Жаңа заман, жаңа талап, жаңашыл ұстаз

| |

Мелдебекова Гулайна Рахымбердыевна
Алматы қаласы
№ 15 гимназия мұғалімі
Email: Gulaina-82@inbox.ru

Жаңа заман, жаңа талап, жаңашыл ұстаз

«Мектеп үшін ең керегі – жаңашыл мұғалім.»
Ы. Алтынсарин.
Ж. Аймауытов айтқандай «Сабақ беру – жай үйреншікті нәрсе емес, ол –
жаңадан жаңаны табатын нәрсе» деген екен. Менің ойымша, қазіргі заман
мұғалімі – рухани жағынан дамыған, педагогикалық құралдардың барлық түрін
шебер меңгерген білікті әрі білгір маман болуы керек. Жалпы менің оқытудағы
өз міндетім оқушыларды өз бетімен жұмыс жасауға тәрбиелеу, үйрету,
шығармашылық қабілетін дамыту.
Н.Ә. Назарбаевтың өз халқының болашағына деген қамқорлығының
арқасында осы дәрежеге жетіп отырмыз. Елбасымыз білім беру бағытында
алдымызға үлкен міндеттер жүктеп отыр. Осы мақсат-міндеттерімізге жету үшін
Кембридждің Білім беру орталығымен бірлесе отырып жасаған мектеп
педагогтарының біліктілігін арттыру курсының бағдарламасында көрсетілген
заманауи оқу әдістемелерінің жеті негізгі модульінің рөлі өте маңызды.
Дәстүрлі оқыту мен заманауи оқытудың аражігін анықтауда айырмашылығы мен
ерекшелігінің бар екенін байқадым. Дәстүрлі оқушы тек қана тыңдаушы болса,
ал қазіргі заманның оқушысы сындарлы ойлай білетін, өзіндік ізденіс пен
ақпаратты терең талдай алатын машықты болуы тиіс.
Осы Педагогикалық шеберлік орталығынан кәсіби біліктілігін арттырып
шыққан әрбір мектеп мұғалімі өз ұжымына оралып, жаңа бағыттағы
әдістемелермен жаңартылған білім бағдарламасын ұсынады. Білімімізді
жетілдіретін, біліктілікті көтеретін заманауи озық алдыңғы қатарлы
технологиялармен оқыту курсы маған бірінші күннен бастап жаңашыл ой салып,
жаңа идеялардың тууына әсер етті.
«Ұстаздық – ұлы іс» деп кемеңгер жазушымыз М. Әуезов айтқандай, бұған
лайық болу – үлкен абырой, басты борышым деп есептеймін. Кембридж тәсіліне
негізделген бағдарламадан көптеген деректер алдым. Осы алған біліміммен
тоқтап қалмай үнемі ізденіс үстінде боламын. Аты аталған курс барысында
көптеген қызықты, әрі ой салатын стратегияларды меңгердім. Оны жұмыс
барысында тиімді пайдалана отырып, алған білімімді оқушылардың білімін
жетілдіруге қолданамын деп ойлаймын.
«Оқушының жетістігі – мұғалімнің жетістігі, ал мұғалімнің жетістігі
жаңа әдіс-тәсілдерді тиімді қолдануында» үйренген жаңа тәсілдерді еңбек
жолымда тиімді пайдалану менің борышым болып табылады.
Президентіміз Қазақстан жолы - 2050: Бір мақсат, бір мүдде, бір
болашақ Стратегиясында «Орта білім жүйесінде жалпы білім беретін
мектептерді Назарбаев зияткерлік мектептеріндегі оқыту деңгейіне жеткізу
керек» дегендей болашағынан үміт күттіретін жас буынға түзу бағыт-бағдар
беру біздің басты міндетіміз болып табылады.
Еліміздің жарқын болашағы үшін атқарылып жатқан әрбір іс өз мәресіне
мүдірмей жетеді деген сенімдемін. Өркениет шыңына ілгері басу мақсатында
шебер ұстаздарымыздың саны жыл санап, арта берсін деген тілегімді
білдіремін.