Құпия әуен. Меңдібай Әбілұлы

Сабақтың тақырыбы: Құпия әуен. Меңдібай Әбілұлы.
Сабақтың мақсаты: Күй құдіреті туралы әңгімені оқыта отырып, қазақ елінің тарихы, тұрмыс- салты туралы мағлұмат беру; сыни ойлау арқылы білімдерін тереңдету.
Күтілетін нәтижелер:
пәндік нәтиже: тақырып мазмұнын меңгерту, талдау арқылы оқушының шығармашылық деңгейі артады;
жүйелік - әрекеттік нәтиже: өнерге деген қызығушылығы артып, сыни тұрғыдан ойлау арқылы сөйлеу тілдері дамиды;
тұлғалық нәтиже: күй өнерін, әдебиетті сүйе біледі;
Сабақтың түрі: Аралас сабақ
Сабақтың әдісі: <<болжау әдісі>>, диалог, топтық жұмыс, сыни тұрғыдан ойлау стратегиялары.
Пәнаралық байланыс: Тарих, музыка
Сабақтың көрнекілігі: автордың ,күйшілердің, қазақ халық аспаптарының суреті , (презентация)
Сабақтың барысы:
1. Ұйымдастыру кезеңі:
2. Психологиялық дайындық:
Қайырлы күн! Әрқашан күн сөнбесін.
Күн нұрындай жылуын төге берсін.
Күндей жарық, көңілді күй кешейік.
Бәріміз тату дос боп өсейік.
3. Үй тапсырмасын талдау.
<<Аңыз арнасы>> аңызы бойынша жұмыс жүргізу.
Аңыз дегеніміз не?
Топтық жұмыс бойынша талдау.
І топ: Қырғыз батырына сипаттама беру.
ІІ топ: Домалақ анаға сипаттама беру.
ІІІ топ:Домалақ ананың сары айғырды алып қалу себебі неде?
Осы аңыздың мағынасына сай қандай мақалдар айтар едіңдер?
І. Қызығушылықты ояту:
-Қандай ұлттық аспаптарды білесіңдер?
- Күйді қандай аспапта ойнайды?
-Күйді кім шығарады?
- Қандай композиторларды,күйшілерді білесіңдер? (музыка сабағына саяхат) (презентация)
-Балалар, бүгінгі сабағымыз не туралы болуы мүмкін деп ойлайсыңдар?

Топтарға бөлу
І топ <<Жазушылар>>
ІІ топ <<Ақындар>>
ІІІ топ <<Суретшілер>>
Топбасшыларын сайлау (бағалау парағын тарату)
ІІ.Мағынаны тану:
Балалар, бүгін сендермен Меңдібай Әбілұлының <<Құпия әуен>> атты әңгімесімен танысамыз.
Автор туралы қысқаша мәлімет беру.
-Күй>> дегеніміз не?
<<Күй - көне музыкалық шығарма>>
Қазақ халқының біздің дәуірімізге дейін сақталып қалған асыл мұрасы - күй өнері. Өткен ғасырларда нота сауаты жоқ кезде дүниеге келген ән- күйлер өмірмен бірге қайнап, ауыздан-ауызға, қолдан- қолға көшіп біздің заманымызға жетті.Қазақ халқы өзінің көңіл- күйі мен арманын, қоғамға деген көзқарасын домбыраның қос ішегі арқылы жеткізе білді.
Аңыз күйлер - халықтың өткен тұрмыс - тіршілігі жайлы баяндайды.
<<Болжау әдісі>> бойынша мәтінді оқу, талдау.
І топ <<Жазушылар>> - <<Менің екі тізем қалтырап бара жатыр,-депті бір жоңғар тізерлей кетіпі>> деген жерге дейін оқиды, мазмұнын айтып береді.
Ары қарай не болды деп ойлайсыңдар? (сынып оқушылары өз ойларын айтады)
ІІ топ <<Ақындар>> - << Мұны естіген қолбасшы>> деген жерге дейін оқиды, мазмұндайды.
Ары қарай не болды деп ойлайсыңдар? (сынып оқушылары өз ойларын айтады)
ІІІ топ <<Суретшілер>> - <<Мәтінді соңына дейін оқиды>>
Балалар, мәнін мазмұны біз ойлағанмен сәйкес келді ме? Өз ойларын айтады.
Сергіту сәті: <<Әлқисса>> (балалар музыка ырғағына сай қимылдар жасайды)
Топпен жұмыс
<<Жазушылар>> тобы: Күй тыңдау барысынада көз алдарына елестеген табиғатты қағаз бетіне түсіріп, эссе жазу.

<<Ақындар>> тобы: <<Күй>> сөзіне <<бес жолды өлең>> құрастыру.

<<Суретшілер>> тобы: <<Құпия әуен>> естігендегі жоңғарлардың әрекетіне топтастыру жасау.
Топтар өз жұмыстарын қорғайды. Бірін-бірі <<Екі жұлдыз , бір тілек>> әдісімен бағалайды.
ІІІ.Ой толғау:
Құрманғазының <<Адай>> күйін көздерін жұмып тыңдау .
Күйді тыңдап , не туралы екенін әңгімелеу
-Біз тыңдаған күймен қандай байланысы бар?

Күй әсері



<<Күй әсері>> сөзіне топтастыру жасау
Бағалау: топ басшыларының бағалауы,мұғалімнің жиынтық бағалауы; жетістіктер мен кемшіліктерді атап өту.
Үйге тапсырма: мәтінді мазмұндап, күй туралы қосымша деректер жинақтау.
Рефлексия:- Бүгінгі сабақтан қандай әсер алдыңдар?
Мен білдім...
Мен үйрендім...
Менің қолымнан келді...

Солтүстік Қазақстан облысы
Есіл ауданы
<<Кинорежиссер Аяған Шәжімбаев атындағы Есіл ауданының
№3 Явленка орта мектебі>> КММ

Құпия әуен. Меңдібай Әбілұлы.

Онлайн сабақ

Өткізген: бастауыш сынып мұғалімі
Исмағұлова Р.С.

2015 - 2016 оқу жылы