Cұйықтар. Сұйықтың негізгі қасиеттері. Булану және конденсациялану. Компьютерлік графикадағы логика

№27 ЖАЛПЫ БІЛІМ БЕРЕТІН ОРТА МЕКТЕБІ

Cұйықтар. Сұйықтың негізгі қасиеттері. Булану және конденсациялану. Компьютерлік графикадағы логика.

(физика және информатика пәнінен кіріктірілген ашық сабақ )

Физика пәнінің мұғалімі:

Смагулова К. А.

Информатика пәнінің мұғалімі:

Ахметова М. С.

ҚАРАҒАНДЫ -2010

Қарағанды қаласы, Қазыбек би ауданы, №27 жалпы білім беретін орта мектебі.

Физика және информатика пәнінен кіріктірілген ашық сабақ, 12-жылдық эксперименттік сыныбында

Физика пәнінің мұғалімі: Смагулова К. А.

Информатика пәнінің мұғалімі: Ахметова М. С.

Сынып: 8

Сабақтың тақырыбы : Cұйықтар. Сұйықтың негізгі қасиеттері. Булану және конденсациялану. Компьютерлік графикадағы логика.

Сабақтың мақсаты:

Білімділік : Дәстүрлі емес сабақ түрлерінде оқушылардың белсенділігін арттырып, өзіне-өзі баға беруге, өз жетістіктерін сезініп, әлсіз жақтарына сын көзбен қарауға үйрету.

Дамытушылық : Алған білімдерін әртүрлі жағдайда қолдана білуге дағдыландыру. белсенділігін көтеруге, ойлау қабілетін арттыруға өз ойын жүйелеуге, тез шешім қабылдауға, ұқсастықты қарама-қайшылықты байқауға дағдыландыру.

Тәрбиелік : Оқушылардың білімге деген қызығушылықтарын арттыру өздігінен жеке және шығармашылықпен жұмыс істеуге тәрбиелеу.

Сабақтың түрі : кіріктірілген сабақ

Көрнекілігі : Интерактивті тақта, компьютерлер, тестер, флипчарт.

Сабақтың барысы :

І Ұйымдастыру кезеңі

ІІ Жаңа сабақ

Сұйықтар. Сұйықтың негізгі қаситтері. Булану және конденсациялану. (демонстрация: )
Компьютерлік графикадағы логика.

ІІІ Практикалық жұмыс

3. 1 Жұғу және жұқпау, булану және конденсация құбылыстарын Paint сурет салу редакторында сурет салу. ЖӘНЕ логикалық операциясын қолдану арқылы.

ІV Есеп шығару

4. 1 Физика пәні бойынша 2 есеп шығару

4. 2 Информатика пәні бойынша 2 есеп шығару

V Жаңа сабақты бекіту

5. 1. Тірек сызба сызу.

VІ Тест

6. 1. Физика пәні бойынша 5 сұрақ

6. 2. Информатика пәні бойынша 5 сұрақ

VІІҮйге тапсырма

6. 1 «Булану және конденсация құбылыстарын» тұрмыста қолданылуына эссе жазу; №324; 325; 322; 320.

6. 2 Екі фото суретті біріктіру.

Сұйықтар. Сұйықтың негізгі қасиеттері. Булану және конденсациялану.

Сұйық бөлшектерінің орналасуы қатаң тәртіппен орналасқан қатты дене бөлшектерінің орналасуынан айтарлықтай айырмашылығы жоқ. Сұйық бөлшектерінің арасында оларды бірінің қасына бірін ұстап тұратын, белгілі бір өзара әсер күштері болады. Сондықтан да сұйықты сығу қиын, сұйық өзінің көлемін өзгерте алмайды. Бірақ сұйықтың барлық көлемі нақты қатаң тәртіп сақтамайды. Бөлшектер басқа бөлшектермен қоршалып қысылады да, ол «бір орында тыпырышып тұрады».

Көрші бөлшектермен соқтығысып, тепе-теңдік қалпының маңайында тербеледі. Олар әлсін-әлсін «құрылған тордан» секіріп шығады, бірақ сол мезетте-ақ көрші бөлшектерден түзілген жаңа «торға» түседі.

Сұйықтың қасиеттері . Сұйықтың қатты дененің бетіне жұғатынына және жұқпайтынына көз жеткізейік. Параграфтың басында қойылған сұрақтарға жауап іздеп көрейік. Сынапты, суды және шыны пластинканы алып, тәжірибе жүргізейік. Таза шыны пластинкаға жіп бекітеміз. Осы пластинканы ретімен екі түрлі

Булану және конденсациялану

Сұйықтың буға айналу құбылысы булану деп аталады. Оның газтәріздес (бу) күйге айналынуының екі тәсілі бар: кебу және қайнау.

Сұйықтың бетінде болатын булану құбылысы кебу деп аталады. Сұйық ішінде кез келген температурада оның сыртына ұшып шығып кете алатын жеткілікті түрде жоғары жылдамдықпен қозғалатын белгілі бір молекулалар саны болады. Демек, булану кез келген температурада жүре береді.

Булану жылдамдығы температураға тәуелді: сұйықтың температурасы неғұрлым жоғары болса, булану соғұрлым тезірек жүреді.

Өзінің сұйығымен динамикалық тепе-теңдік тұрған бу қаныққан бу деп аталады.

Сондықтан сұйықта қалған молекулалардың орташа кинетикалық энергиясы да азаяды. Демек, буланатын сұйықтың ішкі энергиясы азаяды. Ал егер сырттан энергия келмесе, буланатын сұйық суиды.

Енді булануға кері процесті қарастырайық. Будың сұйыққа айналу құбылысы конденсация деп аталады (латын конденсаре - «қойылту» деген сөзінен шыққан) .

Компьютерлік графикадағы логика

Пиксельдерді қосу-өшіру жағдайында тұрған логикалық нысан ретінде қарастыруға болады. Қосылып тұрған пиксель алдыңғы планның түсіне, ал өшіріліп тұрғаны - фон түсіне ие болады.

Кескіндер инверсиясы (ЕМЕС операциясы)

Бұл оперция нәтижесінде қосылып тұрған пиксельдер өшіріледі де және керісінше болады.

Егер кескіндер түрлі түсті болса, онда әрбір пиксельдің түсі оны бейтарап түске дейін толықтыратын басқа түспен: қызыл көгілдірмен, көк сары түсімен және т. б. алмастырылады. Яғни, инверсия нәтижесінде кескін өз негативіне айналады.

Кескіндерді тоғыстыру (НЕМЕСЕ операциясы)

Нәтижелік кескіндерде бірінші немесе екінші, не екі кескінде қосылып тұрған пиксельдер қосылады. Осылай қарапайым фотомонтаж орындалады.

Кескіндерді бүркеу (ЖӘНЕ операциясы)

Егер кескіндерді тоғыстыру кезінде нысандар бірінің үстіне бірі салынса, онда олардың қайсысы бақылаушыға жақын тұрғанын байқау мүмкін емес.