Ата заңымызды ардақтайық

Сабақтың тақырыбы: «Ата заңымызды ардақтайық».
Сабақтың мақсаты: Оқушыларды 1 қыркүйек – Білім күнімен құттықтап,
Қазақстан Республикасының Ата Заңын, заңдарын
білуге, оларды құрметтеуге, шақыру, баулу,
Конституциямыздың маңыздылығы туралы мағлұмат
беру.
Дамытушылығы: Оқушылардың туған халқына, Ата заңымызды білуге деген сана-
сезімдерін, қабілетін қалыптастыру.
Тәрбиелілігі: Білімділікке, адамгершілік ізгі қасиеттер мен ар-ождан
бостандығына адалдық пен мейірімділікке баулу
арқылы құқықтық тәрбие беру.
Көрнекі құралдар: Қазақстан Республикасының Президенті Н.Ә.Назарбаевтың
портреті, Әнұран мәтіні, бүктеме, Елбасы жолдауы,
конституцияға арналған кітап, газеттер.
Сабақ барысы: 1. Ұйымдастыру кезеңі.
2. Қазақстан Республикасының Әнұранын орындау.
3. Мұғалімнің құттықтау сөзі.
4. Ата Заңымыз, конституциямыз туралы түсінік беру.
5. Сұрақ – жауап.
6. Өз ойлары бойынша пікірталас.

1 қыркүйек – Білім күні. Бүгін міне, кешегі сәби бүлдіршіндер мектеп
табалдырығының алғашқы сатысын аттағалы тұр. Оқушы қатарына қосылған ұл мен
қыз, тәуелсіз еліміздің саналы азаматы болады деп ойлаймыз.
Алты жасқа толған әрбір баланы,
Мектеп ана құшағына алады.
Алғаш келіп отырғанда-ақ партаға,
Басталады Бейбітшілік сабағы.
Бейбітшілік сабағынан басталып,
Бейбіт өтсін мектептің бар сабағы – деп алғашқы қоңырау үнімен мектеп
ана есігі тағы да біздерге айқара ашылды.
Сендерді жаңа оқу жылының басталуымен құттықтай отырып, бүгінгі
бейбітшілік сабағына сөзімізді бұрайық.
Бостандықта болғың келсе заңның құлы бол.
Ең күшті мемлекет қана азаматтардың бостандығын қамтамасыз етеді. (Жан
Жак Руссо)
Осы сөзде үлкен мән-мағына жатыр. Жас мемлекетіміздің он жылдан астам
тарихын ой сарабынан өткізер болсақ, әу баста қабылдаған «Қазақстан
Республикасының мемлекеттік тәуелсіздігі туралы» Конституциялық заң, Ұлттық
валютамыздың, жекеменшік институтының енгізілуі, ядролық сынақ полигонының
жабылуы, Қазақстан Республикасының Біріккен Ұлттар ұйымына мүше болуы,
Елорданың арқа төсіне көшірілуі секілді қадау-қадау оқиғалармен бір сапта
1995 жылы 30 тамызда Ата Заң конституция қабылданды.
Әрбір азамат өз елін сүюге, қастерлеуге міндетті. Өз елінің рәміздерін
құрметтеу керек, Әнұранын жатқа айтып, олардың тарихын, авторларын білу
керек. Көк ту авторлары: Жандербек Нәлібаев пен Шотаман Уәлихан. Әнұран
авторлары Мұзафар Әлімбаев, Қадыр Мырзалиев, Тұманбай Молдағалиев, Жадыра
Дәрібаева.
Қазақстан Республикасының әрбір азаматы Қазақстан Республикасының
конституциясын сақтауға, абыройы мен ар намысын құрметтеуге міндетті.
Оқушыларға қойылатын талаптар:
1. Желтоқсан оқиғасы қашан болды және ол оқиғаның Қазақстанның
егемендігін алудағы маңызы?
2. Қазақстан Республикасы қандай мемлекет?
3. Нағыз азамат деп бойында қандай қасиеті бар адамдарды айтамыз?
4. Абай «Білім таппай мақтанба» өлеңінде қандай қасиеттерді
игеруді меңзейді?
5. «Бейбітшілік» деген сөздің ұғымын қалай түсінесің?
Конституцияның даму тарихы мынадай жолдардан өтті:
1. 1926 жыл 18 ақпан
2. 1937 жыл 20 наурыз
3. 1978 жыл 28 қаңтар
4. 1993 жыл 28 қаңтар
5. 1995 жыл 30 тамыз
Конституцияның тағы бір маңызды ерекшелігі – ол, бір жағынан,
мемлекеттің, ал екінші жағынан қоғамның негізгі заңы болып табылады.
Конституцияның Қазақстан халқы қабылдады. Онда халықтың еркі
білдірілген.
Қазақстан Республикасы Конституциясының ең жоғарғы заңдық күші бар.
Қазақстан Республикасы өзін демократиялық. Зайырлы құқықтық және әлеуметтік
мемлекет ретінде орнықтырады; оның ең қымбат қазынасы – адам және адамның
өмірі, құқықтары мен бостандықтары.
Қорытынды.
Азаттыққа жету бар да оны ұстап қалу бар. Оны ұстап қалу үшін,
тәуелсіздікті баянды еті үшін қуатты білім керек. Мәдениетті сақтаушы, әрі
оны келер ұрпаққа жеткізуші басты құрал білім болып табылатындықтан білім
беру ісін реформалауда көптеген іс-шаралар жасалынуда.
Мемлекеттің білім беру саясатының тұжырымдамасы бекітілді. 1995 жылы
биліктің болашаққа жетелер басқару нысанын жасап, алдағы ұзақ жылдарға өсіп
- өркендеу бағытымызды айқындап алған ерекше де елеулі оқиға ретінде жаңа
Конституциямыз қабылданды. Егер де ел боламыз десек, бірінші сыныпқа барған
балалрымыздан бастап, үлкенімізге дейін Ата Заңымызды оқып-үйренуге,
мүлтіксіз орындауға тиіспіз.