Тақырып - Сөз таптары. Зат есім

Сабақтың тақырыбы: Сөз таптары. Зат есім
Сабақтың мақсаты:
Білімділік. Cөз таптарынан алған білімдерін тиянақтау. Зат есім туралы түсінік беру. Сұрақтар қоя білуге үйрету.
Жаттығулар орындату арқылы білімдерін бекіту.
Дамытушылық: Оқушылардың сөз байлығын арттыру, сөйлеу дағдыларын жетілдіру, зат есім тақырыбынан алған білімдерін дамыту.
Тәрбиелік: Оқушыларды ізденімпаздыққа, шығармашылыққа, өз ойын тұжырымдап айта білуге, адамгершілікке тәрбиелеу, ұлттық сананы оятып, халықтық мұраларды сақтауға тәрбиелеу.
Сабақтың түрі : аралас
Сабақтың әдісі: сұрақ - жауап, талдау, ұжыммен, топпен жұмыс, және деңгейлік,ізденіс
Сабақтың көрнекілігі: тірек - сызба, ойтүрткі, тест, стикер, Венн - диаграмма, буклет, тест, шығармашылық тапсырмалар,интерактивті тақта.
Сабақтың барысы: Ұйымдастыру кезеңі
1-слайд. Психологиялық дайындық

Қайырлы күн деп айтамыз,
Мектептен білімді боп қайтамыз.
Отбасының гүліміз,
Көңілді өтер күніміз.
Сәтті күн болсын !
2-слайд. Үй тапсырмасын пысықтау:
4-жаттығу Оқы.Іштей мазмұнын айтып,жатқа жаз.Қарамен жазылған сөздерді сөз құрамына талда.
3-слайд.
I-топ Түбір дегеніміз не? Мысал келтіріңдер
II-топ Жұрнақ дегеніміз не? Мысал келтіріңдер
III - топ Жалғау дегеніміз не? Мысал келтіріңдер
- Егіншілер сөзінің түбірін тап?
- Түбір сөздерге қосымша жалғанғанда көбінесе сөздің түбірі не істейді?
-Оқушылар сөзіндегі - лар жұрнақ па, жалғау ма?
4-слайд.
Жаңа сабақ: Сөз таптары. Зат есім

Зат есім
Етістік Нені білдіреді? Қандай сұрақтарға жауап береді?
Сын есім
Сан есім

5-слайд. Сурет бойынша торкөз санына сәйкес келетін сөздерді тап.
<< Ой қозғау >>

6-слайд Заттың атын білдіретін сөздерді зат есім дейміз. Зат есімдерге кім? кімдер? не? нелер? деген сұрақтар қойылады.
Мысалы: адам, бала, кітап, гүлдер,ақындар.
Кім? деген сұрақтарға жауап беретін сөздер: Адамның аты-жөні,мамандық атаулары,атақ-дәрежеге қатысты сөздер: Асан,Алпамыс, Тұрысов,профессор,ғалым,президент.
Не? деген сұраққа жауап беретін сөздер: Құстар: тоқылдақ,қарлығаш, сауысқан,бөдене Аңдар: аю,қоян,түлкі, қасқыр,арыстан Жемістер: алма,жүзім,өрік,шие Заттар мен құбылыстар: орындық,терезе, жел,жаңбыр
7-слайд. Зат есімнің түрлері
Жалпы есім
Жалқы есім
Негізгі
Туынды
Жекеше
Көпше

8-слайд. Дәптермен жұмыс
Сауаттылық хаты.
Қарға
Қарғаның су ішкісі келді. Қорада су құйылған құмыра тұр еді. Құмырадағы су орта болатын.Қарғаның суға тұмсығы жетпеді.
9-слайд.1-жаттығу. Суреттерге қара. Суреттегі құстардың атын білмеген жағдайда,оларды білу үшін қандай сұрақ қоясыңдар?

10-слайд. Топтық жұмыс
Сөздерді оқы.Оларға сұрақ қойып, мағыналарына қарай кестеге орналастыр.
Жұлдыз,тау,ата,көк,екі,оқыды,үлкен,ақын,жуынды,жеті, құс,жүзді, отыз,биік,жасыл.
Зат есім
Етістік
Сын есім
Сан есім

11-слайд. Шығармашылық жұмыс
Суретке қарап, әңгіме құра, зат есімдерді тауып айт.

12-слайд. Сергіту сәті
13-слайд. 3-жаттығу. Мәтінді көшіріп жаз.Мәтіннен зат есімдерді тауып,астын сыз.
14-слайд. Жұптық жұмыс
Көп нүктенің орнына тиісті зат есімдерді қойып, жаз. Төрт түлік: ...., ......,
Аңдар: ....., ......,
Құстар: ....., .....,
Отбасы мүшелері: ......, ......,
15-слайд. 4-5 жаттығу Мәтінді көшіріп жазып, зат есімдердің үстіне з.е. деп белгіле
16-слайд.Сабақты қорыту:
1.Сөз таптарын ата? 2.Зат есім дегеніміз не?
3.Зат есімдерге қандай сұрақтар қойылады?
4.Зат есімге мысал келтір.
17-слайд. Кері байланыс

18-слайд. Үйге тапсырма 6-жаттығу
Бағалау:

Қазақстан Республикасының Білім және Ғылым Министрлігі

Ж.Аймауытов атындағы №64 мектеп-гимназия

Ашық сабақ

Сабақтың тақырыбы: <<Сөз таптары. Зат есім>>

Жетекшісі: Тілеубай Бибігүл

Шымкент