Біз Қазақстанның болашағымыз

Біз Қазақстанның болашағымыз

Тәрбие сағатының тақырыбы: Біз Қазақстанның болашағымыз

Тәрбие сағатының мақсаты: Оқушыларға Қазақстан Республикасы туралы толық мағлұмат беру, туған жеріне деген патриоттық сезімін ояту.

Тәрбие сағатының міндеттері: 1. Оқушыларға ҚР рәміздері, пайдалы қазбалары толық мағлұмат беру.

2. Балалардың тіл байлығын, шығармашылық қабілетін дамыту, өз тілін құрметтеп, өзге тілдерді де жақсы менгеруін дамыту.

3. Туған жерін, елін сүюге, жас ұрпақ елдің болашағы екенін сезінуге, отанын қорғауға тәрбиелеу.

Тәрбие сағатының түрі: Сайыс сабақ

Тәрбие сағатының әдісі: Сыни тұрғыдан ойлау, денгейлік тапсырмалар

Пән аралық байланыс: әдебиеттік оқу, қазақ тілі, дүниетану, орыс тілі, ағылшын тілі.

Тәрбие сағатының көрнекілігі: интерактивтік тақта, слайдтар, көрініс, постер т. б.

Тәрбие сағатының жүрісі:

Сіздердің назарларынызға «Біз Қазақстанның болашағымыз» атты ашық тәрбие сағатымызды ұсынамыз. Тәрбие сағаты сайыс түрінде өтеді.

Ата салтын қастерлеп,

Өнер сүйген халықпыз.

Мың бұрала би билеп,

Өнерлерін танытсын.

1. Музыкалық номер

1. Қазақ биі

2. Көрініс «Тәуелсіздік таңы атты»

Немересі: Алақай, ата-әже, сүйінші, сүйінші! Қазақстан тәуелсіздігін алды. Біз бүгінен бастап егеменді ел болдық, ата-әже.

Атасы: Тәубә, тәубә, тәуелсіздік

Не деген тұлғалысың!

Осы күнге де жеттік. Талай ғасыр ата- бабаң аңсаған күн жетіпті, Шұғылам!

Әжесі: Ой, жарқыным, ботам, өркенің өссін! Осы жақсы хабарды әкелген ризамыз саған (бетінен сүйеді) . Тәуелсіз еліңнің бақытты ұрпағы бол!

Немересі: Рахмет, сіздерге ата-әже! Бұл хабарға барлық ел қуанып, тойлап жатырмыз.

Әжесі: Ел болыпсыз, егемен еліміздің шаңырағы биік болсын, керегесі бүтін болсын. Киіз үйдің уығындай болып еліміздегі әр ұлт тату- тәтті өмір сүрсін - деген ырыммен саған сүйіншіге киіз үйді беремін.

Немересі: Рахмет, әже! Әумин! Айтқаныңыз келсін. Ата-әже, еліміздің тәуелсіздігіне менің сыныптастарым да мереке ұйымдастырып жатыр. Сіздер де, сол мерекеге жүріңіздер.

Атасы: Әрине, құлыным, бізде сендермен бірге тәуелсіздікті тойлайық!

Әжесі: Менің шашуым қайда? Соны ұмытып барамын. Шұғыла, менің шашуымды алып келе, ғой.

Немересі: Қазір, әже!

Олар сыныпқа келеді.

Немересі: Ата- әже, міне менің сыныбым. Ақтау қаласындағы № 13 қазақ гимназиясы. Бұл менің сыныптас достарым.

Балалар: Ассалаумағалейкум, ата!

Атасы: Уағалейкүмассалам, балаларым!

Қыздар: Салематсыз ба, әже!

Әжесі: Амансыңдар ма, балаларым!

Оқушы: Ата, әже қош келдіңіз! Біз ҚР тәуелсіздігін тойлап жатырмыз.

Әжесі: (шашу шашады) .

Тәуелсіздігіміз мәңгі болсын!
Еліміз тыныш, бейбіт болсын!
Қазақстан елінің әрбір отбасы бақытты болсын!

Атасы: Өркендерің өссін, балаларым. Еліміздің болашағы сіздер. Біз сіздерге сенеміз. Қазақстан елінің туын биікке желбірететін, білімді, ақылды азаматтар болып өсіңдер!

Немересі : Ата, әже, рахмет сіздерге: Сіздер біздің ақылшы, тірегімізсіз! Дендеріңіз сау болсын. Әрдайым бізге жол көрсетер жұлдыздай болып, жарқырай беріңіз. Елбасы өзінің халыққа жолдауында айтқандай. Біз еліміздің өнерлі, ақылды, білімді болашақ ұрпағымыз. Біздей ұрпағы бар мемлекет өркендейтіне сенеміз. Қазір біз сіздерге арнап ҚР гимнін орындап береміз.

3 . Қазақстан Республикасының гимні орындалады.

I. Таныстыру

Енді ортаға сайыскер топтарды шақырамын.

Осымен мереке басталып кетсін,

Ән шашу баршамызға жетсін.

Бүгінгі жарыстағы сайыскерлер,

Өздерін таныстырып өтсін.

Топтың аты: Сұңқар

Топтың ұраны: Сұңқардай биікте шарықта,

Ойында ешкімнен қалыспа.

Топтың аты: Тұлпар

Топтың ұраны:Жарыста жүйрік боп желейік,

Бәйгеде бақ сынап көрейік.

Топтың аты: Жұлдыз

Топтың ұраны: Жұлдыздай жарқырап көктегі,

Алайық жарыста жүлдені

Топтың аты: Зерек

Топтың ұраны: Алғырмыз білімде, зерекпіз,

Біліммен халыққа керекпіз.

Қазылар орнықтырар әділдікті,

Кімдердің жауаптары кәміл шықты?

Білім мен тапқырлықтың сайысында,

Жеңіске жетер дейміз нағыз мықты, -

дей келе топтардың жауаптарын бағалау үшін әділ қазыларды сайлаймыз.

Санаға саяхат
Мәнерлеп оқу
Мақал-мәтел сайысы
Постер қорғау
Шығармалар сайысы
Өлең шығару
3-тілде өзі туралы әңгімелеу
Тілек ағашы

II. Санаға саяхат

Саяхат жүргіземіз біз санаға,

Кетпесін ойларыңыз құр далаға.

Шешіліп сөйлегенде әрқайсысы,

Ұқсасын дейміз қалайда бір далада.

ҚР рәміздерін ата.
ҚР мемлекеттік туының түсі қандай? Ол нені білдіреді?
Еліміз егемендігін қашан алды?
Қазақстанда қандай пайдалы қазбалар бар?
ҚР қандай мемлекеттермен шектеседі?
Жер көлемі жөнінен Қазақстан нешінші орында?
ҚР қанша облыс бар?
Елтаңбаның авторларын ата.
Ұлттық валюта қашан енді?
ҚР елбасшысы кім?
Еліміздің бас қаласын ата.
Әрбір қазақ отбасының төрінде тұратын ұлттық аспапты ата.

III. Мәнерлеп оқу сайысы

Ұланым менің ақылды,

Қадірлей біл салтыңды.

Мақтан ет сен мәңгілік,

Тілің, дінің, халқыңды, -

дей келе келесі кезекті мәнерлеп оқу сайысына береміз.

Әр топтан 1 оқушыдан шығып өлең оқиды.

IY. Мақал-мәтел сайысы.

Әңгімені айтса жұртым мақалдайды,

Жеңіліп сөзден, шіркін, қала алмайды.

Жүз сұрақ қойсаң дағы дарындылар,

Жасырып жүзін дағы қаша алмайды.

Келесі кезекте мақал-мәтел сайысы

1. Отансыз . . . - ормансыз бұлбұл

2. Туған жердей . . . болмас,

Туған елдей ел болмас.

3. Отан . . . да ыстық.

4. Ел іші . . . бесік.

5. Отан . . . басталады.

6. Туған жердің . . . де ыстық, түні де ыстық.

7. Жері байдың . . . бай.

8. Туған жердің . . . де көрікті, елі де сүйікті.

Y . Постер қорғау

Сынып, мектеп, отбасы, Отан сөздеріне асосация жасау.

Музыкалық номер.

Сұлу саз, жанға жайлы әсем ерке,

Дауысы бал бұлақтай сыңғыр ерке.

Ән салар алдарында шын пейілмен,

Мөлдірдей әсем дауыс, әнші бике

4. Студенттің орындауында «Елім менің» әні

5. Студент «Моя Родина» өлеңін оқиды

YI. Шығармалар сайысы

Әрбір топтан 1 оқушы шығып өздерінің Отанға арнаған шығармаларын оқиды.

YII. Өлең шығару

Әрбір топ Астана, Отан, Маңғыстау, Ту тақырыптарына өлең шығарып оқиды.

Музыкалық номер.

Бір ішектің бір қатты,

Бір жай-жай кем бұра.

Нағыз қазақ қазақ емес,

Нағыз қазақ домбыра

6. Студенттің орындауында «Біз өмірдің гүліміз»

7. Студенттің орындауында «Біз адаймыз» әні

YIII. 3-тілде өзі туралы әңгімелеу

Ана тілін қастерлейміз, сүйеміз,

Орыс тілде, ағылшынша білеміз.

Біліміміз ұшан теңіз ойымыз,

3 тілдегі өнерімді көріңіз

Әр топтан оқушылар шығып өздері туралы қазақ, орыс, ағылшын тілінде әңгімелейді.

IX. Тілек ағашы

Әр топтың балалары өздерінің Отанға деген тілегін жазып кезекпен тілек ағашына іледі.

Қасиетті ұлт аспабы халқымның,

Домбыраны қастерлеген салтым бұл.

Алдарыңда күмбірлеп күй тартылсын,

Өз өнерін Жанарыс бір танытсын.

8. Студентің орындауында «Өрнек» күйі

Сайыс қорытындысын шығару мақсатында әділ қазыларға сөз беру.

Имандылық - инабаттылық айнасы

Тәрбие сағатының тақырыбы : Имандылық - инабаттылық айнасы
1. Білімділік мақсаты :Оқушылардың инабаттылық түсініктерін кеңейте түсу, тәрбиенің қоғамдағы маңыздылығы мен пайдасы туралы жаңалықтармен танысу.
2. Дамытушылық мақсаты: Оқушылардың мұсылман діні және теріс бағыттағы діни бірлестіктер туралы білімдерін кеңейте отырып, ой - өрісін, қиялын, қызығушылығын, белсенділігін, құштарлығын, яғни, адами қасиеттерін қалыптастыру, ана тілін сүюге, ата - салтын, адамгершілік қасиеттерін қалыптастырып бабалардан қалған ұлағатты, ғибрат сөздерді түсіндіріп, содан үлгі - өнеге алуға баулу.
3. Тәрбиелік мақсаты: Оқушыларды халқымыздың ұмыт болған салт - дәстүрлерін жалғастырып құрметтеуге, инабаттылыққа, имандылыққа адамгершілікке, адалдыққа, еңбекқорлыққа, достыққа, ерлікке, ізденімпаздыққа, іскерлікке, шеберлікке, ұқыптылыққа, дәлдікке ұлттық педагогика негізінде тәрбиелеу. Түрі: Сұхбат - кездесу сабақ.
Көрнекілігі: Интерактивті тақта, мешіт салынған суреттер, нақыл сөздер, үнтаспа, құран және «Ислам тағылымдары» кітаптар, теріс бағыттағы діни бірлестіктер туралы деректер.

Мұғалім: Халқымыз жан - жақты адамды « сегіз қырлы бір сырлы», - дейді. Адамның сегіз қырының бірі - оның ақылы, имандылығы. Иманды, білімі мол, ата салтын, дінін, тілін білген адамның көкірегі ояу болады, жаман мен жақсыны айыра біледі.
Міне, сол себепті біз «Имандылық - инабаттылық айнасы» деген тақырыпта өз ойларымызды ортаға салмақпыз.

Жүргізуші: Егеменді еліміздің ертеңі болашақ ұрпақ қолында. Болашақ ұрпақты имандылық тәрбиеге баули отырып, халық дәстүрін жүрегіне ұялатып,, санасына құю - бүгінгі білім мен тәрбиенің басты міндеті.
Қазіргі кезде ата - анасын қарттар үйіне өткізген бала, балаларын тірі жетім етіп, жүрген алаяқтар, маскүнем, ұрылардың көбеюі біздің ұлттық тәрбиемізге сын. (Слайд)
Сондықтан, мектепте имандылық тәрбиесінің берілуі оқушылар бойына ізгі қасиеттерін сіңіру үшін, өзін мұсылман деп тануға ұлтының озық дәстүрін, әдет - ғұрпын ұғынуға, ұлтжанды азамат болып өсіп жетілуіне игі әсер етеді деп сенеміз.
Осы орайда қасиетті өткізілгелі отырған «Имандылық - инабаттылық айнасы» атты ашық тәрбие сағатымыздың қонағы, біздің сұрақтарымызға жауап бергелі келіп отырған Орталық мешіттің имамы Мерғали Жүніспекұлы орталарыңызда.

Жүргізуші: Сонымен қатар, бүгінгі тақырыбымызға сай өз оқушыларымыз мұсылман діні туралы қандай ұғымдары біледі екен, соған кезек берелік.
І. 1 - оқушы: Мұсылман дінінің негізін салған Мұхаммед пайғамбар. Ұлты араб. Меккеде туған. Мұхаммед ойдан шығарылған емес, тарихи тұлға. Оны тарихта Мұхаммед пайғамбар деп те атайды.
2 - оқушы: Ислам дінін ұстанатын адамдарды мұсылман деп атайды.
3 - оқушы : Мұсылман дінін ұстанатындардың негізгі қасиетті күні - жұма.
4 - оқушы: Ораза ұстаған адам өзін - өзі тәртіпке шақырып, жаман істерден тыйылады. Мұсылмандыққа жат қылықтардан - өтірік, өсек айту, дау - жанжалдан, біреу туралы жаман ойлардан, дауыс көтеріп ұрысудан аулақ болуға тырысады. Адамдарға кешірімді болуға, мейірімді болуға, басқа ораза ұстаушыларға қамқорлық көрсетуге ниет етеді.
5 - оқушы: Мұсылмандардың қасиетті үйі - мешіт. Мешіт - өтірік айтылмайтын, ақиқат пен шындық жолын тұтынған ең таза пәк жер.
6 - оқушы: Мұсылман дінінің қасиетті кітабы - Құран. Құранның сөзі құдайдың сөзі.
7 - оқушы: Ораза айында әр отбасы жан басына белгіленген мөлшерде пітір - садақа береді. Бұл осы Рамазан айына аман - есен жеткеніміз үшін берілетін құдайы садақа. Мұнда мұсылман қауымы дүние - қоңыздықтан аулақ болуға үйренеді. Адамдарды тату өмір сүруге баулиды. Пітір садақаны ауру - сырқаулы, жетім, мүсәпір адамдарға беруге болады.
9 - оқушы: Аллаға сенудің пендеге берері көп. Тіршілікте таза болып, дұрыс, түзу жол табу - иман мен жақсы істердің нәтижесі. Иман - адам бойында қанағат, қайсарлық пен сабырлық, ұстамдылық сияқты қасиеттерді қалыптастырады. Ислам дінін тұтынатын мұсылманның бес парызы бар. Сендер, балалар, атап бере аласыңдар ма?
1. Құдай бірлігі Мұхаммед пайғамбар қасиетін мойындау

2. Намаз оқу
3. Ораза ұстау
4. Садақа беру
5. Қажылыққа бару.
10 - оқушы: Шариғат бойынша адам қылмыс жасамауы, маман сөз өтірік айтпауы керек. «Менде ғана болсын» деген өзімшілдік, біреуге қиянат, зорлық жасау діннен безген, діннен қорықпағандардың ісі, ондай адам күнәхар болып есептелінеді.
Би «Халал»

ІІ. Имандылық деген не? Пікірталас.
Пікірталасты бастамас бұрын мына бейнесюжетке көңіл аударуларыңызды сұраймын.
«Өмірде болған»бейнефильмінен үзінді көрсету.

ІІІ. Абайла адасу! «Абайла, дін саудагерлері!» тақырыбында теріс бағыттағы діни ағымдардың іс - әрекеттері мен мақсат - мүдделеріне тоқталып оқушы пікірлерін білу.
Өзге елден келген теріс жолды насихаттаушылар елімізде көбеюде. Ұлтымыздың салт - дәстүріне қарама - қайшы пікірлер айтылады. Ислам дінін жамылып ислам құндылықтарын жоққа шығарып шет елден келген секта, миссионерлері өздерінің қара ойларын іске асыруда. Олардың саны өкінішке қарай көбеюде. Олар жастар мен мектеп жасындағы балаларды теріс бағытқа тәрбиелеуде. Исламдағы теріс діни ағымдардың кесірінен қасиетті Ислам дінінің қазіргі заманда экстремизм, террор діні саналуы қынжылтады.
Исламдағы ұғымдар туралы оқушылардың айтқан пікірлері:

«Салафиттер» немесе салафилер ұйымы 7 шелпек пісіруге, бейіт басына баруға, ата - баба басында құран бағыштауға қарсы. Атырау қаласында кең тараған. «Салафи» сөзі Құранның бірнеше жерінде кездеседі. Негізінен «алдыңғы өткендер», «бұрынғылар» деген мағынаны береді. Ал қазіргі заманның салафилерінің іс - әрекеттері Құран аяттарын өз беттерінше өзгертіп алған.

«Такфиршілер» ұйымы. Олар өздерін таза мұсылмандар санап, өзгелерді кәпірге есептейді екен. Египетте бастау алған бұл ағым өзге мұсылмандармен араласпайды, мешітке бармайды. Мұсылмандар арасында жік салушы. Мемлекеттің саяси бағытын қабылдамайды. Олар дін ақиқатын білуге талпынбайды. Ағым мұсылмандар арасында іріткі салып, олардың бірлік - ынтымағын бұзуға тырысады. Дау - жанжал туғызу арқылы мемлекеттің саяси - экономикалық бағдарламасының нығаюына кері ықпал жасайды.

«Таза ислам» деп аталатын діни ағым өкілдерінің ниеттері - ұстанымдылық пен Алладан қорқушылық қағидаларын аяқ асты етіп, Исламға жат жоспарларын жүзеге асыру. Олар адам ұрлаумен, қарақшылықпен айналысады. Осындай 7 адамнан тұратын топ 2008 жылдың желтоқсан айында ұсталған екен.

«Таблиғ жамағаты». Нақты тұжырым жасасақ, бұл «дін уағыздаушы топ» деген ұғымды білдіреді. Олардың екінші бір аты - «дағуатшылар», қазақшалағанда үгіт, насихат жүргізу, шақыру. Олар Ислам дінін өздері құрған ереже бойынша насихаттайды. Өздерін саясаттан бөлек ұстайды. Сақал қойып, ұзын көйлек киеді. Туған күнге, ұйымның іс - әрекетіне тыйым салған.

«Нұршылар жамағаты» Түркияда пайда болған. Ұйымның мақсаты - мемлекет әкімшілігіне қарсы шығатын діни фанат адамдарды тәрбиелеу. Бұл ағым елімізге 1992 жылдан бері келе бастаған. Өздері басып шығарған уағыз парақшаларын тарату арқылы қатарларын толықтыруға тырысады.

«Қадиян» тобы Үндістанда пайда болған. Адасқан ағымдардың бірі. Мұсылмандарды діннен аластату мақсатында пайда болған. Отанды қорғауды қажет деп есептемейді. Зиянды, жағымсыз әдеттермен мұсылмандар арасында жан - жақты идеологиялық күресті күшейтіп, төңкеріс арқылы қол жеткізуді көздейді.

Хизбутшылар мемлекеттік шекараны мойындамайды. Олардың мақсаты:
1) бейбіт жатқан мемлекеттерде азамат соғысын ұйымдастыру;
2) мемлекеттің экономикасын құлдырату;
3) ұлтаралық, дінаралық бүліктер туғызу;
4) мемлекеттерге қару - жарақ есірткі заттарын тасымалдап апару. Ағым мүшелері біздің елімізде де кездеседі. Олар Ислам атын жамылып өз мақсаттарын, жаман істерін жүргізушілер. Олардан аулақ болайық.

«Уаһһабилер»Сауд Арабиясында дүниеге келген.
Мұхаммед ибн Абдуллуаһһаб деген адам астыртын жіберілген ағылшын тыңшыларымен байланысып, солардың ақыл - кеңесімен «Уаһһабия» деген ағымның негізін салған. Олар мәдениетті, өнерді мойындамайды. Уаһһабия ағымының белгілері:
1) мемлекет заңдарына бағынбайды; 2) пайғамбарымыздың кейбір хадистерін мойындайды; 3) әулиелерге зиярат жасауға болмайды деп есептейді; 4) садақа беруге мүлдем қарсы, мешітке кіріп намаз оқымайды; 5) мемлекеттің тәуелсіздігін нұқсан келтіреді. Өкінішке қарай, біздің мемлекетімізде де осы қауіпті ағым жолын ұстанушылар кездеседі. Олар ата - аналарын сыйламайды. Туыстарымен қатынаспайды. Бұл ағымда Ислам өркениеттің күш алып кетуінен қорыққан еуропалықтардың әрекеті бар.

Секталар: «Иегова күәгерлері», кришнаиттер, саентологтар, мунистер, баптистер. Олар дін жолын табыстың көзіне айналдырған. Күллі әлемді евангелиендіру саясатымен Америкадан әлемнің түкпір - түкпіріне мыңдаған миссионерлер жөнелтуде.
Секта - орталық шіркеу немесе мешіттен бөлектенген діни топ, қауым, бас пайдасы, жеке мүддесі үшін халықтан қол үзген топ.

Теріс бағыттағы діни ағымдардың мақсаты:
1. Басқа нұқсан келтіру, адамдарға деген жиіркенішті сезім тудыруды уағыздау.
2. Адам ойына үстемдік жүргізу.
3. Мемлекеттің, отбасының бірлігін, тыныштығын бұзу.
4. Халықтың патриоттық қатынастарын бұзу.
5. Мемлекеттің тәуелсіздігіне нұқсан келтіру және мемлекет заңдарына бағынбау.

Саентология деген не?
Олардың сырт көзге білінбестен гипнозбен, зомбыландыруымен адамда ішкі психологиялық сәттілік сезімі пайда болады. Сектаға тартылған адамдардың психологиялық күйі күннен күнге асқына береді. Саентология ілімдерін қолданатын бизнес - мектептері: «Дианетика», «Нарконон», «Кримиан», «Рубикон», «Перформия».

ІІІ. Дін және заң бөлімі. «Діни диверсияға құқықтық тосқауыл».
«Діни сенім бостандығы және діни бірлестіктер туралы» заңнан үзінді.
Зайырлықтың мына қағидаларын тұратынын көрсетеді
Мемлекеттік билікке діни бірлестіктердің араласуына жол бермейді.
Мемлекеттік органдар діни бірлестіктердің қызметіне заңсыз араласа алмайды.
Діни бірлестіктерге партия ретінде құрылуына жол бермейді.
Мемлекет діни бірлестіктерді қаржыландырмайды.
Белгілі бір дінді мемлекеттің білім дағдарламаларына арнайы пән ретінде енгізуге болмайды.
Білім беру орындарында дінтану пәндері танымдық негізде өткізілуі мүмкін.
«Даурс Салам» діни бірлестігінің еліміздегі іс - әрекеті сот шешімімен заңсыз деп танылып, бірлестік жұмысы тоқталды. Сондай - ақ «Грейс» евангелді - христиан миссионерлік діни бірлестігінің жетекшісі 14 жылға бас бостандығынан айырылды.

Дін және уақыт (қорытынды бөлім)
«Ел мен дін мұраты - ынтымақ пен бірлік»
Тоғыз інжу әдісі.
Теріс бағыттағы діни ағымдар . . .
Елдің тәуелсіздігіне қарсы бағытталған әрекет.
Әрбір адам абай болатын аса қауіпті бағыт.
Заманның жаңа ағымынан туындаған бағыттар.
Діни сауаты бар адамдардың мазасыздануына тұрарлық мәселе емес.

ІҮ. Міне, балалар бүгін біз теріс бағыттағы діни бірлестіктер туралы ой бөлістік. Енді сөз кезегін арнайы тәрбие сағатымызға шақырылған қонаққа береміз.
Ү. Абайдың «Алланың өзі де рас, сөзі де рас» өлеңін мәнерлеп оқу (Канафиянов Елдар)
ҮІ. Аймақтық компонент жерлес атамыз Мәмежанов Қ. Ш. «Ислам тағылымдары» кітабымен таныстыру.
ҮІІ. Ата - аналардың құрметіне «Асыл ана» әні.
ҮІІІ . Қорытындылау. Елбасының 2050 стратегиясынан үзінді.
Н. Ә. Назарбаев: Ендеше, бүгінгі ұрпақ та әлемдегі ең ізгі дін - ислам дінін қадірлей отырып, ата дәстүрін ардақтағаны абзал. Қазір кейбір сыртқы күштер жастарымызды ислам дінінің хақ жолынан адастырып, теріс бағытқа тартуға тырысады.
Мұндай ұлттың табиғатымызға жат келеңсіздіктерден бойымызды аулақ ұстауымыз керек.

Бабамның қанымен келген тәуелсіздік

Тақырыбы : «Бабамның қанымен келген тәуелсіздік!»

Мақсаты: 1. Оқушыларға қазақ халқының тәуелсіздік жолындағы ерлік күресі мен ғасырлар бойы басынан өткен қиыншылықтарын айта келіп, осы қиын жылдары елінің азаттығын, еркіндікті аңсаған ұлт зиялыларына тоқталу. Тәуелсіз Қазақстанның 21 жыл ішіндегі қол жеткен жетістіктерімен таныстыру.

2. Қаншама құрбандықпен қол жеткен тәуелсіздігімізді құрметтей, қастерлей білуге тәрбиелеу, Қазақстанның келешегі үшін аянбай еңбек етуге шақыру.

3. Оқушылар бойында отансүйгіштік-патриоттық сезімдерін тәрбиелеу.

Көрнекілігі: Қазақстан республикасының картасы, Еліміздің туы, Елтаңбасы мен Әнұраны, Отан, туған жер туралы нақыл сөздер, буклеттер.

Техникалық құрал: мультимедиалық қондырғы.

Барысы:

Мұғалім: Бүгінгі тәрбие сағатымыз Қазақстан Республикасының тәуелсіздік мерекесіне арналады. 1991 ж. 16 желтоқсанда Тәуелсіздік Декларациясы қабылданып, Қазақстан өзін тәуелсіз ел ретінде жариялады. «Тәуелсіздік - ата-бабам аңсаған» атты тәрбие сағатымыз халқымыздың тәуелсіздікке жету жолындағы ерлік күресі мен қазіргі Қазақстанның жетістіктеріне арналады. Тәрбие сағатымызды төмендегі жоспар бойынша жүргіземіз:

1. Кіріспе.

Тәуелсіз ел- Қазақстан.

2. Тәуелсіздік жолында күрескен тұлғалар.

3. Тарихи оқиғалар тізбесі.

4. Тәуелсіздік алғаннан кейінгі қол жеткізген жетістіктер.

5. Қорытынды.

Тарихқа көз жүгіртсек, қазақ - нағыз батыр халық екенін мойндайсың. Жүгі нарда, қазаны теңде болып, көшіп -қонып өмір сүрген ата-бабаларымыз үш нәрсені бойтұмардай сақтап қадірлеген. Ол ел мен жер және ана тілі. Қандай халық болмасын осы үшеуінсіз егемен ел екенін дәлелдей алмайсың. Ал енді біз халқымыздың сан ғасырлар күресіп армандап жеткен Тәуелсіздік жолын жырлайық.

1-жүргізуші:

Армысыздар, Отандастар!

2-жүргізуші:

Қайырлы күн, қымбатты қонақтар, ұстаздар, ата-аналар, оқушылар!

1-жүргізуші:

Еліміздің тәуелсіздік алуы - халқымыздың тарихында жаңа дәуірдің бетін ашты, бүкіл қоғамдық өмірімізге жаңа леп, серпін ала келді. Ол-баршамыз бейбіт өмірде, еркіндікті аңсаған ақ ниет, ақ тілеумен өзіміз тіккен ортақ шаңырағымыздың тәуелсіздігі.

2-жүргізуші:

Шаттық нұры шашылып зеңбіректен

Шуағын күн төгнді енді көктен.

Шылбыр үзді даланың арғымағы,

Тәуелсіздік жалауын желбіреткен.

Дүбір қосып өзіңдей сәйгүлікке

Ақ боз аттың алдынан жанды үміт те.

Ту ғып ұстап аңсаған азаттықты,

Қазақстан бет алды мәңгілікке!

Ұқсас жұмыстар

Біздің болашағымыз өзіміздің қолымызда

Тақырып Менің Отаным - Қазақстан