Сабақтың мақсаты

Қазақ тілі және әдебиет пәнінің мұғалімі
Нұрсұлтанова Нұргүл Бегайдарқызының
мектептегі тәжірибе кезеңіндегі сабақтардың талдауы

Бұл сабақтар <<Мемлекеттік стандартқа>> негізделген оқу бағдарламасында көрсетілген, күнтізбелік-тақырыптық жоспарға сәйкес оқушылардың жас ерекшеліктерін ескере отырып жасалған. Аталған сабақтардағы қолданылған әдіс-тәсілдер мен тапсырмалар, жаттығулар оқушылардың танымы мен жас ерекшеліктеріне лайықталып әзірленген.

Сыныбы: 3 <<В>>
Сабақтың тақырыбы: Менің отбасым.
Сабақтың мақсаты: Өздеріне қажетті ақпараттарды таңдай білуге үйрету, сыни тұрғыдан ойлай отырып, шешімге келе білуге жетелеу, мағыналы түйін шығара білуге үйрету

1. Мақсат қалай қойылған? Неге негізделген?

Сабақты жеті модуль идеяларын негізге ала отырып құрдым.
Сабақта <<Білім беру мен білім алудағы жаңа тәсілдер>> негізінде диалог арқылу оқыту тәсілін қарастырдым. Себебі диалог негізінде білім беру мен білім алу оқушылардың өзара сұқбаттасуы және мұғалім мен оқушы арасындағы диалогтік шәкірттердің өзіндік ой пікірін жүйелеуі мен дамытуына көмектесетін амал екенін меңзейді. Сабақ мақсаттары сыни тұрғыдан ойлау деңгейлері бойынша қойылды, яғни бұл саналы мағынаны іздеу; өзінің көзқарасының қандайлық болуымен, басқалардың да пікірін ескеріп, қандай да объективті ойлау және қисыны бар өзіндік қате сенімінен бас тарта білу. Сыныпта жақсы психологиялық ауа райын орнаттық. Балаларға жасыл, сары, көк жетон таратылып, түстер бойынша топ құрдық. АКТ-ның көмегімен <<Альтернативті сауал>> (дұрыс немесе бұрыс пікірлер) . Сұрақ-жауап.

- Мынау кім?
- Отбасында кімдер бар?
- Әкең, шешең қайда жұмыс істейді?
- Сенің атаң, әжең бар ма?
- Олар кімдер? деген сұрақтар қоя отырып, берген жауаптарына қарап тақырыпты түсінгендіктерін байқадым.
<<Білім беру мен білім алудағы жаңа тәсілдер>> модулін және <<сыни тұрғыдан ойлауға үйрету>> модулін қолдану мақсатында <<аралас берілген мәтіннен тақырыпқа сәйкес жаңа мәтін құрау>> әдісін пайдаланып, тапсырма бердім. Берілген тапсырманы әр топ

қызығушылықпен белсенді орындады. Топ жетекшілері жұмысты ұжымда қорғау үшін бір оқушыны тағайындады. Юляның тобы берілген тапсырмаларынан қате жіберген. Женяның тобы берілген тапсырманы орындауда аз жұмыстанған. Ал Настяның тобы өздеріне берілген тапсырмаларын тыңғылықты дер кезінде ұйымшылдықпен орындап шықты.
Сабақты қорытындылау кезінде <<Үшеудің ережесі. Үшеуінен сұра, содан соң ғана менен>>, әдісін қолдана отырып, топ басшылары сынып алдында өз жұмыстарын қорғап, өз-өздерін бағалады.Оқушылардың алдарындағы көк конвертте геометриялық фигуралардың қиқымдары жатыр. Осы қиқымдағы сұрақтардың дұрыс жауабын таба отырып, жауап парағындағы фигураның пішінін шығару арқылы балалар өзін-өзі бағалап шықты.
Сабақ соңында балалар өздерінің көңіл-күйлерін , ұсыныстарын білдіріп жатты, жаңа әдістермен жұмыс жасағандарын, бұл сабақ бұрынғы сабақтардан өзгеше болғандығын және оларға топтық жұмыстың ұнағандығын айтқан. Сабақтар үнемі осылай ерекше өтсе екен деп ұсыныстарын да білдірген.

Балалар не үйренді?
Сыныпта балалар топпен жұмыс істеуге үйренді. Сыныпта балалар сызбаға немесе тірек схемаларына сүйене отырып, жұмыстарын жалғастырып, кластер құрап, өз ойларын жинақтай алды. Нәтижесінде балалардың өз күшіне деген сенімділіктері пайда болды.
Бұл сабақтардың жетістігі: оқушылар алған білімдерін сабақта, күнделікті өмірде пайдалана алады. Өзін-өзі реттеп, бағалауға мүмкіндік алды. Өз отбасы туралы әңгімелеуді үйренді.