Қай вагонға мінемін

Қай вагонға мінемін

Мақсаты: Сандарды айыра білу, таңбаларды тани білу, логикалық ойлау
қабілеттерін дамыту
Көрнекіліктер: Тепловозға нөмірлеп тіркелген сандар орналасқан өрнектерді
жазып көрсету.
Шарты: Алдарына сан өрнектері жазылған үлестірмелі карточкаларды тарату.
1+4, 9-4, 2+3, 10-5 т.б. Олардың мәні балалар мінетін вагонға сай. Мысалы:
5 вагон өрнектің саны 5 тең бала, сан вагонға ілесіп тіркелуі керек.

Қалт етпей қағып ал, жауабын тауып ал

Балалар дөңгелене тұрады. Ортада тұрған тәрбиеші « Қалт етпей қағып ал,
жауабын тауып ал» 3 және 2 десе, допты ұтқан бала 3 және 2 тең 5 деп, допты
тәрбиешіге кері лақтырады.

Көп-аз, бір

Көрнекіліктер: үлестірмелі заттар 10
Шарты: Әр балада 10-10 нан карточкалар және түрлі заттар.
Үлестірмелі заттарды пайдалана отырып тәрбиеші «көп» десе 8-10 зат, ал «аз»
десе 2-3 зат, ал «бір» десе 1 зат көрсетеді.

Көрші-көрші

Көрнекіліктер: 1 ден 10 ға дейінгі жазылған карточкалар
Шарты: Тәрбиеші бір санды атайды. Мысалы: 7 дейді. Омырауына 7 тығылған
бала ортаға шығады. Бұл санның көршісі қатарына шығайық. Оның қатарына 6
және 8 деген карточкалар тұрады.
Одан соң 6-7 сандары салыстырылады: 6 былай дейді «6 ға 1 қосса 7 болады, 6
саны 6 бірліктен тұрады. Басқа сандарда осылай сипатталады.

Қапшықтан неше ойыншық алдың

Мақсаты: Балаларды заттардың санын анықтауға, қолмен сипап сезе білуге
үйрету.
Көрнекіліктер: Әр балаға ішіне жаңғақ, ұсақ тастар, түймелер т.б салынған
қап берілуі тиіс.
Шарты: Тәрбиеші балаларға қолмен саусақпен сипап сезу арқылы қапшықтан 4
зат алуды тапсырады. Балалар тапсырманы орындау үшін қапшықтан заттарды
алып, стол бетіне санап қояды. Қателіктерін тексереді. Кім дұрыс жасаса сол
жеңімпаз болады.

Үй тұрғызайық

Мақсаты: Балаларға заттарды салыстырып, үлгіге қарап керекті нәрсені таңдай
білуге үйрету.
Көрнекіліктер: Әр балада үлкен-кіші үй бөлшектері.
Шарты: Тәрбиеші балаларға ағаш ұстасының үлкен-кіші 4 үй тұрғызатынын
айтып, үй мен оның бөліктері арасындағы кеңістік қатынастарды анықтайды.
Балалар табылған бөліктерден үлгіге қарап салыстырып көріп, оларды
тұрғызылатын үйдің тиісті жеріне қояды. Балалар тапсырманың орындалуын
өздері бағалайды, үздік ағаш ұстасын атайды.

Бұл қандай құс

Мақсаты: Құстарды ерекшелігіне қарай сипаттай білуге үйрету.
Шарты: Жүргізуші қарлығаш пен тоқылдақтың суретін көрсетіп, әрқайсысының
ерекшелігін, қандай ұқсастықтары бар екенін айтып беруді сұрайды.

Көкөністер

Мақсаты: Балалардың көкөніс туралы түсініктерін тексеру, дәміне және түр
түсіне қарай ажырата білуге үйрету.
Көрнекіліктер: Жуылған жас көкөністер
Шарты: Тәрбиеші кезек-кезек балаларды тақтаға шақырып, көкөністер салынған
ыдыстан кез-келгенін қолына алып атын, түрін, түсін, формасын сипаттап
айтуды талап етеді. Балалар ұзын, сопақша, домалақ, сары, қызыл, күрең т.б
сөздер қолдануы керек. Ойын соңында тәрбиеші көкөністердің адам
денсаулығына пайдасын айтады.

Қай жануар қайда мекендейді?

Мақсаты: Жануарларды ұқсас белгілеріне қарай табу, олардың мекен-жайын
анықтау.
Ойынның шарты: Ойыншыға тасты беріп, жнануарларды суреттеу арқылы қай
жануар екенін дұрыс таба білу.
Ойынның шарты: Жүргізуші балаларды ойынның мазмұнымен таныстырады.
Естеріңде ме, балалар , біз суреттеу арқылы екі заттың ұқсастықтарын тауып
үйренгенбіз. Бүгін біз былай ойнап көрелік. Әркім екі жануарды көз алдына
елестетіп, олардың бір-бірінен айырмашылығы мен ұқсастығын суреттеп береді.
Біз жауабын тауып, қайда мекендейтінін айтамыз. Мен қолымдағы тасты кімге
берсем, ол жұмбақтайды. Тасты алған бала жұмбақтауы мүмкін. Екі жануарда
жылдам қимылдайды. Біреуі сұр түсті, ал екіншісі сары түсті. Біреуі
тауықтарды жақсы көреді, өзң сондай қу, ал екіншісі малға шабады, өзі
қорқау. Бұлар қандай жануарлар қайда мекендейді? Деп тасты екінші балаға
ұсынады. Ол жауабын айтады. Жауап дұрыс болмаса, айыбы төленеді. Ойынды
осылай жалғастыра беруге болады.