыту, белдемшені өңдеу әдістерін оқып үйрену.

Сабаққа пайдаланылған әдістер:
1. Ауызша баяндау - тәрбиелеу, түсіндіру.
2. Демострациялық - үлгілер мен плакаттар көрсету.

Сабақтың оқыту құралдарымен жабдықталуы:
oo плакат;
oo үлгілер;
oo тупикал, 22 А кл, 97 А кл;
oo үтіктер;
oo қайшылар;
oo оймақ;
oo инелер;

Сабақтың барысы:
I. Ұйымдастыру бөлімі:
1. Оқушылармен амандасу.
2. Саббаққа қатыспаған оқушыларды белгілеу.
3. Жұмыс орындарын сабаққа дайындау.
II. Кіріспе нұсқау:
Оқушыларды жаңа тақырыпты қабылдауға дайындау:
1. Техника қауіпсіздігі.
2. Белдемшенің сэлуеті қандай болады?
Жауабы: Тік, қынама, жартылай қынама, кеңейтілген сэлуетті.
3. Негізгі жіп бағыты қалай болады?
Жауабы: Негізгі жіп бағыты алдыңғы бойдың тігінен орта сызығына параллель.
4. Артқы бойдың қиықтарын атаңдар?
Жауабы: 1-2 орта сызығы
2-3 бел қиығы
3-4 бүйір қиығы
4-1 төменгі қиығы
5. Белдемшенің жоғарғы қиығын қандай әдістермен өңдейді?
Жауабы: Жоғарғы қиығын, белдікпен, әдіппен, корсаждық таспамен өңдейді.
Сабақтың тақырыбы мен мақсатын хабарлау.
Сабақтың тақырыбы: Белдемшенің жоғарғы қиығын белдікпен өңдеу.
Сабақтың тақырыбын түсіндіру:
1. Белдемшенің жоғарғы қиығын белдікпен өңдеуге қажетті пішім бөліктері.
oo белдемше;
oo белдік;
oo желімді қатырма астар.
2. Белдікті дайындау.
Белдіктің ұзындығы: Бел айналымын қосу 5-8 см негізгі жібінің бағыты көлденең қатырмадағы негізгі жібінің бағыты көлденең. Белдіктің орта сызығын белгілейміз және бір жартысын қатырмамен қосарлаймыз.
Белдікке ы.ж. жұмыстарын жүргізу.
Еңбек тәсілдерін көрсету.
Белдікті орта сызығы бойынша қайырып үтіктейді, белдікті ашық қиықтар жағынан соза үтіктейді. Белдіктің ішкі қиықтарын торлайды.
3. Белдікті белдемшемен қосу.
Белдемшені теріс жағына айналдырамын. Белдікті белдемшінің іш жағына салып бет жақтарын беттестіріп қиықтарын теңестіріп, бақылау белгілерін сәйкестіріп, көктейміз. Алдыңғы бой жағынан белдік 1 см шығып тұруы керек, артқы бой жағынан 3,5 см шығып тұруы керек. Бұл түймелікке беріледі. Көктеу тігістің ені 0,7 см көктеу жұмыстарын белдемше жағынан жүргізіледі. Машина тігісін 0,8-0,9 см қашықтықта белдік жағынан жүргізеді тігіс ендерін қысқартып қияды және белдік жағына қайырып тігеді.
4. Белдіктің шетін өңдеу.
Белдікті қайырып, бет жақтарын беттестіріп, жөрмеп тігу сызығын белгілейміз, бұл сызық перпендикуляр болуы керек белдіктің қайыру сызығына 0,5-0,7 см қашықтықта жөрмеп тігеміз. Тігі ендерін 0,4 см-ге бұрыштарында 0,2-0,3 см қалдырып қысқартып қиямыз. Оң жағына айналдырып, бұрыштарын дұрыстап шеттік шығарып үтіктейміз.
5. Белдіктің ішкі қиығын белдікке қосып көктейміз. Машина тігісін белдікті белдемшеге қосқан тігістің 1-2 мм қашықтықта үстіне жүргіземіз.
6. Белдікті ылғалдап үтіктейміз, көктеу жіптерін суырып аламыз.

III. Жаттығулар мен оқушылардың өз бетімен жұмысы.
oo белдікті пішім алу;
oo белдікті қосарлау;
oo белдікке ЫЖЖ жүргізу;
oo дайын белдемшені ылғалдап үтіктеу
Ағымдық нұсқау жұмыс орындарын қарап шығу кезінде:
oo техника қауіпсіздігін сақтауға;
oo жұмыс орнын ұйымдастыруға;
oo еңбек тәсілдерін орындауға;
oo операцияларды қатаң технологиялық реттілікпен орындауға көңіл бөлінеді.

IV. Қорытынды нұсқау:
1. Өндірістік оқыту сабағының қорытындысын шығару.
2. Оқушылардың жақсы жұмыстарын көрсетіп, айтып өту.
3. Қателерді сипаттау, олардың орын алу себебіне тоқталып өту.
4. Жабдықтардың, жұмыс уақытын, еңбек тәсілдерінің тиімді пайдалануын талдау.
5. Бағаларын қою.
6. Үйге тапсырма.
7. Жұмыс орындарын тазалау.

Пайдаланылған әдебиеттер:
1. А.Т. Труханова "Әйелдердің жеңіл көйлегінің технологиясы".
2. А. Асанова. Г. Тастамбекова. "Киімді конструкциялау және тігу технологиясы".
3. Б. Сатыбалдинов. М. Сәлімбаева. "Тігін өндірісінің технологиясы".

Өндірістік оқыту шебері: Саденова. Ж.

Ұқсас жұмыстар
Қалта астарын өңдеу
Окрошка дайындау
Қажетті өлшемдерді анықтау , өлшем алу. Тік белдемшенің сызбасын есептеу
Сыдырма дайын
Тік белдемше бөліктерінің пішімдерін өңдеуге дайындау
Жапсырма қалталарды өңдеу
Өңірлерді бөлек пішілген өңірастылықтармен өңдеу
Қиып пішілертін жұмыстар. Белдемшені дайындау реттілігі
Белдемшені модельдеу
Тік белдемшенің сызбасын құрастыру
Пәндер