Төрлет,төрлет,Жаңа жыл

<<Бекітемін>>
Б\б меңгерушісі:
Г.Р.Курмангалиева
<<Төрлет,төрлет,Жаңа жыл!>>
Мақсаты: Балалардың Жаңа жыл туралы түсініктерін кеңейту. Жасыл шыршаға, Аяз ата мен Ақшақарға деген құрметке тәрбиелеу. Мереке кейіпкерлерінің мінез-құлықтарын байқауға үйрету. Өнерге деген сүйіспеншілік сезімдерін арттыру мақсатында мерекелік көңіл-күй сыйлау.
Жүргізуші: -Құрметті ата-аналар,мейірімді апайлар,балбөбек балалар! Міне, асыға күткен Жаңа жыл мерекесі де келіп жетті.
Жаңа жыл бұл жаңа нұр
Нұрдан ләззат ала біл.
Ақын жазар жаңа жыр,
Жырдан тыңда терең сыр.
Жүргізуші: Ертеңгілігімізді бастау үшін балабақша меңгерушісі:
Құрманғалиева Гүлжан Рысқалиқызына және Мектеп директоры:Е.М.Айшуаковқа құттықтау сөз беріледі.
Жүргізуші: Балалар, сендер бүгін сәнді киініп,әдемі болып кетіпсіңдер. Бүгін қандай мереке?
Балалар: Жаңа жыл.
Жүргізуші: -Жаңа жылдық мерекемізге сиқыршылар келіпті.
Сиқыршы: Сәлеметсіңдер ме? Біз тек қана сиқыр емес, әсем би де билейміз.
Қане, құрбыларым келіңдер,
Шырша сәнін көріңдер.
Әсем әнмен би билеп
Ән жырларды төгіңдер.
Ән:<<Жасыл шырша жанында>>әні.
Жүргізуші: -Балабақшамыздың бүлдіршіні Ерсұлтан бастаған топ ортаға шығып тақпақтарын айтып береді.
Ерсұлтан: Жасыл желең жамылған,
Асыл моншақ тағылған,
Міне сұлу шыршамыз.
Көптен күтіп сағынған.
Шайқымұрат: Жаңа жылым мол болсын,
Басқан қадам он болсын.
Төрлет жаңа жылым,
Бізге құтты жыл болсын
Ералы: Жаңа жылды қарсы алып,
Жасаймыз той жылда бір.
Жарқын-жарқын ән салып,
Жалғасады жырға-жыр.
Аянат: Шыршаға бардық,
Әсем ән салдық
Аяз атадан
Сыйлықтар алдық.
Мұқасан: Сақалы аппақ күмістей,
Тістері аппақ күріштей.
Жарқын: Қызыл ала шапаны,
Сағындым Аяз атаны.
Жүргізуші: Балалар,сендер Жаңа жылдан не күтесіңдер,қандай тілектерің бар?
Бекежан: Тамаша,тамаша
Шыршамыз тұр жараса.
Жаңа жылда ертегі,
Келе ме біздің бақшаға.
Жүргізуші: -Күткен армандарың,ойлаған тілектерің орындалады. Біз сендерге <<Аппақ-ай>> ертегісін баяндап береміз.
Ертегі: <<Аппақ-ай>>
Жүргізуші: Ертеде Аппақ-ай деген ақылды,сұлу, пысық қыз өмір сүріпті.Оның өгей шешесі болыпты.
Өгей шеше: Бәрін білетін, барлық жағдайды көріп тұратын сиқырлы айна, сиқырыңды аш маған.
Сиқырлы айна: Не білгіңіз келеді ханшайым, бұйырыңыз!
Өгей шеше: Әлемдегі ең сұлу кім?
Сиқырлы айна: Ханшайым, сіз әлемдегі ең сұлусыз. Бірақ сізден де көрікті, сұлу бір қыз бар.
Өгей шеше: Ол кім,менен сұлу болған?
Сиқырлы айна: Ол көрікті- Аппақ-ай!
Өгей шеше: Аппақ-ай ма, мен оның көзін жоямын.
Сиқыршы: Аппақ-ай, шыршаны әсемдеп, Жаңа жыл мерекесіне дайындалады.
Аппақ-ай: Жасыл шырша жамылған,
Асыл моншақ тағылған
Келді сұлу шыршамыз,
Көптен күтіп сағынған.
Ханзада: Сәлем, қандай аппақ сұлусың!
Жүзің жарқын жылусың
Неткен сұлу аппақсың,
Ашық көңіл жарқынсың!
Аппақ қыз, атың кім? Тоқта, тоқта...
Қолбасшы: Аппақ-ай, жауыз ханша сені өлтір деп бұйырды. Біз ондайға бара алмаймыз. Сен алыс жерге қашып кет.
Аппақ-ай: Мен енді не істеймін?
Жүргізуші: Мұңайма, Аппақ-ай,бүгінгі Жаңа жыл мерекесінде саған Аяз ата көмектеседі.
Сиқыршы: Аяз атаны шақыруға сиқырлы таяғымды сынап көрсем қайтеді?
Трах тиби дох,
Унду,фунду,
Аяз ата кел.
Мысық пен Түлкі: Сиқыршы сен жаңылысқан жоқсың ба?
Түлкі: Мәссаған,мына шыршаның кереметін-ай!
Мысық: Бүгін Жаңа жыл мерекесі ғой,біздің де көңілімізді көтеріңдерші.
Жүргізуші: Балалар сиқыршылар сиқырлы сөзінен жаңылысып кетер. Біз аяз атаны өзіміз шақырайық.
Жүргізуші: Ел құрметтеп көп тосқан,
Келді Аяз атамыз.
Келіңдер, кел достар,
Шырқап ән саламыз.
Ән: Ән: <<Шыршаға бардық>>
Аяз ата: Аппақ-ай,сен неге мұңайып тұрсың,қарша қыз көңіліңді көтереді.
Қарша қыз: Менің де сендерге алып келген биім бар қабыл алыңыздар.
Ал қарша қыз қалықта
Қалықтаудан жалықпа
Қанаттарың желбіреп,
Би биле мына халыққа.
Би: <<Ұлпақарлар>>
Инабат: Әдеміліп біз ілген,
Ойыншықтар тізілген.
Қандай әсем шыршамыз.
Ән шырқайық баршамыз.
Өгей шеше: Сәлеметсің бе,Аяз-ата? Аппақ-ай сіздермен бірге көңіл көтеріп жүргенін естіп, мен де сыйлығымды ала келдім.
Аппақ-ай: Аяз ата, мына дәмнен ауыз тисем бола ма?
Аяз ата: Жей ғой қызым,мерекеде алдап соқпас. (Аппақ-ай ұйықтап қалады)
Аяз ата: Сен жауыз,өз арам ойыңды іске асырып мына тұрған бізді алдап соқтың. Мен сені мәңгіге мұз етіп қатырамын.
Қарша қыз: Жауыз ханша дегеніне жетіп, Аппақ-айды мәңгіге ұйықтатып тастады. Енді біз не істейміз? Аппақ-айды қалай оятамыз?
Сиқыршы: Оған көмекберетін бір адам бар. Ол ержүрек Ханзада.
Ханзада: Аппақ-ай қайдасың? Сенімен бірге Жаңа жыл мерекесін тойламақ едім.
Қарша қыз: Аяз ата,бүгін Жаңа жыл мерекесі,ханшаны қатырмаңыз кешіре көріңіз.
Жүргізуші: Ханзада мен Аппақ-айдың құрметіне жүп биін қабыл алыңыздар.
Би: <<Вальс>>
Аяз ата: Қарша қыз ескі жылды шығарып салып,жаңа жылды қарсы алатын уақытта келді.
Ескі жыл:Шырша тойы құтты болсын ағайын,
Жыл тойында би билеп ән салайық
Күлкінің кеуеніне бізде ілесіп,
Қош айтысып қалайық.
Жүргізуші: Мерекелі,берекелі болған ескі жылда біздің де жеткен жетістігіміз аз емес. Менің бүлдіршіндерім де бір жасқа үлкейді.Біз саған ризамыз,рахмет ескі жыл.
Аққоян: Сәлеметсіз бе, бауырларым!
Бәрің маған қараңдар!
Маймыл деген жаңа жыл
Келе жатыр алыстан.
Алдымен мені жіберді.
Хабар бер деп сіздерге!
Жүргізуші: Ой, рахмет, қуанышты хабар екен. Қане Жаңа жылды
қарсы алайық.Маймыл. Жаңа жыл келді.
Маймыл: Сәлеметсіздер ме, балалар, Аяз ата, Ақшақар, ата-аналар!
Жаңа жылдарыңыз құтты болсын! Жаңа жыл сіздерге тек
бақыт әкеле берсін!
Аяз ата: Ал, маймыл, биыл сенің жылың. Сені құттықтаймыз!
Жаңа жылың өте тамаша жыл болсын!
Жүргізуші: Ал, балалар, Жаңа келген жылға ән шырқайық.
Ән: <<Аяз ата>>
Аяз ата:Ал,қызым біз енді жүрейік,біздің әлі баратын талай жеріміз бар.Қанша бала бізді әлі күтіп отыр.Келесі жылға дейін сау болыңдар.
Ақшақар:
Бар баланың бойы өссін,
Бойыменен ойы өссін.
Мамаларын тыңдасын,
Ағаларын сыйласын.
Аяз ата мен Ақшақар балаларға сыйлық тапсырылады.
Жүргізуші: Құрметті ата-аналар, қонақтар, балалар, балабақша ұжымы <<Балапан>> тобының <<Төрлет,төрлет,Жаңа жыл!>> ертеңгілігі аяқталды. Сіздерді тағы да Жаңа жылдарыңызбен құттықтаймыз. Ата-аналар балаларыңызға жаңа жылдық әдемі киімдер дайындағандарыңыз үшін <<рахмет>>айтамыз. Келесі кездескенші сау саламатта болыңыздар.