3-сынып (орыс бөлімі) қазақ тілі мен музыка: Уақыт - пысықтау сабағы

« С. Сейфуллин аттындағы гимназия» ММ

«Уақыт» / қазақ тілі мен музыка/ кіріктірілген сабақ

Орыс бөлімі 3 «А» сыныбы

Дуйсен Лаура Боранбаевна қазақ тілі мен әдебиеті пәнінің мұғалімі

Абодовская Юлия Анатольевна музыка мұғалімі

Сәтбаев 2011

Сабақтың тақырыбы: Уақыт. Нәтиже сабақ.

Сабақтың мақсаты:

1. Білімділік: Оқушылардың уақыт мезгілдері туралы білімдерін тексеру, өткен материалды қайталау, сұраққа дұрыс жауап беру дағдысын қалыптастыру.

2. Дамытушылық. Нақты мысал келтіру арқылы оқушының сөйлеу дағдысын дамыту, қисынды ойлау қабілетін қалыптастыру.

3. Тәрбиелік: Уақытты үнемдей білуге баулу, әдептілікке, ұқыптылыққа тәрбиелеу.

Сабақтың түрі: пысықтау сабағы.

Сабақтың әдісі: сұрақ- жауап, әңгімелеу, ойын.

Сабақтың көрнекілігі: слайд, интерактивтік тақта, суреттер, сағат.

Сабақтың барысы:

1. Ұйымдастыру кезеңі. Оқушыларды сабаққа дайындау. Сабақтың мақсатын айту - Сәлеметсіңдер ме, балалар?

Сабағыңды жөндеп

Әзірленсең-еңбек.

Қиындықтың бәрін,

Еңбек қана жеңбек!

2. Үй тапсырмасын тексеру. « Жеті ұл»өлеңін жаттап келу, әнімен айту

3. Пысықтау сабағы. Сұрақтарға жауап беру

Уақыт мезгілдерін қалай білуге болады? /Күнтізбе, сағат/

Суретпен жұмыс . Электрондық, механикалық сағат

Сағаттың неше тілі болады?

Ұзын тілі-минутты, қысқа тілі -сағатты, ал жіңішке тілі- секундты көрсетеді.

4. Сандарды сөйлет.

365

Бір жылда 365 күн, 12 ай бар. Бір айда 4 апта бар. Бір аптада 7 күн бар. Бір тәулікте 24 сағат бар.

Бір сағатта 60 минут бар. Бір минутта 60 секунд бар.

5. Сергіту кезеңі. Әнімен айту

Сағаттың тіліндей

Иіліп оңға бір,

Сағаттың тіліндей

Иіліп солға бір.

Сол аяқ, оң аяқ

Жаттығу оңай-ақ

Күн тәртібі. Бейнеслайд . / Владиславтың күн тәртібі. /

Сағат нешеде? Қашан? Сұраққа жауап беру. /тақтада орындау/

1. 9:00 Оянды, жаттығу жасады, жуынды

2. 9:30 Таңертеңгі тамағын ішті

3. 10:00 Би үйірмесіне барды.

4. 11:00-12:30 Сабақ оқыды

5. 13:45 Мектепке келді

6. 14:00 Сабақта отыр. / асханадан түскі тамақ

7. 18:30 Мектептен шықты.

8. 19:00 кешкі тамағын ішті.

9. 19:30 Әкесімен шахмат ойнады

10. 20:30 ертегі тыңдады.

11. 21:00 жуынды, ұйықтады

Сергіту кезеңі:

7«Кім жылдам?» шармен ойын

3. Топтан үш оқушы шығады.

1-топ апта күндері

2-топ ай аттары Қыс, көктем айлары.

3-топ ай аттары Жаз, күз айлары

8 Шығармашылық жұмыс

Сағаттың қандай түрлерін білесіңдер?

Оқушылардың салып әкелген суреттері . Жоба қорғау

9 «Бала мысық» көрініс /Музыка /

Үйдегі біздің бала мысық

Бірде тұрды көзін қысып,

Ас үйдегі тамақтан

Екіде жеді шұжықты,

Ыдыста тұрған қаймақты

Үште ішіп құнықты,

Төртте тұрып жуынды

Бесте аунап кілемде

Біраз ойнап жылынды.

Сағат алты болғанда

Балық жеді қутыңдап.

Сағат жеті болғанда

Тышқанмен ойнап, тығылмақ,

Сағат сегіз болғанда

Көзін қысты қуланып,

Сағат тоғыз болғанда

Ертегі тыңдап, қуанып.

Сағат онды соққанда

Ұйқыға кетті тек сонда

Өйткені ол тұрмақшы.

Уақыт бірді соққанда.

10. Қорытынды Балалар, Бала мысық уақытты қалай өткізді?

Уақыт мезгілдеріне байланысты бір-бірімізге қандай жақсы тілектер айтамыз? Қайырлы таң! Қайырлы күн! Ас дәмді болсын! Қайырлы кеш! Кеш жарық! Қайырлы түн!

11. Бағалау.

Үйге тапсырма: Жазба жұмысына дайындалып келу.

Ұқсас жұмыстар

3-сынып қазақ тілі сабағы: Етістікті пысықтау

7-сынып қазақ тілі мен әдебиеті ашық сабағы: Сұлу, әдемі музыка

2-сынып қазақ тілі: Сұраулы сөйлем туралы пысықтау сабағы

2-сынып (орыс сыныбы) қазақ тілі сабағы: Атам мен әжем - сабақ жоспары

7-сынып қазақ тілі пәнінің қорытынды ашық сабағы (орыс тілді мектеп, №37)

7-сынып қазақ тілі сабағы: Музыка - жүрек тілі мәтіні арқылы көсемше етістік формаларын меңгерту

5-сынып қазақ тілі (орыс сыныптары) сабағы: Компьютердің пайдасы мен зияны, интернетке тәуелділіктің алдын алу

Орыс мектептеріндегі бастауыш сыныпқа арналған қазақ тілі пәнінің қорыту сабағы Білім сайысы

5-сынып қазақ тілі сабақ жоспары: Уақыт және сан есім туралы түсінік