Уақытты анықтау не үшін қажет

Психологиялық ахуал:

Шырылдады қоңырау,

Біз сабақты бастаймыз.

Табыс тілеп тек қана

Өзара көз тастаймыз.

Жаңа білім алуға

Алға қадам аттаймыз.

(Ұ) Белсенді оқытудың «Нұсқау беру және айту» әдісі. «Сұрақ-жауап» тәсілі

- Негеш пен Эврика қалай демалмақшы?

- Олар сапарға қандай көлік түрімен барады? Ол қанша уақыт алмақшы?

- Сапаржайдағы карта мен жазуға қараңдар. Біздің Негеш пен Эврика қай жерден қайда барады?

Бағалау: Сұраққа нақты жауап берген оқушыға- «Жарайсың», «Бұл - жақсы жауап», «Сен жетістіктерге жетудесің!» -деп мадақ сөздер айту

(Ж, қ) Қалыптастырушы бағалау тәсілі.

"Ойлан-жұптас-бөліс" тәсілі.

Суретке мұқият қараңыз. Оқушы күн тәртібінің кестесін не үшін жасады деп ойлайсыз? Күн тәртібін сақтау не үшін қажет? Сіз бос уақытыңызды қалай пайдаланасыз?

Жұпта ой бөлісіңіз.

Бағалау критерийіне жасалған дескрипторға сүйене отырып бағалау, сонымен қатар күлегештер беру.

(Т) Белсенді оқытудың «зерттеу және зерделеу» әдісі. «Біз бақылаушымыз»тәсілі.

1) Саралаудың «қарқын» тәсілі.

Оқушылар Негеш пен Эврика табиғат аясына саяхатқа шыққанда зерттеу жүргізген, ол қандай зерттеу екенін табу үшін мына алдарыңдағы конвертті ашып қараңыздар?

Оқушылар алып қарайды.

Қиынды суреттерден гүл құрастырып, зерттеу жүргізеді.

Негеш пен Эврика нелерге зерттеу жүргізген?

Гүлдердің өсуіне қанша уақыт қажет екенін анықтаймыз. (болжау арқылы)

Ол үшін біздер бақылаушы ойынын ойнаймыз.

1-топ Ыдыста өсіп тұрған тұқым түрін табады. (қияр, асқабақ, гүлдің тұқымы)

2-топ Гүліміз жақсы болып өсу үшін қажетті заттарды табады. (топырақ, су, жарық, саз, лай, )

3-топ Ыдыстағы гүлдің өсіп шығуына қанша уақыт кететінін анықтайды. (1жыл, 1ай, 1күн, 1минут, 1сағат)

Бағалау: топтар берген жауаптарына байланысты, бір -бірлерін жест (іс-қимыл бас бармақ) тәсілі арқылы бағалайды.

Сағат түңгі бір (ұйықтайды)

Сағат таңертеңгі сегіз (оқушы болып отырады)

Сағат түскі он екі. (тамақ ішіп жатқан сияқты қимыл көрсетеді)

Сағат кешкі алты (сабақ оқып отырады)

Сағат түсқайтадағы үш. (теледидар көреді немесе ойнайды)

(Ж) «Белсенді оқытудың «Бекіту және қолданысқа енгізу» әдісі. «Анықта»тәсілі (2) Саралаудың «дереккөздер» тәсілі.

Қандай сағаттың көмегімен уақытты дәл анықтауға болады?

1-топ Құмсағатпен өлшейді

2-топ Механикалық сағатпен өлшейді

3-топ Электрондық сағатпен өлшейді

Топтар қандай сағат түрін қолданатынын ауызша айтып өту. Қай топқа қандай сағат түрі айтылса, соны өздері танып тауып алу керек.

Әр топтан үш оқушы таңдалынып алынады. Жүгіріп өткен оқушының уақытын басқа оқушылар белгілеп, жазып тұрады. Эксперимент аяқталғаннан кейін қай сағат түрімен анықтаған дұрыс екеніне қорытынды жасайды. Топта талқылайды.

Ортақ сұрақ: Жүгіріп өткен уақытты құмсағаттың көмегімен анықтауға бола ма? Неге?

Қорытынды: құмсағатта циферблат жоқ болғасын арақашықтықтағы уақытты анықтау қиын болады. Механикалық, сағаттардың көмегімен дәл анықтау қиын. Ең ыңғайлысы электрондық сағат деген қорытынды жасаймыз.

Бағалау: Сағат түрлерін ажырата алған оқушыларды, күліп тұрған күлегештер арқылы бағалау.

Ойын еркін жеткізе білген оқушыларды жұлдызша арқылы бағалау.

Белсенді оқытудың «Рефлексия және бағамдау» әдісі. «Кеш - ерте» тәсілі. (3) Саралаудың «қорытынды» тәсілі.

Ағаш алғашында қандай болды? Ол қалай өсті?

Суреттерді дұрыс ретпен нөмірле.

Бірінші және соңғы суреттер арасында қанша уақыт өтті деп

ойлайсың?

Жаз

Бағалау: Дұрыс орындаған оқушыларды күлегештер арқылы бағалау.

(Ж) Белсенді оқытудың «қортынды шығару және есте сақтау» әдісі. «Сәйкестендір» тәсілі.

Уақыттың өлшем бірліктерін ең кішісінен бастап өсу ретімен нөмірлеңіз. Олардың қайсысы сағаттың көмегімен анықталады? Қайсысы күнтізбенің көмегімен анықталады? Сызық арқылы қосыңыз.

Бағалау: оқушылар тапсырманы толық орындап болған соң, дұрыс жауапты мұғалім айтып өтеді. Барлығын дұрыс орындаған оқушының қолына жұлдызша жабыстырып беру.