Достық. Дос деген кім

І тоқсан. 17,18-сабақтар
Күні:_____________
Сыныбы: 6
Пәні: қазақ тілі
ІІ Модуль. Менің достарым. Олардың мінезі, жақсы қасиеттері
Қатыстық сын есім. Қимыл-сын үстеу. Қазақ тіліндегі сөздердің тасымалдануы. Сөз екпіні
Тақырыбы: Достық. Дос деген кім?
Мақсаты:
1) білімділік: оқушыларды тақырып бойынша ауызекі сөйлеуге үйрету, екпін жайлы түсінік беру.
2) дамытушылық: ауызекі сөйлеуге дағдыландыру, сөздік қорларын байыту.
3) тәрбиелік: ақылдылыққа, әдемілікке, әдептілікке, достықты қадірлеуге тәрбиелеу.
Түрі: жаңа сабақ
Әдістері: түсіндіру, баяндау, сұрақ-жауап
Пәнаралық байланыс: орыс тілі, қазақ әдебиеті
Сабақтың барысы:
Ұйымдастыру кезеңі

1.Оқушылармен амандасу
2.Оқушыларды түгендеу
3.Сынып тазалығына көңіл бөлу
4.Оқушылардың зейінін сабаққа аудару

Үй тапсырмасын тексеру. Шығарманы оқыту
Жаңа сабақ. Оқулықпен жұмыс
1-тапсырма.Диалогті оқып, достарыңмен сұхбаттасу.
Достық дегеніміз не?
Достық дегеніміз адамдардың бір-бірін жақын көріп, сеніп, тілектес болуы.
Адам неге дос іздейді?
Адам қуанышы мен қиындығын бөлісетін дос іздейді.
Қиындыққа тап болсаң, досыңа айтасың ба?
Иә, қандай да бір қиындыққа тап болсам, оны досыммен бөлісемін, ақылын тыңдаймын.
2-тапсырма. Мына сызба негізінде бірнеше сөйлем құрап, көшіріп жазыңдар.
<<Дос деген кім?>>
/ сыр бөлісетін адам.
мені өте жақсы түсінетін адам.
Дос - көмекке әрдайым дайын адам.
қандай жағдай болмасын бірге болатын адам.
\ сенімді адам.
3-тапсырма. Ережемен танысыңдар, есте сақтаңдар.
Бірнеше буынды сөздердің бір буыны қалған буыңдарынан күшті айтылып, айқынырақ естіліп тұрады: терезе, отын, ағаш.
Сөз ішіндегі арнаулы бір буынның оқшауланып, күшті айтылуын екпін дейміз.
Қазақ тілінде екпін соңғы буынға, яғни соңғы буынның дауысты дыбысына түседі. Мысалы: ша-ға-ла, ке-ре-ге, дос- тар.
4-тапсырма.Әңгімені оқып, төмендегі тақырыптардың бірін таңдап, ат қойыңдар. Өздерің тағы қандай жақсы, жаман қасиеттерді білетіндеріңді айтыңдар.
Сабақтан соң мұғалім Бізге тәрбие сағатын өткізді. Тақтада <<Адамгершілік>> деген сөз жазулы тұр. Мұғалім:
Балалар, бүгінгі заман адамы сегіз қырлы, бір сырлы болып өсуі керек. Оның бастысы - адамгершілік, - дей бергенде, сұрақ қойғыш Нұрлыбек:
Апай, сонда адамгершілік деген қандай қасиет? - деп мұғалімнің сөзін бөлді. Апай салмақтылықпен сөзін жалғады:
Ата-ана алдында шыншыл болу, өзіңнен үлкеннің ақыл-кеңесін тыңдау, кішіге мейірімді, досыңа қайырымды болу. Міне, адамгершілік. Балалар, адам бойындағы қандай жақсы, жаман қасиеттерді білесіңдер? Қане, қол көтеріп, тақтаға шығып жазайық.
Мұғалім тақтаға мынадай сызба сызды. Біз өз білетіндерімізді жаза бастадық.

* жаман сөз айтпау
* ұрлық жасамау
* өтірік айтпау
* үлкенді сыйлау
* ұрлық жасау
* өтірік айту

Тақырыптар:
1.Тәрбие сағаты.
2.Адамгершілік.
3.Адам бойындағы жақсы және жаман қасиеттер.
Сабақты бекіту. Сұрақ-жауап әдісі арқылы
Үйге тапсырма. 5-тапсырма. 4-тапсырмадан сөйлемдегі сөздерге екпін қойып, көшіріп келу.
Ата-ана алдында шыншыл болу, өзіңнен үлкеннің ақыл-кеңесін тыңдау, кішіге мейірімді, досыңа қайырымды болу. Міне, адамгершілік.
Бағалау