Диалогтік оқыту, Екі балақай арасындағы әңгіме

Жамбыл облысы, Сарысу ауданы, Саудакент ауылы, Байқадам Қашқынбаев атындағы орта мектебінің орыс тілі мен орыс әдебиеті пәнінің мұғалімі Каримбекова Аксауле Еркиновна
Сабақтың тақырыбы
Диалогтік оқыту
Сілтеме
<<Диалогтік оқыту>> таныстырылымы, <<Екі балақай арасындағы әңгіме>>, <<Қызметкер мен басшы арасындағы әңгіме>>, <<Құдай мен қыз арасындағы әңгіме>> бейнефильмдері, <<Көбелек>> таныстырылымы.
Жалпы мақсаты
Мұғалімдердің іс тәжірибесіне сүйене отырып диалогтің білім берудегі тиімді педагогикалық тәсіл екендігін түсіндіру.
Міндеттері
* Әңгіме түрлерімен таныстыра отырып, оларды сабақта қолданудың тиімділігін ұғындыру;
* Диалогтік оқыту тәсілін тәжірибеге енгізудің мұғалімдердің кәсіби құзіреттілігінің қалыптасуына ықпал ететінін сезіндіру.
Оқыту нәтижесі
Коучинг - сессиядан кейін мұғалімдер:
:: Мұғалімдер оқу үдерісінде диалогтік әдістерді енгізуге бағытталады;
:: Сыныптардағы диалогтік әдістерді бағалауға бейімделеді;
:: диалогтік әдістердің оқу үдерісіне тигізетін оң ықпалын сезінеді.
Түйінді идеялар
Диалог сабақта оқушылардың қызығушылығын арттырумен қатар олардың білім деңгейінің өсуіне үлес қосады Оқушылардың көбірек білетін басқа біреумен (сыныптастары немесе мұғалімі) диалог жүргізуге мүмкіндігі болған жағдайда, оларды оқыту оңай болады .
Оқытудағы әңгімелесу - қарым-қатынас жасаудың бірсарынды емес, керісінше, идеялар екі жақты бағытта жүреді, осының негізінде оқушының білім алуында байланыс жүреді.
Оқушы екі жақты идеяны ұштастыру арқылы жаңа білімге қол жеткізе алады.
Топқа бөлу
Коучингке қатысушыларға түрлі-түсті стикерлер таратып, стикерлердің артында жазылған әріптерден <<ДИАЛОГ>>, <<ӘҢГІМЕ>> және <<ШЕШІМ>> сөздерін құрастыруды ұсынып, осы арқылы 3 топқа бөлемін.
Психологиялық
ахуал орнату
Коучингке қатысушыларды коучинг үдерісіне тарту және жағымды психологиялық ахуал орнату мақсатында <<Жақсы - Жаман>> тренингін өткіземін.
Кіріспе тапсырма
Коучингке қатысушыларға <<Көбелек>> таныстырылымы ұсынылады. Мақсат: оқушылардың өздерінде бар мүмкіндіктерін қолдануға мүмкіндік бермеу арқылы олардың дамуына кедергі жасап отыратынымызды ұғындыру
1. Оқу барысында кездесетін кедергілерді қалай жоясыздар?
2. Жоямын деп кедергіні одан әрі өршітіп алып жүрген жағдайлар кездесті ме?
3. Ол жағдайлардан қандай жолдармен шықтыңыз?
1 тапсырма
Коучингке қатысушыларға <<Диалогтік оқыту>> таныстырылымын ұсынамын.
Мақсатым: мұғалімдерді <<Оқыту мен оқудағы жаңа әдіс-тәсілдер>> модулімен таныстыра отырып, диалогтік оқыту тәсілінің мағыздылығын ұғындыру; сыныптағы әңгімелесу үдерісінің оқушының дамуына оң ықпал ететінін түйсіндіру.
+ Өз сабақтарыңызда әңгіменің қай түрін жиі қолданасыз?
Себебін түсіндіріңіз.
+ <<Әңгімелесу оқушылардың оқуының ажырамас бөлшегі болып табылады>> деген қағиадтпен келісесіз бе?
Себебін түсіндіріңіз.
+ Мұғалім ретінде оқушылармен диалогқа түсу және оқушылардың бір-бірімен диалогқа түсуін қамтамасыз етіп отырасыз ба? Өз тәжірибеңізден мысалдар кедтіріңіз.
2 тапсырма
<<Екі балақай арасындағы әңгіме>>, <<Қызметкер мен басшы арасындағы әңгіме>>, <<Құдай мен қыз арасындағы әңгіме>> бейнефильмдерін көрсетемін.
Содан соң мұғалімдерге мынадай тапсырма ұсынамын:
* Жоғарыда көрсетілген таныстырылымды басшылыққа ала отырып, осы бейнефильмдердегі әңгіме үлгілерін анықтаңыздар. Жауаптарыңызды дәлелдеңіздер.
Топ идеясын жеткізушіге немесе топ мүшелеріне қалаулары бойынша ойларын ортаға салуды ұсынамын.

Сергіту сәті
Мақсаты: коучингке қатысушыларды <<зерігу аймағына>> түсіп кету қаупінен сақтандыру және сергітіп алу.
3 тапсырма
Коучингке қатысушыларға түрлі-түсті стикер таратып, осы стикерлерге елге немесе әлемге танымал тұлғалардың атын жазуды тапсырамын. Содан соң осы стикерлерді бір-бірімен алмастыра отырып, <<Мен кіммін>> тренингін өткіземін.
Мақсатым: коучингке қатысушларды диалогқа түсіре отырып, әңгімелесудің маңыздылығын ұғындыру.
4 тапсырма
<<Диалогтік оқыту>> - бұл.........>> тақырыбында әріптестерге кластер жасауды ұсынамын.
Мақсатым: бүгінгі коучингтің тақырыбын мұғалімдердің қаншалықты деңгейде түсінгендерін, менің коуч ретінде мақсатыма жеткен/жетпегенімді анықтау.
Ой түйін
немесе
<<Бүгінгі коучинг маған .......>>
Топ мүшелеріне өздерінің коучинг барысында меңгерген жаңа білімдері мен дағдылары туралы <<Бүгінгі коучинг маған .....>> тіркесімен басталатын ой түйін немесе қорытынды жасауды ұсынамын.
Рефлексия
<<Коучинг маңыздылығы>> сауалнамасын жүргіземін.
Мақсатым: әріптестер үшін коучингтің пайдасын анықтау.