Мәтін бойынша сұрақтар қою

Мейірімділікті табиғаттан үйренейік
Сабақтың мақсаты: Табиғатқа қамқорлық жасау туралы туралы түсініктерін кеңейту.
Сабақтың міндеттері:
- туған жердің табиғатына деген сүйіспеншілікке тәрбиелеу.
- жағымды қарым- қатынас дағдыларын дамыту.
Сабақтың әдісі: әңгімелеу,сұрақ-жауап.
Сабақтың көрнекілігі: ермексаз,түрлі-түсті қағаз, қайшы, үнтаспа, интерактивті тақта.
Сабақтың барысы: І.Шаттық шеңбер
Балалар шеңбер құрады,бір-бірімен сәлемдесіп <<Табиғат>> өлеңін қосылып айтады.

Табиғатты қорғауға біз жарасқан,
Қорық жасап берер едік, қала сан,
О,адамзат туған үйің т абиғат
Талап етер бізден биік парасат.
ІІ.Мәтінмен жұмыс;
Сабақтың тақырыбын ашу мақсатында <<Төрт тілек>> мәтінін оқып беру. Мәтін бойынша сұрақтар қою.Балалар сұрақ бойынша жауап береді.
Сұрақтар:
1.Сен қай мезгілді ұнатасың?
2.Табиғатқа деген сүйіспеншілігіңді қалай білдіресің?
(Балалардың жауаптары тыңдалады)
ІІІ. Тыныштық сәті:
- Балалар,денелеріңді түзу ұстап,бастарыңды жоғары көтеріп,ыңғайланып отырыңдар.Көздеріңді жұмсаңдар да болады.Ауаны терең жұтып,еркін тыныс алыңдар. Ал енді көздеріңді ашсаңдар да болады.
ІҮ.Дәйексөз.
Оқушыларға <<мейірімділікті табиғаттан үйрен>> деген халық нақылын бүгінгі сабақтың дәйексөзі ретінде түсіндіреді.
Табиғат бар тіршілік иелеріне мейірімді,біз мейірімділікті табиғаттан үйренейік.
Ү. Шығармашылық жұмыс:
І топ ермексазбен жұмыс жасайды
ІІ топ құрастырма қағазбен жұмыс жасайды.
Екі топтың жасаған жұмыстарын әр топтан бір оқушы шығып талдайды.
ҮІ.Ойын-жаттығу. (Интеративтік тақтадағы тапсырмалар орындайды).
Қорытындылау: Біз қоршаған ортаның бәрі керемет жаратылыс,табиғат екенін танып білдік.Табиғаттың бар тіршілік иелеріне берері мол екенін түсіндік.Ал, ең бастысы - Табиғат - Ана бізге күш қуат пен денсаулық беретінін білдік.Табиғат бізді мейірімділікке,үйлесімділікке, үйрететініне көзіміз жетті.
Жүректен жүрекке:
Балалар табиғаттан не үйренгендерін кезектеп айтады.
Мен күннен мейірімділікті үйрендім.
Мен құстардан ән салуды үйрендім.
Мен көбелектен әдемілікті көріп,үйрендім.
Мен жерден төзімділікті үйрендім.
Мен судан тазалықты үйрендім.