Менің туған өлкем

6. 3. 1. 1 - Мәтіндегі негізгі және жанама ақпаратты анықтау, өмірдегі кейбір жағдаяттармен байланыстыру.

6. 4. 4. 1 - Мәліметтерді жинақтай отырып, тақырып бойынша постер, сызба-кестелер жасау.

Бaрлық oқушылaр oрындaй aлaды:

Сұрақтарға жауап беру арқылы мәтіндегі негізгі ақпараттарды анықтайды.

Oқушылaрдың көпшiлiгi oрындaй aлaды:

Мәтіндегі ақпараттарды анықтай отырып, өмірдегі жағдаяттармен байланыстырады.

Кeйбiр oқушылaр oрындaй aлaды:

Таңдалған тақырыптар негізінде жинақталған ақпараттар бойынша постер, сызба-кесте жасайды.

1. Мәтіндегі ақпараттарды анықтайды.
2. Анықталған ақпараттарды өмірдегі жағдаяттармен байланыстырады.
3. Жинақталған ақпараттар негізінде постер, сызба-кесте жасайды.

Оқушылар орындай алады:

Сұрақтар арқылы мәтіннен ақпаратты анықтайды, өмірмен байланыстырады. Мәліметтерді жинақтап, постер жасайды.

Пәнге қатысты сөздік қор мен терминдер:

Отау, құрбы, өлкем, ел, шаңырақ, қобыз, домбыра, жетіген.

Диалог құруға (шығарма жазуға арналған пайдалы тіркестер:)

Кіндігімді байлаған қазығым-ай, жат көзі, жас отау, туған өлке, атаның шаңырағы

Талқылауға арналған сұрақтар:

1. Туған өлке несімен қымбат?
2. Туған жердің табиғаты туралы не айтасың?
3. Туған жеріңді сағынасың ба, неліктен?
4. Туған жерден жырақтағы бауырларың туралы не айтасың?

Ұйымдастыру кезеңі:

«Достық тренингі » арқылы сыныпта ынтымақтастық атмосферасын қалыптастыру. Қатысушылар шеңбер болып тұрып өз есімдерін теңеу сөздермен (өзін қалай атаған ұнайды) таныстырады да, бір-бірінің қолдарынан ұстайды. Соңында «достық шеңбері» пайда болады.

Топқа бөлу. Дәстүрлі музыкалық аспаптардың суреттері арқылы топқа біріктіру.

I топ: Қобыз

II топ: Домбыра

ІІІ топ: Жетіген

Cабақтың тақырыбымен, оқу мақсаттарымен, бағалау критерийлерімен таныстыру.

Үй тапсырмасын «Ыстық орындық» әдісі арқылы сұраймын.

Бағалау: Ауызша кері байланыс беремін.

Топтық жұмыс. (5 минут)

«Айналмалы бекет» әдісі. Оқушыларға мәтін тыңдатылады. Мәтіндегі ақпараттарды анықтау үшін постерге жазылған сұрақтар беріледі. Үш топ постерді айналдыра отырып, сұрақтарға жауап береді. Бір-бірінің жауаптарын толықтырады.

Жеке жұмыс. (5 минут) Сұрақтар талқыланған соң оқушыларға кесте таратылады. Оқушылар талқыланған сұрақтар негізінде кестені толтырады. Болған соң қасындағы жұбымен алмастырып салыстырады.

Оқылым.

Тапсырма

Өлеңді оқыңыз.

С - Мәтін бойынша берілген сұрақтарға жауап беріңіз.

В - Мәтіннің негізгі және жанама ақпаратты анықтаңыз.

А - Мәтіндегі ақпараттарды өмірмен байланыстыра мысал келтіріңіз.

Апырмай,
Туған жер-ай!
Теңдесер кім,
Бұл жерге сен болмасан, келмес едім.
Кіндігімді байлаған қазығым-ай,
Сен болмасаң, бұл маңды көрмес едім.
Жат көзімен қарайды адамдарың,
Жақын тартар құрбы да таба алмадым.
Жас отаудың есігін ашып қалып,
Айлам құрып, қайыра жаба алмадым . . .
Кел демеді, немесе кет демеді,
Несін маған, білмеймін, өкпеледі?!
Сені сүйген жүректі, туған өлкем,
Сен өсірген біреулер жек көреді.
Туған елім,
Көрмесем сағынамын,
Кетсем ізім өзіңнен табылады.
Жасыра алмай, ініңнің отауынан,
Ыстық маған атаның шаңырағы.

Жетекші сұрақтар:

1. Өлеңнен ақынның қандай сезімін байқауға болады?
2. «Сен болмасаң, бұл маңды көрмес едім» деген қатарды қалай түсінесің?
3. Туған жерді жек көруге бола ма?
4. Туған жерден жырақтағы бауырларың туралы не айтасың?
5. «Атаның шаңырағы» дегенді қалай түсінесің?

Дескриптор

1. Мәтін мазмұны ақпараттарды анықтайды;
2. Өмірмен байланыстыра мысал келтіреді.

(Бағалау: «Шапалақ» әдісі. Әр топ бір-бірін үш рет шапалақ соғу арқылы берілген жауаптарды бағалайды. Оқушылар бір-біріне кері байланыс жасайды)

Сергіту сәті.

«Тапқыштар»

Ойын мақсаты: Әр түрлі тақырыптағы астарлы сұрақтарға жауап іздеу арқылы баланың логикалық ойлауын дамыту.

Тапқырларға арналған әзіл викторина:

Елекпен су тасуға болады ма? (болады, мұз күйінде)
Аңшы көлде жүзіп жүрген үйректерді бір оқпен атса, көлде неше үйрек қалады? (қалмайды, бәрі үркіп ұшып кетеді)

Есік пен терезенің арасында не тұр? («пен» тұр)
Орыс күнтізбесінде ең қысқа ай қай ай? (Май- үш әріптен тұрады)
Қай өзен ең қорқынышты ? («Тигр» өзені)
Страус өзін құспын деп айта алады ма? (Жоқ, ол сөйлей алмайды)
Нені дайындауға болады, бірақ жеуге болмайды? (сабақты)
Жасыл доп Сары теңізге құласа не болады? (су болады)

Қай қолмен шайды араластырған дұрыс? (шайды қасықпен араластырған дұрыс)
Қандай сұраққа «иә» деп жауап бере алмаймыз? (ұйықтап жатырсыз ба?)
Он жұмыртқа салынған себетті екі рет түсіріп алсаң нешеуі қалады? (бәрі жарылып қалады. )

«Ойлан, жұптас, бөліс» әдісі. Оқушылар жеке тапсырма бойынша ақпарат жинақтайды. Жұптарға бөлініп, өздерінің ақпараттарын біріктіреді. Жинақталған ақпараттар негізінде постер жасайды.

Тапсырма

Жұпта таңдаған тақырыптарыңыз негізінде ақпараттарды жинақтап, постер жасаңыз. Постер дайындауда берілген талаптарды ескеріңіз:

• постердің мазмұндылығы;

• постердің тақырыпты ашуы;

• көркем безендіру;

• креативтілік.

Ұсынылатын тақырыптар

(Бағалау: «Температураны өлшеу» іс-әрекет барысында оқушыларды бір сәтке тоқтатып, не жасап жатқандығы жайлы сұраймын, «Сөйлесу үлгілері» (постерге көмектесетін сөйлесу үлгілерін ұсынамын) әдісі арқылы бағалаймын. Оқушылар дескриптор арқылы бір-біріне кері байланыс береді)

Сабақты бекіту: «Бір сөйлеммен түйіндеу» әдісі. Оқушылар олардың тақырып бойынша білімдерін түйіндейтін бір сөйлем жазады. Сөйлемдер кім, не, қашан, неліктен, қалай, қай жерде және т. б. сөздерден тұруы мүмкін. Содан кейін сөйлемдерді сыныптастар бағалай алады, немесе көшіріп жазады, т. б.

(Бағалау: «Қолтаңба» әдісі арқылы бағалаймын)

Үйге тапсырма:

1-топ: Туған жерге байланысты сурет салу.

2-топ: Туған өлке тақырыбында шағын шығарма жазу.

3-топ: Туған жерге байланысты өлеңдер жаттау.

Рефлексия: «Сабақ мазмұны бойынша ойыңды білдір»