Сұрақтарға жауап

І. Бақылау

(Оқу бағдарламасын анықтау: балалар нені оқып-үйренеді және сабақта жоспарланған жұмыс формаларының нәтижесінде қандай әрекеттерді игереді)

ІІ. Өткен тақырыптарды пысықтау

(сабақ басталмас бұрын оқушылар нені білетіндіктерін анықтау)

Үй тапсырмасын сұрауға деңгейлік тапсырмалар беріледі. А, В, С деңгейінде жаттығулар жазылған үлестірме материалдарын тарату.

«Миға шабуыл» стратегиясы бойынша сұрақтар беру.

І. А, В, С деңгейіндегі деңгейлік тапсырмалар:

А деңгейі.

1. Массасыы 445 г майды гидролиздегенде 426 г бір негізді қышқыл мен глицерин түзілген. Майдың формуласын табыңдар.
2. Майдың құрамында 1 моль пальмитин қышқылы мен 2 моль олеин қышқылының қалдықтары болса, оның формуласы қандай?

В деңгейі.

1. Көлемі 5000 л тығыздығы 0, 8 г/мл үшолеиннен қанша үш стеарин алуға болад, егер өнімнің тазалығы 65% болса?
2. Массасы 1, 780 кг майдың гидролизі нәтижесінде 170 г глицерин түзілді. Өнімнің шығымы қандай?

С деңгейі.

1. Массасы 2 т үшолеинді сутектендіру үшін қажет сутегін қанша көлем суды электролиздеп алуға болады, егер сутегінің ток бойынша шығымы 90% болса?

ІІ. Логикалық сұрақтар:

1. қатты және сұйық майлардың құрамында қандай айырмашылық бар?
2. маргарин мен майонез өндірісі майдың қандай қасиетіне негізделген?
3. сабынның кір жуғыш синтетикалық жуғыш заттардан қандай айырмашылығы бар?

Жазбаша түрде жеке орындайды.

1. Жеке жұмыс

1-саты: берілген сұрақтар бойынша ойлану және не біледі және не ойлайтынын жазу ұсынылады.

2. Жұппен жұмыс

2-саты: ақпаратпен алмасу.

3. Топпен жұмыс

3-саты: тиімді пайдалануға ұсыныстар береді.

Бағалау критерийлерінде келесілер ескеріледі:

Есептердің дұрыс жауабы, есеп шығару алгоритмі, орындалған тапсырманың деңгейі.

Берген жауаптарындағы ойдың дәлдігі, ойын химиялық тілде жеткізе білуі.

ІІІ. Негізгі сабақ

(оқушылардың жаңа тақырыпты оқып-үйренуіне көмек көрсету)

Дәптерлеріне жаңа тақырыпты жазғызу. Тақырып бойынша «Білемін - Білгім келеді - Білдім» кестесі таратылады. Алдымен оқушылар өз білімдерін биология пәнімен сабақтастыра отырып «Білемін» бағанын толтырады.

Ойлануға қосымша сұрақтар беріледі. Сабақтың мақсатына сәйкес «Білгім келеді» бағанын толтырады.

Кестенің алғашқы толтырылған екі бағанын негізге ала отырып глюкоза мен сахарозаның физикалық қасиеттері түсіндіріледі.

Топ бойынша мәтін таратылады, топта мәтінді талқылай отырып, талдайды.

Интерактивті тақтадан фотосинтез процесінің сандық бейнесі көрсетіледі. Бұл процесс жасыл өсімдіктер қатысында ғана жүретіндігіне тоқтала отырып, табиғатты қорғау және экологиялық проблемаларға назар аудару туралы айтылады. Сол бойынша топта флипчарт қорғау тапсырылады. Фотосинтез процесі - бейорганикалық және органикалық заттар арасындағы көпір тәрізді екеніне, табиғаттың бір тұтастығна тоқталу.

Қолданылуы туралы интерактивті тақтадан көрсетіледі.

Бекітуге пысықтау сұрақтары.

«Білемін - Білгім келеді - Білдім» кестесі:

«Ой қозғау» сұрақтары:

1. Глюкоза қай жерде кездеседі?
2. Глюкозаның қасиеттері туралы айтып бер?
3. Сахароза жөнінде естідіңдер ме?
4. Сахарозаның қасиеттері туралы еске түсіріңдер.

1. Көмірсулардың құрамы, химиялық қасиеттері.

Глюкозаның құрамында екі түрлі функционалдық топ бар:

1. Альдегидтік карбонил тобы (- С = О - Н)
2. Спирттік гидроксил тобы (- ОН)

Осыған байланысты глюкозаның екі жақты қасиеті сипатталады. ТТР, күміс-айна реакциялары көрнекі түрде көрсетілгенімен теңдеулері жазылмайды. Көмірсулар ретіндегі тек өзіне ғана тән реакциялары:

1. Спирттік ашуы
2. Сүт қышқылды ашуы теңдеулері жинақы түрде беріледі.

2. Көмірсулардың адам ағзасындағы маңызы, физикалық қасиеттері.

Эвристикалық әңгіме:

Глюкозаның ағзадағы маңызымен «Қант және адамның денсаулығы» мәтіні бойынша танысады.

3. Көмірсулардың алынуы:

Глюкозаның түзілуін биология пәнімен сабақтастыра отырып түсінеді.

6СО ₂ + 6Н ₂ О → С ₆ Н ₁₂ О ₆ + 6О ₂ ↑

Бұл поцесс жасыл өсімдіктер қатысында ғана жүреді.

4. Көмірсулардың қолданылуы.

1. глюкозаның ашуы нәтижесінде спирт алынады. Кондитер, тоқыма өнеркәсіптерінде, айна және жаңа жылдық шыршаға тағатын ойыншықтар өндірісінде қолданылады.

2. сахароза - негізінен қоректік зат, оны біз күнделікті асқа пайдаланамыз, суда жақсы ериді, ерітіндісі тәтті дәмді.

Бекіту сұрақтары:

1. Глюкоза тотыққанда қандай зат түзіледі?
2. Глюкозаның көп атомды спирттерге жататындығын қандай реакция көмегімен анықтауға болады?
3. Сахароза гидролизденгенде қандай моносахаридтер түзіледі?