Сабақ жоспары :: Әртүрлі

Файл қосу

Үй жануарлары туралы түсінік беру

Технологиялық картасы

Күні:
Топ: Дайындық
Білім бөлімі: Қазақ тілі
Тақырыбы: <<Үй жануарлары>>
Мақсаты: Үй жануарларының туралы түсінік беру.
Міндеттері:
Білімділік: Үй жануарларының адамдарға беретін пайдасы туралы білімдерін толықтыру.
Дамытушылық:үй жануарларының өзгешеліктеріне қарай бір-бірімен салыстыра білу қабілеттерін, тақпақтарды қайталай отырып және сұрақ-жауап арқылы тіл байлықтарын дамыту.
Тәрбиелік: үй жануарларына қамқор болуға, оларды күте білуге тәрбиелеу.
Көрнекілік құралдар: Үй жануарларының суреттері
Сөздік жұмысы: үй жануарлары, хайуанаттар, төрт түлік мал, сиыр, қой, жылқы,ешкі, түйе.

Іс-әрекет кезеңі
Тәрбиешінің іс-әрекеті
Балалардың іс-әрекеті
І кезең- мотивациялық- қозғаушы
- Ал енді балалар, көзімізді жұмып көз алдымызға өрістегі төрт түлік малды елестетейік. Таңертең жайлауда қой, сиыр, жылқылар жайылып жүр. Айнала тып- тыныш. Алыстан қозының маңырағаны, бұзаудың мөңірегені, құлыншақтардың дауысы естіліп қояды. Сол сәтте төлдердің енелері жан - жағына қарайды, бірақ төлдері көрінбейді. Енді жылқы жануарына мініп, өрістегі малды ауылға қайтарамыз.
(Ақырын көзімізді ашамыз).
Балалар көз алдарыңа қандай жануарларды елестеттіңдер?
Қой, сиыр, жылқы.Дұрыс айтасыңдар балалар бүгін біз оқу іс - әрекетімізде үй жануарларымен танысамыз.

Амандасады.

Балалар қойдың, сиырдың, жылқының суретіне қарап көз алдарына елестетеді.

Балалар берілген сұрақтарды ұқыпты тындап дұрыс жауабын айтады.
ІІ кезең-ұйымдастырушылық-
ізденушілік

1. Ендеше балалар, бүгін біздер үй жануарлары туралы әңгімелесеміз. Мұғалім үй жануарлары туралы әңгімелейді.
2. Қазір мен сендерге осы үй жануарлары туралы Міржақып Дулатовтың <<Үй жануарлары>> атты әңгімесін оқып беремін, ал сендер мұқият тыңдап отырыңдар.
<<Үй жануарлары>> М. Дулатов
<<Жылқы, түйе, сиыр, қой, ешкі, ит, мысық, адамның үйінің маңайында тіршілік етеді. Сол үшін үй жануарлары деп аталады. Үй хайуанаттары адамға көп пайда келтіреді. Жылқыға мінеді, оны арбамен шанаға жегеді, сүтінен қымыз ашытады. Семіздерін қысты күні соғымға сояды, терісін сатып ақша қылады. Түйеге жүк артады, жабағысы (шерсть), яғни жүні, күпіге жақсы болады, сатса, жүні пұл болады. Сиыр мен қой адамдарды етімен, сүтімен асырайды. Ит қасқыр мен ұрыдан сақтап қора күзетеді. Осылардың бәрі тегін қызмет етпейді. Олардың қызметі үшін адам асырайды, бағады, қысты күні аяздан тоңбайтын жылы қора жасайды, ұры, бөріден сақтау үшін бақташы қояды>>.
- Сонымен үй жануарлары адамның жанында өмір сүреді, оған адам қамқорлық жасайды, күтеді, тамағын, суын береді, ал сол үшін жануарлар адамға өз пайдасын көрсетеді екен.
Балалар, қандай үй жануарларын білесіңдер, кәне атай қойыңдаршы?
- Үй жануарларының төлдерін білесіңдер ме? Кім айтады?
- Керемет бәрін таптыңдар, Қандай ақылды балаларсыңдар.
3. Сергіту сәті
Ешкі, түйе сөзімен сөз тіркес құрату.

Балалар сұрағына жауап береді.

Балалар сергіту сәтін қимылымен орындайды.

Балалар сөз тіркестерді құрайды.

Балалар аңдардың қиылған суреттерін құрастырады

Балалар сұрақтарға нақты жауап береді.

Балалар сөз тіркестерін құрайды.
ІІІ кезең- Қорытынды рефлексивтік- түзету
Мұғалім балалармен оқу іс - әрекеті барысынан алған әсерлері туралы еркін әңгіме жүргізу арқылы сабақты қорытындылайды.
4. Ал қазір біз жануарлардың адамға қандай пайдасы бар екенін еске түсірейік. Кәне бастайық- Мынау қандай жануар? - Балалар сендер қандай үй жануарларын білесіңдер?
Балаларды мадақтау.
Бүгінгі сабағымызға қатысқандарыңызға рахмет.

- Балалар бүгін сендер үй жануарлары жайлы білдіңдер.

Кәне қоштасайық. Келесі кездескенше!
-Сау болыңыздар!
-Сау болыңыз, мұғалім.

Балалар берілген сұрақтарды. ұқыпты тындап дұрыс жауабын айтады.

Балалар жабайы аңдар туралы өз пікірлерін айтады.

Есеп
+
-

Есеп
+
-

Күтілетін нәтиже
Балалар үй жануарларын, олардың төлдерін атауды білу керек;
Үй жануарларының адамға пайдасын, оларды күтуде адамдардың еңбегін
керек;
Жануарларға сүйіспеншілік сезіммен және қамқорлықпен қарауды меңгеру керек.

Ұқсас жұмыстар
Тақырып - Үй жануарлары мен үй құстары
Үй жануарлары мен үй құстары
Төлдер қалай дыбыстайды
Таулы жер өсімдіктері мен жануарлары.
Дала өсімдіктері мен жануарлары
Пайдалы қазбалардың қасиеттерін анықтау
Түйенің төлі бота
Тіл дамыту тақырыбы: үй жануарлары (мектеп алды даярлық сыныбы)
Үй жануарлары жайлы
Төрт түлік және оның төлдері
Пәндер