Күздің кереметі. Ә. Табылдиев

Қорғантұз орта мектебі

Күздің кереметі. Ә. Табылдиев.
(облыстық панорамалық сабақ)

Өткізген: Әбденова Г
бастауыш сынып мұғалімі

2009-2010 оқу жылы
Сабақтың тақырыбы: Күздің кереметі. Ә. Табылдиев.
Сабақтың мақсаты:
Білімділік: Жазушы өмірі мен шығармашылығын таныта отырып, оның
әңгімесінің идеялық-мазмұнын ашу, шығармаға әдеби талдау жасау;
Тәрбиелік: Кейіпкерлер іс-әрекеттері мен сөздері арқылы оқушыларды
адамгершілікке, қайырымдылыққа, еңбекті сүюге тәрбиелеу және жақсы
істерді бағалай білуге ұмтылдыру;
Дамытушылық: Оқушыларды өз бетінше ізденуге жұмылдыру, ойлау
қабілеттерін дамыта отырып, дүниетанымын кеңейту, сөздік қорын байыту,
мәтіндерді мәнерлеп оқуға машық-тандырып, шығармашылық қабілеттерін
молайту.
Сабақтың типі: Жаңа сабақты меңгерту
Сабақтың түрі: Дәстүрлі сабақ
Сабақтың әдісі: Сұрақ-жауап, түсіндіру, ізденушілік, талдау, ажырату,
салыстыру, топтау, жинақтау, дәлелдеу.
Сабақтың көрнекілігі: Интерактивті тақта, тірек-сызбалар
Пайдаланылған технологиясы: Дамыта оқыту, СТО.
Пәнаралық байланыс: Дүниетану, бейнелеу, қазақ тілі.
Сабақтың барысы:
І. Ұйымдастыру бөлімі
Сабаққа дайындық тексеріліп, оқушыларды орталықтарға бөлу.
І топ: «Шығармашылық» орталығы
ІІ топ: «Ғылыми» орталық
Оқушылардың назарын сабаққа аудару.
Үлкенге де сіз,
Кішіге де сіз.
Сәлембердік сіздерге,
Құрметпенен біз.
ІІ. Ой қозғау.
Сұр бұлт түсі суық қаптайды аспан,
Күз болып, дымқыл тұман жерді басқан.
Білмеймін тойғаныма, тоңғаныма,
Жылқы ойнап, бие қашқан, тай жарысқан.
Абайдың «Күз» туралы өлең жолдарымен сабағымды ашып, бір оқушыға
мәнерлеп оқытамын. Осы өлең жолдары арқылы күздегі табиғаттағы өзгерістер,
жан- жануарлардың, құстардың күзгі тіршілігі туралы оқушылардан сұрай
отырып, берген жауаптарын бір арнаға топтастырамын.

Бір оқушыға қорытындылап оқыту.
ІІІ. Мағынаны таныту.
Олай болса, Күздің ерекше кереметтерін суреттейтін Әдібай Табылдиевтің
«Күздің кереметі» әңгімесімен танысамыз.
Авторға мәлімет беру.
Әрі ақын, әрі жазушы Әдібай Табылдиев 1926 жылдың 1 ақпанында Жамбыл
облысы Т. Рысқұлов ауданында дүниеге келген.

Әңгімені мәнерлеп оқу.
• Оқушылармен бірлесе отырып, әңгімеге мазмұндық жоспар құрылды.
Мазмұндық жоспар:
1. Бақшадағы күзгі қайнаған еңбек.
2. Күзетші Омар атайдың қонақтары.
3. Күздің берекелі дастарханы
4. Күз кереметін көруге асыққан балалар
5. Ата әңгімесі:
а) Әртүрлі бейнедегі жемістер мен көкөністер.
ә) Күз –байлық пен береке бастауы.
б) “Күздің бір күні, қыстың бір айын асырайды”
6. “Атаның сөзі, ақылдың көзі”
IV. Ой тастау
Нені білдік?
Әңгімеге талдау жасау. Оқушыларға әңгімедегі мақалдарды, тұрақты сөз
тіркестерді, антонимдерді, диалогтарды таптыртып, оқыту. Жауаптарын
топтастыру.

Сергіту сәті
Жаңбыр жауды себелеп,
Гүлге қонды көбелек.
Жапырақты жамылып,
Бұға қалды көбелек.

V. Ой толғаныс
Орталықтарға тапсырма беру.
«Шығармашылық» орталыққа:
Күз тақырыбына өлең шығару
Күзгі дастарханға сипаттама беру (әңгіме бойынша)
«Ғылыми» орталыққа:
Табиғаттағы күзгі өзгерісті сипаттау
Ребус шешу (Күз-мереке, күз-береке)

VI. Ой қорыту.
Мәтінмен жұмыс рөлге бөліп, мәнерлеп оқыту

Биылғы жылғы отан қоймасына құйылған Қазақстан және Ақтөбе
облысының астығы жайлы ақпарат беру.
Қазақстан әлемдегі астықты державаға жататын елдердің бірі. Жыл
сайын 15-17 млн. тонна астық жинай отырып, мемлекетіміз өз халқын нан
өнімдерімен мол қамтамасыз ете алады. Сонымен бірге астыққа мұқтаж
елдердің де қажеттіліктерін қамтамасыз етіп отырады. Биылғы жылда да
қазақ диқандары 21 млн тонна астық жинай отырып, соңғы 5 жылдағы ең
жоғары нәтижеге жетті. Ел Президенті Н.Назарбаев диқан қауымды осы
бір үлкен еңбектерімен құттықтай отырып, бүгінгідей әлемдік экономикалық
дағдарыс кезінде бұл өте зор табыс екенін атап өтті.

VII. Үйге тапсырма
1. Әңгімедегі көрініске сурет салу
2. Тест құрастыру
3. «Күз» тақырыбына мәтін құрау.
VIII.Бағалау.
Топтарға жемістер мен көкөністер тарату.